漢年茶餐廳

營業中

休息中

屋企人講先知呢度既椒鹽骨飯同雞湯米好好味偶然試過一試果然名不虛傳晚飯時間外賣都多人因為收1930唔可以太晏過去首先本人本身唔特別好椒鹽骨但見呢間咁出名就試下呀~椒鹽骨飯份量絕不欺場哈哈一個男人都應該夠飽的椒鹽骨不會好干頗入味的用D蒜容撈飯食一流真係飯都食多左呀~雞湯米(可以轉湯飯/白飯)D雞好重鹽焗味真係超級入味我食果次雞肉都唔會話好鞋口份量又係算多湯佢會自動另上咁就唔會浸淋晒D米粉上湯唔會好淡或好咸算剛好果種以茶餐廳黎講真係水準以上值得一試呀

Recommend by a friend and travel all the way there from city center.Chicken asa advertise so yummy, so tasty and juicy. 80 % of customer in the shop asks for their specialized dish. I tired also the pork chop with black bean source. Amazing !!!! Setting, lighting , tidiness are average cha chan ting. A little pushy on getting seats returned but that’s fine Recommend to visit

弄鹽焗雞其實不難，但市場上少人賣，主因是要花心機。自己獨門家傳秘方是這樣做的：清潔新鮮雞隻，熱水收皮，再放熱水煲內關蓋浸廿多分鐘，視乎雞隻大細，千萬不要開火，拿出後浸冰水降溫，切件即成。浸雞湯水可以隨自己心意加些花椒八角粗鹽入味。吃時雞件嫩滑，雞皮雞肉夾層間之雞油凝涸成淺黃啫喱，骨骼帶微微鮮紅血絲，再伴以鹽焗雞醬，美味極了。鹽焗雞醬，糧油店五蚊以內一包，回家倒在汁醬碟上淋滾油攪拌即可食用。漢年茶餐廳名菜鹽焗雞飯，相同做法大同小異。門面經年不吸引，是香港九十年代茶餐廳格局，與時代脫節，感覺是傳統餐牌，早餐賣沙爹牛肉麵、午餐賣扒飯、下午茶做西多的氣氛。但不知那來竟走來一道招牌菜「鹽焗雞」呢。內裡佈置適合電影取景，每磚每瓦冷氣出風糟，檯椅燈光都是黑社會打鬧場面背景。侍應見我拍了這張照片，立時很機警，即過來下單及即收回餐牌，擔心商業秘密外洩般。鹽焗雞醬是靈魂！！如我做法一樣，但廚師可以更進一步花點心思，令客人感到這裡與別不同。我們做餐飲最怕招牌菜式被人抄襲，如何將這平平無奇的鹽焗雞醬做得更好：我建議每次出餐時才淋油，熱騰騰地上菜，客人會吃得出的。鹽焗雞過熟！可惜可惜！！雞肉粗糙，雞件也斬得一蹋

本身茶餐廳就冇乜嘢好需要介紹嘅, 但係呢一間咁舊式嘅茶餐廳, 佢本身就出名食雞飯, 但就唔係我杯茶, 我每次嚟親都係食椒鹽豬扒飯炒底, 今次亦都唔例外, 今次係特登冇食早餐嘅情況底下嚟食嘅, 原因係佢嘅份量真係好大, 我次次都食唔曬今次好想挑戰成功, 所以我就連早餐都冇食直接就嚟食咗呢啲飯, 嚴格嚟講我都叫挑戰成功嘅, 食淨一兩啖飯啫。佢嘅椒鹽豬扒份量真係可以share兩個人食 , 如果兩個女仔嚟食我建議兩個人嗌一碟飯, 在叫一碟菜。而呢個椒鹽豬扒飯炒底佢嘅椒鹽就唔係乾到不得了嘅係有少少汁嘅感覺, 總之就係好好食啦

大圍出名最多茶餐廳，而大部份茶餐廳我都已經有試過。由於我由細到大都好鍾意食雞，講到最出名食雞的茶餐廳一定係呢一間 - 漢年茶餐廳鹽焗雞飯一定係呢一間餐廳最出名，可以選擇一碗或一碟，但女仔黎講通常要一碗鹽焗雞飯。雖然係一碗，但份量一啲都唔小，一碗鹽焗雞飯價錢係$47，一碟$50。今日星期六比較多人排隊，於是我叫了一個外賣搭的士番屋企食，叫鹽焗雞飯仲會有沙彊。搭的士番到屋企，雖然已經15分鐘，但個飯仲好熱。雞好嫩滑，每一啖飯再加上沙彊簡直完美！

