湖越

營業中

休息中

湖越放假入咗大尾篤踩單車。踩到攰攰哋搵咗間越南菜餐廳食吓先。坐低咗戶外座位。好舒服😌睇吓menu 食咩先湖越牛魔火車頭（L)火車頭河粉出名大碗多料有安格斯牛肉、牛丸、牛筋，牛柏葉、牛筋、牛骨湯、河粉。牛骨湯賣哂轉咗雞濃湯。雞味香濃正。牛肉好味😋。越南撈檬可以選一款或兩款餸好多選擇。香茅牛肉，香茅雞扒撈檬。最愛撈多啲汁食。好多胃。牛肉同雞扒都好鮮嫩。越式小食拼盤有幾款越式小食，每樣都可以食到。仲有我最愛既越南炸春卷同炸蝦餅。大愛😍

今日好天氣去下郊游，見呢間餐廳環境唔錯，經過就入左黎試下越南菜簡左坐出面，食埋個靚景店員好好會推介同介紹餐牌 好nice叫左個柚子鮮蝦沙律個汁好好味食完一啖又一啖，超級推介！花生好香+埋啲柚子酸甜醒胃叫左個順化黑豚豬腩肉濃蝦湯粉，我地轉左河粉，因為可以索汁食更加正一黎到比碗野驚艷到超級大碗 有兩隻手掌咁大，非常適合2個人share食蝦湯好香甜同埋濃郁會忍唔住係咁飲仲超級足料，啲蜆大隻鮮甜，好推介呢個粉，性價比好高lunch仲可以優惠價加配野飲，叫左個凍椰子咖啡超大杯有椰味得黎又唔會搶左咖啡味，勁正另外再散叫左個椰青，唔錯唔錯～芒果軟殼蟹米紙卷，出面個米紙煙煙unun，加埋入面炸到好脆嘅軟殼蟹，仲有好爽脆嘅沙律菜，舊芒果又可以refreshing返成件事，口感層次豐富，仲好好味仲大大舊，不得了下次去開大美督一定返黎再回味整體性價比都好高

越式鐵板蠔仔煎蛋 $148叫蠔仔煎蛋，但係蠔仔勁大隻，炸得好鬆脆，但係又唔油膩，仲要勁大碟，配啤酒，perfect，推薦💯順化豬肉串(6件) $78未食過豬肉串咁爽口彈牙，濃濃豬肉味，好好味，必食💯越式炸蝦春卷(5件) $98春卷餡豐富，如果炸耐多少少就更鬆脆越式燒雞(半隻) $178燒得好有焦香，難得雞肉仲好嫩，超級好味，必食💯越式咖喱豬頸肉 $128豬頸肉份量多，咖喱好香偏甜唔辣，撈飯一流蒸蓉炒椰菜苗 $98菜算嫩，好夠味有誠意嘅小店，食物有驚喜，服務態度好友善，又Pet friendly，坐得舒服，仲可以門口泊車，勁方便，一定會再嚟食👍👍

星期日，我帶太后黎到大尾篤湖畔既一家越南小店。全因喱到環境優美，湖景一望無際，裝修風格充滿越南特色。我哋2個叫左牛魔王火車頭河粉、芒果軟殼蟹米紙卷同越南香茅牛肉豬頸肉法包。喱到既待應態度都好好，好nice! 牛魔王火車頭河粉。湯底鮮美，無味精，口感豐富，搭配著細緻河粉，嫩滑既牛肉，味道十分吸引。而且仲有好多配料，有牛柏葉，彈牙多汁嘅牛丸，牛腱牛筋，此外，配料中香草提供左清新口感！而芒果軟殼蟹米紙卷。算係幾創新既搭配。軟殼蟹好酥脆，芒果好甜，米紙好軟熟。呢度菜夾雜咗好多口感。我們仲叫多左份越南香茅牛肉豬頸肉法包。麵包做到外脆內軟，內裡包裹著香氣四溢既牛肉和燒香既豬頸肉，口感鮮嫩多汁，美味可口！最後，我們對服務人員既態度都非常滿意。佢們熱情友好，耐心解答我們既問題，而且佢哋既菜品推薦都岩口味！

周末又係時候帶毛孩出動搵野食啦，今次來到大尾篤，找到呢間隱世越南餐廳。有美麗的湖景，室外可以帶毛孩一齊共餐，門口有免費泊車，對住美麗的湖景，眼球也豐收。秋冬時間坐在室外也份外清涼，因為室外是有蓋的，而且天花裝有吊扇，特別清爽舒服。特別推介帶毛孩來呢，湖水藍梳化椅也坐得非常舒服。湖越牛魔火車頭：以安格斯牛肉、牛丸、牛筋、牛柏葉和牛展為主菜，配合羅白、芽菜和越南香菜，讓整碗湯河粉的層次豐富，口感豐滿。牛肉的鮮嫩和牛筋的彈牙交織在一起，帶來了滿滿的滿足感。火車頭鍋的湯底足料無增加味精，健康又美味。炭燒新鮮鱔片。厚切的鱔片經過炭燒保留了鱔魚的鮮嫩和獨特的口感。入口帶來了淡淡的炭火風味，口感脆嫩爽口，絕對能夠滿足對鱔魚獨特風味的追求。芒果軟殼蟹米紙卷，每份有6件。成熟的芒果肉帶來天然的甜味和炸過的軟殼蟹帶來香味，米紙的薄脆質地為整道菜增添了口感上的層次感。青瓜絲、紅羅白絲和生菜帶出健康元素，同時也讓食材的鮮味更加突出。每一口咬下去，米紙輕薄的口感與芒果和軟殼蟹的鮮甜完美交融，令人愛不釋口。

