湊湊火鍋‧茶憩 (希慎廣場)

營業中

休息中

打邊爐黎講，其實我最鍾意嘅就係椰子雞煲，因為貪佢入口好清甜，而且感覺上亦都冇其他湯底咁熱氣，所以每逢見到有餐廳新出椰子雞湯底我都好想去試！最近見到湊湊出咗隻新嘅清涼椰子雞鍋，咁我當然就唔執輸去試吓啦！一入座職員就送上貴妃烏龍茶，入口好清新，為之後嘅餐點揭開序幕。今次我哋叫咗個鴛鴦鍋，包括係清涼椰子雞喎同埋酸菜白肉鍋。椰子雞湯底入口好清甜，飲完唔會話想飲水冇乜味精，而且清香嘅味道配合肉類真係勁好食！酸菜白肉鍋入口酸酸地好開胃，酸菜炆到好軟淋都不錯吃。今次我哋都叫咗啲新產品試吓，首先叫咗鹽酥雞播吓口癮先！鹽水雞勁好食，入口唔會太鹹，而且佢嘅炸粉都恰到好處，唔會成口都係粉，我個人都好推介！打咗個底之後，我哋就開始打邊爐啦！食得椰子雞鍋，竹笙當然係唔少得嘅材料！佢哋嘅竹笙睇相以為份量唔多，點知原來整個竹葉裝飾底下全部都係，食完超有飽足感！企鵝丸造型好可愛，絕對係打卡之選，佢哋用用墨魚造成，入口好似棉花糖咁軟綿綿，而且墨魚嘅香味都好突出值得一試！美國特選牛小扒同埋伊比利亞黑豬肉嘅質素都好好，只需要輕輕燙幾下就已經熟晒，我自己推薦放入椰子湯底，就可以食到嫩滑嘅牛肉並且滲出椰子嘅清香，好味出奇地夾！

銅鑼灣希慎靚裝火鍋.My families and I went to a hotpot resraurant called "Coucou Hotpot‧Tea Break" (湊湊火鍋‧茶憩) located in Shop 1401-1402, 14/F, Hysan Place At Lee Gardens, 500 Hennessy Road, Causeway Bay(銅鑼灣軒尼詩道500號希慎廣場14樓1401-1402號舖)There is an area with modern chic style wwoden tables and chairs for customers only order bubble tea/tea or chill during waiting.The whole restaurant is decorated in modern style with Chinese tounches such as Chinese Calligraphies,Chinese style wooden wild screen,chairs and sat

希慎好多野行亦好多野食～今次想打個邊爐～本身想食牛氣～不過見依間望落都唔錯～裝修望落好似幾舒服幾大地方～所以轉場啦🤣牛肩胛·雞髀肉·牛柏葉·墨魚仔墨魚滑·鵝腸·炸腐皮卷·炸魚皮每樣都食落新鮮～唔似係急凍貨～亦有好多其他選擇～湯底一樣多～真係打開餐牌都要細味🤣打邊爐無咩特別介紹～最緊要乾淨新鮮為主👍—————————————————☻非專業食評·純個人口味☻—————————————————📍總結:環境滿分～設計坐位有一定距離～卡位更好似獨立廂房～幾位朋友吹水傾計一流～小編誠意推介觀眾們可以去試試😊不過可能比較忙～侍應都踢哂腳可能等耐啲😎

