滄浪亭

營業中

休息中

成日行過見到，一直都想試，但通常食飯時間都有人排緊隊，今日好好彩咁，未有人排隊，又剛剛好有一個位，當我坐底時出面已經有人等位了我要了碗糖醋排骨麵，因為都好少食，試下都好，因為係麵食，我都驚唔飽，叫多樣小食，雞絲粉皮同凍豆漿雞絲粉皮到先，麻醬味就咁聞好香，但食落又唔會搶左雞絲味，仲食到芝麻香味，而粉皮好爽滑，好似食緊冰粉咁主角麵到先，糖醋排骨再等一等先到，不過上枱時我估唔到有咁多舊，而碗麵份量都幾多，糖醋排骨d味甜酸好足，炸都剛剛好，不過實在太多，我一個人食到尾覺得多到膩左，下次兩人食先最低

想食好耐，但地方淺窄，長期多人等唔到。不過發現一點半後又少人勒喎，所以就黎食。雖然地方唔大，但好骨子，而且舒服😌嗌左香酥雞麵，雞同麵分開上，份量好多，多到可以夠我食兩餐😂麵質軟熟新鮮，加埋香蔥已經好食。雞有四大件，唔係遳遳脆，唔係卜卜脆，而係香酥脆，好似威化咁鬆酥脆，即係好脆，脆得黎鬆化而唔會食到有聲😂 總之就係香脆，食過你就知咩係真酥脆啦。好好食，一定要食👍🏻 大件好食夾抵食真係唔怪得成日都咁多人黎，亦咁多人買外賣。仲有靚香片茶飲 🤗不過水餃麵既水餃就唔好食，細粒又皮厚... 見到人地食雲吞感覺好食好多...😅另外亦見到好多人食嫩雞煨麵，好似好好食。遲下要再黎食過🤗

滄浪亭⛩住紅磡近近地去咗附近嘅上海面舖食，鋪面比較細，只有四張枱，我哋都等左一陣先入去坐~~🍖糖醋排骨面🍲 $52排骨嘅份量好多，我諗應該有二十塊左右，一個人未必食得晒！糖醋排骨係一碟蜜糖味好重嘅排骨，炸到外面脆脆地，但係入邊嘅肉汁依然可以保留，而且佢嘅肥膏唔會好多大部份都係肉嚟㗎，食落去甜甜地酸酸地，非常開胃(˶‾᷄ ⁻̫ ‾᷅˵)麵條長而幼細🥢但係可能煮得太稔，佢個湯底係類似豉油湯底做得都幾唔錯，再加啲上海辣椒醬就咁好食啦🌶而且個面嘅份量都好多，食極都食唔完。

喺紅磡讀書咁耐，已經聽好多同學講過呢間滄浪亭～今日終於黎試喇！鋪頭面積不大，放到三四張枱～我哋叫咗個《糖醋排骨麵》$32糖醋排骨整得好好食！外皮酥脆，內面香滑，雖然係炸但都唔會有好熱氣既感覺！唔知個麵係咪就係陽春麵呢～麵條條條大細均勻，幼幼的～煙銀粘口，口感好好！湯底較清淡，但又唔會冇味《菜肉水餃🥟》$43明顯係人手自己包😍單係呢份心機已經好難搵，$43蚊有8粒大大粒，一咬啲肉汁爆晒出黎😋😋《雞絲粉皮》$35反而呢個雞絲粉皮我就喎係好推薦喇粉皮質感太淋，醬汁太過濃味下次就未必會再嗌嚕

以上海風味麵食為主而經營的小店。鋪仔真係細細，入口有條大斜路，令小店能放的座位更少。4張4人枱加近入口的2個座位，共僅僅夠18個人坐，有些位置，你大隻小小都無法坐到的。看看餐牌，最貴是湯年糕，要$50多元，其他的都是$40多至50元之內，算幾經濟。你唔想凈食麵，可叫些小食，不過先提提你，一碗麵份量也不少的。魚肉雙喜麺，即燻魚加燜肉雙拼，湯是醬油清湯，唔太鹹，麵質依依韌韌，唔比日本拉麵差，滾得剛好，沒有過熟。燻魚外觀幾黑，咬落有些乾，都頗甜的。燜肉夠鬆軟，肥肉唔算太多。菜肉餛飩麺，餛飩內有很多菜，食多幾粒都唔滯，4粒好似少些，加多1-2粒就正啲啦！獅子頭麵，一大球豬肉波，筷子一壓便鬆開，肉很鬆軟，肉外皮很深色，但又唔係好鹹喎！ 嫰雞煨麵，是白湯，看到湯中加入奶的。所以感覺麵滑些，加入大量雞肉粒和菜粒，口感豐富了，啖啖都有餸食，雞粒唔嚡，彈牙。菜粒味冲淡濃郁的麵和肉味，令整碗麵都變得清新很多。

