湖越 (裝修中)

今日六個人去到大美督試吓越南菜，出奇地有驚喜，先講呢度環境有少少風涼涼哋，所以我哋坐入邊室內位置，暖少少。頭盤生蝦刺身，蝦非常新鮮，爽甜，配埋酸辣汁，非常惹味。因為唔想食咁飽，所以叫咗個剩牛丸，牛湯味濃，牛丸爽彈爆汁。豬肉串一般般冇咩特別。炭燒鱔片好有炭燒香味，份量都多，肉質鮮甜。埋尾仲叫咗個蒜香炒牛柳粒，都唔錯好大份，送埋個白飯啱啱好。埋單每人唔使兩舊水，抵食，有驚喜唔錯，呢度環境幾乾淨衛生，有驚喜，有下次。

新搬入黎大尾督，街坊介紹呢間越南菜個湯好正兩個人講來試下，因為我朋友唔食牛，所以叫咗個順化豬肉湯檬，係蝦湯黎，好濃郁。講返個牛湯，食完都無口渴，餐牌都標榜住絕無味精，而味道可以話係香港食咁多間最正既越南粉，河粉都超滑，用心做好一碗粉係好難，價錢雖80$左右但真材實料，而且呢度嘅環境都十分好，有outdoor大量位，同埋indoor小量位置，出面可以帶寵物，食煙都得，又唔會太迫夾，當然支持小店，特登上黎寫篇食評推薦，本人絕非打手。

身為大美督嘅居民， encore得最多嘅應該係呢間餐廳。前後食過三次，第一次嚟嘅時候啱啱開都冇乜嘢食，不過牛骨湯越南粉都唔錯。第二次嚟有得打邊爐，湯底係蝦頭湯，非常濃郁，配菜亦都中規中矩，蝦，牛柏葉同牛丸係我最推介，豬肉片就比較瘦。第三次同兩個朋友嚟食，嗌咗三碗粉面，同一個炒通菜和豬頸肉。粉嘅份量好多，如果唔係好大食可以叫佢少啲份量，費事索晒啲湯。通菜ok，豬頸肉都算乾身，不過肥瘦唔算太均稱，有啲位仲覺得乾得滯。但係整體來講都抵食，喺大尾督平均$150食到一碗粉仲有兩個小菜😊

我在大埔工業邨返工，平時晏晝都會喺呢度同同事食碗河粉，因為質素唔錯，所以一星期都會嚟兩次至三次。今日有朋友生日在大埔唔知食咩所以決定入去食，當然唔會點河粉，試下其他菜啦。我哋叫咗小食拼（見到都嘩一聲，好豐富，推薦串串同墨魚餅）明爐烏魚（點埋個酸汁，好開胃）椰菜苗（麻麻地，炒得好油）椰汁咖啡（呢個必試，好香，好好飲，叫左兩杯）炒粉絲（呢個推薦，夠味，又唔會散收收）蟹肉芒果飯（賣相靚，鑊氣夠）真心推薦呢間越南野，環境，服務，食物都中上級數好有心機去做埋單真係唔算貴，估唔到唔食河粉都有咁既質數

是日同同事去大美督玩水，差唔多5:30訂左台去食越南菜，去到環境唔錯，雖然睇唔到日落，不過都睇住個天黑，好似兩個環境咁。講返食物，待應推薦我哋食順化打邊爐帽子火鍋，雖然未食過唔知咩黎，佢話係蝦湯就試下。湯底：非常出色，飲完個湯仲可以加，佢地唔係加水加雞湯，係一樣加蝦湯，個湯勁濃郁好香鮮蝦味，配料因為我地有4個唔食牛，待應都話可自由配搭，如圖片一樣。個湯未黎前叫左個小食拼同蝦多士芝麻，好香口，正常水準。睇住個天黑當然要整杯漏滴咖啡啦，超正👍🏻👍🏻總結：真係好似越南，勁relax食得，價錢合理不太貴，真係值得推薦👍🏻👍🏻

