湘川滬 (+WOO嘉湖二期)

營業中

休息中

越南旅行過後，好懷念中菜，晚上於是便和爸爸來到天水圍銀座湘川滬。先來一壺水仙，枱面有一碟開胃花生。韭黃炒鱔糊: 黃鱔切成幼條， 鱔肉嘅分量也頗多, 炒得比較濕和腍。上檯時有坐熱的設備爉燭爐仔，可以保持菜式温度，鱔肉配上韭黃好入味。咸魚雞粒炒飯:看顏色已知炒得偏向濃味，咸魚味出，炒飯份量不少﹗重慶酸菜魚片:份量不算多，兩個人吃剛剛好，魚片切得夠薄，吃起來夠彈牙爽口， 魚片夠嫩滑還有些許配菜，帶少少酸味，不會太辣，如果舖底粉絲粉可以多一點就更好﹗小籠包(4隻):小籠包皮很薄 ，內裏超多湯汁 ，餡料肥瘦肉適中，一不小心就會咬爆汁﹗

今次推介好友和我一起去湘川滬吃晚飯，因為之前曾經品嚐過，覺得好好味  ;  而這餐廳是集四川、上海、湖南的中菜料理，可以一次過吃到不同省份的菜式，實在很不錯呢。這間中菜餐廳是在商場裡，設計以半開放式，有室內或室外，是在商場裡的舖外，不是在戶外，但感覺幾開揚。裝修以中式設計，典雅時尚，地方寬濶，感覺舒服。晚市套餐有很多優惠小菜，這裡是集四川、上海、湖南美食，包括特色菜餚、家鄉小菜、湯𡙡、前菜、小食、點心、甜品等，款式種類多，很不錯。蘿蔔絲鯽魚湯      $118奶白色的魚湯，散發濃濃的魚香味，這鯽魚較大條，魚肉很鮮，爽滑幼嫩，湯頭鮮甜，而蘿蔔絲吸入了魚湯的味道，很鮮美，真的好好喝。脆皮風沙雞 (半隻)     $108炸得酥脆的風沙雞，口感不是太油膩，雞肉香濃，鮮嫩爽口，配合粒粒金黃的風沙就更惹味。農家小炒肉      $75小炒肉是用豬肉片製成，肉味濃而且很鮮甜  ;  配合蔥、青椒、紅椒、蒜片等一起炒，獲氣十足，好惹味。四川擔擔麵       $48大大碗的擔擔麵，湯底濃郁，味道帶有麻、辣、香，加上肉碎的鮮嫩多汁，麵條爽滑，吸入了湯汁味道，而且帶少少辣，很滋味！

Food is an important part of a balanced dietAnd this is a hidden Chinese Restarant located in Tin Shu Wai難得去到天水圍 更係去搵隱世美食啦自問自己鐘意食中菜 尤其是片皮鴨今次去左湘川滬佢入面既裝修好有中國風 有別於一般的中菜館我點左片皮鴨, 瑤柱賽磅蟹, 鎮江肴肉, 小籠包重點推介片皮鴨: 足料, 佢係原隻上, 同佢烤到岩岩好 皮脆肉嫩 同啲鴨油好正! 佢係一鴨二食,我揀左炒涼瓜,個涼瓜唔係話好苦,好甘甜!鎮江肴肉: 佢個肉整得好靚同埋都好晶凝通透 見到哂啲肉既花紋湘川滬Location: Tin Shu WaiPrice (5 is max): 2.5/5Yummy (5 is max): 3.5/5

食得多西餐，有時都想食下中菜，係天水圍呢間中菜就可以食齊四川，上海，湖南菜。好，坐底睇下有咩好食先。重慶口水雞，麻辣味十足，夠辣夠麻，雞肉又夠嫩滑，咬落啖啖肉，好食！雞絲粉皮，涼涼地既粉皮，食落有爽口，拌埋花生醬，雞絲，青瓜，濕濕潤好開胃。砂窩獅子頭，大大粒獅子頭，肉質口感好鬆軟而且有層次，因為呢個菜重口味，所以拌飯啱晒。重慶酸菜魚片，食到酸酸辣辣，平衡啱啱好，魚片爽口又滑，冇乜骨，不過偶爾都有少少骨，都要小心食啊！

