漢年茶餐廳

營業中

休息中

【沙田區】【漢年茶餐廳】呢排嘅生活有幾分混沌，又有啲不安。好彩有個好地方畀我個腦放空吓，唔係我驚我真係會變痴線。然而，唔緊要啦，本身都已經痴得好匀循，就算再痴多少少對大家睇到嘅觀感上可能都冇乜分別，但係自己就好覺。喺好肚餓嘅狀態下經過大圍，咁就梗係想食吓嘢，火車站附近嘅餐廳好多都食過，而有啲去到門口都唔想食。喺呢個一籌莫展之際，我記得我係未食過呢間漢年茶餐廳而又想試吓，真係好耐之前已經聽過佢哋嘅鹽焗雞出名嘛。個耐嘅程度係講緊我喺大圍讀中學嗰陣，因為有個同學同呢間嘢有關，之後就冇點留意。又有消息話賣咗盤，不過都係一味得個講字，冇真係去到。再加上經過親都見到好多人坐爆晒，好難有機會食，今次見到有位，就食佢。見到餐牌有其他茶記食物，不過都吸引唔到我，淨係想試佢哋個「著名金牌鹽焗雞」，一場嚟到就整返碟「雞髀飯」轉「炒底」，成碟嘢邪惡度爆晒錶。啲雞髀肉勁嫩滑，鹽焗味道對我嚟講啱啱好，可能其他人會覺得淡口。不過唔夠味咪點醬囉，另外，雞味都好出，唔怕。個炒飯底都唔差，勁易入口，好快啪晒。個飯配杯「凍檸茶」走甜夾埋要 $91，係唔平，不過我覺得如果去開附近又想嘆個飯，呢個係幾好嘅選擇。所以，好多時都要

經過大圍附近， 識途好友叫我去吃大圍站附近的"漢年茶餐廳" …大圍站附近勁熱鬧，到中午吃飯時間附近簡直係市集一樣漢年係街坊路線嘅茶餐廳, 充滿懷舊的老味道，碟頭飯勁大一碟， 細食嘅女孩子夠二人份。鹽焗雞飯是招牌菜😋，雞肉貨真價實 雞背十分嫩滑 雞胸夠曬咬口，伴自製沙薑醬夠哂惹味， 下次要試下炒飯底一定出色。 提提大家睇清楚餐牌原來有分碗和碟價錢大概差幾蚊，鍾意多飯嘅梗係嗌碟頭啦😂 最重要嘅係原來好pro架 😝走雞翼雞胸雞背係要加2蚊㗎😚 要雞髀加14蚊

今日過開嚟大圍，同事帶咗去食一間睇落去完全唔起眼嘅餐廳，我心諗大圍咁多新式茶餐廳唔去，做乜要去呢間有咁耐歷史嘅舖頭🙈一坐低咗佢就解釋佢以前住喺大圍，呢間嘢好出名㗎‼️的而且確12點左右已經滿晒人，同埋亦都要搭枱‼️帶咗最出名嘅鹽焗雞飯同埋椒鹽豬扒飯，仲要加咗$12炒底🤭講咗個飯先，我覺得一定要叫炒底，佢個底係蛋炒飯，炒到粒粒分明亦都唔會覺得佢好油膩👍🏻 完全可以令個主菜加分😛 鹽焗雞好食，但係唔夠淋，有少少Un，但椒鹽豬扒真係做得好出色😆 佢嗰啲蒜香🧄好正😍千祈唔好俾佢嗰門面呃咗，可以屹立喺大圍咁多年就知佢咩料😛 雖然真係好大碟而我哋都食唔哂😂 但大家唔好係食飯時間share吖，因為外面嘅人會令你有壓力😂 叫外賣先share la😂

今晚無住家飯食，近近地叫左個鹽焗雞飯炒底外賣食，好快就有得拎飯走，返到屋企，一打開盒炒飯！哇！d雞好似人地食剩嘅雞甘！勁瘦！無麥肉，仲有雞翼部位！更加無肉食！個炒底飯勁濕！加成$15炒到甘？係咪外賣就要甘俾人食？好差嘅食品！吾會再幫襯！已經吾算便，仲要俾甘差嘅雞人食！以前食過一次，覺得都算係幾好味嘅鹽焗雞，所以今日再次幫襯，點知會爭得甘遠？係咪多左人食，水準就差到甘啦？真係食雞骨甘😂😂定係覺得外賣走人吾會有人投訴？所以求其俾人食？