凍冰冰一定係打邊爐啦～估唔到越南野都有得打邊爐❤️個湯底係濃濃嘅蕃笳蝦湯😋😋😋值得讚賞嘅係就算要加湯都係教返呢個湯俾你仲好好飲Tim ❤️❤️❤️其實每樣嘢都好好味就算唔點豉油都好夠味👍🏻美琪不過佢都會日日比豉油同埋辣椒青檸仲有越南汁食完之後唔夠喉，仲可以追加個鱸魚片，超級滑，超好食🤤呢個質素咁嘅價錢個人覺得真係👍🏻

今日有太陽同啲仔女去游水，晚飯訂左湖越餐廳食飯，上網見環境唔錯，今日順便當同老公慶祝三周年結婚紀念。晚上6:30去到，人唔多，見到竟然有得打邊爐帽仔火鍋，二人份糧我地叫左個試下，都好豐富下，有牛，豬，牛展，牛柏葉，另外追加左鴨血，豬肉，豆卜，4個人埋單先500幾，食物中上級數新蝦湯入味基本上唔使點豉油，個鍋唯一缺點就係好快無湯，不過待應生都好自動自覺加湯。食到超飽😓，仲諗住出返大埔坐多陣，最後飽到要坐多半個鐘先走，食物如果大食既都應該夠飽，另外值得一讚係個廁所，乾淨企理，建議坐出邊環境好，食煙人士仲可以一路食煙打邊爐（因為隔離個台又打緊係咁吹埋黎）下次坐遠D

今次應該已經係第五六次黎食lunch，今日車左兩個同事黎食。之前喺到泊車都無出過事，但今日可能太心急太緊張，泊車時唔小心hi花左人地架車，老實講作為新手，第一次遇到呢個情況，真係好驚青。點知食客們好好咁幫手泊好架車／俾提議，而女職員又幫忙called左個男職員／老闆，佢好好咁幫左我一個極大嘅忙 （真係非常感謝你幫忙🙏🙏也非常感謝車主寛宏🙏🙏）。老實講，好耐無感受到呢種人情味（係一班有人情味嘅人），然後坐低喺餐枱，我忍唔住同隔離幫忙泊車嘅食客講，原來呢個世界真係仲有咁多好人。食客們／職員們都話，唔好諗喇，開開心心食飯先啦。所以我決定要打番食評表揚表揚。因為驚魂未定，所以無影相，但我會用之前幾次影嘅相代替。食物固然好好食，否則我唔會黎咁多次，仲次次帶唔同嘅人黎（雖然第一次係我大老闆帶我黎慶功）。小食拼盤必食，有好多款小食，有分大／小，叫小的其實都夠4-5個人share。我最鍾意炸蝦餅，好明顯係即炸。今日食生熟牛肉麵，好夠肉味，牛𦟌好好食。之前食過蕃茄濃湯牛筋牛腩麵，個湯底真係好濃好厚身，連埋牛腩牛筋（唔會過肥兼唔係碎）食，好夠味。最後一定要推介牛油果奶昔，次次黎都有叫，真係好smooth

性價比好高，而且有室內室外位置坐，但係建議大家晏晝下晝嘅時間佢會比較好，望既view會更加正，室外位置俾小編嘅感覺好奢華，有梳化位，而且直望就係大海🌊，地理位置都好方便餐廳外面可以泊車。-值得推介嘅係小食拼盤🍽️，可以玩咩都有得食，而且炸得啱啱好唔會太乾，而且份量都幾多。另外食泰國嘢當然要食佢哋嘅米紙卷，內皮好軟糯，餡料好足夠

之前單拖嚟食飯今次帶埋兩個主子黎 揀平得來坐得好舒服而且車泊到門口 好方便叫咗三樣嘢招牌推介-咖喱軟殼蟹配竹炭麵包一嚟到見到黑色一大個麵包表示懷疑人生🤔心諗我軟殼蟹同咖哩呢原來內有乾坤職員幫我哋切開 麵包外層脆卜卜一切開就見到軟殼蟹見到都流晒口水咖哩超香，軟殼蟹雖然浸住喺咖喱入面但依然保持香脆，再加埋汁滲透麵包入邊好好味 好飽好滿足另外叫咗個生牛肉三寶撈朦粉啲牛肉好正 安格斯牛肩肉 仲有牛展好爽😄一個湯底鮮甜 唔咸 唔重味精仲有牛油雞翼因為太肚餓所以都影唔切😂至於環境好啱帶主子食野 室外地方好涼爽 空間又大👍

