滿樂潮州 (東薈城名店倉)

營業中

休息中

今日難得入黎OUTLET 東涌入面行下街, 緊係要睇下有乜野食啦, 住喺東涌既朋友話我知 喺G FLOOR 嗰度都幾多野食, 好似上海野, 茶木等等 , 有間新開既滿樂潮州可以試下!嗰日可能都算係新開比較多人幫襯, 所以都等左10 分鐘先有位, 入面係類似熱鬧酒樓嗰類甘, 環境有卡位有長枱都算舒服, MENU 入面都幾多種唔同既潮州野 , 一般打冷嗰D 一定有1先黎個滷水鵝拼盆先 材料都幾豐富! 滷水鵝都好軟熟, 滷水汁好香濃, 而且仲有爽口既墨魚 入味豆腐, 肥豬腩! 等等, 好好味!! 拍得住大排檔嗰D 潮州打冷店!!潮州蠔烙, 第一次食蠔烙, 係蠔餅D 朋友黎, 不過就比較扁身少少!! 蛋味幾香口, 入面既蠔肉大又新鮮 口感香脆! 入面軟熟!  點埋魚露都好好味 !枝竹燘老虎班件呢味菜我都係第一次試.! 熱辣辣既煲入面充滿住肥厚既班肉, 夠彈牙 醬汁香濃 仲有好多火腩夠哂正.!!! 好味佢既菜都唔差 有呢個瑤樣勝瓜浸魚肚, 勁多魚肚 夠哂爽滑落足哂料.!! 勝瓜又夠新鮮爽甜, 浸落魚湯夠哂正.!!!

<東涌終於有番d似樣d既中菜la 😂😍>今日同屋企人食飯 由於小弟係住東涌 通常一係出番市區 一係 就喺屋企食 . 因為東涌冇乜特別好野😂 今日黎到滿樂潮州 新開 就試試佢先😄 呢間潮州菜環境都唔同 好似酒樓甘樣 星期6 晚都幾多人食 喺櫥窗上會見到師傅不停整理緊滷水鵝 等食材 新鮮度應該都有保證 😄 menu上面一般既打冷潮菜食物都有 啤酒汽水一應俱全 👍🏻🍴枝竹燘老虎班件🐟🔥 168 蚊 用左瓦煲放住好多枝竹同老虎班 🐅班肉幾肥美 魚皮厚脆入面帶住煙靭既魚肉 雖然好味 但多骨 食嗰時要小心d加上葱花紅椒點綴 同埋有男人既浪漫火腩嗰入面🔥🐷 材料都幾豐富 佢香濃既醬汁幾啱同白飯一齊食 👍🏻🍴潮洲蠔烙例 88 蚊😄呢味蠔烙係我食過比較厚既蠔烙厚身得黎雞蛋主要喺出面外層 中間有勁多比較大既蠔仔 都算落足料 . 蠔味香濃 中間除左有麵粉外仲有類似魚膠既物體 🐟好有口感如果成個蠔烙整得更薄身 我個人會鍾意d 👍🏻🍴滷水鵝肉拼盆細 138 蚊😄有滷水鵝 肥豬腩肉🐷 側邊有滷水蛋🥚 底層仲有魷魚 同豆腐 整體雖然醬汁唔係話好濃 但夠香同入味 特別鍾意佢d魷魚好爽彈牙 豬腩肉夠肥美

今日心血來潮同阿媽出左東涌行outlet~都唔知幾耐無黎東涌嚕，好似多左好多餐廳咁，shopping 完咁攰當然要搵野食補充下體力！落到地下個層見到周圍都有既台式餐廳...難得入黎東涌當然要試新野！咁啱係對面就見到間潮州菜館，特別在於佢個裝修好華麗，唔似係食中菜～都幾多人排隊架，等左陣先入得。我地兩個人叫左一湯一飯一餸，份量適中～個咸菜胡椒豬肚湯係聽到隔離枱話好飲所以跟風叫既，飲落又真係幾特別！又咸又辣咁好好玩，重口味之人最愛！豬肚都好新鮮好嫩，好味！！蟹籽海皇炒飯d蟹籽好多，又有唔同海鮮加埋一齊炒，超香超鮮味，而且飯量好多，兩至三個人食都得！碧綠川椒雞球係四川菜，用左四川椒非常有風味，入面用左我第一次聽同食既珍珠菜，炒到脆卜卜好得意，味道同口感有少少似紫菜～總括黎講，整體環境同食物都不錯，係同屋企人食飯既好好選擇！

