湊湊火鍋‧茶憩 (希慎廣場)

營業中

休息中

次次都係叫大紅袍珍珠奶茶一定唔會令我失望今次特別啲叫呢杯冬瓜大紅袍好飲嘅，不過唔係台灣嗰種冬瓜茶囉，所以都係叫返大路好啲但係我深信佢所有嘅茶飲絕對係水準之上啤酒冇咩好討論只可以話係生啤加分囉胡椒豬肚湯底，我好鍾意飲胡椒湯，但係我唔食豬肚都冇問題呀個湯好好飲生日大哂 記得要多謝父母對上一次喺旺角食叫咗酸菜白肉鍋對個窩同酸菜念念不忘，今次都有叫好可惜同個湯底唔係好夾，但係個酸菜同我條腸好夾，次次食完之後都會排山倒海胡椒豬肚雞鍋的雞件，冇雪味，但絕對不是鮮雞荀尖大路兩條友叫咗呢個好似叫海陸空嘅嘢啱呀齊晒一鑊過搞掂牛好食嘅！有牛味三文魚打邊爐我覺得好奇怪帶子鮮甜、蝦鮮甜扇貝淥完之後同個五毫子差唔多沙白都好鮮甜鮑魚正常發揮

第１次吃湊湊，是在上海靜安寺第２次吃湊湊，是在西京望京店第３次吃湊湊，是在香港銅鑼灣店３次都好好吃！品質有保證！在香港這次，是碩士班同學聚會，我們點了以下的：#荔枝蝦球：３人組其中１人要加班，我們點了這個邊吃邊等，爆好吃！強力推薦！#綠茶檸檬：我喝這個，refreshing！#大紅袍珍珠奶茶：兩位同學點了商家招牌，她們表示喜歡！#鴛鴦鍋底：麻辣併珍菌，麻辣鍋底可暢吃鴨血和豆腐，大愛！#牛小排：肉質嫩滑，好吃！#精選羔羊肉：我喜歡吃羊肉，yummy！#飛魚籽墨魚滑：墨魚滑Ｑ彈，加了飛魚籽，大大豐富了質感！#魚皮餃：餃子皮很Ｑ！#毛肚：吃麻辣火鍋必點項，好好味！#響鈴：吃麻辣火鍋另一必點項，讚！#油條：同學不吃響鈴，點了油條，我沒吃！#白蘿蔔：吸收了珍菌湯，極品！#皇帝菜：新鮮，好味！#日本半生烏冬：我已經很飽，沒吃這個！送的甜點：#乳酪冰沙：吃完麻辣火鍋，喝冰沙，冰火兩重天，台式火鍋特色之一！#梅子茶凍：為豐富的晚餐配個 happy ending，Very nice！

open rice定位的85折优惠不适用于套餐但是套餐真得很划算！没想到套餐的份量非常大，比之前在K11或者MK的分店都大！也有主动送上甜点，水果区也有西瓜、小番茄。我们两个大胃王女生，点了一份套餐，另点了一份莴苣、山药和沙巴鱼，结果剩下很多肉。

今日同三個朋友去食set lunch，唔平4個set lunch +4杯嘢飲加埋一個酥排骨小食平均每人140（包埋服務費），叫咗一個XO醬撈麵、兩個排骨飯、同一個眷村牛肉麵，都係啲平常台式餐廳穩陣冇死嘅嘢。但呢間嘢好嘢，牛肉麵個湯底睇落去好濃但係飲落去同水冇分別，啲牛肉勁韌鞋底咁款，至於嗰兩個排骨飯啲排骨好似用殭屍肉咁，一樣都係冇肉味同埋紅卜卜，問過店員點解啲豬肉煮熟咗之後都係咁紅，佢就答：「係豬肉煮熟咗都係紅色㗎啦」真係無咗言⋯至於個XO醬面一樣都係成碟嘢冇味，都唔知間嘢點樣整。跟住係套餐嘅配菜，豬紅食落去都係完全冇味口感好似發泡膠咁，滷水豆腐同蛋都係完全冇滷水味，唯一就係送碟粟米同菜係正常諗住叫珍珠奶茶飲，分別嚟咗四次唔同店員，每次都要重複確認一次單，去到最後竟然都係可以落錯，四杯珍珠奶茶有三杯分開來都係冇落到珍珠，最後有個類似職位高啲嘅人過嚟再確認多次，明明係佢哋落錯仲好似好唔耐煩咁。簡單來講，完全係劣食，服務質素差啲員工好似懵懵吓咁，八方雲集都正常過呢間嘢。

訂咗8:15，到8:45仲未入得。門口國語女人不斷叫您等，話人人都係咁等。我8:14到達，等左半個鐘問佢先話已經嗌左我個號碼，叫我繼續等到有為止，講大話算數但唔好好似老馮咁。收咁嘅價錢俾啲咁嘅安排，除咗垃圾，唔知講乜好。想受氣，大把錢，極力推薦！