大圍嘅美食選擇非常五花八門，有特色咖啡店、高級西餐、米芝蓮中菜館……等等！不過今次波波想推介畀大家嘅，係響大圍已經屹立超過30年，而且深受大圍街坊、單車友歡迎嘅舊式茶餐廳 - 漢年茶餐廳“漢年” 係波波喺大圍數一數二光顧得比較多嘅餐廳！呢間茶餐廳唔單止保留典型港式茶餐廳嘅裝潢，而且店員服務亦非常貼心殷勤；喺芸芸眾多嘅招牌食物當中，波波特別對「鹽焗雞」情有獨鍾……💛💛💛💛💛鹽焗雞髀飯（碗）🍗🍚白飯底：$64炒飯底：$76“用雞湯浸透嘅雞髀肉新鮮嫩滑、厚肉、有油光；炒飯粒粒金黃分明、富蛋香，再加上自家製嘅沙薑醬，令成碗飯更加錦上添花”除咗可以選擇雞髀之外，店裡面仲有其他款式（鹽焗雞、鹽焗雞胸、雞湯……）供食客選擇，如果唔想食白飯或炒飯，亦可以選擇配米粉、通粉……㖭吖💛💛💛💛💛凍奶茶（跟餐價）：$12 🥤“奶、茶比例非常完美，飲完無澀口嘅感覺”💛💛💛💛💛📌 大圍積福街100號溫馨提示 - 呢間餐廳夜晚七點半就收鋪啦，要食好東西就要趁早啦～

地點在大圍火車站附近，就腳。今日下午12:45分去到，不用等位。 但吃到中途已經开始要排隊等位了。久仰大名，心中巳知道環境不會太好，不會寛趟，今日一吃簡直覺得痴L線，六十幾元一碟雞飯，另外炒底加十五元，比一碟骨頭雞我，而且炒底D飯濕到一個點，真係不懂欣賞。雞無雞味但鹽焗雞的醬是真正的 鹽焗雞醬。 椒鹽豬扒還算可以，但不值得專程去吃。希望幫到大家。最後提一提各位，不是每一位落單的阿姨都清楚價錢,今天我的单阿姨都錯了價錢要改。自己記得對單

人潮雖然很多，但是又逼又唔好食。個位逼到一路食嘢一路俾人地撞。叫咗一碟滑蛋牛肉飯， $50啲牛肉韌到咬唔到，向佢投訴只是講聲唔好意思，完全坐視不理，咁樣做生意可以玩完。

星期六下午兩時多，專程來到漢年茶餐廳，看見門口不用排隊便二話不說的走進餐廳內漢年茶餐廳的設計是典型7、80年代簡約嘅設計，看一看餐牌鹽焗雞飯有碗上和碟上，因為太肚餓嘅緣故所以揀了碟上再加雞髀位。飯不包飲品，另加了一杯凍檸茶。幾分鐘時間很快飯便到來，碟上嘅鹽焗雞飯十分之大碟，炒底有點意軟身，不太乾身，鹽焗雞髀嫰滑，入味。食的時候看見鄰座也有不同的炒粉麵飯供應，也是很大碟，很有鑊氣，下次再來時也要嚐嚐他們其他的出品。

記得讀書時期曾經有位住沙田區既朋友大力推介漢年，必食鹽焗雞飯，食過真係幾好食！今日去開大圍心血來潮就想試下呢碗雞飯🐥金牌鹽焗雞飯（加$2走胸）$52飯量可以揀碗/碟，正常女仔叫一碗其實都夠飽🙈仲可以加$12轉炒飯底添（不過今次就冇）走左胸之後比左3-4舊髀，仲有2-3舊雞背位，雞量都唔少，雞髀位都算滑既，雞背位既肉好可惜就有啲韌同老，唔同以前食啖啖都嫩滑既雞肉🙈雞味唔算濃，係鹽香搭救，唔會死咸，點埋沙薑汁更加好餸飯😆以茶餐廳黎講，呢碗鹽焗企雞飯算係咁，但就唔好期待太大，正常質素啦，住附近經過食下都ok,專登去就唔好喇😂😂

