滿福樓

營業中

休息中

新年和家人一起慶祝，預先訂了房間和寫好菜單。整個過程十分順暢，侍應也跟得很足，收費份量清楚 👍🏻整體食物令人滿意，東星和鮑魚非常美味，上菜安排周到，環境衛生，值得一試！

🇭🇰滿福樓·蜜汁烤西班牙黑豚肉叉燒$185瑤柱珍珠雞$80原個椰皇鮑魚灌湯包$148松茸荔芋盒$80蠔皇蝦籽撈粗麵$98·佢嗰叉燒一放落黎真係香到爆炸 完全係纏繞住你嗰種感覺佢個肉質 肥瘦比例 調味全部都唔錯 但係就好似少咗個特色位咁🤔我自己比較鍾意逸東軒嗰個叉燒多啲佢係真係有入口即溶個種幸福感🥰反而佢個瑤柱珍珠雞好有驚喜 佢啲飯係超級軟糯 而且入邊好多配料 配埋佢個XO醬真係超級惹味🤤🤤之後佢個灌湯包入面啲湯飲落好舒服 個湯包入面都好足料既 個荔芋盒都好唔錯 出面個皮真係做到好酥脆既感覺個撈粗麵都ok 唔會煮得過淋 而且都幾多蝦籽 佢整體所有嘢都唔錯嘅 都係呢個價錢要有既質素·#rbyeat #rby好去處#rby中菜#rby灣仔·📍灣仔港灣道1號香港萬麗海景酒店

今日黎到萬麗海景酒店staycation不過住宿就無任何package所以今次都算係第一次自費食酒店晚餐七點左右就搭lift落三樓全層都係滿福樓其實以走廊特色黎講比起之前去果幾間酒店中菜廳都靚仲擺放左一個個唔知係咪中菜廳職員既名牌係度呢種排場無論係三星既龍景軒定唐閣都無既滿福樓曾經係2010-12既一星米芝蓮餐廳而點解而家唔再有星從佢地既服務態度就可以感受到不過雖然佢而家再無星星但都有唔少人讚好事實都會有少少期待既門口有擺香檳其實係網上見佢地餐牌都有幾款有酒跟既餐單但全部都係跟一款酒並無wine pairing既餐單滿福樓樓底好高成個場好大而裝修係有少少古風餐桌擺放都算幾工整menu同網上見到既係一樣但可惜侍應態度麻麻首先我問佢萬豪會員係咪有折佢既回覆係反問萬豪有好多種會員wor有比錢定無比錢先然後我比個apps佢睇佢又再講要住客先有wor即係成個對答都好唔舒服好睇唔起人feel你本身都已經因為二人限聚搞到無咩客星期六夜晚入座率連一半都無係咪一定要咁串先反而傳菜個阿姐就好熱情我唔知係規模大細定點啦之前去開酒店中菜都係同一個侍應serve落單上菜斟茶係偶爾會有其他人上菜但呢度分得好開上菜

此店開業良久，位於香港萬麗海景酒店內，裝潢富麗，落地玻璃窗海景，十分開揚。花生鳯爪沒得輸，炆煮得入味，很軟綿而皮不會破不會脫離。蝦餃蝦肉爽脆惟皮有點厚粉。柚皮蒸煮入味，軟綿溶化。牛腸皮薄餡足。蛋撻仔皮鬆脆不會太甜。蝦餃外皮有點厚，不過餡料充足。2人光顧，點餐如下：Chicken FeetPomelo PeelShrimp DumplingMinced beef and pumpkin rice rollsEgg TarletsP Sp Green Tea x2P X.O Sauce加一後，合共HK$662.2。

餐廳樓底頗高，用餐地方很大，環境尚算舒適。點心方面 : 义燒 : 上枱仍然非常熱，不過甜，亦帶點點焦香味臘腸卷 : 稍微油了點，沒有太大臘味香味，但外皮做得軟熟春風得意腸 : 比較淡味，入口帶點脆，內裡的蝦彈牙但食不出鮮蝦味蝦餃 : size比較細，以這個價錢，感覺有點小氣，跟腸粉一樣，亦食不出鮮蝦味XO醬蘿蔔糕 : 煎得頗脆身，不過沒有XO醬的味道，只略帶微微甜味咸水角 : 炸得香脆，放耐一點仍有脆口感，算是較高分的一款點心芒果布甸 : 甜度有點over，亦沒有芒香的香味整體質素中規中矩，以5星酒店來說不是太有驚喜，若是有優惠試試無疑，不然以正價可以試其他5星酒店中菜廳。

因staycation關係光顧了兩次..第一次星期六中午飲茶...上網做了功課...覺得每道點心/小食都有驚喜...味道比預期更好脆皮牛肋條...外脆內淋入味沙薑豬手...味道調較得恰到好處鮮蝦腐皮卷..雖然外表唔太吸引但味道很好蟹肉蝦多士及花生炆鳳爪...兩樣都十分出色每樣小食點心上枱時都好夠熱....環境舒適近窗有地盤景😂😂及海景..服務都很好可惜晚市再一次惠顧....食物質素未能達到預期...不知道是否因為晚市惠顧特價套餐關係...所以味道未能達到心目中預期

