湖越

星期五晚揸架車入大美督，想chill 下冇咁多人，逃離下城市🤣 估唔到呢間真係有驚喜！食物+ 環境都good😌 下次真係有機會再黎！早啲嚟，門口泊車免費，門口大約有六個車位，唔知道另外一邊仲有冇，個裝修幾有心思，外面係一艘船嘅設計，而間餐廳真係對正湖，入邊個廁所都裝修得舒服企理😌 有室內同埋室外位，我哋見到涼涼哋，就坐咗室外，好舒服！最推介佢嘅火車頭 $102 牛肉湯底好清甜濃味，用靚牛丸，牛腱（懷疑係新鮮牛腱），牛筋入口即溶，簡直係我喺香港食過數一數二好食嘅火車頭，呢碗嘢市區價錢，但值得入嚟食🥰🥰小食拼盤 （細）$168 其實係三至四人份量，兩個人食到好飽，最驚喜係個扎蝦，彈牙鮮甜，另外個春卷都炸得好薄好脆，即使攤凍一陣，都仍然保持爽脆口感，其他小食就正常發揮，都係好食！🥰鮮蝦米子卷 $108 相對之下，呢個就係出邊市區都食到，但材料都豐富，即叫即包，蝦肉彈牙！😝椰青 $52 好清甜，靚椰青！😍龍眼冰 $46 個杯都幾大，配越南嘢就啱晒！😚…Read More

今日下午冇乜嘢做，朋友介紹大美督有間越南菜好食，今日就去咗呢間越南菜餐廳試吓個湯粉，門口有得泊車， 10分方便。我哋要咗個豬頸肉湯粉，豬頸肉刀工切得好好，燒到肉質嫩滑，又好夠香茅味，係唔錯。另一個火車頭，材料好豐富，有牛丸牛肉牛筋牛肚牛肉，湯底非常濃厚，成碗粉都好夠味。法式牛油雞翼，好香口牛油味，炸得好脆仲有一個越南順化濃蝦湯海鮮粉全部都好好味，呢個係用好多蝦頭煲香，有扎肉，有豬肉，有蝦，有蜆，都好足料，埋單位位$100，抵食👍🏻…Read More

佢哋嘅招牌安格斯牛肉湯粉，湯底用牛骨熬足幾個鐘，飲落清甜到不得了，仲有啲安格斯牛肉片，淥到剛剛好，又嫩又滑，食完成個人暖笠笠。跟住個黑豚肉湯檬都係必嗌！啲黑豚肉片爽口彈牙，一啲都唔韌，浸喺個金黃色嘅湯度，同啲幼滑檬粉一齊食，真係絕配。想食啲清新嘅，就叫個越南大蝦米紙卷啦！透明嘅米紙包住成隻大蝦，咬落去『索索』聲，口感好豐富，點埋佢哋特製嘅酸辣汁，非常開胃。最後一定要叫返杯『龍眼茶』，清甜解渴，飲完成餐飯嘅油膩感都冇晒，係完美嘅句號。總之呢間舖頭，食物高質，價錢又合理，行完大美督過嚟醫肚就啱晒！快啲約埋朋友去試下啦！」…Read More

之前睇過呢間越南菜想食好耐，因為比起出面既越南菜較多款式，而且座位夠寛闊，坐得舒服。我地訂座留左室內，有冷氣，環境乾淨企理，裝修似越南的小店。我地叫左好多野食，頭盤蝦刺身好新鮮，正👍🏻賣完即止。另外想講下個竹炭咖喱麵包焗軟腳蟹，嘩好多汁，又creamy，加埋脆卜卜既軟腳蟹，夾住麵包，真心好食！另外菠蘿炒飯有鑊氣，牛仔骨同燒雞燒得好香剛剛好，份量好足埋單先每人$180，另呢度有好幾張大既台，岩哂大班人食飯，環境好又抵食，真心推薦…Read More

黎呢間餐廳主要係因為佢地既野食夠地道, 而且又有好多款創意菜式, 想試下新嘅口味😋1/ 順化黑豚肉湯檬🍜 $106呢碗湯檬超正, 黑豚肉煮得非常入味, 湯底濃郁粉麵又滑順2/ 蕃茄蟹肉蛋餅湯粉🍜 $148蕃茄味濃郁, 配埋蟹肉同蛋餅食超級正好香!3/ 三文魚牛油果米紙卷🐟🥑 $86 米紙卷包住煙三文魚同牛油果, 口感清新, 食落去好健康唔heavy, 配埋泰式雞醬, 味道更加出色!4/ 牛油果奶昔🥑 $46呢杯奶昔滑順, 牛油果味濃, 飲落去好smooth, 好中意！5/ 特濃青檸梳打🍹 $38呢杯梳打飲品非常清新又開胃, 青檸味道濃, 配合氣泡感, 飲一口就令人精神百倍…Read More