漢年茶餐廳

營業中

休息中

weekend訓到12 點先落街食早餐 差不多1點到 都已經好多人 等左5分鐘就有位第一次食同女朋友食當然叫個出名既鹽焗雞飯 白飯底 然後叫左個是椒班南炒河粉 一杯凍0茶少甜 鹽焗雞飯最出名 唔洗介紹啦 雞夠滑又入味 d汁好食 加上個白飯底溝埋d汁 是椒班南炒河非常多餸 大碟抵食 好有wok氣 凍0茶都好重茶味 非常一流環境就比較迫 因為比較細同多人價錢都唔平 同港島既茶餐廳差不多價錢 2個人食左110 左右 下次想試咸魚雞粒炒飯 見人地幾香 可以一試

因為趕時間去仁安又想搵茶餐廳快食！就誤打誤撞入左黎好近馬鐵。老公不嬲鍾意食雞一定叫雞飯（叫左最貴的雞脾飯）飯有雞油！！好食呀 係干左少少可能煲得干左少少。坐低冇耐，見到大部份客人都係食雞飯，都係熟客。原來佢哋啲雞真係幾好食，唔怪得知個個一入嚟都係點雞飯。同埋啲雞皮特別香，唔會好肥，啲肉都好嫩我就食雞湯米。個湯都飲得出係唔係普通湯，我覺得有雞味。而且啲雞肉唔係表面有鹹味，係裏面都係有鹹味最後講杯檸檬茶，因為我老公對於檸檬茶嘅要求好高。但係佢話呢間茶餐廳啲檸檬茶好有水準。檸檬新鮮，茶嘅濃度又夠！冰塊都冇臭味。不過要加11蚊飲就有啲貴啦！地點方便，一定會成日再返嚟食。價錢尚可，可能下次食一碗就夠，平少少

漢年出名係食雞飯，我以為其他都能夠保持水準，於是下午茶想食個菠蘿麵包，飲杯熱咖啡，都選擇去漢年😅可惜可惜...我完全估錯，菠蘿包唔係新鮮出爐，包點一點無口感，包面唔趣口😓⋯⋯哎，價格唔平民，早知咁樣，我去另一處食好過

好耐冇幫趁過，之前兩三次都係食鹽焗雞飯炒底。落單時店員提醒炒底+$12。炒底不熱，溫呑吞，明顯炒定的，這方面我認為係欺客。雞好食，味足、皮爽、肉有咬口。向收銀靚太反映炒底不熱，獲得禮貌回應，話當時可以叫再炒一碟，答：呢d唔使叫，你地咁出名。

【招牌鹽焗雞飯🐥】我成日都會係大圍食飯,今次竟然係我老豆帶我嚟食,呢間餐廳最出名嘅係鹽焗雞飯🐤超級正！通常我都會叫抄底🔥,因為太多人排隊💦終到我😂 我都係叫翻鹽焗雞飯同肉丁叉燒抄飯🥰鹽焗雞啲肉質都算滑，重點係佢地個沙薑醬，通常我都會撈埋啲飯一齊食,真係一個好食之選☝🏻招牌既鹽焗雞唔會太鹹但好入味，但記得沙薑啲油走緊啲，如果唔係都好肥膩🐽肉丁叉燒抄飯，肉丁味一般唔算太濃，不過都好惹味，鹹香小小辣口，加埋一杯奶茶一流。其實依間餐廳我食過好多次，佢啲抄飯有一定嘅水準，雖然今次冇食到椒鹽豬扒飯，不過佢都係好食推介👍🏻👍🏻 有機會大家都可以試吓🤤