湊湊有個set lunch其實幾抵食， 食物唔算好食，但價錢取勝。set lunch 的豬扒飯只是$78，叫飲品會有半價，仲包埋出面既自助bar，埋單100蚊以下，對比對面一風堂都要100其實係唔錯。post住相先，detail下篇食評再講。

朋友早一星期訂枱，是訂6:45服務員說沒問題，入座起計兩小時，當晚和友人準時入座，不夠45分鐘他們說要先賣單我們也沒為意，之後不停在我們位行來行去又收野，又送咩贈飲沙冰，我已經勁唔like…因為真係好影響我們傾談，不夠15分鐘竟然說我們夠鐘交枱要唔要幫我哋打包走我們當場突曬眼…我哋話6:45不是可食到8:45？？！！現在只是8:00就要趕我們走？十萬個為什麼？成枱野都剛到未食到一半，又不是任食怎吃也吃不切吧！之後當然和服務員理論，比埋安心出行時間佢睇，明明就是6:45入座，最後他們只說唔好意思攪錯了是6:00入座，成餐飯已經被破壞了氣氛，我勁嬲但食物真係食唔切，也在不爽的心情下盡量完成，可惜餐廳竟然用最低劣的手法，「交」大冷氣吹正我哋個位趕客，最終我哋都早15分鐘交枱，佢哋已經快手快腳執枱，食物怎麼優質，這種服務態度…唔會有下次！價錢又唔平….若然大家打邊爐真係可以一小時内食完可以一試…..

同朋友兩個人吃了1000hkd，但是沒有任何一樣食材讓人驚艷值回票價的感覺。首先湯底很一般，只有雞肉和牛百葉還可以吃下。叫了牛肉和豚肉，口感很柴，牛肉毫無牛味。小料台選擇很少，並且六點多入座過半小料台的醬料是空的。最重要的是服務人員素質參差不齊，門口知客一問三不知，只告訴在旁邊等。點菜完所有青菜、丸類都上完之後間隔十分鐘才上肉類。中途沒有員工主動加湯，只有一次我和朋友主動叫人加湯，但是那個侍應加湯的動作十分粗魯，水壺距離水面很高也沒有遮擋就開始倒湯，搞到湯汁四濺。最後叫了買單分別和幾位員工都說了，但是那幾位員工一直在隔壁推托，最後等了十分鐘才有人過來買單。總之不會再光顧。

同朋友慶祝生日，揀左一間主打台式火鍋嘅餐廳嚟試下，環境好舒服，重點係服務好好，回應好快，值得俾個👍🏻佢套餐 $698 加一📍自助Bar 有唔同醬料同埋餐前小食俾你食，原價$19一位，但套餐就包埋，餐前小食有中華沙律同埋麻辣魚皮，味道中規中矩，仲有西瓜同哈密瓜等小食，俾你打邊爐前醫一醫個肚🥸📍鴛鴦鍋揀左台式麻辣鍋同埋珍鮮菌菇鍋，麻辣鍋裏面嘅鴨血同埋豆腐都可以無限refill，鴨血非常嫩滑，吸晒麻辣汁嘅味道，豆腐就普普通通啦，麻辣鍋辣度適中，但注意會越煮越辣；珍鮮菌菇鍋我哋就試飲左個湯底先再打邊爐，飲落味濃，而且好有菇菌味，唔錯👍🏻📍伊比亞黑豬肉肉味濃，份量適中，朋友一致認為好食過啲牛肉🤪📍美國特選級牛小排牛肉質感算厚身，味道都Ok📍企鵝丸（墨魚漿製）造型100分，食落係墨魚丸嘅質感，彈牙但就冇咩味，靠湯底幫補吓📍基圍蝦上枱時仲係紮紮跳，非常新鮮，煮完仲係好彈牙🦐📍萵筍爽口清甜，建議唔好煮太耐📍油條油炸鬼仲係脆身，吸麻辣湯底一流❣️酥炸黃魚 $68唔係新鮮炸起，所以係比較腍身，味道冇咩特別，要靠浸湯底索左味先食，唔建議嗌❣️毛肚 $88建議唔好煮太耐，大約15秒就好啦，因為煮太耐就非常韌，食

餐牌沒有寫有4人套餐，好彩在open rice見過，於是向服務員查詢，原來是有另一個menu, 沒有仔細研究便直接下單，有鴛鴦鍋底選擇，點了蕃茄及台灣麻辣湯底，小食也有自由選擇。味道十分好，麻辣湯底其實只係微辣，未夠香，其實牛丶豬丶蝦滑丶鮑魚丶鴨血豆腐真心好味，還有甜點及沙冰。擺碟造型也很吸精，坐位與坐位之間也很有獨立空間，唯一可以再改善一下的，便是要增加店內人手。全單$12xx 加一。

