滷友記 (華都中心)

營業中

休息中

行行下荃灣發現抵食下午茶呀$39就可以有一碗麵或者飯仲要份量唔細，好似午餐咁大大碗仲有好多唔同小食下次再經過要試埋其他先得🤩🤩🤩🧡雙併麵🐷🐮有好多唔同嘅餸可以揀我地揀左金錢肚、豬大腸湯底亦有幾款可以揀今次揀左牛肉湯麵黎到大大碗，啲餸又多金錢肚唔韌，豬大腸又肥美不錯不錯，好抵食🤤🤤🤤🧡糖心蛋肉燥飯🐷🍚糖心蛋做得不錯，有少少流心效果肉燥份量亦好多，足夠撈晒成碗飯食而味道又唔會太咸，肉燥肥瘦分明😋😋😋🧡滷水陳皮魚蛋🐟有淡淡嘅滷水香味，仲有啲芝麻喺面陳皮味道都好出，鍾意佢質感夠彈牙一碗仲有好多粒添🤩🤩🤩🧡炸燒賣即叫即炸黎到熱辣辣燒賣唔係得粉團有少少魚肉味又曬左少少味粉，食落幾惹味😚😚😚🧡粒粒清涼爽好耐無見過粒粒清涼爽啦仲係同以前一樣唔太甜有呢罐野飲食完炸野感覺都良好啲😛😛😛

呢間位於荃灣既 -滷友記- 原來先系總店🥢 記得兩年前曾經系銅鑼灣分店食過架啦😌 而荃灣總店既位置系位於綠陽新邨隔離既舊式商場 華都中心入面 只要途經荃豐中心就好快到😌#四拼麵 $57我就偏中意自己揀多啲既🤪 所以就揀左 -滷水豬大腸 滷水豆腐 陳皮魚蛋 同蘿蔔- 配搭 -滷水湯- 同 -手造爽脆米粉- 🍜 滷水豬大腸有嚼勁又帶有鹹香 滷水豆腐超滑 陳皮魚蛋帶有濃郁陳皮回甘味同鮮魚香 蘿蔔夠鮮甜又無渣😌 米粉真系好夠爽脆架 同普通米粉好吾同 浸住湯都吾會爛哂碎哂😆#滷友記牛三寶麵 $60另一伴就嗌左呢款牛三寶麵 包含左 -金錢腱 牛筋 同金錢肚- 🐮 配搭 -麻辣湯- 同 -台灣牛肉麵- 🍜 成件事都好完美!! 牛三寶都夠哂入味 金錢腱有筋有肉層次發明 牛筋食落口好軟滑 金錢肚則爽口彈牙😬 麵質煙韌Q彈所有麵類均可自選湯底同麵類架!! 🍜🥢#滷水雞翼 $35一共有5隻🍗 大人小朋友都岩食 雞翼夠軟淋 滷水汁又夠味😋#滷水糖心蛋 $9上枱已經將佢一開為二🥚 蛋白Q彈有香味 而蛋黃半生不熟另外 佢地仲有自家製的蒜蓉醬🧄 同麻辣油🌶️ 兩款加落麵食到都好夾 仲可以一樽樽甘買番屋企tim😚

經常幫襯荃灣滷友記lunch，鍾意食物夠入味醬汁又香😍前幾日食完麵見到有樽裝自家制醬料賣，即刻買左黎試下！自家制麻辣油同蒜辣醬用途多元化，煮小菜打邊爐都用得，今次就用黎整左兩款超級簡單菜式🥰🌶️滷友記自家制麻辣油 ($65)有麻香亦夠辣勁，麵控用黎撈麵就啱喇！整左辣油蛋黃烏冬，先係小碟中放豉油、味醂同糖用微波爐20秒，放入煮好既烏冬後加入麻油、蛋黃醬同主角麻辣油，拌勻就可以食喇🤤🧄滷友記自家制蒜辣醬 ($48)個人認為蒜辣醬辣勁無咁強，但蒜香濃郁，味道層次豐富！呢一款蒜辣茄子同樣超級簡單，將切好茄子煎香，再用另一小碟將蒜辣醬、蛋黃醬同檸檬汁撈勻，放上茄子就完成喇🙆🏻‍♀️兩款都可以係滷友記分店購買💁🏻‍♀️

