位於銅鑼灣希慎廣場14樓，湊湊火鍋‧茶憩結合咗火鍋➕茶飲，餐廳環境好舒服👍午市火鍋套餐仲可以自由搭配各種新鮮海鮮同肉類，搭配多種美味湯底，性價比好高😍三鱻蝦蜆盛合小火鍋套餐包括鮮沙巴龍躉魚、鮮脆鯇魚、鮮白鰻魚、基圍跳跳蝦和鮮活黃蜆五款鮮活海鮮。每一種海鮮都散發著海洋的鮮味，特別係沙巴龍躉魚，肉質滑嫩，搭配湯底後更加鮮美無比。跳跳蝦口感彈牙，海鮮愛好者一定不能錯過！開心自由搭配小火鍋套餐我揀咗特選級美國牛板腱和伊比利亞黑豬肉。牛板腱肉質厚實，油花分佈均勻。而伊比利亞黑豬肉帶有濃郁香氣同豐富的口感，配上牛奶湯更加鮮嫩。湯底方面，北海道十勝養生牛奶湯鍋俾客人自己加入牛奶，濃稠的奶香整個火鍋味道更加豐富。清涼椰子鍋就好清新，好適合夏天享用。搭上刀削麵/南瓜面，加埋蔬菜盤真心好滿足。一品海皇大閘蟹粉麵係新品，鮮甜蟹肉同拌麵嘅結合令人食指大動，濃郁的蟹香味令每一口都充滿驚喜，絕對是值得一試的招牌菜。半自助區內有滷肉飯、時令水果（如網紋蜜瓜和西瓜)打完邊爐食生果就最啱👏湊湊火鍋嘅茉莉綠茶和大紅袍奶茶，都係不能錯過的飲品，前者清新宜人，後者則濃郁香滑，為今餐帶來完美的句號。…查看更多
位位職員都好好服務今次有好多新套餐、多款海鮮菜式價錢平好抵食，仲有個自助小料台可以不斷添食生果、小食、醬料同我最鍾意嘅滷肉飯
我哋嗌咗中秋節期間限定嘅「月兔雙人套餐」，有8道菜式啲菜名有意頭又貼題
依家做緊優惠價差唔多平成半
湯底嗌咗「金縷醉月秋蟹煨魚鍋」，奶白色魚湯內有杞子豆腐竹笙龍躉片，足料甜潤，另外上嘅蟹膏用蟹型瓷盒裝著，可以加入湯或點食物增加鮮味家人喜歡食牛，點呢個「王牌至尊極品牛三拼」，有齊日本鹿兒島A4和牛、 美國牛頸脊及美國牛小排，牛肉優質淥幾淥就食得，牛肉味道濃郁，口感酥軟油脂極豐我不嬲都係魚痴，「至尊龍躉鮮活魚三品」啱晒我口味
一盤各有白鱔片、沙巴龍躉和脆肉鯇，個人首推白鱔肥美脂香滑溜，龍躉魚味鮮濃肉厚，脆肉鯇則爽脆魚味清甜打邊爐點少得“滑”“丸”？「企鵝賞月」個名既‘食’字個樣又cute，「企鵝丸」就係用黑白墨魚膠整，淥熟口感Q彈滿滿墨魚鮮美味，‘月亮’指嘅係「飛魚籽墨魚滑」，好好食㗎啲魚籽脆卜卜墨魚滑又彈牙間場炸物小食「野生比目魚柳」幾香酥惹味、一啲都唔肥膩食到咁上下落個「新竹米粉」索下啲魚湯，又爽又滑𠽌𠽌聲咁食再加啲皇帝菜油麥菜撈魚湯米粉好
團圓火鍋嘅完美甜品有「紅豆布甸」，口感彈下彈下滑捋捋紅豆夠腍甜絲絲，「乳酸沙冰」酸酸甜甜清下味蕾兼解膩，好滿足
食過番尋味，一於約定friend嚟再戰佢哋午市「新台式午定食」，幾款新sets嘅cp值高【茶米茶】新出呢杯「滿杯金芒茉莉」都好好飲，係真果肉仲要係用咗3個台灣玲瓏金打成，清新清甜夏天飲解渴消暑