落雨又濕又凍，食碗熱辣辣嘅麵最好不過。聽講呢道出名嗌糖醋排骨麵同埋嫩雞煨麵，我同朋友一人嗌左一碗。糖醋排骨即嗌即炸，多肉唔多骨，上面淋左酸酸甜甜嘅醬，好好味。麵嘅質地幼身，湯底清清淡淡，配埋排骨食就無咁熱氣。一直都唔係好知究竟咩叫煨麵，原來湯底係牛奶味嚟㗎。雞去哂雞皮，質地同佢個名一樣，夠嫩。上面仲有唔少菜，非常健康～重點係佢地嘅麵嘅份量係超多，配堆野飲嘅話，男仔都未必食得哂！所以真係幾抵食架～！

位置係大馬路旁邊 相信唔係住hh既朋友都好小會專登去 而且店內位置較少經常要同人一齊夾份坐 但係食物質素真係冇乜點可以挑剔平均每碗麵都係四十幾至五十幾今次叫咗一個小食 貴叼妃 就係醉雞翼其實＄25得兩隻 Size 係中雞翼一開始覺得好唔抵食 但係佢個味又真係調得好好食喎 所以究竟抵唔抵就自己衡量啦炸排骨麵 排骨好大塊好抵食 唔會好受亦都唔會好肥 最鍾意每件嘅側邊有少少肥膏 中間又夠瘦平衡返 炸得岩岩好蔥油肉絲麵個蔥油湯底真係好香 如果鍾意食香口野嘅朋友一定要試 唔好因為見到佢冇乜肉就唔去食因為佢個湯底真係做得好香好好

提提大家，兩間店彤彤都去過，紅磡店好好多！！！🙌🏻一黎好食D，冇咁重口味，兩黎衛生D，三黎服務態度好D👍🏻因為美孚店D姐姐又唔理人，仲戴住洗碗手套拎碗麵出黎🤢，成隻手指插落碗麵度，真係睇見都反胃😨😱🤮1. 大排麵（＄47)🍜排骨好大塊又炸得香脆，但肉身就硬D，唔夠多汁😅麵條幼身又夠滑，配上甜甜的湯底，可以一試！彤樂評分：7/102. 雞絲粉皮（＄35)粉皮好滑又唔會太長太大塊，雞絲夠多😋，加上花生整嘅麻醬好惹味，推介！🤤彤樂評分：8.5/103. 嫩雞煨麵（＄47)雖然相對比較清淡，又湯好有牛奶味，美孚店更濃（個人就覺得紅磡店味道已足夠），煨麵麵身更滑，入口有少少融化嘅感覺😁不過菜粒同雞就唔太特別😅彤樂評分：7.5/104. 蔥油肉絲拌麵（＄47)相較下蔥油開陽拌麵好食DD，但都係有一同共通點，鹹！🤢第一次就咁食，第二次攪拌晒再食都一樣，尤其底層，鹹到一個點！😟即使肉絲同蝦米味道OK，但咁鹹，都唔知食左幾多鈉落肚😣彤樂評分：4/10

紅磡一直都多平民美食，呢間平價又大大碗既上海菜小店成日都要等位，岩岩今次趕得切最後兩人位唔駛等。呢間真係小店黎，幾張木枱地方真係好淺窄，大家都要坐得迫少少同埋搭枱，呢啲就係而家出名大餐廳無既小店風味。必點既一定係《嫩雞煨麵》($47)，一黎到真係勁大碗，麵份量多麵質幾淋，面頭菜同雞份量都唔少，雞肉依然嫩滑，湯底則較清淡。另一個主菜《菜肉餛飩》($43)，一碗已經有七八粒，皮身唔厚不過又唔會一咬就散，入面菜肉都夠均匀每啖就兩樣都食到。至愛食既小食之一《雞絲粉皮》($35)，透明質感既粉皮夠薄身夠爽夠彈牙，麻醬花生香夠份量又岩岩好，成碗都仲有麻醬拌又唔漏。另一個至愛小食《醉貴妃》($24)，反而呢個有啲失望，雞翼皮同肉太過硬身，碗中有酒香不過雞翼未入哂味。店名：滄浪亭地址：紅磡蕪湖街111號地下C1號舖餐牌:

紅磡都有好多間上海野食但我最鐘意都係”滄海亭”因為佢有好多選擇 主菜 小菜 甜品最重點 係分量好多 每次食完都抱住個肚走☺️食過咁多次我個人喜歡食紅燒軟排麵，糖醋排骨麵，嫩雞煨麵，所以推介俾大家😋🥇紅燒軟排麵佢地既紅燒軟排麵 暫時係我響香港食過最好食既煮得一啲都唔馬虎紅燒肉既肥肉同脂肪入口即溶每一舊仲要好大舊同有4舊咁多😋湯底都唔會過鹹同過淡美中不足 係個麵我覺得有啲淋不過我真係十分推介叫呢個🥈糖醋排骨麵呢個麵係呢度既王牌🎖糖醋排骨有一碟既分量咁多醬汁味道酸酸甜甜咬落去排骨仲要係啖啖肉😋炸得一啲都唔乾😍仲好juicy 🥉嫩雞煨麵鐘意清淡既朋友可以試下呢個麵湯底夠濃 味道調味岩岩好令本身呢碗只有菜同雞肉既麵層次更升華😍係張相都可以睇到啲料真係好足個湯真心好推介如果大家去到紅磡真心一定要試試呢間餐廳😗😗

經朋友推介第一次食滄海亭 位置係生記滷味對面 店舖唔算好大 但都算坐得舒服 唔算太迫 亦唔污糟 但位置始終唔算好多 晚餐時間都要等下位今次叫左嫩雞煨麵 湯底有淡淡牛奶味 菜同雞既份量都十分多 但略嫌雞肉質地較實 麵質亦比較似米線 唔似上海麵 朋友叫左糖醋排骨麵 我個人比較鐘意食呢個 排骨炸粉唔會太厚太硬 排骨質地都夠淋 最值得一讚係個糖醋汁 酸甜度岩岩好 另外排骨份量都好多 隔離枱既男仔都食唔哂整體嚟講 份量十足 價錢還算可以 未試過既可以一試

呢間小店唔算起眼，但係到食飯時間，店舖總會坐滿晒人。呢間上海菜相對其他連鎖集團既上海菜館相對便宜得多，但係份量絕對唔細！一碗嫩雞煨麵大大碗，如果兩個人share食，多點一個小食已經夠飽。嫩雞煨麵嘅湯底有陣陣嘅奶油香味，加入嫩滑嘅雞粒同滑滑嘅麵線，真係可以連湯都飲埋。其他麵既湯底就相對普通，但勝在佢其他配料好好食，例如係香酥雞同埋紅燒軟排，麵線再加上小小嘅豆瓣醬，好地道。以呢個價錢食到一個豐富嘅晚餐，真係唔錯！

滄浪亭嘅麵真係好好食 今日見好耐冇食過 就同朋友再去紅磡個間食多次😋去到諗咗一陣 果然都係好想揀佢個蔥油拌麵 蔥油拌麵只會得啲炒咗嘅蔥 但對我嚟啲唔食餸都可以好滿足嘅人嚟講已經好足夠😋因爲佢嘅拌麵汁再配埋個炒蔥真心好好食🤤 啲汁唔算太油 拌麵汁加埋蔥嘅味道好香 味道一流佢嘅麵都好好食 因為唔會煮得太淋 硬度好啱我食🤤 覺得嚟個味道配合價錢性價比都不錯！之後仲試咗朋友嘅嫩雞麵 湯嘅奶油味真係好香😋仲好多小唐菜 都值得一試㗎😋

呢間店舖我已經幫襯了很多年，開頭留意呢一間店舖嘅時候係因為佢個名，佢同上海其中一間嘅食店嘅名係一模一樣嘅，嗰間店舖亦都係好多年前已經結業，真係好想再去食返嗰間店舖嘅美食啊！雖然佢裏面嘅食物同嗰間店舖係唔一樣， 但係呢間店舖嘅食物都好有水準，雖然佢唔稱得上係好正宗嘅上海菜，亦都沒有最出名嘅小籠包，但係佢所做嘅獅子頭麵及上海煨麵都好好食！我每一次你都會叫㗎 ！佢嘅獅子頭做得好好食㗎 ，佢嘅獅子頭大有肉香而且結實嘅程度剛剛好，當中食到已經加左鹹蛋黃，鹹香道好好味！另外，佢嘅上海煨麵包括菜煨麵及雞絲煨麵，我通常會叫菜煨麵加上海雲吞，咁樣會健康啲！我食呢個面嘅原因係因為佢嘅湯底好有舐香味，而且軟軟的麵好適合小朋友食，我會帶小朋友嚟呢一度食，佢係會食好多好多！佢嘅價錢亦都非常之合理，大約40幾蚊一碗麵但係已經可以好飽了！

店舖需少，大概只有5張枱，但坐得舒服，😆😆正中上海麵嘅味道。獅子頭麵，獅子頭啖啖肉，夠晒大粒。😍😍😍😍麵底同其他上海麵完全唔同，面質彈牙易入口，👍🏻👍🏻👍🏻烤夫大大塊，價錢夠平民