📍Lake Vietmam湖越 (大埔)大埔大美督村47D號地舖今日同班fdsss入左大美督踩單車，踩完單車就搵地方食晚飯，行過見呢間餐廳d氣氛好似唔錯，就入去一試！🔹越式生蝦🍤剌身，蝦爽得黎醬汁好夠辣🔥🔹蒜蓉炒椰菜仔，椰菜炒得太林，唔夠爽口🔹炸墨魚餅，墨魚好彈口好好食😋🔹椰香咖喱牛腩，不太辣，易入口🔹蟹肉牛油果🥑沙律🥗，好好味👍🏻🔹芒果🥭軟殼蟹紙米卷，好清新好味🔹芝麻蝦多士，好彈牙好出色🔹左至右：薰衣草荔枝梳打，檸檬利賓納梳打，特濃青檸梳打，三款都好好飲🔹越南椰子咖啡，值得推介👍🏻📌總結：餐廳環境氣氛唔錯，食物份量用料都好足夠，值得一試👍🏻推薦指數：🌟🌟🌟🌟🌟（5🌟最高）

好耐無返香港，返到嚟又好想食返啲越南嘢，但係出親去好多都係啲唔正宗嘅或者係唔好食嘅越南嘢。今日同屋企人出開大尾篤，見到湖越就心血來潮嚟試吓。睇到餐牌，雖然唔係最正宗嘅越南Pho，但係好明顯大廚係放咗好多心思係個湯底度。本來想叫順化牛肉粉 Bun Bo Hue，但係見到個餐牌上面有呢個順化黑豚豬肉湯粉，就叫咗嚟試吓。一上菜就聞到好香嘅蝦湯，唯一美中不足嘅可能就係個麵唔係最好既麵。但係個湯底同配料真係值120分。想食越南嘢嘅不妨嚟呢一間試吓。價錢也相當唔錯。推介！

聽聞又有新餐廳 緊係黎試試佢寵物友善餐廳仲要係越南嘢即刻狗衝去試先講環境寵物可以坐出邊頭頂有風扇專登晏晝去試 睇吓有幾熱坐低都還好 有風扇吹下唔太熱但開始食湯河就覺得熱所以揀夜晚玩入秋後佢會舒服啲叫咗兩款食物西貢椰香咖喱鴨肉湯河鴨肉脆卜卜 咖喱嫌椰奶唔夠多 不過都好味意想唔到仲有豬紅個湯河係正宗越南河粉 浸耐左都唔會發漲越南牛油雞翼呢個不得了牛油勁香重要啱啱炸起雞翼又大隻裏面啲肉夠滑會再encore美中不足係套餐唔送飲品可以半價叫野飲下次會帶埋狗狗過嚟試

第一次去到湖越，室外位置有得坐貓狗，雖然有風扇，但日最後都係頂唔順，轉返坐室內。環境好好，室內位置冷氣夠。我地叫左個牛肉粉，牛湯好清甜，貨真價實。另外叫左紙米卷都出色，即叫即做。咖哩軟腳蟹免運費加碗麵包或白飯，我地揀左麵包，數量都多足夠食哂成個咖哩。埋單都唔使人頭$200其實今次係同隻貓慶祝生日，店員都送個芒果糯米飯比貓貓，仲細心到插埋蠟燭😂雖然都係我吹，今晚都好多人，門外有免費車位，下次可以帶埋家人試下。

提早父親節食飯，因我們一家都是越南華僑，見大美督新開越南菜就特意入去試下，一於離開九龍。預先訂台六點半坐室外位置，環境優美。食物新鮮，生蝦刺身是新鮮入貨，配上店鋪自家製既汁醬好Fresh。另外要一讚係個蝦多士，1D都唔油膩，鋪滿蝦膠同芝麻好好味。三文魚牛油果米紙卷第一次食，本身呢兩樣野都好夾，而家配埋米紙同其他蔬菜，點上沙律醬真係天依無逢，唔洗成日食蝦米紙卷咁悶。仲叫左個撈檬都不錯，無咩評論，正正常常。其他飲品都Ok，埋單先$100左右一位，都算幾抵食