話說嗰日朝早好趕出門口，所以最後就決定咗食呢一間老店啦，喺附近住咗咁耐都一直未幫襯過，咁本身以為茶餐廳服務都麻麻地咁我坐低咗冇幾耐已經有人幫我落單啦其實早市時段餐廳都有八成滿座㗎但係上餐速度都非常快，落咗單之後大概15分鐘內已經上菜啦沙嗲牛肉公仔麵唔算好鹹，同埋牛肉份量其實真係幾多，至少比其他我食過嘅茶餐廳多，起碼都有5塊。至於多士真係好誇張，我拎起嘅時候牛油係熱到可以流出黎，同埋個包係熱辣辣脆卜卜既，佢係真係喺岩岩係個多士機度拎返出嚟，食開快餐店嘅包都係好硬，真係沒有比較沒有傷害🤷🏿‍♀️嘢飲同炒蛋就正常啦，冇乜特別都算正常發揮😬聽朋友講呢度鹽焗雞飯好出名，諗住下次再嚟試☺️

大圍其實都有好多小店見條大街到呢間有人排隊就衝左入去似係一間經營咗好多年嘅餐廳舊嘅裝修，環境衛生妥當有少少舊香港嘅情懷眼見每台都有人食緊鹽焗雞我都叫咗個鹽焗雞飯味道唔錯足料啲飯都幾大碟經開呢頭嘅朋友可以一試

今日去漢年食lunch，未去到之前想食乾炒牛河，但去到坐低之後又係忍唔住叫咗碗鹽焗雞飯 ($64) 水準如一，雞肉好滑，好香鹽焗雞味😋 另外叫咗碗紫菜湯 ($10) 味道普普通通咁啦⋯⋯

漢年茶餐廳基本上係我一年會黎食一次嘅茶餐廳，佢嘅名物係鹽焗雞飯～蒜蓉豬扒飯鹽焗雞食過好幾次，見到蒜蓉豬扒飯又想食蒜蓉汁咪試試佢😬呢度個蒜蓉汁麻麻地啦～唔夠蒜、汁比較杰身少少🤏豬扒一般般😐鹽焗雞飯炒底炒飯底依然係無得輸，雞嘅味道跟以前差不多～第一次食嘅朋友仔都話炒飯炒得好！鹹魚雞粒炒飯係因為有菜嘅關係比較濕少少？！味道還好，份量算是超大碟的！熱檸茶普通冇特別

大圍肥遊記（1）積福街茶餐廳漢年茶餐廳- 招牌鹽焗雞就係令到呢間舖頭多年來屹立不倒的原因。雞料理永遠是原汁原味的最好吃，而一盤合格的鹽焗雞，除了不能太乾而且要夠嫩，鹹度更要剛好帶出味道，太多就喧賓奪主。這裡的鹽焗雞飯就做得很出色，皮薄肉嫩，雞汁滲入飯內，很美味。配白飯撈自家製沙薑，最能帶出雞鮮味，但不少街坊熟客會加錢配炒飯底，炒飯粒粒分明更滋味，炒底食法係我最愛，驚食唔晒又可以叫一碗，又可以選擇雞翼、雞髀、雞胸，好似入咗行運茶餐廳一樣「蔥花飛邊蛋治看底、鴛鴦三七少甜」食得夠了能，專做街坊生意。如果食得再精細一啲我會建議預訂新鮮鹽焗雞，味道更上一層樓椒鹽豬扒飯亦都係佢嘅另一個名物，肥厚的豬排現點現炸，入口仍然保持著肉汁，椒鹽配上炸蒜超級夠味，加上每一份分量十足，絕對能吃得捧腹而回

今日同朋友去大圍踩單車，踩到馬料水就返轉頭，然後求其搵啲嘢食。個人比較喜歡一啲舊式茶記，於是行左一個圈就入左呢間茶餐廳喇。其實呢間嘢都幾爆下，但都比到1張枱我哋。我哋3個人一人叫左一樣嘢，2其中2個係晚餐連嘢飲，都一般茶記水準。勝在大件夾抵食，$49一份晚餐跟埋嘢飲，仲要勁大碟！朋友叫豬扒飯$51跟嘢飲，成碟有3-4塊豬扒，豬扒唔錯。雪菜肉絲燜米$49連飲品，太大碟食唔晒，不過好似有啲清淡，不過不失。乾炒牛肉公仔麵，$51不連飲品，牛肉無牛肉味，公仔麵比較好食😂比較注意到一樣嘢，呢間餐廳應該有樣招牌菜：鹽焗雞飯（碗），我覺得幾得意，仲幾多人叫。留意：茶餐廳比較舊式，關門時間比較早，夜晚收7:30pm㗎咋，好多人入到嚟都冇得外賣同堂食喇。