滄浪亭

營業中

休息中

今晚北遊返港, 屋企除了方便麵外, 冇野食. 落樓下食個便飯近近地, 平台兩間小店做街坊生意, 食物雖然一般, 但勝在小店服務, 友善親切.獅子頭係這裡的佳作之一, 加埋菜飯, 睇齊其他大館子. 另外叫了水餃, 皮薄, 口感一流. 放工返屋企, 冇飯開, 優之選!!!!

剛剛搬到美孚區之前看過其他人對此店的評語都想試下呢間店今天走去試下叫左兩個麵(因為阿姐話飯賣晒,只得麵)一個水餃麵(因為阿姐話雲吞賣晒)一個穌油雞麵嘩! D 湯好salty麵OK 啦D 水餃同雞味道普通過普通D 阿姐的態度不揪不采不能佢地有股份,間舖又系自置物業,生意無乜都可生存不怪之得... 未試此店之前, 經過此店幾次(大約兩-三點)裏面無食客有其他選擇,我不會再去食呢間店

預左呢間野食飯時間一定超多人所以星期日夜晚等到8點幾先去去到都係0岩0岩有人走先有位不過阿姐就話菜飯, 水餃, 雲吞都賣哂我地就求其點了兩個嫩雞煨麵, 蔥油麵嫩雞煨麵好食~ 好多菜~而且的菜唔係「溶溶爛爛」0個0的蔥油麵, 油好香~ 不過唔係咁健康~

美孚不起眼的小食店-滄浪亭正宗上海麵尋日係美孚游完水，晚餐就係美孚一間不起眼的小食店-滄浪亭正宗上海麵食，如果唔係友人介紹，根本就唔會找到，因為係美孚新村第1期百老匯街7-11號平台25-26號，講真，如果唔係住美孚，真係唔會走上去"平台"呢！講番呢間店，真係好細，百幾二百尺，可能你間房仲大過佢，只係4張台，10幾個坐位，但係流量好快，平均20分鐘內一定食完走人！正式的上海小食及麵食，味道、用料都好正宗！獅子頭麵(約30蚊)：味道香濃，很入味，獅子頭軟硬適中，麵非常幻滑，好可能係自己打的！虎皮蛋($4一隻)：睇個名以為是皮蛋，其實是雞蛋，蛋白外皮好似煎香/燒過，香口得來有質感！汁料不太甜，幾吸引！醉香妃(好似10蚊2隻) 好香的酒，雞翼嫩滑大隻，先後叫了2牒！嫩雞煨麵($32)：好大碗！一個大男人食一碗都一定足夠！麵依然嫩滑！雞湯清甜而沒有加味精，雞不是雞件，只是雞粒，唔係睇小呢d雞粒，係咸的，並唔係一般求求其其的雪雞呢！美孚居民好多都係外買自取！如果人少少，都可以一試！4位以上最好都唔好了！更多相片請參考：http://hk.myblog.yahoo.com/samuel-cheun

昨晚七時許, 店內地方小, 坐得不舒服, 友人更不時遭中年女店員的屁股碰撞, 很難受, 那中年女店員沒有可能不知道, 或者她不在乎... 這是服務嗎?糖醋排骨麵($33) - 初時以為是炆的, 但原來是炸, 很香口!! 麵的湯底太清, 沒有味道軟大排菜飯($28) - 豬軟骨炆後韌, 而且糖醋汁很甜, 不是食甜品啊!! 菜飯都可以, 但濕了少許...說真的, 在外面可以吃到比她好的有很多, 但因地理因素, 住在美孚的街坊會覺得此店是好的, 在美孚很少店鋪有上海菜店鋪...吃完這餐得不到滿足...

唔熟美孚的人, 未必咁易搵到呢間舖頭所在...就係咁先好, 靜靜地好舒服.似是上海人開的店子, 菜牌簡單, 全是上海菜,好正宗,賣相好靚,!菜肉餛飩麵$23 - 好簡單麵, 但好明顯d 麵好食過出面茶餐廳d所謂的上海麵. 餛飩好大粒好好味, 仲好新鮮tim. 不過, 食完覺得口渴, 相信味精多了...要食就要早點去, 因為我下晝兩點去到, 糖醋排骨, 菜飯, 水餃,油豆付都已經沽清啦!