<久違既鹽焗雞飯🐤>平時工作同住都好少經大圍 今日入開沙田嗰邊 經過大圍 特登出閘食左好耐冇食過既漢年 大家記得佢7pm就關門 , 要我突登出閘食 梗係有番甘上下la🤣 10 年前間中經過都會食過 佢既豬扒飯 鹽焗雞飯都好出色 希望甘耐冇食過既我唔會失望😈🍴金牌鹽焗雞飯 50 蚊🐤🍚大大碟雞飯 d飯有兩三碗白飯甘多 飯係有 d雞香味 唔係普通白飯 佢既質地有 d淋 應該似係落左雞油 所以濕度偏高😈 食落好香 欣賞佢有條好長既新鮮芥蘭🌿 唔會齋得肉同飯 主角既雞冇得輸 雞皮厚度適 中 連雞肉都彈牙嫩滑 🐤温度暖暖地 骨同肉中間有 d筋位好彈口 . 點埋佢沙薑汁 味道香濃 撈埋落飯同雞度食 冇得輸 😈甘多年冇食 都冇退步 正 !#鹽焗雞 #雞飯 #鹽焗雞飯 Score 平均分 <7.8/10>Taste 味道：👍🏻👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#漢年茶餐廳沙田大圍積福街100 號地

聞名已久的餐廳，不過一直未有機會來試，終於找到個星期日中午來試下佢既招牌雞飯。星期日中午十二時多，一來到見門外企左好多人，原來都是等外賣的顧客，只見店內都已坐滿了人，是香港地道舊式茶記的格局，都是搭枱安安靜靜地用餐的。店內人手好多，大家都好有魄力的感覺，做野快手得來又不失禮貌。姐姐好快為我地安排左2人座位，地方是窄D，不過好有細個同父母去食早餐既茶記風味。依家如果有小朋友既人，可能就未必喜歡呢類型既食肆了。食物選擇好多，眼見好多人都食盬焗雞飯，好大碟又靚仔，我地見有湯飯所以叫左一個食，另外再叫一個午餐。粟米斑塊午餐$48，包熱飲，超級大碟，女生的2人食一個應該好足夠。招牌雞湯飯，雞肉大大件，份量好足，味道都好好。坐正在廚房對出，見到廚師們手不停地預備，侍應姐姐不斷來回上菜，好似睇緊真人版OVERCOOKED咁，好有趣。見到新鮮的食物送出來，又大碟又好睇，內心有D感動。覺得小店的生命力真是好有朝氣，而且都有自己獨一既招牌菜，同時區內食客街坊咩年齡都有，覺得一家小店可以服務到社會上不同的人，這就是我喜歡地道小店的原因，希望漢年可以越做越好。

好歹是首篇食評 必推大圍必食漢年（有見有食評嫌貴/嫌一般）鹽焗雞飯！炒底係無敵 （但食完會好‘漏’）但價錢偏高 （香港物價 算係咁啦）過隔壁連鎖d既茶記 咪又係咁既價 我就打死都唔食🤷🏿‍♂️另外粟米雞粒飯都係會食上癮之選 比雞飯有過之而無不及！！！！！算係隱藏餐單之一🙆🏻‍♂️🙆🏻‍♂️🙆🏻‍♂️少有高質小店 點都要支持 註：每周必食 穩定好食之選

年紀漸大, 以前成碟雞飯炒底一次過吃下的氣量也沒有了, 由碟變成碗, 再由新鮮雞變成冰鮮雞, 不變的是蛋炒飯底正是鹽焗雞的好拍檔, 這可說是港式的親子丼吧! 炒飯乾身而且粒粒層次分明, 畢竟這𥚃依然有一大部份做港人以至是街坊生意, 他們可不是因為餐廳的名氣而賣賬呢! 當新鮮雞一步一步被冰鮮雞取代, 廚師的問題就是要如何除雪味, 以及令其肉質維持嫰滑, 而雞胸最能反映廚師如何處理問題, 雪味解決了, 但可惜是肉質就是回不了去, 唉!