最近我有位內地同學嚟咗香港玩！今日係最後一日，就帶佢去東薈城Shopping，貪佢個度有好多大牌子outlets，等佢買個夠！結果有朝買到晩，所以我決定係呢度食埋飯先送佢返酒店！我地揀咗一間潮州菜館嚟食，入到去發覺已人頭湧湧，佢裝修以豪華時尚為主，而且座位極為寛敞，用餐感覺非常舒服！入座後我地睇Menu，叫咗個咸菜豬肚湯，滷水鵝肉拼盆，蟹籽海皇炒飯同埋川椒雞球！首先講個湯非常鮮甜，豬肚嫩滑，仲有啖啖椒香味，夠暖胃，啱唒冬天喝！另外個鵝肉拼盆全是啖啖肉，配埋佢地特製滷水汁，夠惹味，而且分量比想像中多，絕對抵食！之於個川椒雞球，肉滑汁鮮，雞肉用紫菜襯托，夠唒特別，如果配埋啤酒，感覺仲正！最後個蟹籽海皇炒飯更加係全晚焦點，首先外型吸引，蛋網蓋住香噴噴既蟹籽炒飯，食落濃濃蛋香同蟹籽鮮味交織係味蕾之間，簡直一絕，而且佢個飯炒得粒粒鮮明，又乾身，令人一試難忘！所以大家嚟東薈城，除咗行outlets，記得都要試下呢間潮州菜館！

＂滿樂＂潮州👍👍👍👍👍位於東涌東薈城名店倉地下22號舖的位置，舖面積還算是大大的，也有寬敞舒適的座位，給我們有那種是華而樸實的感覺，👍👏當我們走進＂滿樂＂潮州，👍👍👍服務生們及酒家美妞經理，同是笑口相迎，👍👍😁熱情有禮地招呼著每一位客人，😁👍令我們樂享得更加開心😃😁😁己是晚上9時多啦！客人們還是在此樂樂的呵！😜鹽香脆皮雞 半只瞧瞧！再看看吧！色彩是那樣地被牠吸引了，😜引人垂涎三尺的＂鹽香脆皮雞＂👍👍👍說時遲那時快的呵！😜脆皮雞，己被全＂吞沒＂囉！😜😋再說吧！脆皮雞，的確是一一皮特薄，真像片片薄薄的紙片那樣的皮薄的＂鹽香脆皮雞＂啊！香香脆脆的皮👍👍👍👍👍而雞肉呢，也是極之嫩嫩，滑滑兼味鮮甜同也的啊！👍👍👍👍👍如此棒棒👍👍👍👍👍還有那，碟四周綠色的伴葉，同是薄薄，香香，脆脆的珍珠葉，😋听，那美妞經理講，珍珠葉，有些客人也喜歡攞嚟送啤酒的👏😋像是葉子片片都留情呵！😜同是美的樂享啊！😋👍👍👍👍👍😋😋😋😋😋😁😁😁😁😁滷水鵝肉拼盤 例滷水，可是潮菜的一大特式呀！此＂滿樂＂潮州的滷水岀品同是👍👍👍👍👍的，那鵝肉，猪腩肉，滷水豆腐及滷蛋等等⋯⋯都滷得肉嫩嫩兼極之入味非凡的啊！好吃呵！😋同是數為一級棒