📍𝐂𝐨𝐮𝐜𝐨𝐮 𝐇𝐨𝐭𝐩𝐨𝐭 - #YFF銅鑼灣 💎每次去台灣旅行都會有一餐係食台式火鍋，無論係冬天抑或夏天去都一定會食！今次就跟朋友介紹，黎到呢間無論服務、環境、食物款式種類都好高質嘅火鍋連鎖店，打算一解對台式火鍋嘅相思之苦🫠 呢間火鍋店主打融合深具台灣特色嘅火鍋和手搖茶飲，希望為食客帶來正宗台式餐飲體驗。❝湯底❞➤ 清涼椰子雞湯底 ($138) + 蕃茄牛膝骨湯底 ($99)除咗打邊爐必點嘅濃茄湯底，今次我地仲揀咗呢個新出嘅清涼椰子雞湯底，店員提醒我地點購呢個鍋更可以66折加購指定新品一客（竹笙/鹽酥雞/風味湊湊)。呢個鍋底加入咗清新椰子水及椰肉，鮮嫩的雞肉吸收晒椰子精華，入口陣陣椰香飄散🥥🐓另外仲飲得出呢個湯底有檸檬葉嘅香氣，飲落有陣清爽嘅獨特滋味。❝配料❞➤ 加拿大松阪肉 ($98)松阪肉係豬頸肉嘅台灣叫法～ 擺放成玫瑰花形狀非常打卡able😍 油脂分布幾均勻，肥瘦相間嘅肉質入口幾爽嫩。➤ 美國特選級牛肩胛肉眼 ($138)牛肉切得大大片，油花均勻，入口軟嫩，頗重肉味。➤ 精選羔羊肉 ($98)羊肉味好重，鐘意羊羶味嘅大家必點，油脂都幾豐富🥰➤ 無骨雞腿肉 ($48)幾嫩滑，係

今次去到銅鑼灣既內地人氣火鍋店，主打台式有料火鍋同正宗台式現搖茶。餐廳門外有等候位，有座位同熱茶提供，餐廳裝潢走中國風，環境座位舒適，甚有詩情畫意，極具氣派，門口還有個小水池，打卡一流。清涼椰子雞鍋呢款係新加坡限定鍋底延伸到香港發售，所以一定要試下！新鍋底加入清新椰子水同椰肉，鮮嫩既雞肉吸收椰子精華，入口陣陣椰香，更加入檸檬葉提升香氣，營造出清爽滋味。海鮮湊湊海鮮拼盤包括青蟹、基圍蝦、蟶子、帶子、文蛤、三文魚、鮑魚同墨魚仔，海鮮吸收曬椰子湯底既清甜，份外鮮味。美國特選級牛肩胛 大大片牛肩胛，肉味香濃，肉質軟腍。鹽酥雞 肉質軟嫩多汁，口感酥脆，十分香口。經典珍珠奶茶以低溫熬煮既木薯粉珍珠，晶瑩剔透，細細粒容易飲用，茶底香甜。鴛鴦大紅袍冰沙似飲緊latte，帶香濃茶味，超好飲呢！優惠自助每人付$19就可以享用自助吧台，有多款醬料任選，另外仲有肉燥飯、前菜同生果任食。前菜有中華沙律同魚皮，而生果就有西瓜、哈密瓜同車里茄。呢到可以免費追加鴨血同豆腐，雖然我地無叫到台式麻辣鍋，但也有機會品嚐鴨血同豆腐既味道，真不錯呢！除此之外，還附送乳酸沙冰同梅子茶凍，乳酸沙冰，酸酸甜甜，帶有菠蘿粒粒，飲左幾開

💛❤️🤍鴨血豆腐無限加🍲仲有小食吧終於都記得book枱去食.ᐟ.ᐟ.ᐟ次次去依度都排晒長龍🥹今次見湊湊新鍋登場，即刻提早幾日訂枱食😛 餐廳環境好大好啱打卡✨雖然座無虛席，但空間感十足，唔會有好迫嘅感覺🤣❣️鴛鴦鍋底❣️ $138+$138嗌咗鴛鴦鍋底，如果單鍋嗌清涼椰子雞鍋或台式麻辣火鍋就$198✨🥥清新鍋 「清涼椰子雞鍋」🐥鍋底採用清新椰子水同埋椰肉，加入鮮嫩嘅雞肉同埋鮮甜粟米🌽入口陣陣椰香，啖啖鮮甜🤤仲有少少來自檸檬葉嘅清爽滋味🍋🌶勵志鍋 「台式麻辣火鍋」🦆鴨血豆腐係可以無限添加㗎！😆成個鍋底集結咗「麻辣醇辛甘香」六種風味😳湯底美味平和，可以直接飲用😌🧡火鍋配料🧡餐牌上選擇太多，樣樣都咁吸引😆大部分質素都正常發揮，部分仲有驚喜😋同大家開心share先！(❤️‍🔥=新品)美國特選級牛肩胛 $158-肉味香濃，肉質柔嫩多汁🥩毛肚 $88-有200克都幾抵食，爽脆口感好正🐽❤️‍🔥蜂窩豆腐 $28-吸湯汁一流💕松阪魚榚 $38-口感柔嫩又彈牙🐟❤️‍🔥竹蟶 $88-新鮮活竹蟶，鮮甜爽滑🎍企鵝丸 $59-墨魚漿制，柔嫩彈牙又吸湯汁🐧❤️‍🔥鹽酥雞 $58-即叫即炸，口感酥脆🐥風味湊湊 $128-滷水拼盤