最近天氣漸漸轉涼，早晚秋意濃濃，令人有吃中菜的意欲。今次，我們再次到天水圍的湘川滬吃頓豐盛的晚餐。湘川滬的特色如其名，食客可一次吃享受三種截然不同的中菜風味。我們這次點了五款菜式，它們各具特色，分別是：1.小籠飽在香港吃小籠飽往往很昂貴，便宜的又不對板。湘川滬的小籠飽肉汁豐富，熱辣辣非常美味，最重要是價錢相宜。2.三鮮鍋貼三鮮鍋貼又是另一抵食之選，平均每隻也不足十元。鍋貼皮煎得香脆香口而不過火，肉餡簡單但鮮美。3.黃沙香南瓜南瓜外脆內軟，香口之外，更充滿咸蛋黃香味，雖然邪惡，但讓人停不了口地吃。4.砂鍋津白什錦數十元有整鍋津白什錦實在抵吃，津白令湯頭更為甜美，與冬菇等，非常配合。粉絲使口感變好，加上以整個砂鍋上菜令整件事更有誠意。5.上海粗炒麵在湘川滬吃飯看見每枱也幾乎有一碟上海粗炒，可見其相當受歡迎，所以我們也點了來嘗嘗看。上海粗炒麵確實有它的風味，火候剛好，用簡單的配料炒出豐富的味道。

每次放假都會到屋企附近既湘川滬，媽咪愛食上海菜，更愛喝呢度既人蔘烏龍特愛果陣暖滑回甘既味道，順喉解膩，唔係每間茶樓都有供應。比起廣式點心，作為上海人偏好散嗌小菜，感覺更親切更熱鬧冷盤燻魚先炸香再淋上甜香醬汁，主骨易噒、細骨脆身易咬碎，入口充實啖啖肉。選用軟豆腐，比較軟嫩易散，肥豬肉末佔大比數，油香重，個人建議撈飯食辣度屬微辣帶些少麻，如果再辣啲會更香更好送飯。蝦球乒乓波咁大粒俾厚厚既鹹蛋黃包裹住，乾爽不油膩，略微有啲鹹，但蝦肉爽口有回彈力，加返唔少分紅燒肉排食得多，第一次試梅菜煮法，有六大件，味道鹹甜參半，非常惹味。軟骨爽脆，肉質炆得稔軟不韌臨尾都要食返啲碳水先至飽肚滿足銀絲卷比一般包點食落層次更豐富，無論點紅燒汁定本身伴上既煉奶同樣掛汁好味～～～

夜晚同朋友去左天水圍食上海菜，呢間係傳統既上海酒樓，沿用左舊式既裝修，好多人帶埋一家大細黎食飯！我地好耐冇食過上海菜，所以就即刻點返幾樣傳統既上海菜。當中當然包括必食既招牌小籠包啦！小籠包皮薄餡靚，而且有好多湯汁，勁鮮甜！我地仲叫左個瑤柱賽螃蟹，蛋白好嫩滑，配埋啖啖蟹肉，正啊！另外，我地仲點左四川樟茶乳鴿，乳鴿細細隻，燒到好香口！仲有我至愛既雞絲粉皮，麻醬配上爽滑既粉皮，好食到停唔到口啊！仲有呢碟清炒翡翠絲，好健康啊！最後，食埋配酒釀南瓜丸子就perfect 喇！

平時行過銀座成日見到呢間湘川滬,今晚終於一試!揀左個"室外位", 夠哂空間感, 分別點了小籠包, 四寶海參瑤柱羹, 石頭窩蝦羔海皇粗炒,再點左人參烏龍茶。小籠包皮薄,湯香,肉多,點小小醋令小籠包既味道更出眾! 即使唔點,都仍然好香!四寶海參瑤柱羹足料到爆, 可以分到6-7小碗,真係啖啖都係料,超抵飲!石頭窩蝦羔海皇粗炒同樣勁足料,蝦羔炒粗面勁香口,勁多海皇做配料,夠哂飽!茶位10蚊位係絕對值得比,人參烏龍茶係出面無飲過,超級香,同朋友讚不絕口!