係荃灣滷友記食完佢個辣椒油真係念念不忘...今次食完車仔麵 見到原來分店可以買樽醬返屋企☺️麻辣油（💲65 ）麻香十足，可以用嚟拌麵食～蒜辣醬（💲48）味道濃烈，似泰式鳳爪醬汁嘅味道，可以用嚟醃制同做蘸汁。兩款我都好中意！今次用「滷友記」麻辣油同蒜辣醬煮返兩道辣嘢。辣炒蝦仁烏冬同蒜辣雞翼。✨辣炒蝦仁烏冬用麻辣油炒烏冬一流👍🏻落油煎香蝦仁同烏冬，最後加入麻辣油。麻香滲入烏冬同蝦仁中，好惹味，愈食愈滋味。✨蒜辣雞翼用蒜辣醬醃制雞翼約半小時，用慢火煎香雞翼，香噴噴。亦可以用嚟做雞翼嘅蘸汁添！

最近搬出黎自己住餐餐食外賣好唔健康🙈而且又貴又冇益！連媽媽大人都睇唔過眼😂拎左啲好味又易整嘅醬汁俾我哋🥰唔駛餐餐都出街食咁唔健康又冇益❤️滷友記除咗有餐廳堂食之外🍽仲有推出自家製品牌醬汁🤤用特別調配秘密配方📝為每道簡單菜餚增添獨特風味變得唔簡單😍⭐️古法滷水⭐️秘製咖哩⭐️自家製麻辣油⭐️自家制蒜茸辣醬🌟自家制蒜茸辣醬💰4️⃣8️⃣/樽用大蒜🧄➕️特殊調味料為基礎🤤加入適量油＆醋調製而成！蒜蓉醬配搭千變萬化🤩今次媽咪教我煮左＜蒜辣醬炒雞＞🐔用嚟餸菜揀值一流仲食到lam lam脷😋🐔＜蒜辣醬炒雞＞製作方法：1️⃣將薑蔥爆香後再落雞件炒至半熟🔥2️⃣加入滷友記自家制蒜茸辣醬🧄後炒香3️⃣蓋上鑊蓋焗數分鐘⏰️之後可以上碟🍽🌟自家製麻辣油 💰6️⃣5️⃣/樽哩款辣椒醬係辣中帶麻味濃郁嘅調味醬汁！用嚟製作＜涼拌麻辣雲耳＞就岩晒啦😋落多辣小辣隨自己控制🌶撈完雲耳增添辣味食趣＆惹味風味🤤作為開胃小菜冇得頂呀👍🏻🌶＜涼拌麻辣雲耳＞1️⃣準備煮熟好嘅雲耳2️⃣加入適當份量嘅滷友記自家製麻辣油3️⃣撈起攪勻後可以上碟🍽以上自家製醬汁可以喺滷友記分店中購買🛍自家製醬汁用途廣泛又夠惹味！根據自己口味＆喜好應用喺自己喜愛嘅菜餚中🤤為每一餐料理都帶嚟獨特嘅風味體驗！

卡卡逢星期日至五都會在家吃住家飯要為不同口味的家人決定 #今晚煮乜餸...真的很困難尤其有時想滿足一下愛嚐辣的老爺奶奶都不可早幾日還看見家人在荃灣滷友記買了兩樽自家製麻辣油$65和蒜辣醬油$48醒目的卡卡又怎會看不見他們的心意呢~一於簡單煮了兩個家常菜給吃得辣和不能吃辣的家人吧~《#麻辣脆肉瓜雞柳》材料:滷友記自家製麻辣油脆肉瓜雞柳做法:先用鹽刷脆肉瓜外皮，再用水清洗，滾圓把脆肉瓜切件，備用雞柳切片略醃15分鐘，備用下油穫，先加入雞柳略炒，再加入脆肉瓜同炒之後加入蠔油及適量水煮至雞柳熟透及脆肉瓜自己喜愛的爽脆度，完成卡卡會分兩碟上碟，其中一碟加入麻辣油撈勻，一碟走辣~老人家同我食完都話滷友記自家製麻辣油夠麻夠香完全能夠滿足一家大細需要~《#蒜辣冬菇肉碎毛豆》材料:滷友記自家製蒜辣醬 新鮮豬肉攪碎乾冬菇毛豆做法:毛豆去皮洗淨，豬肉碎略醃15分鐘，乾冬菇用水浸軟身切片，備用下油穫，先加入豬肉碎略炒，再加入毛豆及冬菇片同炒之後加入蠔油及適量水煮至熟透入味，完成同樣我都會將餸菜分成兩碟，一碟走辣，一碟會加入蒜辣醬原來加入了滷友記自家製蒜辣醬會變得酸酸辣辣好開胃~送飯一流~🛒售賣點：@loyau