一家人去完大澳就返左東涌，中菜永遠是老一輩的首選呀。小食有辣木耳同腰果花生小魚。辣木耳幾辣，但爽口開胃。腰果花生小魚就野味香脆，好少見有腰果係小魚之中。鹽香脆皮雞 (半只)一致讚好。雞皮薄而脆，雞肉嫩而滑。炸珍珠葉好得意口感，但多油點，但味道係有點麥麥地味？！滷水鵝肉拼盆 (例)鵝肉好大件肉，勁有肉感，滷水味重而不咸！墨魚煙un，點醋好去油感。腩肉比較入味咁，豬皮無毛，豬肉又暖又林，好好味。腩肉好似比鵝肉更好食咁，哈哈！但最入味係底下既滷豆腐，有豆香同潮州香料味。啫啫蝦乾通菜煲好有氣勢上枱，好青綠色呀，靚。蝦乾都炸過好金黃，好香，好似食小色，有咬勁！通菜都爽口香葉，4個人份量都ok！有蝦醬味，好岩今日大澳之行，嚟到東涌涼瓜煮排骨潮州白碗上法，傳統之作。多粗大既涼瓜，好彩唔係太甘味，年輕既我都接受到，哈哈！南乳羅漢齋煲 (例)厚木耳 紅蘿蔔 菇菌，菜都有小棠菜 西蘭花 小白菜，勁多款。咸而濃既汁，白飯白粥一流好味。素食之中咁夠味，讚！雪耳好膠，好滋潤！玉蘭菜脯炒河係菜芯頭嚟嫁，好青脆。菜脯帶咸，好和味。勁多肉絲，無豬蘇味，仲有少少蝦。蝦彈牙嫁，無蝦腸。因為河粉有貼到菜脯粒同雞蛋，所以咸咸

好耐冇食潮州菜啦，今日就去左東涌搵食，去左一間叫滿樂潮州嘅餐廳。啫啫蝦乾通菜煲通菜看上去十分翠綠，爽脆鮮甜，食入口「索索」聲。估唔到未到夏天啲通菜已經咁當造！蝦乾大小適中，唔會太細粒，連埋通菜一齊食蝦嘅香味更突出。潮洲蠔烙係幾特別的一味餸。睇佢英文譯名係"omelette"，"火腿omelette"就聽得多，蠔"omelette"你又聽過未？佢上碟前已經幫你切好一件件，好似食pizza咁。蠔平均分佈喺每一塊蠔烙上，確保食客食每一塊蠔烙都食到蠔，入口煙韌。蠔十分新鮮，一啲都唔鯹，重有啲鮮甜添！話梅豬手肉質腍身易入口，同話梅一齊煮味道酸酸甜甜好開胃，一啲都唔覺得漏！沙茶牛肉炒河好足料！啲河粉份量多到夾極都好似冇夾過咁🤣。配菜芥蘭唔好以為佢係配菜就冇咩突別呀，啲芥蘭好翠綠，好鮮嫩，冇「渣」。牛肉厚薄適中，肉質腍身，唔會好難咬。薑蔥炆黃花魚啲薑蔥多到就快連條魚到睇唔到😹！要讚嘅係佢上枱時已經將魚身拆件，方便一大班人夾。魚炆到好入味，肉質滑溜，不錯！呢間餐廳幾大，樓底又高，環境舒適。餐廳設有不少卡位，想坐得舒服啲可以選擇坐卡位。想私隱度高啲，餐廳亦設有房間供食客預訂。餐廳菜式選擇多，下次一定要再

好少嚟東涌，印象中就係一個無乜特別嘢食嘅地方。兜下兜下見到呢間潮洲菜，店內裝潢典雅、寬敞舒適，晚上食零舍有feel。先睇廚師介紹嘅餐牌，叫咗份滷水鵝肉拼盤，份量多，拼盤由鵝肉、腩肉、墨魚片、雞蛋、豆腐組成，內容豐富、而且滷得好入味，由鵝肉脂肪平均帶出油香，及至豆腐滲透滷水充滿咸香。鹽焗黃油烏魚飯，好有潮洲風味，淡淡地，但配咗碟混合黃豆、好重鹽味嘅調味料，合返香港人口味，可按自己喜好斟酌。黃金炸雙棗，包括魚肉同蝦肉，蝦肉爽口彈牙，而且仲有啲蝦粒，夠足料。而魚肉入面就有荀，食落好有口感，呢個配搭不錯。欖菜肉碎四季豆，肉碎份量頗多，滷得好香，配合原本清淡嘅蔬菜，味道剛好，又唔會重口味。