上一次係慶祝父親節，無意之中見到有優惠，四百蚊一位Dinner Set，之前訂左酒店staycation 就順便book埋晚餐，試過一次，真心好食，環境一流，服務非常好！今次又出左個Dinner Set promotion. 即刻再黎幫襯多次😋由訂位、安排入坐，到上菜，服務員態度非常友善今次我地另外order 左叉燒同蟹蓋，冇令我地失望！超好味叉燒蟹蓋亦出色，非常足料呢個價錢喺酒店中菜廳食晚飯，可以不妨一試！

朋友生日就去試試食言這間高級食府，入到大廳坐下感覺好舒適，三五知己坐下閒談享受晚餐好地方。我點了幾款前菜、湯羹、小菜等食物；前菜3款味道都好好味道；沙薑猪腳😋好入味👍🏼非一般的海蜇頭醋汁搞得好味兩款西湖牛肉羹和酸辣湯就一般了牛肉醃製味道就一般了生炒排骨調教甜酸汁好味😋，肉都外脆內軟👍🏼漁腐球太淋了梅菜茄子有啲過鹹，真失望總括來說，我覺得前前菜味道好食過d主菜，都有少少失望，主菜一d驚喜味道都會，好彩環境補償

對香港萬麗海景酒店, 是很有感情的. 除了Cafe Renaissance之外, 另外一家很有回憶的, 是米芝蓮星級的滿福樓. 這裡的天外飛仙, 就是經典.滿福樓招牌迷你月餅 $308: 8分, 滿福樓招牌迷你月餅, 設計秀儷, 用上天外飛仙的造型, 特別來得有親切感.  一客包括迷你蛋黃白蓮蓉月餅,以及迷你斑蘭蛋黃月餅各三件.迷你蛋黃白蓮蓉月餅, 用上的白蓮蓉是挺香滑的, 加上原個鹹蛋黃, 最適合的還是吃一口月餅, 配一口茶. 星期天, 是要放空一下的, 喝這口茶, 沉澱心情, 為的, 是未來一週走更遠的路.  迷你斑蘭蛋黃月餅, 換上了斑蘭做主角. 近年來, 委實多了不少斑蘭月餅, 只能說的是, 味道不是傳統, 但把月餅的sku擴大, 某程度上, 也能延申product life及接觸更多potential customers. 當然, 斑蘭是很清香的, 比起白蓮蓉, 會是另外一個變奏.滿福樓招牌迷你月餅, 包括三件迷你蛋黃白蓮蓉月餅, 以及三件迷你斑蘭蛋黃月餅, 配上天外飛仙, 人月兩團圓.

在疫情之下，揀選食物店都要嚴謹，加上傾盆大雨的情況下，我們揀選了此中菜廰。一踏進去，便被美麗的海港景色吸引，再加上超高的天花，Cosy atmosphere 及華貴的裝潢。發覺menu 內點心及小食的選擇不多，只佔一小頁，有點失望！點叫的龍井茶，很普通貨式，淡淡然！😔😔蝦餃，味道一般XO醬蘿蔔糕，奇怪是白色的，沒有什麼XO醬的顏色及味道，不好吃☹️☹️竹笙柚皮，柚皮炆得夠林，沒有苦澀味，同竹笙亦很清爽，兩者的味道很夾👍招牌叉燒，很熱辣辣，質地尚算好，卻不是吃過最好的，似乎水準有點跌watt😒叫咗蝦醬五花腩煲仔飯，抱着姑且一試的心情，並沒有任何期望，因為製作需時，都要等候半個鐘，千呼萬喚始出來，上枱時，蝦醬香氣撲鼻，五花腩用碟先上，腩肉肥瘦均勻，輭滑甘香多汁，入口即溶，混合蝦醬，很野味，忍唔住搶先食咗幾塊，飯很䁔 、輭、粒粒晶凝通透，有飯香，奉上的豉油，經過特別調制，咸度適中，沒有搶去或蓋過飯香....煲仔飯好好味吖，要搶食👍👍👍真係有驚喜，可以彌補點心的水凖！下次再來！