試咗最出名嘅「鹽焗雞飯」同「椒鹽豬扒飯」。鹽焗雞︰有啲未如所料，唔太有鮮味之餘亦唔太夠鹽焗味，但都比一般茶餐廳好，可能只係本身太高期望。椒鹽豬扒︰朋友都讚好食，豬扒大份厚身，啖啖肉，花椒好香口，勁夾！兩碟飯都加咗炒飯底，飯多都食唔晒，細食嘅朋友，兩個人嗌一碟都夠。（ps急住食唔記得影椒鹽豬扒）

鹽焗雞髀飯$60，雞肉夠嫩滑，啖啖肉唔馬虎，咸味剛剛好，點晒成碟砂薑汁，一碗份量對我黎講啱啱好。朋友中意食雞胸，姐姐落單嗰陣幫佢註明要雞胸。問左好多次，呢度無賣例湯架。成餐飯我地都好滿意。另溫馨提示，晚市偏早打烊，需注意到店時間。

今日老闆話想食漢年茶餐廳，佢話好耐冇食喎，咁冇計啦，老闆大曬，老闆話事，一定要聽老闆話，咁一到Lunch，即刻look落去，費事冇位，冇得食，好彩我地早一步到，跟著之後勁多人排隊呀，我地入到去當然一定要食最出名椒鹽豬扒飯，嘩佢D豬扒勁脆勁香口，好鬼惹味，我最鍾意香口野。跟著叫左個鹽焗雞髀飯炒底，D雞非常之嫩滑，又大隻，配埋個炒飯底，簡直一流，好好味呀。最後我地每人叫左2杯奶茶，好好飲，好有茶味，好滑。

日期：10月6日人數：2人行完獅子山，當然要醫下肚啦。喺大圍紅梅谷/ 世界花園行返落嚟，就去返火車站附近嘅漢年食午飯。來到漢年，除非你係日日來，否則基本上都係叫兩個比較出名嘅飯，分別係鹽焗雞飯同埋椒鹽豬扒飯。我朋友叫咗鹽焗雞飯，咁我就叫椒鹽豬扒飯。另外，之前試過炒飯底，覺得係物有所值，所以就加咗$12轉炒飯底。先講鹽焗雞飯。可能係因為餐廳俾晒啲雞背脊同雞翼，所以今次就感覺麻麻地啦。肉質都算滑，起碼唔係啲急凍雪雞。配上沙薑醬，其實味道係唔錯嘅。至於椒鹽豬扒飯，質素就好好多了。份量非常大，有成5-6舊豬扒。豬扒都算新鮮炸出再整椒鹽，好香、好惹味得來又夠咸，又唔會好熱氣咁，食到個咀同牙齒都好熱。加上大大碟嘅雞蛋炒飯，非常飽肚，對於平時食飯食少飯嘅我，今日簡直係超晒標。枱裏面其他食客就選擇叫午餐，觀察所見份量都非常足夠，就算係男士都未必食得晒。其實餐廳都有供應各種炒粉麵飯，所以選擇都幾豐富。環境方面，舊式茶餐廳咁唔算好好，但起碼乾淨衛生。服務水準就一般般。價錢都算其實唔平，椒鹽豬扒飯加炒飯底加一杯凍檸茶要$72。

今次又係見到openrice入面好多人推薦係大圍既呢間漢年茶餐廳，就決定去試一試啦。入到去，都唔小人食緊tea，格局就同普通舊式茶餐廳無咩分別啦，圓枱一圍圍咁。黎得呢到緊係食返碟大家都好推薦既豬扒飯（$48）啦！賣相其實都一般架，但食落又有驚喜！炸蒜配豬扒整得好好食，兩者都好香脆又惹味咁。豬扒又唔會話太肥太油，配咁大碟飯食岩岩好！西多士（$35）就一般啦！叫碟頭飯抵啲！檸茶係跟西多士既下午茶餐既。佢用紅茶底又幾香wor今次少甜個味岩岩好！總搭黎講，呢間舊式茶餐廳不過不失啦！

