漢年茶餐廳

營業中

休息中

此店的鹽焗雞飯一直受網絡世界吹奏，近日見到同類youtube食評，因此特登慕名而來一試。正值星期六中午時段，門口大約排8-10人，店內快入快出，填鴨式的入座安排，造就了約5分鐘成功入座。入內眼見全場滿座，不論食物定食客都貨如輪轉，一張枱定必搭完再搭，可想而知一定係坐得又逼又唔舒服。環境方面夠晒懷舊，彷彿返到20年前食店水平。$67 鹽焗雞飯炒底(碟上) - 鹽焗雞味夠鹹，雞味欠奉，雞肉份量、質地正常。炒飯名不符實，睇相就知係一舊飯糰，基本搵唔到炒飯特質。碗同碟之間嘅分別只係份量差異，因為飯質關係，最終係冇食晒。網絡食評足以令食店自動升格，但有感過份吹奏，不會再來。

今日係大圍公幹同事就帶我來左呢間隱藏嘅小店食飯🍴鋪頭細細但人氣爆燈！晏晝飯點嚟到，門口已經排咗條龍，不過好彩翻枱速度夠快等咗15分鐘左右就有位⏰【金牌鹽焗雞飯🐔】飯可以揀 炒底或白飯底🍚 仲可以自選雞肉部位，鍾意啖啖肉嘅揀雞髀🍗驚肥就揀雞胸炒底 即係雞油蛋炒飯，用雞蛋同雞油爆香，飯粒炒得乾身香口夠鑊氣🔥雞肉鹽焗味濃郁得嚟唔會過鹹，雞皮焗到金黃微脆，咬落去肉質滑嫩得嚟帶少少彈牙，嗰層豐腴雞油滴落炒飯底度即刻昇華👏蘸埋佢哋嘅沙薑汁夠哂惹味😍超滿足👍

一直都聽講過大圍有一間鹽焗雞飯，好好味，但都冇乜機會，今日過去大圍探朋友終於有機會一試呢間鹽焗雞飯。我係叫外賣嘅去朋友屋企食，入到去叫外賣基本上每一台都係食鹽焗雞飯，原來白飯可以轉炒低，所以緊係轉啦。外賣返去盒飯都仲係暖暖哋嘅，雞嘅份量還可以，我鍾意重口味，所以加咗沙薑汁，味道更濃更重味。講返隻雞嘅味道，我覺得確實唔錯，鹽焗雞嘅味道好出色，無論雞皮或者雞肉都食得出，啲肉唔算好冧。炒飯底就偏腍，唔算粒粒分明，但味道都唔錯，飯嘅份量好大盒，對女士嚟講就好飽。總括嚟講，如果大家喺附近嘅話，呢間嘅鹽焗雞飯都值得一試

今日經過大圍，正好可以試一試鹽焗雞飯。好近火車站，行過一個街口就到，等位方面，雖然人多，但等得唔算耐，好快就有位坐。鹽焗雞飯可以揀髀飯，翼飯或者普通雞飯，我就揀左普通雞飯。另外，我見到好多人都叫「炒底」，睇落幾特別。不過我就想試下白飯底，因為我鍾意雞汁雞油滲落飯嘅味道。雞肉會食到鹽焗嘅香味，雞油味亦滲左啲落飯到，味道唔錯配埋沙薑啱啱好，肉質有咬口唔會太淋，不過咁啱我呢碟骨頭就多咗啲，整碟嘅份量都唔少，對得住價錢。如果你係唔鍾意麻煩嘅話，建議直接叫雞髀飯，啖啖肉食得過癮！總括嚟講，呢度嘅鹽焗雞飯性價比幾高，味道夠傳統，食完仲有種懷舊嘅滿足感！

上網睇人介紹特登入黎大圍試食，滿心期待，中午12時半不用等位，叫了一個雞胸飯炒底一個雞髀飯炒底，雞小小鹽冇乜特別普通客家咸雞，最特別係個炒飯，比壽司飯更粘，極度懷疑店家係撈飯唔係炒飯，完全唔熱一舊舊好似撈過頭的壽司飯，落單時叫了杯凍奶茶到食完都未黎，最後更話冇落單，明明落單加左錢😂85蚊有更加多好選擇😂