2020年6月25日今晚又黎到滿福樓享受豐富晚餐，一早已經訂左位，今次坐喺較入位置。未正式上菜之前，可以食住餐前小食，腰果和合桃，香脆可口。今次都有點招牌小食 - 金絲脆腰果 ，甜而不膩，金絲其實係炸至金黃鬆脆的芋絲，芋絲切到非常幼，非常考功夫。今次呢個menu 有鴻運乳豬併叉燒丶椰子雪耳燉雞丶風味金榜明蝦球丶台式三杯焗桶蠔丶脆皮炸子雞丶紅燒脆皮乳鴿丶蠔皇柚皮唐生菜丶蟹肉燴伊麵丶精美甜品。招牌菜之一的蜜汁叉燒，果然無令人失望，鮮嫩多汁非常出色，叉燒係用優質的梅頭肉炮製。另外仲點左至尊焗釀蟹蓋，啖啖蟹肉，焗得恰到好處的蟹肉鮮嫩味香，令人一再回味，值得推介！椰子燉雞湯非常足料，椰香撲鼻。如果鐘意食蝦就一定要試下呢個風味金榜明蝦球，蝦好新鮮丶爽口彈牙，金榜汁充滿香茅和椰汁的香味。蟹肉燴伊麵的蟹肉非常多。桶蠔好大舊，唔會縮水。而甜品方面亦都好出色，芒果布甸丶蜂巢糕丶楊枝甘露丶蛋撻仔⋯⋯ 食完成餐飯，都搵唔到有不滿的地方，每度菜式都咁好味，而且服務周到，每一位職員都非常有禮貌丶盡責丶致力提供最優質的服務。多謝Edward為我地寫呢個Menu。

疫情慢慢減退，終於能夠放心出嚟聚餐，忍咗咁多個月，俾多少少錢豪一下都唔介意啦。今次就來到萬麗海景酒店的滿福樓，一次過慶祝母親節父親節同父親大人的生日。因為早book枱關係，而且客人不多，餐廳可以安排我哋坐喺窗邊位置邊食飯邊享受180度海景。五個大人，叫左八道食物。必食既叉燒真係非同凡響，絕對配得米芝蓮一星嘅美譽，連爸爸呢個食家都話得冇得頂，叉燒係用真正嘅梅頭肉製成，蜜汁叉燒用嘅麥芽糖都十足，非常入味。甫魚滑燒賣又係好正！另一樣值得推介嘅係「春風得意」，其實係脆脆腸粉，外軟內脆口感豐富。柱侯蘿蔔炆牛肚，全部都係靚嘅金錢肚部位，醬汁好濃唔太林又唔太硬，啱啱好脆皮牛肋條XO醬炒蘿蔔糕五花腩配煲仔飯

每年一度的母親節，最令人感到苦惱的就是去邊度慶祝。每年都諗食中式 定西式定係日式定係韓式，今年最終決定食返最傳統的中式，網上見到滿福樓推出左一個超值優惠套餐，專為各位孝順的仔仔女女而設。見到呢個母親節套餐的價錢真係非常吸引😍！每位只需以超值價＄398 +10％，就可以享用咁豐富的套餐啦！呢個套餐有6道菜式，再加2款甜品。六道菜式包括：1）椒鹽法國鵪鶉腿配胡麻冰菜，冰菜含豐富纖維，而且熱量低，冰菜外貎好獨特，菜嘅表面滿佈一粒粒水珠，好似啱啱噴完水一樣。冰菜味道帶點鹹味，口感爽脆，都幾得意丶特別，絕對值得一試！鵪鶉腿肉質鮮嫩。2）蟹肉燕窩羹，蟹肉好大舊，燕窩含豐富的膠原蛋白。3）翡翠燒汁煎元貝皇，帶子非常大粒，而且唔痴牙，仲有d脆卜卜，不過唯一可以批評的係竟然有兩條菜芯伴碟，感覺有d似茶餐廳咁，賣相方面扣左少少分。4)蒜片蘆筍安格斯牛柳粒，牛柳粒入囗即熔5）魚湯手打魚腐浸時蔬，魚腐好大球，好得意6)鮑魚珍珠雞另外兩款甜品就有蜂巢糕丶楊枝甘露，兩款都咁有質素，令人一再回味😋！凡惠顧此套餐可以優惠價每位$168享用翡翠原隻二十五頭花膠扣鵝掌，大家都知道花膠好多益處，包括滋潤皮膚丶增強肌肉組織的

在抗疫期間，都需要和家人相聚，因為在這段期間，好多餐廳都要暫時營業，甚至倒閉。希望我地既少少支持，能夠幫助到唔同既餐廳可以繼續經營。雖然點心款式比以往少左好多，但係美味依然係保持水準。點左7款點心，幾款甜品。包括：晶瑩鮮蝦餃＄88丶甫魚滑燒賣＄88丶芋絲炸春卷＄72丶蜜汁叉燒包＄72丶七味脆豆腐$98丶金絲脆腰果＄98丶煎醸虎皮尖椒＄92，甜品方面：楊枝甘露丶蛋撻仔丶芒果布甸丶蛋散。滿福樓的環境舒適，可以望到維港景色，呢度樓底好高，唔會有壓迫感。而且每位店員都好親切丶有禮貌。

我覺得滿福樓的食物丶服務丶環境丶衛生⋯⋯每樣都保持頂級水準。當晚同家人慶祝生日，點了套餐，當中有乳豬件配胡麻冰菜丶杞子紅棗燉響螺丶風味金榜明蝦球丶台式三杯焗桶蠔丶脆皮炸子雞丶魚湯手打魚腐浸白菜仔丶鮮茄牛崧滑蛋配煎米粉丶合時鮮果盤。