今日屋企人生日就敬下老帶佢地食至愛嘅潮洲菜，先來一個潮洲炒麵線，清淡為主，伴有雞柳唔會太dry，麵線煙靭，落埋辣醬食口感更見豐富。潮洲咸雞花生，本身擔心會太咸，但果然係潮洲菜一貫作風，雞唔會咸，而係花生同黃油醬咸，啱晒一家大細自己斟酌個人口味。黃金炸雙棗，炸粉唔會過多，亦唔會油膩，魚同蝦都好有彈性爽口，配埋個醬酸酸甜甜。欖菜肉碎四季豆，肉碎份量好多，炒到帶有咸香，同四季豆嘅清淡做咗個不錯嘅調和。最後，叫咗份滷水鵝肉拼盤，拼咗鵝肉、腩肉、墨魚片、雞蛋、豆腐，全部都滷得好入味，鵝肉好肥美，腩肉脂肪比例多、肥香。豆腐就滲透滷水，味道濃郁。總括嚟講，呢度幾啱一家大細嚟食，濃味又得、清淡又得，總算係東涌搵到間特色啲，又適合聚餐嘅地方。

今天跟朋友去了東涌行街，晚飯時間去了這間高級中菜館。這間餐廳位於東薈坊北座地下，人流較少，環境寧靜，座位寬闊，適合與朋友談心、放鬆心情。而我們倆人叫了兩餸一主食。潮洲咸雞花生半隻，雞不會過咸，清清地，質感滑嫩、唔會煮到鞋身，而花生帶鹽，若果想雞肉添多一分咸味可以連花生一同進口，更能帶出雞肉香味。黃金炸雙棗，兩款棗都好爽口、彈牙，而且唔會炸得油膩。而我偏好蝦棗，因為蝦的鮮甜味好出，而且食到一粒粒蝦好彈牙。欖菜肉碎四季豆，四季豆爽脆，欖菜香口，配合肉碎，令成碟菜潤色不少，唔會過於清淡以致成碟菜淡而無味，而且肉碎調味得剛好，雖然就咁食會咸，但係配埋菜就剛好。潮洲炒麵線，清淡為主，配料不多但麵線質地爽滑而麵本身帶有咸味， 用嚟配餸食一流。

東涌呢頭都係連鎖式的食肆，難得開了一間中菜館便來一試究竟。餐廳主打潮州菜，而晚餐餐牌可以點二人套餐、四人套餐，或者單點。今次我同兩個朋友嚟就選擇咗單點，感覺上比較多樣化。先叫了鹽焗黃油烏魚，烏魚凍上，較少調味，是潮洲菜一貫清淡的作風，烏魚鮮甜，焗出了自身的魚脂並帶有黃油香氣，另伴有一碟重咸味的黃豆調味料，就算覺得條魚太清亦都可以蘸調味料增加咸味，迎合客人各種口味，相當貼心。潮洲咸雞花生，食落隻雞無想像中咁咸，反而係花生帶鹽，所以應該係要雞同花生一啖過，咁樣食就吊得出雞嘅鮮味而且能夠增加口感，而個咸度亦都係咁樣食就剛好。叫完兩個主菜就叫返個潮洲麵線，好大份，一份四個人食都無問題。麵線夾雜少量雞柳，為清淡的麵線多一重香味，麵質彈牙帶有少許咸味，清淡得嚟唔會淡而無味。

我個人一直都好鍾意食潮州嘢，因為潮州菜有個特色就係佢哋會將一啲好平民嘅食材用冷盤嘅方法化腐朽為神奇，就好似冷凍烏魚，仲有佢哋好好充分利用魚嘅鮮味用湯同丸子嘅方法去做出一流嘅菜式，不過住喺東涌潮州菜方面就真係好少選擇，朋友就話俾我聽東涌有一間幾好食嘅新派潮州菜館叫做「滿樂潮州」，咁就梗係要去試一試啦。 老實講裝修方面就的確係唔似係一間潮州菜館，不過空間就幾大冇舊式潮州菜館果種迫夾，四人套餐都好多嘢食，我就一樣樣分享下比大家。 打頭陣冷盤有「鹽焗黃油烏魚」，魚肉有一絲絲黃酒滲出， 條魚真係夠晒肥美，食落口唔腥更因為用左鹽烤令魚肉有淡淡既咸香， 點埋醬食你仲會更加食到魚獨有既鮮甜味。 之後就到「鹹菜胡椒豬肚湯」，呢樣真係潮州菜既經典， 胡椒味唔係好重反而甜味好足，一睇啲料就知點解啦落左好多瘦肉個湯一定清甜，豬肚彈牙新鮮滿分！ 之後上左個兩個小食「皇子乳鴿凱撒沙律」同「黃金炸雙棗」， 嚴格來講乳鴿唔係潮州菜，食落口唔乾身，五香味重， 不過佢個食法就好特別用凱撒沙律中和乳鴿既熱氣感， 我個人覺得呢個配搭晒何車。至於炸雙棗表面炸得好鬆脆不過唔油膩， 有菜粒同蝦肉令到你食落去口感複雜，彈牙同

