潮州合成甜品

營業中

休息中

嚟九龍城唱K，經過呢間咁出名嘅糖水舖，梗係要食返碗涼浸浸嘅糖水啦個餐牌超多選擇，睇到人眼花繚亂，搞到唔知點揀因為唔太鐘意食蓮子，所以主要向冇蓮子嘅糖水名落手最後鐘情雪耳百合綠豆邊，貪佢夠消暑同朋友兩個都加冰，佢個碗$35，我個碗$40碗嘢到咗，冰嘅份量都真係佔幾多，糖水呈奶白色，入面嘅材料都係雪耳，百合，綠豆邊可能期望太高，食落真係唔覺有咩特別只係照單執藥咁將3種材料撈埋，加碗甜嘅冰水，係就係好爽，但係$40呢個味道未免太普通不過都真係好佩服佢呢員工，個餐牌咁亂都背到出嚟

打完波又口痕，想食少少又唔知食咩好。難得叮叮話食個舊式糖水，一諗就諗起合成。仲記得細細個會同表姐一人叫一個，再叫糕點甜品。往事如煙，一甫入門口，所有回憶都番哂黎。因為裝修冇變過，就算有新式糖水，舊式既冇因爲時代變遷而汰弱留強。實在太感動！蓮子百合湯丸椰汁紫米露幾好，因為我鍾意食紫米露！不過可能夏天又食熱既，有啲濟！綠豆邊清心丸相信冇得輸，因為係潮式糖水既皇者。鍾意煙韌既朋友仔唔好錯過。雖然想跟你再逗留久一點，但始終時間不留人，要番歸嚕。

星期日游完水經過九龍城，好想食1 d 甜嘢，個肚又餓，個時5點幾，唔多人，又唔洗等位，所以即刻衝入去食啦。次次去到都會叫蓮子百合清心丸，今次都唔例外。 不過好多時清心丸都會無貨或者買晒，但好好彩個日有。 清心丸好爽，蓮子浸過好甜，天氣好熱，叫咗凍，但唔想有d 冰粒係面，老闆話可以加 d 馬蹄沙或者腐竹，我鍾意馬蹄沙多d 就加咗喇，不過加加下就貴咗要 $45。 黎到 d 料好多，食完好飽，水準依舊，狂我無特登行過去食，一定會再去食 😋😋

第一次去食好出名嘅合成糖水，未到十點，店內已經好多人咁啱我兩位唔駛等一入就有位，即刻坐低嗌野！一睇餐牌勁多野揀，要慢慢睇。所有甜品可揀熱定凍，姐姐好好人，會比下建議，介紹下。仲有另外有圖的餐牌 但冇寫價錢糖水黎到，兩碗都 好 大 碗 ！椰汁黑糯米配湯圓勁足料，勁飽肚！直情飽到好似食左碗飯咁！ 如果可以稀小小，有啲糖水飲下就perfect! 湯圓係芝麻餡，流沙的，正！綠豆邊清心丸清淡輕盈之選，清心丸好咬口，絕對唔係難食粉漿。呢碗糖水雖然清甜，但依然勁足料！對合成糖水嘅甜品非常滿意吧

食完飯想食糖水，好耐冇食過清心丸，好想食返個凍糖水爽下。等左一陣就被安排坐二樓嘅一張大枱，叫左碗凍嘅綠荳邊清心丸。其實價錢都唔平。成三十幾四十蚊碗，但因為好想食清心丸先黎。話時話，真係唔知點解喺香港食潮州野會咁貴......碗糖水黎到都知賴野，啲冰粒浮哂喺面。大佬，凍嘅糖水加冰粒？！點食呀？碗野食到後尾咪變哂水？有冇常識呀？碗野超級難食，又冇味，綠荳邊同清心丸少得可憐。未食過咁難食嘅糖水，家人都話點擺入口，仲收得咁貴。不了，請都唔黎。