今日入大尾篤搵朋友食飯，嚟左大美督村呢間越南菜餐廳嚟試試佢😆座位有入邊同出邊揀，今日天氣都幾涼爽，所以我哋就坐咗喺出邊張大圓枱到，好舒服～如果日頭嚟應該會仲靚，前面就對住個湖😆呢度都好多唔同嘅菜式可以選擇，好多都好吸引呀😆🥘越式咖喱牛腩配香酥餅 - $138首先個份量好大，好多舊牛腩🤣個咖喱係唔辣嘅，好重嘅椰奶香同埋甜味，配個香酥餅食真係一流👍🏻我哋仲忍唔住嗌多咗個白飯溝咖喱汁嚟食😋🍜西貢椰香咖喱鴨肉湯河粉 - $86本身係鴨肉，但老闆話最近個Menu轉咗做鴨髀‼️仲好貼心咁用個錫紙包住，用手食都唔怕整污糟😙個咖喱湯好濃郁，配上個河粉索晒啲湯汁，好正👍🏻同樣地碗湯河都非常之大碗😂🍖越式炆豬手 - $278個豬手嚟之前，我哋先啱啱嗌咗個飯嚟送個咖喱汁，個豬手一嚟到，即刻好後悔嗌多咗個飯😂因為個豬手真係非常之大份😂😂😂豬手炆得好腍，啲肉好嫩滑，個豬皮都好彈牙👍🏻-總結：呢間餐廳嘅價位可能同你喺出邊食嘅越南菜餐廳差唔多，但係呢度嘅份量真係每樣都好大份🤣同埋質素都非常之出色😋我哋兩個人食左$572連加一～不過其實我哋食唔晒啲嘢，所以另外仲問咗老闆娘攞咗個外賣盒打包拎走，剩返嗰啲豬手同牛腩分兩餐食

今日去大埔龍尾沙灘玩，玩左陣行左去大尾篤搵野食。見到哩間餐廳食越南野，老公想食牛肉河就入去餐廳有分露天同埋室內，當日天氣非常好而且仲有好靚嘅湖景，所以我哋就揀咗室外。打開餐牌我老公點咗一份生熟牛肉湯河， 我叫咗一份蝦湯豚肉檬粉， 再加一份小食拼盤。食物到來賣相ok👍, 味道亦有驚喜！ 老公話牛肉相當唔錯，生牛食落口嘅時候 夠滑夠爽，熟牛係牛𦟌， 牛味濃郁。我最欣賞嘅 就係我嗰碗又有蝦又有扎肉同埋豚肉 真係大滿足😋。上菜之前店員 話湯係冇味精，可以放心飲用。即刻試一啖飲下，果然與出面嘅餐廳嗰種味精湯完全不一樣，味道 足夠之餘並不會飲完好口乾個種 🤣叫左細size小食拼盤，份量好足夠，我最鍾意食咖哩角同蝦餅。另外，龍眼冰甜度剛好，椰子咖啡都好香。除了食物丶環境之外， 親切有禮嘅店員亦應記一功。 順便一題，餐廳地方闊落丶環境清幽 食嘢之餘你亦可以順道畀自己身心靈休息一下，誠意推薦大家去試。

係工業村返工，有同事話開咗間越南嘢好食，原來都開咗成年我都未試過，其實都食咗好多次，不過都真係好好食跳特登上嚟讚吓呢間嘢。我哋lunch基本上都好多時會過嚟食，因為門口又可以泊車，我哋三個人叫咗三碗粉，有埋嘢飲都唔使$300，因為同事有coupon食夠$100減$20，佢有成疊，唔知佢點嚟。叫咗兩個撈檬，同一個咖喱鴨肉湯粉，熱辣辣食呢個撈檬真係透心涼，佢哋啲香茅豬扒好重香茅味，超正另外春卷都唔錯個咖喱鴨肉湯瞓好足料不過我就冇試下次試吓先。