一定會再去既火鍋！揀咗好鐘意既鴨血火鍋，鴨血可以任加，超開心！我食得辣，所以就覺得唔多夠辣既。啲火鍋料好可愛，一定要點佢個企鵝丸，好多隻，打卡影相拍片一流，味道都ok㗎！又叫埋佢個如意滑，味道冇咩特別，但造型加分。另外叫咗個荔枝丸，唔推薦。又叫咗羊肉同牛肉，再點咗兩杯珍珠奶茶。珍珠奶茶大大杯，同埋味道唔錯。2個人去食，叫到成枱野，但因為好味，全部食哂又有加鴨血。成餐食完感覺好滿足。價錢中上，但值既，成班人食or兩個人撐枱腳都係好選擇。

同事提議openrice訂位，六點前結賬有八五折，本來兩位後來加到八位，因為openrice訂位最多只可四位，所以要用兩個Account訂位，為免坐得太遠，致電餐廳告知可否安排坐喺附近，店員答覆可以並會告知同事，太好啦到達餐廳告知店員，他表示已經知道，並提議我哋話分兩位訂位要開兩個鍋，話幫我哋計過開個大鍋同開兩個鍋差唔多價錢，開大鍋安排我哋喺房可以八位一齊坐，實在太貼心嘅服務我哋間房環境唔錯喔大鍋真係好大仲可以自選三款湯底我哋揀咗食妝鍋（紅顏花膠雞鍋）、勵志鍋（台式麻辣鍋）可以免費添加鴨血同豆腐同埋聚會鍋（珍鮮菇菌鍋）店員話花膠湯要攪拌吓，先飲湯跟著會幫我哋加清湯，嘩個花膠雞湯好濃味，好正小食叫咗鹽酥雞同炸芋頭企鵝🐧丸（可愛）身份證姓名有 c,o,u其中一個送嘅海鮮棒棒糖，後面係美國特選級牛肩胛美國特選級牛小排蔬菜拼盤（大）手工蝦滑同飛魚籽墨魚滑大紅袍珍珠奶茶🧋、香梅綠茶、黃金鮮桔茶出面有自助混醬區，仲有滷肉飯、小食同水果食物好食，環境服務一流

之前返工成日見到呢間舖 見佢裝修幾靚 就決定去試下😌今次兩個人，埋單成$1,7xx😅但佢嘅食物質素又唔係真係好好 所以覺得性價比唔高，偏貴。首先嗌咗鴛鴦鍋，分別係蟹黃魚同埋台式麻辣鍋，蟹黃魚湯底附送咗一個用蟹外型裝嘅蟹黃漿，好味又勁得意！麻辣鍋就中中等等，無話特別濃同好食。推薦食物：1。企鵝丸 ($59) - 用墨魚漿整，外整幾趣緻，都食得出有墨魚粒2。美國特選級牛小排 ($228) - 好食！嫩滑而且大大塊👍🏻3。海洋湊湊 ($588) - 鍾意食海鮮就要嗌呢個！有好多款海鮮食，連蟶子都有4。飲品 ($29-3x) - 飲品好驚喜，因為火鍋店嚟講都無乜期待，但呢到嘅飲品好好飲+大杯但個人認為火鍋湯底無話好好食同唔夠濃，尤其是佢嗰個招牌台式麻辣鍋，明明係主打，加上gimmick係鴨血任添，但啲鴨血勁唔掂！懷疑係豬血mix鴨血，食落勁粗糙又硬，真係一食就🥵🥵鴨血控唔建議嚟食～雖然部分嘢食+飲品都唔錯，但火鍋湯底真係普通，仲要埋單成$1,7xx，個人覺得唔太抵，試一次就算了～