係荃灣食過呢間滷友記，出名食滷水野，另外有啲自家製既醬油，我就買咗嚟試下🤤可以用作伴小食、打邊爐、調味等…夠哂方便，今次我就整咗兩款簡單嘅惹味餸菜，手拍青瓜同埋口水雞，上網睇過食譜都好簡單，最緊要個醬汁唔使自己整！🌶️自家製麻辣油$65整咗💥手拍青瓜，我用呢款麻辣醬配上清爽嘅青瓜，更突出到麻辣醬味道！夠麻夠香，越食越惹味😆🧅自家製蒜辣醬 $48醬汁酸酸辣辣融為一體，味道香濃，聞到都流口水💦今次我就用嚟做🐔口水雞💦

滷友豚三寶麵（五花腩，豬大腸，豬肚）湯頭有滷水湯，麻辣湯，蕃茄湯，酸辣湯，我揀左滷水湯。麵有手造爽脆米粉，台灣牛肉麵，土炮米線，我揀左手造爽脆米。湯頭不錯，食完之後都冇口渴，應該冇味精。手造爽脆米粉好食，質感係粗糙，唔係平常食過果啲又細又滑。豬大腸，豬肚好淋好入味。五花腩兩片好大塊，唔油膩，配上蒜辣醬，酸酸地好惹味，個醬起初食一啲都唔辣，但食到尾有啲辣，雖然我唔好辣，但個醬真係好好食，一路食一路諗點解有種似曾相識嘅感覺🤔最後諗到，係蒜泥白肉丫🤣正丫，鹵水鋪有蒜泥白肉嘅味道😆下次要試下鹵水豆腐，滷水蘿蔔，同牛三寶先得

第一次想寫下食評 等侯外賣過程大約十分鐘左右(店內唔太多人)，拎外賣一刻以為自己淨係拎住隻碗。輕飄飄，無重量。打開望下有冇畀錯我，(當堂嚇一跳，然後得啖笑)結果係無錯嘅，滷水金錢肚拼豬大腸多謝$47。得1／3碗，仲要再加埋芽菜墊底。望多次張單我都真係冇睇錯，真係雙拼小食。我仲以為我係叫咗雙拼麵，漏咗個麵底未出畀我添🤣呢個價錢叫碗雙拼粉麵啲餸都一定多過佢😅先唔洗試個味道都肯肯唔會有下一次😊金錢肚一共係有六件，豬大腸有四件。芽菜同滷水小食嘅比例就一比一😂😂

又食滷友記，冇食一排好掛住佢嘅麻辣湯麵🤤十分推介，唔係好辣，但就勁麻，十分推介如果覺得唔夠辣，可以加佢嘅秘製辣椒醬，又係超正佢嘅麻辣油又係可以成樽咁外賣講返碗麵，下午茶可以叫兩餸，包一杯嘢飲，我叫咗滷水雞翼尖同滷水金錢肚呢度出名滷水，所以必定會叫滷水嘅餸😆夠林夠入味，偏甜麵上面有京蔥木耳絲芽菜，芽菜係食辣嘅時候會有種清新，麵有三款選擇有米線米粉同台灣麵，咁我哋就叫咗台灣麵，幾彈牙平時呀仔就食滷水湯麵🍜佢叫咗滷水雞翼同滷水金錢肚，真識食滷水湯底，冇芽菜，配菜就同麻辣湯麵一樣湯底咸道剛剛好，食完唔會口乾叫咗杯熱奶茶☕️，同自家製蘋果雪梨雪耳茶一樽加$10 ，今日試咗好甜，味道唔錯，冇酸味，上次買過就飲到有酸味，唔知係擺得太耐定係質量有參差🍎🍐蘋果雪梨好清潤，我平時自己煲都會有酸味可能蘋果同雪梨嘅個比例關係？