大美督好有度假嘅感覺，可以遠離煩囂，相比起離島嗰啲，我更加鍾意呢度，夠方便。今次比我碌到呢間餐廳，搵咗個夜晚嚟同朋友食。環境乾淨，室內外都有寛闊嘅空間，我當然揀坐出面，好舒服，有自然風。門面已經好有「湖」 feelmenu都太靚了成本雜誌咁芒果軟殼蟹米紙卷特別在於好多沙律菜，大大件，之前睇過有食評話失望，唔怕試伏嘅我嚟到都係決定一試，覺得ok呀，唔差的。火車頭紅飯呢碟仲大份，每款小食都有兩件。最鍾意食墨魚餅，好爽口彈牙。但太多飯，最後食唔晒呢。湖越火車頭好多牛筋牛肉～分開上嘅芽菜同配料，幾好可以自行調節個人口味點少得越南咖啡鍾意苦啲嘅就咁飲都得，攪吓個底再飲會甜啲，又得，好香濃牛油果奶昔都好新鮮好飲，唔太甜又唔多冰如果返工就咁叫一杯加個米紙卷都好夠，健康啲。即使夜晚嚟睇唔到湖景，依然有旅行嘅感覺別有一番風味啊擺設精簡有特色都係食物以外我欣賞之處

就嚟完夏天，緊係要捉緊夏天尾巴，去龍尾灘玩下游下水，游完見到間環境好好嘅越南餐廳，最好係可以免費泊車係餐廳門口，又有户外有簷蓬，都有室內（冷氣），我哋緊係坐室外，微風輕輕吹，風景望住個湖，見到啲雀仔飛來飛去，真係好舒服，好寫意！越式炸蝦春卷（5件）大大條熱辣辣，春卷係成隻蝦，香脆可口入面嘅蝦肉好有咬口。湖越生熟牛肉湯粉(安格斯牛肉，牛展，牛骨湯，河粉)湯係100%冇落味精去煲，啖啖都是濃郁精華，湯頭鮮甜濃郁，安格斯牛肉鮮嫩多汁口感嫩滑，牛𦟌比較少脂肪同乾身，不過一啲都唔韌，非常好食！自選湯麵-我揀咗咖喱湯底，雞肉，檬粉吃麵先喝湯，咖喱湯底比較濃郁，好香椰奶味，但係一啲都唔會漏，會想食完一啖再一啖，加埋檬粉雞肉，非常合拍，正。最正係可以自選湯底，好似越南式車仔麵咁！薰衣草荔枝梳打越南滴漏咖啡

上星期放假同朋友黎大埔海濱公園野餐，夜晚揸車入黎試試呢間越南野😍門口有得泊車非常方便。有分室外同室內，環境非常加分！不過我地黎到已經19:00，望唔到個湖景，建議大家黃昏時段黎，慢慢嘆住個景享受晚餐😆🌟湖越生熟牛肉湯粉 $82湯底好香甜，河粉都好軟糯，配上生熟牛肉及軟淋牛展，本人超級十分中意飲佢個湯，忍唔住飲左半碗湯😋！🌟越式生菜包 $128豬肉好新鮮，生菜好爽脆，同泰式生菜包調味相比完全唔同，食落去好開胃，絕對係夏日開胃首選🤍🌟辣椒羔炒鮮魷 $148魷魚好彈牙，辣椒嘅辣味刺激味蕾，送飯一流，同平時大排檔啲椒鹽鮮魷完全唔同！🌟椰青 $52🌟椰汁三色冰

搬咗入嚟冇耐，附近街坊成日叫我嚟試吓呢間越南菜，今日終於有時間過嚟試吓。我哋晏晝三點去到冇咩人，叫咗一個生熟牛河，一個順化檬粉牛肉湯底好清，夠味，牛肉係用咗安格斯牛，好有牛味，仲有牛展，蘿蔔等等，仲有鵝帝配料，好正。令一碗係順化黑豚豬肉湯檬，我喺越南嗰陣食差唔多，不過個邊係牛肉，呢度就做得濃少少，唔知邊個正宗啲，不過個湯就做得幾好味，另外有鴨血，有蝦，有蜆，盛惠八十大元，另外分餐叫咗兩杯嘢飲冇影相，姐姐話附近街坊有折頭

午餐，叫佐大碗粉同兩個小食，小食包括牛油雞翼同埋芒果米子卷。牛油雞翼外皮唔脆又多厚粉，咬去厚粉，雞翼size真係得女仕隻手指公咁大。芒果米子卷入邊唔似係軟殼蟹，完全都只係食到粉槳。有點失望，唔值得山長水遠入到去。

平日下午過嚟，門口可泊車，好方便。環境舒適，服務好親切，細心👍🏻 set lunch都多款可揀，份量好足，湯粉個湯好正，有驚喜。另外加咗個 細嘅小食拼盤，份量都好多😅 足料！ 會再嚟，係有意外驚喜嘅一間越南餐廳💖

今日好天同女朋友行山，我哋喺大尾督落山就見到呢間餐廳啱啱開門，我哋係第一個客人，我哋11點10去到，侍應話12點先開門我哋坐一陣先，呢度環境真係超靚，望住過湖同山景，睇餐牌一D都唔貴，我哋叫咗兩個set lunch，因為太熱嘅關係我哋都食飯唔食河粉，本身睇OpenRice度見到河粉好正，呢個蔥油豬扒雞翼飯，出奇地好食，豬扒大塊，香茅雞翼入味，多蔥油，蛋香，望住個咁嘅環境食飯埋單先$78，坐多兩個字已經開始有好多客人入嚟，所以我哋嗱嗱臨食完都走人，下次要來最好留枱先。行完山落嚟食飯真係一流