今日去咗新界區探個朋友， 佢作為一個地頭蟲當然由負責帶我去搵好野食👍今次係試呢間湘菜館～佢既蟲草花鮮人參竹絲雞湯好足料， 飲到好重鮮人參嘅清香味，百幾蚊咁大窩性價比超高👍清炒萵筍自己煮可能都要買好多先煮到呢個份量出黎，但呢度幾十蚊就食到，仲好脆口👏酸菜魚辣度唔算好勁，魚肉係比較有彈性，次次食親呢啲酸辣菜式都會唔覺唔覺食左兩碗飯。。。咸肉松子仁海苔炒飯幾特別，有啲松子仁既咬口，咸肉可以調一調味， 海苔可以增加口感，唔錯👍豆沙鍋餅係一早落左，叫佢起佢先整，所以熱辣辣好香脆，作為中式甜品一流😋下次又睇下呢個朋友帶我去邊度食好嘢先👀

今日入咗天水圍探家姐，自從佢第一次帶我去食呢間川菜之後我地就差唔多當左佢係我地既飯堂😂我哋四個大人一個bb點到成檯餸🙈叫左一窩蟲草花鮮人參竹絲雞湯，酸豆角拼香酥盒子，清炒萵筍， 酸菜魚，松子仁海苔炒飯， 蝦子薑蔥海參同豆沙鍋餅😋蟲草花鮮人參湯清清地，好補同好香人參味， 倒出嚟都有成六，七碗咁多👍 抵飲酸豆角拼香酥盒好開胃， 個香酥盒係我好鍾意食果啲好有層次嘅酥皮類， 仲要有好多白芝麻喺面頭勁香😍 配埋豆角同肉碎味道岩岩好平時食海參閒閒地都要二百幾蚊，但係呢度百幾蚊就有一碟滿滿既海參😮 個醬汁啱啱好唔會太鹹， 海參係偏爽口彈牙唔係偏向重膠質果種， 雖然重膠質既美容功效大啲，但係口感上我係鍾意食呢種多啲😂呢度啲野大大碟好抵食，定期都有啲晚市特價菜式，環境座位算係幾闊落，推薦👏

同老公帶老爺奶奶食飯，一行五人，附近都排大隊，於是就入了這間湘川滬。對湘川滬的感覺不太好，因為之前朋友來house warming，請她們喝午茶，味道真的一般般，不過大肚的我，不好站太久等位，也就將就吧。一行五人，叫了7個菜，好吃說不上，不會過份難吃就算了。酸菜魚 - 最早上，也是最差的一個菜。吃第一口，個心涼了一大半，心想：「大鍋！這個質素，還有多個菜怎吃下去？」不正宗的酸菜魚，湯是稀的，味道淡；底竟是粉絲少量，而不是薯粉；主角魚更是不嫩又味淡。差！蕃茄腐皮煮菜心苗 - 這個是最好吃的一個。菜心苗很嫩，配上蕃茄，味道竟然匹配，腐皮有沒有都ok。酸辣湯 - 普通小籠包 - 這個也不錯，皮薄、肉汁多，我一個不小心夾爛了，其他人的三個沒有事。四川擔擔麵 - 擔擔麵還是花生醬重才好味。這個是沒什麼花生醬味，重的是四川的麻辣味，不懂欣賞；麵底不是幼身的擔擔麵，而是較粗的上海麵size。不好吃！糖醋骨 - 原本以為是切好的蒸排骨的size，原來是大候排骨，碟頭大，有成六七條。酸酸甜甜，味道是不錯的。上海粗炒 - 一般。粗麵太淋，味道一般；椰菜ok，但肉太少。