今日係東涌outlet行完街之後，超級肚餓。喺東薈城度即刻搵嘢食，去到地下果層見到有中菜，呢間餐廳叫滿樂潮州屋企人即刻話要入去食。食完有幾款菜式特別想推介俾大家，因為真係超級有水準。餐廳裝潢好有中國feel，空間亦都好大，多人嘅話仲可以坐包廂添。我哋去嘅時候係六點幾，都已經好滿座。首先我哋叫咗個湯—杏汁白肺湯，顏色好白。本人本身唔太鍾意杏仁嘅味道，但係呢個湯我都鍾意飲。因為佢嘅杏仁味唔會太重，味道好鮮甜。湯渣亦都好足料，有豬肺、豬腸仲有蓮藕添！豬肺仲好林同好滑，蓮藕亦都唔會好硬。不得不提，仲有呢個紅棗烏豆豬尾煲！本人係連豬手都比較少食，但屋企人叫到就即管試下。點知一試愛上！豬尾竟然都有好多肉，唔會太肥。份量亦都好多添，呢個餸嘅汁簡直好呢可以當湯飲。仲有呢個瑤柱蛋白炒飯，平時出面嘅瑤柱一定會俾得好少，但係滿樂潮州好足料，啲瑤柱仲卜卜脆添！飯亦都軟硬度適中，粒粒分明，今日忍唔住食咗好多飯！最後仲有個杏汁桂花糕作結，好食到超想再encore!!呢間餐廳真係值得推介，非常適合一家大細食團年飯、生日飯......屋企人都話下次要再嚟食！

有一日同同事喺東涌開完會，收工已經係八點鐘，真係非常之肚餓，情度係好想立即食野嗰種，見到有間潮州菜館非常大間座位幾闊落，大家就唔諗啦，坐低叫野啦。四人套餐最啱有選擇困難症既懶人，即係我呢類，睇睇內容嘢食都幾豐富，由冷盤，湯去到小食都有齊晒。間餐廳嘅冷盤就係鹽焗黃油烏魚，魚身偏肥有黃油，味道比較上淡口有鹽香，建議點上菜色附上嘅醬汁一齊食，醬汁嘅黃豆味同個魚幾夾。至於小食方面就有皇子乳鴿凱撒沙律同黃金炸雙棗，老實講呢個乳鴿食落口感覺上比較重口味同肥美，肉汁有好香既五香粉同八角嘅香味，所以就有凱撒沙律做返個平衡，果然係新派嘅潮州菜會因應客人係配菜上作出貼心嘅調整，炸雙棗就係傳統客家小食用上魚肉同埋蝦肉，食落去口感幾彈牙，我就幾鍾意蝦肉因爲中間有一點點蝦肉幾足料。湯水方面就有潮州菜必定要飲嘅胡椒豬肚湯，同平日飲開既唔同胡椒味唔係太重，反而瘦肉嘅比例比較多，湯水上瘦肉比較多就代表個湯會比較甜，所以同平日飲開嘅胡椒豬肚湯果個又咸又辣既味道上好唔同，偏向比較似廣東人嘅湯水，有兩位唔鍾意胡椒味嘅同事都話好潤好好飲。飽肚嘅主菜就有手打魚蛋津菜煲同欖菜肉醉炒飯，我個人就覺得個炒飯比較上重口味，個攬菜偏咸食

難得今日weedend同家人去左昂平360玩，纜車落返黎緊係喺東涌覓下食，成家人緊係搵啲中餐廳食下先夠氣氛，見到呢間滿樂潮洲一於就試試佢！🍚生菜牛肉崧炒飯，貌似蛋包飯，當中配料豐富😍啖啖都係肉！🥦芥蘭新鮮翠綠，配合埋方魚食帶點咸香~🍲胡椒豬肚湯，胡椒味超勁，每飲一啖都覺得好精神😂令人越飲越想飲👍🍱滷水拼盤種類豐富，滷水汁非常出色，超入味。下次入開citygate行outlet一定要再嘆下呢度嘅潮州菜啊