口淡淡唔知食咩好 就同男朋友決定去打獲邊爐希慎廣場14樓 環境比較寧靜 安排咗一張四人枱俾我哋 咁樣我可以同男朋友黐住坐 拍拖勝地 叫咗一個山海一盤 時蔬拼盤 同埋企鵝丸 企鵝丸好鬼得意 湯底花膠雞加台式麻辣 全程用餐很愉快 服務很用心 鴨血豆腐都幾好味 平時飲完珍珠奶茶瞓唔着嗰晚竟然冇😹😹😹全程用餐兩個鐘送咗益力多沙冰 甜品係梅子果凍好好味 仲叫服務員俾多個添😹😹😹可以免費打包一份鴨血豆腐買單有八五折因為係六點前 會再幫襯

媽媽節當然要食返餐好嘅‼️幫襯過哩間好多次，每次都冇令我失望，今次就訂個靚位同阿豬媽食正野啦😆今次只係提前幾日book，原本都好驚冇位，好彩我地唔介意早啲食，訂咗5點半嘅位，職員安排咗張窗口靚卡位俾我地，可以邊食邊欣賞夜景啦🌃✨台灣貴妃烏龍每枱都有一壺茶，烏龍味道香濃唔苦澀，食火鍋去油膩必備👍🏻✨冰沙係乳酸冰沙嘅味道，用餐中段時間就會送上。如果食咗辣野嘅話，都幾解辣架！而且酸酸甜甜都幾開胃，飲完又可以繼續食🤭✨梅子茶凍餐後奉上每人一碟茶凍，茶凍中間有一粒梅子，味道帶點酸酸地，食完火鍋又辣又膩，食返個茶凍成個人感覺清新返哂🌿✨前菜 & 水果（自助吧 - 每位$19）醬料、前菜、水果等都係自助形式，可選擇嘅醬料款式好多，總會揀到啱口味👍🏻 另外白飯任裝，仲可以配埋台式肉燥汁撈飯。前菜有中華沙律同魚皮，水果有車厘茄、西瓜同埋哈蜜瓜，水果款款都好甜😋 ✨台式麻辣鍋 $138（鴛鴦鍋）愛辣肥b必點湯底😆 雖然我唔係好食得辣，但都難以抗拒鴨血嘅引誘😏 任食鴨血真係超級正😍 同我一樣唔係好食得辣嘅朋友都一樣可以試吓，只要小心唔好食到辣椒籽嘅話，其實一樣可以食到哩個湯底🤪 ✨紅顏花膠雞鍋 $138（鴛鴦

湊湊火鍋一向我都係捧場客！今次就要試吓銅鑼灣嗰間。雖然地方冇尖沙咀咁大，但係仍然都係坐得非常之舒適，食物都係保持一向嘅水準！火鍋我就覺得係花膠雞火鍋比較抵食，性價比強！因為裏面有唔少花膠，同埋好多雞肉，仲有鮑魚！ 飲完個湯其實都已經飽！抵食方法建議：1. 叫一個比較有份量裏面已經有肉嘅鍋，譬如花膠雞窩2. 可以嗌幾樣小食，四個人就差唔多！建議可以叫午餐肉、叫蟹子蝦滑、魚滑蝦滑棒棒糖、響鈴等等唔一定需要嗌牛肉豬肉我哋今次就嗌左兩份豬肉一份牛，四個人其實都食唔晒！叫咗一盤大嘅蔬菜，其實覺得會建議大家唔需要嗌什錦蔬菜盤，可以散嗌就應該性價比會再好一D3. 多啲添食自助吧自助吧除咗各樣調味料有生果，有飯，有肉燥有小紅茄，最好味我最鍾意嘅就係佢個魚皮同海草前菜！4. 必叫大紅袍珍珠奶茶呢一定要飲佢出名嘅大紅袍珍珠奶茶，本身幫襯已經半價可以叫飲品。建議可以叫一個大嘅珍珠奶茶，然後叫佢分兩杯細上，已經可以等於兩杯標準裝夠兩個人飲。這樣性價比仲更加抵，大概$7一杯！哇去邊度搵呀呢度最好係仲有沙冰俾你同埋一個一定要食滿分嘅係梅子茶凍如果你唔叫牛肉豬肉我諗大概每人百多元應該可以$200有找！因為午餐時段六