環境吾錯!有古色古香既味道,d野又好味!我推介呢度既菜飯,真係吾同出邊果d店鋪!撈面都吾錯,值得一試!忠實fans!

跟女友到這兒吃晚餐，傍晚六點九，居然只有一個客人。知道這兒的菜飯的菜量偏多，故選了兩份菜飯。紅燒軟排菜飯（$28；圖示）：三大件紅燒豬軟骨，紅燜多時，香料味道十足，豬肉質超軟，豬軟骨滷很正點。冰糖香甜，很下飯超讚！樣唔靚，但味道超正！燻魚菜飯（$26）：兩大件炸魚，骨頭炸得香脆，鯖魚好肉，由醬油、醋、糖的淋汁，亦很下飯。今天的菜飯仍然係菜量超多，我們吃得相當滿足，唯質地略濕，但都仍可接受。見有兩爺孫入內吃晚餐，點了客陽春麵、淨水餃、黃瓜，埋單要成七十蚊。由落單、進食、埋單走人，才十分鐘。超級快。個人覺得，這是間貴價速食（速閃）店！另：店裡的菜牌，是簡體字，店家（三個中年大陸女人）都同客人爭論，說這不是簡體字。個人認為：這種睜開眼說謊，硬要歪曲事理的處事手法，著實唔要得！

湯底同麵都只是OK大排(炸豬扒) 夠新鮮熱辣, 雖然肥少少, 但幾好食

Sunday nite, we do not want to cook, so came down here to try this small place with quite a lot of good comments.1.獅子頭麵:7分2.水餃麵:6分湯底OK, 獅子頭is very big but a little bit too salty, 水餃is not very tasty. But the noodles are good!

好耐以前食過,獅子頭同雲吞都好味...湯好清, 唔似得其他店d湯,好多味精...

試過一連五日去食！大排麵：即炸大大塊豬排勁掂！(我會"掂"醋食！)o的麵好滑、湯底好清。獅子頭菜飯：獅子頭個味好開胃。菜飯好有"菜"味，哈！齋會佢都可以！虎皮滷水蛋：夠入味！雞煨麵：必食！湯底好濃！

小妹同埋兩個好姐妹lunch time係美孚搵飯開, 有人提意到滄浪庭這間小店一試, 咁就去試下啦.. 都係食lunch時候,都要搭台等一等位, 同埋都有好多人買外賣.我地每人都叫左一個面, 分別係: 燻魚面($28), 菜肉雲吞面, 雞面($30)(唔記得左個全名). 我係食燻魚面, d魚都好好味, 最重要係d面唔係軟lai lai, 係好好食的上海面喎.. 同事食雞面, 佢講個湯底(白色的)都好好味好新鮮雞味呀! 至於雲吞面就有雲吞4大粒, 同事話都ok呀! ps: 加埋豆板獎就更好食呀!另外, 我地叫左雞絲粉皮同埋炸水餃share食. 雞絲粉皮~ 可能d粉皮係雪得太耐, 我地要用剪刀cut開先至食到, 這個就唔係太好食啦.炸水餃~ 都有8隻, 好似係$22,都好食呀.. 可以再試的!服務: ok呀! 不過人多就要等一等lor.. 店子細小,坐得迫d,不過好食就無所謂!

今日未夠7點來到，終於食到菜飯，（遲d來就多數賣晒）。店仔細細，由幾位阿姐run。今日好彩我得一個人，迫埋同d阿伯一齊坐，原來佢地成日來幫趁架。排骨菜飯：等左幾個字終於到，成大塊炸到似吉列豬扒多過似排骨，鬆化甘香，好味到醒神，d菜飯雖然較油膩，但好大碗好好食。今餐食到好飽好飽。聽d阿伯講呢間野都開左十幾年，我坐係度咁耐真係有好多人幫趁，亦有不少人買外賣，果然係老字號。

毛豆百頁($8)味道不錯，如少些油和少些鹹就更好。雞煨麵($30)湯底美味，但渴了後有口渴的感覺，不知落了味精?另外，麵略淋。