上網睇到介紹話呢到既雞飯好出名，呢一日即刻約埋男朋友特登入大圍試！唔洗等位，好快就入去有得坐～街坊茶餐廳，價錢就唔算街坊價啦，加埋野飲都要成六十幾蚊！碗同碟都係大同細既分別，大家可以自己簡返岩自己既分量！【雞脾飯炒底】（碗）【雞飯炒底】（碟）上網見到介紹都係叫炒底哈哈所以我地叫咗炒底。講一講個雞，都真係幾唔錯，幾滑幾重雞味，雞唔會太肥，皮唔會痴住好多油，加埋個沙薑醬，so good！可惜既係，個炒底麻麻地，可能用即日煲既飯炒，想夾硬炒乾d飯，令到d飯粒好碎。總結，如果我住係大圍，我應該會成日去食，但唔洗特登入大圍食～同埋想去試既朋友，唔洗特登叫炒底啦～

係大圍踩單車前🚴‍♀️ 要食返個lunch先🤤經過路過看見門口有幾多人排隊wor🤷🏻‍♀️望落店門 原來係主打鹽焗雞飯🐔於是咪進去試下 係咪真係咁有魅力先💁🏻‍♂️距有兩個Size 分別係碗同碟碗比較少$46 碟比較多$49 👏🏻仲有指定雞髀飯要$62💁🏻‍♀️我叫左呢個碗飯 鹽焗雞飯 但啲雞肉係雞翅 😐冇乜肉lor 但都好食既 不過當中衛生就有目共睹la舊菜入面呢藏有泡沫一舊 🤦🏻‍♂️🤦🏻‍♂️我好彩眼利姐 如果食落肚就死🉐️啦😡總體來講 係好食既 但價錢好貴 雞肉唔夠多衛生情況不足 有小小離譜🤧🤧希望會改變下當我下次再去既時候😍

久不入（大）圍，人生路不熟，有人俾左兩個選擇我：屋子/茶記，咁之前試左屋子，咪試下茶記咯。點知一入去，嚇親多人到。。。唸住無位係門口等等，點個個阿姐大聲一叫：兩位入泥丫！心裡面講左句粗口，一張4人圓台，居然屈到6-7個人坐，好野呀！坦白講，雞飯既雞係唔錯既，朋友話個皮咸，咁大佬鹽焗雞呀嘛！起碼食得出係新鮮雞，多油，肉嫩有香味相反，朋友個蒜香豬扒就唔得啦，大碟但d豬扒喇到林，食得出果d梳打粉定鬆肉粉，又整到勁咸，條脷會痕果種，而且d肉喇到紅色都唔想再食。BTW，碗同碟目測都係咁多雞只係飯多同少，女仔叫碗都夠曬食架啦！結尾，如果再去大圍又有得揀，一定唔會再去；如果再去大圍而又好想食雞飯，會叫外賣，試下炒底，完。

同事帶我到大圍一間出名食鹽焗雞飯嘅餐廳食Lunch，餐廳空間較為狹窄，座位之間都有點迫，好彩同事一早嚟到攞定位先。🔹金牌鹽焗雞飯（碗） $46金牌鹽焗雞飯可以以「碗裝」或「碟裝」上菜，個人覺得「碗裝」份量適合女生，如果想炒底就可加$12。今次我揀了一碗金牌鹽焗雞飯無炒底，堅持白飯，可以試下最傳統嘅味道。雞肉佈滿碗面，而且仲係近雞脾位，好lucky呀😎！雞身好厚肉，雖然唔算嫩滑，但係可接受，不過因為鹽焗關係，略嫌有點鹹得濟。隨雞飯附上沙薑汁，汁做得幾好幾惹味，但可惜由於雞本身已經帶鹹，所以我選擇唔撈汁會比較好。白飯較為硬身，如果軟熟多少少會好啲。📍漢年茶餐廳大圍積福街100號．．環境分數：6.5/10食物分數：7/10Encore分數：6.5/10

喺網上聽人講呢間野啲鹽焗雞飯幾出名下，就特登入嚟大圍試食，原來間野都幾細，加埋應該容納得30人左右。咁我就叫咗一個鹽焗雞髀飯，$60唔包野飲質素都算唔錯，但係未講到超好食，份量都算多

行過見無咩人排隊就入去食下啦叫左個鹽焗雞飯 加錢轉左雞脾😋之前都食過幾次 今次隔左一排再食味道同之前食差唔多 質素無下降到即使唔點個醬都夠味鐘意重口味既人可以撈醬食 都幾夾佢有2個size (碗同碟)女仔黎講 碗已經好夠食 加野飲略嫌有啲貴 寧願慳番 出去買台式飲品