黎到九龍城，唔食糖水真係對唔住自己，可笑係每次都食同一間，今晚決心試新店。雖然唔鍾意排隊，但明知有排隊先係正野，黎到合成門口見到咁多人就知係掂，排左大約15分鐘就有位，當然係搭枱。同朋友叫左兩款，share試下。芝麻湯丸整得唔錯，塊皮好軟，不過個人鍾意食花生味，真係冇乜地方食到。正品到，講到尾必食就係清心丸，so far食過最正，凍食感覺太完美，唔太甜，靠個糖水俾味道，配腐竹糖水一流。可能以後黎九龍城，都會叫返呢款腐竹糖水清心丸。

夜晚係葵芳睇完戲，想食糖水，就碌左去九龍城，泊車就當然係困難，遠少少泊左係九龍城街市附近，行返去合成糖水都係5分鐘左右，想食飽肚少少，就揀左合成，出名係蓮子，但我無叫，因為有啲咳，又熱，叫左個潤喉既，清潤雪耳百合湯，不過我叫左凍😂，凍係會加冰加奶，食落好似甜奶既味，好似鍊奶淡既味道，幾好食，清清地，唔會太甜，啲雪耳夠爽口，如果加蓮子要10蚊，我碗糖水已經有百合，如果想食蓮子我會揀返紅豆沙。朋友就叫左腐竹蛋糖水，無乜特別，就不多説了

明明就唔係九龍城食飯既，但屎都要食完飯走入去九龍城食糖水🤪🤪🤪非您莫屬啦合成😘😘😘😘😘其實每次黎到我都係食熱既糖水架，養生呀嘛🙊🙊🙊🙊今晚突然想試下啲凍既，唔知會係咩味呢？嗰綠荳邊蓮子清心丸無得輸，清甜！清心丸配埋啲冰一齊食，一軟一碼，嗰感覺好得意喔！綠荳邊蓮子清心丸冰花蓮子薏米百合

新式糖水店越開越多，想找傳統中式糖水都真係有點難。其實本來係想食碗芝麻糊，但入到黎完來係無既～望一望餐牌，最平個款都$27蚊，都幾貴下不過一場黎到都食啦，同男朋友一人叫左一樣。滋補紅蓮燉雪蛤我就補補先～食呢啲感覺上抵食啲，雪蛤係一樣要心機去處理既食材，燉盅滿滿的雪蛤，仲有去核紅棗同鬆化蓮子，都叫值回票價！第一次食到蓮子係令我覺得好食椰汁黑糯米（熱）黑糯米帶點煙韌，椰汁很香，一向都愛吃，不過$32真心覺得貴⋯⋯見到枱面報導標題「可以當飯食的糖水」，係咪講緊個價錢呀⋯⋯？糖水滋潤了我的肌膚，可否也滋潤我乾旱的銀包呢～

n年無黎食糖水啦,仲要係潮或糖水, 黎到梗係要等位啦,不過比預期中快好多呀!!!個餐牌有,n咁多樣糖水,越睇越發現奇怪,因為凍熱分開寫,但有啲真係有小小唔同既呢碗係咩名都唔記得左,又雪耳又綠豆,仲有馬蹄沙添,清清甜甜咁啦,呢款凍食會加奶,好彩落單個姐姐講聲我知,我立馬走奶!呢個都係雪耳既,清潤野,再多埋蓮子添,佢既蓮子真係粒粒都好食又粉身。呢個係腐竹雪耳,個配搭都幾得意呀呢個就特登影埋個名,因為佢有圖,木瓜椰汁馬蹄沙,我無食呀,因為有椰汁!總捨今次食,真係偷工減料左好多呀,係咪啲傳統野都會無以前咁好嫁啦?!?!?! 味道又無以前咁清,都ok但失色左