同事介紹屋企附近有一間開業多年嘅湘川滬菜館，喺同 一間餐廳裏面有齊湘川滬三個地方嘅菜式，啱哂心多多嘅我。花雕醉雞，醉雞酒味香濃，口感嫩滑，底部嘅雞酒味尤其濃重，嗜酒嘅我鍾意喺食完一啖雞之後用一啖酒嚟餸，夠哂重口味。招牌小籠包，小籠包內湯汁極度豐富，將包皮咬開一個小口，倒出嚟嘅湯汁一個匙羹都裝唔哂，小籠包味道正宗，幾乎想嗌多一籠。酸辣湯，酸辣湯上枱嘅時候仲係熱辣辣，直情係要小心辣口嗰個程度，酸辣風味十分醒胃。孜然香酥骨，香酥骨份量十足，廚師將香酥骨爆得外皮酥脆，最鍾意佢面頭有大量爆香咗嘅蔥蒜做調味，令到成碟餸都份外惹味。重慶酸菜魚片，酸菜魚片選用咗新鮮嘅脆肉鯇，喺同類型嘅菜式中比較少見，酸菜係正宗嘅深圳河以北嘅味道，特別鍾意佢用咗少少粉絲擺喺底，索盡酸菜魚嘅精華，好味。

老公知道我鍾意食辣野同香口野 經常去湘川滬 因為湘川滬 選擇都好多款 有酸菜魚 獲氣小炒有砂鍋雲吞雞等......小籠包要小心食 因為會爆汁😋上海粗炒勁足料 十分好食瑤柱蛋白炒飯 飯粒分明 食落去有瑤柱香 勁夠獲氣 因為本人實在太喜愛食濃味同香口既食物干扁涼瓜四季豆 四季豆炸到乾身 再用蒜頭肉碎炒 香氣十足送飯一流 會食到停唔到口🤫😋呢個四季豆真係一試難忘😋風沙雞 皮脆肉嫩 就算食雞胸都係滑👍🏻👍🏻酸菜魚 湯鮮味濃 魚肉夠滑 酸菜同粉絲 送飯一流 最後服務態度亦好好呀晚市滿座 要試可能要早點去😋

好耐冇入天水圍食嘢，星期三去開嘉湖山莊，順便去佢屋企樓下食野，佢話不如試吓呢間佢哋屋企人食開嘅,雖然平日，但都要等20分鐘先至有位，呢度啲waitress 都好有禮貌,唔係歧視，因為通常啲女，屋苑嘅酒樓嗰啲服務都係一般㗎嘛，呢間真係幾百禮貌。平時我都唔係好食辣嘢嘅，但係佢呢度唔係全部都係辣野，有辣有唔辣。同埋佢有啲二人套餐同埋四人套餐都好抵，我今次無叫套餐。因為我好鍾意食魚，所以我叫咗個農家魚，呢個魚一定要推薦，因為佢啲魚啖啖肉，冇乜骨，同埋非常之新鮮好滑，唔係太辣，剛剛好。

湘川滬係天水圍歷史悠久，晚飯時段經常大排長龍，今晚經開唔使排就揀咗呢度，地方很大，坐得舒服！足料小籠包$38小籠包粒粒飽滿，咬落爆曬汁，而且肉味亦很濃郁！干煸四季豆$60四季豆炸得通透，用上肉碎和香濃醬汁炒乾，很惹味！重慶酸菜魚片$108用上生魚片，所以湯底特別鮮甜，師傅先去曬魚骨，食落啖啖肉，酸味亦很夠，粉絲易吸收晒湯底的精華😋！瑤柱蛋白炒飯$75用料十足，飯粒炒到很乾身，很夠鑊氣，很高水準！人均百多元吃湘川菜實在很難得了！