滄浪亭

營業中

休息中

落雨又濕又凍，食碗熱辣辣嘅麵最好不過。聽講呢道出名嗌糖醋排骨麵同埋嫩雞煨麵，我同朋友一人嗌左一碗。糖醋排骨即嗌即炸，多肉唔多骨，上面淋左酸酸甜甜嘅醬，好好味。麵嘅質地幼身，湯底清清淡淡，配埋排骨食就無咁熱氣。一直都唔係好知究竟咩叫煨麵，原來湯底係牛奶味嚟㗎。雞去哂雞皮，質地同佢個名一樣，夠嫩。上面仲有唔少菜，非常健康～重點係佢地嘅麵嘅份量係超多，配堆野飲嘅話，男仔都未必食得哂！所以真係幾抵食架～！