成大半年冇黎過湊湊火鍋，今日午餐黎打邊爐，餐廳非常静局，冇乜人。主餐牌成本雜誌咁，好特別。餐牌有唔同肉類，海鮮，蔬菜，丸類，主食，小食，有拼盤有散叫。湯底有8款。上次食過番茄牛膝骨鍋，今次我哋揀左蟹粉黃魚鍋。蟹粉黃魚鍋 單鍋 $258 駌鴦鍋 $168 另加一蟹粉黃魚鍋湯色呈奶白色，飲落魚味濃又滑，帶少少胡椒味，唔覺油膩。炸黃魚有13件左右，雖然炸皮浸腍左，但係味道有魚味，魚嘅質感都唔差。蟹粉另外用隻好可愛既蟹造型兜裝好，可以加落湯或者就咁食，蟹粉連少少蟹肉，唔算特別香，味道都可以既，不過較油膩，可能預你加落湯，我就咁食。蟹粉份量一共有4份，都唔少。湯底仲有4磚豆腐，亦加入杞子。我哋自己另外加左自助吧嘅百合茄，味道都唔錯。麻辣鴨血豆腐無限添加，仲寫明可以比你打包返屋企。味道都幾辣，不過唔太麻，可能配合返港人口味，鴨血新鮮爽脆，豆腐都正常。可以任食好抵！要叫服務員攞比你。任食自助吧有時令前菜兩款，分別係海藻同魚皮。另外仲有西瓜，哈蜜瓜，百合茄，多款秘製醬料，同埋白飯。每位收$19另加一。水果同百合茄質素正常，都會添加。海藻同魚皮都算爽口，魚皮特別滑溜。秘製醬料14款，俾你自由配搭，有鮮味

同朋友去食個early Dinner想坐得舒服又要好食，湊湊真係唔錯既選擇有別於一般打邊爐既餐廳呢到裝飾古典，啲位夠晒闊落出面有自助醬料區有少少前菜同生果可以食添麻辣鍋既豆腐鴨血可以無限添加啲鴨血入味 不過個鍋既辣味只係好輕微喇作為一間火鍋店 但其實呢到啲手搖飲品都好受歡迎 記得唔好錯過呢到既肉類都好高質 由其是係牛肉 有牛味 油脂平均食到咁上下 侍應會送上沙冰俾你清一清味蕾到最後仲會有梅子果凍添 呢個甜品作為一餐既終結就岩岩好喇

湊湊終於開到港島，在銅鑼灣核心區，地鐵直達，方便！３人組的生日聚會，其中１人要加班，先到的邊吃邊等：#荔枝蝦球---點這個是因為賣相吸引，吃一口，外脆內juicy，爆好吃！大愛！#綠茶檸檬---我喝這個，綠茶和檸檬都有很多的解膩功效，喜歡！#大紅袍珍珠奶茶---兩位同學一人一杯，她們表示很滿意！人齊，開吃，點了以下的：#鍋底---點了鴛鴦鍋：麻辣併珍菌，麻辣鍋是必點的，因為可以免費添加鴨血和豆腐，大讚！#牛小排---小小肥，肉質很嫩，好吃！#精選羔羊肉---肉味濃，配麻辣湯，回味無窮！#毛肚---爽脆！涮的時間很重要，記得計時。#飛魚籽墨魚滑---墨魚滑Ｑ彈，加飛魚籽豐富了質感#白蘿蔔---太老，本餐唯一差評！#響鈴---吸收珍菌湯，人間美味！#黃帝菜---和珍菌湯底很夾#日本半生烏冬---好好味，本餐驚喜之一！