漢年茶餐廳 #大圍金牌鹽焗雞飯 每碟 $50 (每碗$47)呢間茶餐廳對大圍人來講應該都唔陌生，幾次行過都好多人，而且喺OpenRice嘅評價都好高，今次終於有機會試，不過就有啲失望。見到佢有得揀碗或者碟，諗住揀碟會有多啲雞，點知原來只係多啲飯，而且啲雞亦都唔係好多肉，所謂嘅鹽焗亦都只係比普通嘅雞鹹少少，連我阿媽係屋企用啲鹽焗雞粉煮都好似惹味過佢。不過啲雞肉都幾嫩嘅，而且個味道亦都絕對唔難食，只係一啲都唔特別。另外，佢好似可以加$12轉炒底，可能炒底會好味啲嘅，有機會再試。味道:3.5/5性價比: 3.3/5西多士 ~$30相反我覺得個西多士仲好味過佢嘅招牌飯，個麵包有一半索咗啲蛋漿，蛋香味濃，而且入面揸咗花生醬，唔錯。味道:3.7/5性價比: 3.5/5

食到貼地嘅平民茶記真係買少見少，而家多數都係一啲新開嘅仿懷舊冰室茶餐廳🍴，要食返要有歷史嘅味道絕對要識得捐窿捐罅😌.呢間開業至今仍然人山人海一定有絕世武功，無錯就係佢哋招牌菜「鹽焗🐔雞飯🍚」— 好運地俾咗🐔雞髀，好入味，連骨都入哂味，仲好可以配上🍚炒飯底，真係顆粒分明，更加好食😌。對於著重一兩款嘅食物嘅小店絕對是要給予崇高致意👍🏻.希望能繼續好好的經營下去，保留僅存的一點點香港特色😌

一直都聽聞過大圍有間食鹽焗雞好出名嘅，今次一場黎到大圍，梗係要試下啦！週末午飯時間去，都要排一陣隊，但啲人食完都好快走，所以唔洗等好耐。佢依到嘅鹽焗雞飯有得揀一碗或者一碟，見佢碗已經好大，所以就叫左碗，男仔應該要嗌碟！另外仲有得加錢轉炒飯底。不過我就麻麻地炒飯無叫，但都見好多人轉個雞係真係好正！雞夠嫩滑，而且好入味，點埋個沙薑汁真係好好食連個飯都吸左好多雞油，雖然好邪惡但係又係好好食，不自覺都食多左飯。不過依到嘅份量都真係幾大，依碗飯係壓實哂，最後都係食唔哂！雖然環境就比較逼坐得唔太舒服，但真係值得一試！

weekend訓到12 點先落街食早餐 差不多1點到 都已經好多人 等左5分鐘就有位第一次食同女朋友食當然叫個出名既鹽焗雞飯 白飯底 然後叫左個是椒班南炒河粉 一杯凍0茶少甜 鹽焗雞飯最出名 唔洗介紹啦 雞夠滑又入味 d汁好食 加上個白飯底溝埋d汁 是椒班南炒河非常多餸 大碟抵食 好有wok氣 凍0茶都好重茶味 非常一流環境就比較迫 因為比較細同多人價錢都唔平 同港島既茶餐廳差不多價錢 2個人食左110 左右 下次想試咸魚雞粒炒飯 見人地幾香 可以一試

因為趕時間去仁安又想搵茶餐廳快食！就誤打誤撞入左黎好近馬鐵。老公不嬲鍾意食雞一定叫雞飯（叫左最貴的雞脾飯）飯有雞油！！好食呀 係干左少少可能煲得干左少少。坐低冇耐，見到大部份客人都係食雞飯，都係熟客。原來佢哋啲雞真係幾好食，唔怪得知個個一入嚟都係點雞飯。同埋啲雞皮特別香，唔會好肥，啲肉都好嫩我就食雞湯米。個湯都飲得出係唔係普通湯，我覺得有雞味。而且啲雞肉唔係表面有鹹味，係裏面都係有鹹味最後講杯檸檬茶，因為我老公對於檸檬茶嘅要求好高。但係佢話呢間茶餐廳啲檸檬茶好有水準。檸檬新鮮，茶嘅濃度又夠！冰塊都冇臭味。不過要加11蚊飲就有啲貴啦！地點方便，一定會成日再返嚟食。價錢尚可，可能下次食一碗就夠，平少少