放假去男朋友屋企打機，打到開始肚餓，男朋友話如果可以去台灣食滷肉飯就好啦，佢講完搞到我又好掛住台灣😂！我即刻提議同佢去荃灣西樓角街170-184號華都中心1樓44號舖的《滷友記》，佢哋主打食台灣料理的，一解思台之胃。古法滷水五花肉飯$60 五花肉肥瘦均勻，廚師把五花肉炆得剛好，好容易咬開，入口五花肉的油脂係口溶化，散發著油香味。五花腩的油脂流落白飯度，變成豬油飯咁，再加秘製滷水汁用嚟撈飯，淋落白飯度食，即刻提升味道，增進食欲，成碗飯就咁食曬。滷水雞翼$35有4隻雞翼，滷水非常入味，雞肉嫩滑，值得推介。台式酥炸雞扒飯$59 炸雞扒即叫即炸，上枱熱辣辣，🐔雞扒外層香脆可口，裏面肉質柔軟嫩滑，好有層次感。佢哋的雞扒飯會有一小碗肉燥分開上比我地，用佢嚟撈飯食好味呀！雞絲粉皮$50 即係雞絲、青瓜和粉皮撈麻醬，份量好多，涼拌的菜式熱天食非常適合。佢雞絲、青瓜和粉皮的比例非常好，唔會話淨粉皮多，雞絲少的情況👍

今日3人行去行姻緣石前，自己一人先去華都中心食米粉，呢間原本賣滷水野，我叫蕃茄湯底，似係茄膏湯底，浸住米粉，索曬味，酸甜開胃，份量十足。另外一些食物係蘿蔔、陳皮魚旦、五花腩肉，腩肉唔太入味，其他兩樣都唔錯，食完好飽，晚飯都可省回不少。

就算去葵廣食好多唔同嘅小食，都唔夠去一間正正宗宗嘅台灣餐廳，俾我哋發現到喺荃灣嘅呢一間台灣餐廳🍴一入到去就好似去咗旅行咁，裝修都好有台灣feel~ 成個環境好chill之外，仲有一種濃濃嘅台灣美食味🥳滷友牛三寶飯$62入到去我哋見到好多人食嘅滷水飯，因為諗唔到叫咩餸好，所以我哋就叫咗佢哋推薦嘅牛三寶滷水飯。牛三寶有金錢𦟌，牛筋，金錢肚，因為三款牛我哋都好鍾意食，所以我哋決定到一次過試曬。鮮蕃茄肉燥湯飯另外，我哋仲叫咗個蕃茄肉燥湯飯，佢哋嘅蕃茄湯，酸酸甜甜，非常之開胃。陳皮冰糖燉檸檬我哋仲叫咗一個陳皮冰糖燉檸檬，陳皮嘅味道非常之突出，食完感覺之後可以清熱氣！

今晚同屋企人食飯，試左呢間滷友記，價錢方面合理唔貴，台灣小食款式仲好多選擇😍呢個台式酥炸雞扒飯賣相好吸引，成日覺得食台式嘢一定要食炸雞扒，呢度嘅雞扒炸到好香，而且肉質一啲都唔乾同埋好鬆軟，加埋滷肉一齊食，實在係太完美嘅配搭。見到佢哋麵食，都有好多唔同嘅配料，我就揀咗我古法滷水五花肉麵啦，五花肉嘅肥瘦比例適中，五花肉入口肥膏位置煙靭，肉質方面有好鬆軟，食五花肉真係好邪惡，但係連埋佢哋個滷水汁湯底又真係食到先肯停口😂白灼秋葵唔會好清淡，因為加咗好多蒜蓉同埋滷水汁調味。

啱啱喺荃灣行街，呢間充滿台灣特色嘅餐廳🍴我哋好快就決定咗要入去試一試，喺出邊排左差唔多15分鐘之後就可以安排入座🥳坐低咗之後，見餐牌上面都有好多好有特色嘅小食，我哋糾結咗一輪之後就決定嘗試下兩個小食🥳台式酥炸豬扒 $35台灣稍為出名嘅炸品又點可以唔試，嚟到嘅時候見到佢嘅份量都唔使快，覺得佢都幾抵食，非常推薦如果想懷念一下台灣小食。上湯浸蘿蔔 $30跟住我哋就叫咗個上湯蘿蔔，因為平時食車仔麵都會揀蘿蔔我哋今次叫咗小食就可以share嚟食，非常之林，而且好入味💓古法滷水五花肉麵 $60另外我哋就叫咗一個五花肉車仔麵，佢哋嘅滷水汁非常之香濃，感覺上係好夠味，而且佢五花肉則非常之好，肥瘦非常之平均，食落口就覺得好豐富。古法滷水金錢𦟌麵 $67我哋仲叫咗一個牛展車仔麵，同樣係用滷水汁做湯底，而且我哋麵底就揀咗最鍾意食嘅油麵，油面本身就非常之果汁，所以我哋食到非常之滋味！