漢年茶餐廳 @ 大圍原先諗住去金城試下個煎肉餅/椒鹽豬爬飯再去睇場movie。點知到步時見到餐廳落落左1/10閘。緣hen一面見到隔離漢年都好似有d歷史加上都幾多人幫襯…即刻上網昅下咩料。原來出名鹽焗雞飯炒底。雖然有得揀我一定要無骨…但呢個時候有骨都要頂住先…呢度員工都非常親切…睇到好都係熟客黎…點左名物鹽焗雞飯炒底加杯凍檸茶少田個鹽焗雞跟友碟沙薑…呢個配搭真係無敵。不過望下碟炒飯…目測好濕…試下仲濕。濕既情度同檸檬整既雞蛋仔有得fight下。差d夾起粒飯會der不過炒飯味道係ok…主腳鹽焗雞都幾嫩滑…點埋個沙薑好味…可惜好多都背位無乜肉如果炒底乾身d加d雞上多肉d就好好多#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #大圍 #漢年茶餐廳 #鹽焗雞飯 #炒底 #茶餐廳 #港式

🥢鹽焗雞髀飯。這道菜的主角是鮮嫩的雞髀，經過鹽焗的烹調方式，讓雞肉吸收了鹽的精華，外皮金黃酥脆，而肉質則保持了濕潤和彈性。當你用刀切開雞髀時，肉汁立刻流出，散發著誘人的香氣，讓人忍不住想要立刻品嚐。炒飯底🥢而這道鹽焗雞髀飯最特別之處在於它的炒飯底。炒飯通常是由隔夜米飯製作而成，經過大火快炒後，米粒分明，不油膩，並且吸收了雞肉的鮮香。未到嚟講非常好食而且我哋都覺得CP值非常高，唯一嘅缺點就係唔係幾好坐，不過整體我哋都覺得合格

金牌鹽焗雞飯炒底 (碟) $66金牌鹽焗雞飯是漢年的名物, 可碗上, 亦可碟上; 可走胸走背走翼, 亦可指定部位; 可跟白飯, 炒底, 湯飯或粉麵, 配搭甚具彈性。 點了他們的金牌鹽焗雞飯炒底, 碗上和碟上的價格只差$3, 故點了碟上。碟上的份量不少, 但一人絕對可應付。炒底的飯充滿蛋香, 略嫌不夠乾身。鹽焗雞香味撲鼻, 約有10件, 啖啖肉, 肉質滑, 微鹹, 雖有點油, 但香口。隨飯附上沙薑醬, 甚油膩, 只宜把醬塗在雞件上, 避開多餘油份, 不宜直接把雞件沾上醬油。

星期六嘅下午茶時間都仲要排長龍，好彩排咗一陣就可以入啦🤩我哋要咗鹽焗雞髀飯，佢有分碗上或者碟上，雖然只係爭幾蚊，但唔想嘥嘢所以都係要碗上，雞嘅份量超多，配埋一碟沙薑醬，雞髀好滑好好味，啖啖肉，雞皮亦唔會太肥。見到其他客人叫炒飯底，有機會嘅話再嚟試下先😅星洲炒米足料，唔算太油，好快就食曬一碟😋評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺漢年茶餐廳大圍積福街100號地舖📍大圍港鐵站A出口2分鐘路程#healingbobo #foodie #hkfoodie #foodiehk #香港 #美食 #鹽焗雞 #鹽焗雞飯 #茶餐廳 #高質 #香港美食 #大圍 #大圍美食 #漢年茶餐廳

來到大圍吃早餐, 自不然會想起漢年, 雖然四周選擇不少, 亦有老是常出現的快餐店和茶餐廳, 但是偏好漢年的簡單平實。一入漢年, 顧客與店員早晨前早晨後的互動, 是這個年代少有的人情味。漢年門面雖然有年代感, 但內裡環境乾淨企理, 冷氣充足, 座位全是中式圓枱, 即使要搭枱也沒有壓迫感。看了看餐牌, 最後選了常餐, 雖然常餐已很豐富, 如可加少少錢追加煎蛋和多士, 這個早餐便更完美了。常餐1) 豬扒五香肉丁麵 $392) 凍阿華田 $3豬扒五香肉丁麵有豬扒2件, 兩件均肉厚, 表面煎得香口, 肉質不柴。五香肉丁肉質較柴, 但微辣惹味。菜心有1條, 新鮮爽口。光身麵麵質不錯, 泡久了也不會變腍。凍阿華田甜度適中, 冰量剛好, 接近喝完, 一粒冰也沒剩下來, 味道也沒變淡。