好多人嚟九龍城，目的都係食泰國野，不過我嚟親九龍城一定係為咗「潮州合成甜品」🤩！有時誇張到喺屋企食完晚飯，都會專成撘車去買糖水！喺呢度我最愛係 - 百合綠荳清心丸 ⭐️⭐️⭐️⭐️⭐️ 其實我平時喺出面係唔會食綠荳沙，因為大多數都係得個甜字，完全冇綠荳味，可以話只係喺度食緊”糖”水，而唔係食綠荳沙，但「合成」嘅綠荳沙真係”拎寫bu 筒” （=零舍不同🤣🤣🤣），仲有佢嘅清心丸係超讚嫁！👍🏽👍🏽👍🏽煙煙韌韌，口感十足，應真一流呀！講起都流晒口水🤤哈哈！

响九龍城食完個飯，當然必須係要食埋糖水咁先至完美㗎嘛二話不說，合成糖水即時响個腦到浮現出來，再加上遠處傳來老闆洪亮嘅聲音 "幾位食糖水有位啊! 樓上有位" 唔使排唔駛等唔使上樓上直入卡位兩位！爽丫入到去我就諗都唔使諗，叫咗我嘅最愛「馬蹄沙清心丸」但我朋友對住個餐牌，選擇困難症又發作了！所以我就落力推馬蹄沙，最後當然成功！糖水當然同我記得嘅一樣味道，真心，岀面食唔到甘正！馬蹄沙唔太甜馬蹄又多，清心丸有趙口所有都恰到好處！合成糖水，我會記住你，每次經過九龍城都會入去食糖水，因為我覺得其他鋪頭出邊都有啦！但合成糖水嘅風味就只有九龍城有啦！

Good to have a gathering dinner with old friends at kowloon city last friday. There are not much after activitiy nearby so we decided to have a dessert. In retrospect, the last time we been to this traditional chinese dessert restaurant was already 3-4 years ago. I could say it was our childhood, because it was our favourite spot after ball game in kowloon city! we always order the same item, just like the taste always the same! I will recommend the 'seasame wu', 'fu jok tong shui'!!!

合成開咗咁多年，幾乎無咩點變，仍然每晚排長龍。糖水來來去去都係abcd配搭，演變出幾十款選擇。最鐘意食傳統腐竹糖水，配清心丸味道清甜；蓮子雪耳夠滋補；不過芝麻湯丸太甜，朋友食到一半已停手。每人三十幾食碗糖水，講真味道不過爾爾，但人總是愛懷舊嘛，下次還是會再來的～

又係回憶之一嘅#合成 🙈我一住hall嘅9月頭就跟住啲同層友嚟食😋嗰時我根本唔知世界上有清心丸呢樣嘢，然後叫咗碗芝麻糊(如果冇記錯)😂😂而家就覺得嚟合成點都要叫清心丸❗️特別係#煙韌控 🙋🏽‍♀️.呢到糖水選擇非常多，配搭非常flexible。你講得出嘅配搭我相信佢地都整到俾你，因為反正佢地都係用車仔麵嘅運作形式，你要乜就筆乜。例如今次我望住menu幾十個選擇睇到眼都花，就直接同店員姐姐講「有冇係有#綠豆邊 又有#清心丸 又有蓮子，總之乜都有啲架😂」sorry呢個客人好麻煩🤭店員就即刻話「37號啦，然後加xxxxx」xxxxx其實我聽唔到😂不過都係話好😂.事關我都唔清楚自己叫咗咩，總之我呢碗有綠豆邊同清心丸，仲有半粒蓮子😂清心丸約有十粒，我覺得份量太少了，如果可以有再多啲清心丸就好啦🙈話說好多人以為清心丸係同芋圓嗰啲差唔多texture，但其實唔係架，清心丸雖然都係咬落#煙韌，但就實淨啲、硬淨啲的🙆🏻‍♀️其實落單時店員都有提醒我凍嘅要加奶加冰的，到我食嘅時候就覺得都係叫熱嘅好，因為凍嘅會不停食到碎冰粒😂所以建議大家都叫熱❗️.不過都係覺得40蚊一碗糖水有點貴🙈🙈