踩單車之前梗係要食飽個肚啦 喺租單車嗰條街就有一間出名鹽焗雞飯嘅漢年茶餐廳叫咗個🩵鹽焗雞炒飯底會跟一個沙薑汁🥴個雞都算滑唔算好肥都好嫩，會有少少雞油滲落個飯度點埋個沙薑汁撈飯一流啊🙂‍↕️不過個炒飯就略嫌有少少濕濕地🙊叫咗一碟都夠兩個人share～如果大圍嘅話有更加好嘅選擇既特登嚟食就會有啲浪費quota 🥲另外跟餐叫咗個檸檬茶走甜，茶底嘅質素都唔錯😗不過呢度人情味好好🙂‍↕️侍應好有禮貌同埋好多熟客仔

今天的午餐我選擇了大圍積福街上的漢年茶餐廳，這裡以金牌鹽焗雞飯聞名。今天我應邀到沙田區的學校分享，順便把握機會享用美食！我點了鹽焗雞蛋炒飯，份量大而且味道極佳！雞皮金黃酥脆，雞肉鮮嫩多汁，搭配炒得香噴噴的蛋炒飯，讓人一試成主顧！飯旁還有一大條清爽的碧綠菜心，為整體增添了色彩和口感。重點是那個沙薑醬，真的是畫龍點睛，無論是配雞還是配飯，都非常合適，讓味道更加出色。金牌鹽焗雞飯的價格是$54，炒底加$12，而紅豆冰的優惠價是$15。最後埋單總共$81，性價比非常高。整體來說，這頓午餐不僅美味，還讓我感受到漢年茶餐廳的魅力，下次一定會再來！

每位潮友對「碟頭飯的浪漫」嘅定義都唔同，未必係豆腐火腩，但就一定要係去茶記食先有 feel囉。呢間隱世茶餐廳，感覺就好似係元氣加油站咁，PND去食嘅當日見到有好多司機大哥都喺到開餐，以為都係賣普通野啦，食落先知係有啲啲驚喜嘅！見到每枱都有一碟，PND唔執輸即刻叫返個金牌鹽焗雞飯仲加左＄10轉炒底。飯粒9成沾有蛋漿，炒到粒粒分明，好乾身。雖然無醬汁撈飯，但係一啖食落去已經包含左少少雞油同鹽焗味，唔會乾爭爭口淡淡！再食埋件主角鹽焗雞先！雞皮爽口唔肥膩，鹽味已經完全滲進肉同骨中間，咸味濃度啱啱好！肉質嫩滑多汁，「雞有雞味」嘅要求呢到絕對做到。想要提升口感層次就一定要點埋佢地個秘製沙薑醬，完美！

今日慕名專程入大圍漢年食鹽焗雞飯（炒底）配熱可立克（$75）、椒鹽豬扒飯（炒底）配罐裝可樂（$77）。星期六提早大約5:30pm 入到去（因為知道佢收7:30pm )。 咁早當然不用等位，但有好多人叫外賣，有一位穿黑色唐裝衫男士一個人買咗2 0盒鹽焗雞飯外賣，証明年食鹽焗雞飯乃該店名物無疑。坦白講，鹽焗雞同埋椒鹽豬扒味道是不俗，價錢尚算合理，性價比屬屬可接受範圍。 但食食吓見到其他人都多數係叫鹽焗雞飯同埋椒鹽豬扒飯，發覺不知道點解我哋兩碟飯和餸的份量比其他人少咗差唔多一半！ 可能見我哋生面口，不是街坊就偷鷄減料，伙記係衰，但背後一定係老板吩咐咁做，呢間嘢咁做生意真係影衰香港的飲食業。真心奉勸大家，如果想幫襯呢間「小店」前真係要三思，又或者有街坊陪住先好冒險入去！

呢間茶記都算有啲年代，難得入面保持到乾淨整潔。唔好睇佢門面唔起眼，入面真係座無虛席，係實力嘅表現😂佢最出名係鹽焗雞，普通碟頭飯聞到都幾香，整體食物質素👍🏻👍🏻👍🏻鹽焗雞髀飯（碗）HKD64女仔食碗分量都足夠。以為無炒底啲飯無味道，估佢唔到啲飯吸哂啲雞油香味，啲雞例牌好味又滑又夠味，雞皮都好薄，食得！鹽焗雞胸飯炒底（碟）HKD68碟比碗分量大，炒底飯原來係美極炒蛋飯🤤雞胸係無雞髀咁滑，不過實係有營之選。📭叫咗杯檬茶茶底唔澀夠香，下次奶茶可試📭留意店鋪營業時間0700-1900💁🏻‍♀️