食火鍋最重要一定係個湯底，我特別鍾情台式火鍋，除左台式選擇多之外，台式麻辣鍋重視香多於麻，點都唔會蓋過食材本身既味道。今次黎到湊湊火鍋，叫左個鴛鴦鍋—麻辣鍋同埋紅顏花膠雞鍋。花膠雞個湯勁好飲，非常足料，未開始放野落去已經飲左兩碗。肉既質素都高質，選擇都唔少，重點係可以喪加鴨血！想讚下呢度既環境好舒服，好中式既裝潢，好闊落既餐桌，叫幾多野都唔怕放唔晒。杯珍珠奶茶勁大杯，食物既擺設亦都好精緻，岩晒大家打卡！由於唔係電子落單，佢地既服務比較慢，d野都等左ok耐先上，大家可以去訓練下耐性XD#火鍋 #台式火鍋 #銅鑼灣美食 #打邊爐 #銅鑼灣#香港美食 #香港好去處 #麻辣鍋 #hotpot #taiwanese #eeeeeats #hkfoodie #justchewmeat銅鑼灣 #justchewme

店內新裝修好靚，有流水竹林，好有中式風格，環境座位坐得舒服，每枱既空間感大，私隱度高! 限時120分鐘! 餐廳仲有提供即棄圍裙。.📌秘製醬料 $19/每位 x 2 有台式沙茶醬、辣椒醬、菌菇醬、XO醬、鮮味汁、香油、醋、芫莤、蒜泥、葱花、碎花生、白芝麻粒、辣椒🌶️。 (其實湯底已經好夠味).任食自助吧有兩款前菜: 📌海藻: 一般📌麻辣魚皮: 食落爽口，好吃。 📌水果: 西瓜，哈蜜瓜，百合茄! (我就無試到啦) .湯底有8款。我哋揀左📌台式麻辣鍋 $198麻辣鍋小辣程度，唔算好辣，湯底味濃! 麻辣鴨血、豆腐無限添加。鴨血新鮮爽脆，好食👍🏻 豆腐索哂味.食物既擺盆都好靚📌企鵝墨魚漿丸 $59造型好可愛，本身以為得個樣，不過食落又ok 喎🤔.📌飛魚籽墨魚滑 $68飛魚籽食落口卜卜脆，幾有口感，但食落有啲散，唔夠實淨彈牙！.📌響鈴 $58正常發揮，索左啲麻辣湯幾好食😅🤣.📌午餐肉 $28 質素一般，個人對午餐肉都有啲要求🤣 .📌美國特選級牛小排 $228 肉同脂肪分布平均，唔會太肥！有牛味，但切得有啲薄，口感唔夠豐富！無啲人講到話唔好試甘誇張，但係無特別驚喜！.📌伊比利亞黑豬肉$138都係薄切，

同事介紹，選了銅鑼灣區希慎廣場的分店。可能有點早，職員還未返齊，所以要等了一會兒才可點餐。任食鴨血和豆腐，味道還可以。最出色的反而是魚皮，無論味道和口感都一流，不知不覺吃了3小碟。火鍋湯底是白肉酸菜，酸菜份量十足。最美味的是肺片，叫了蔬菜籃，但份量實在太多了，結果要外帶回家。亦叫了蝦，豬肉和牛肉，亦叫了魚滑…….份量足，，味道平均，但不會令人覺得驚喜。但人均消費不用$300， 性價比高，應該會再次光顧。

八號風球被困家中一天，很想吃火鍋！我們一家四口星期日中午十二時左右到，立刻有位～其實帶住個一歲多的B打邊爐都幾有壓力，所以順利完成後很想讚揚一下：1）地方寬躺，每張枱都係卡位(小朋友唔會走來走去），分隔很遠，吃得安心…2）小朋友有免費兒童餐（番薯饅頭和炸薯角），有BB櫈同埋餐具供應3）服務非常細心，食到中間有水果沙冰解辣，食完有紅茶啫喱做甜品4）分量不多不過食材新鮮有水準～我們兩個大人點了企鵝墨魚滑，蔬菜拼盤，和牛，黑豚肉，烏冬同埋蛋餃。。食完都唔會太飽😅另外珍珠奶茶味道都有驚喜👍

湯底：✴️紅顏花膠湯鍋 鴛鴦鍋$138超級無敵杰呀😂😂太足料，要不停加湯同搞個底最後落埋水添😆可以湯完一碗之後叫佢加水會好啲！好味但真係有啲煩.✴️台式麻辣鍋 鴛鴦鍋$138同其他食既店食到既味差唔多呢到亦同樣可以免費任加鴨血同豆腐豆腐夠晒索味！鴨血亦都幾好食😋.✴️美國特選牛板腱 $138美國特級牛肩胛 $138個人覺得牛板腱好味啲！牛味多少少同吾會好難咬兩碟份量都ok👍🏻兩個女仔岩岩好.✴️蟶子 $68呢個真係吾推薦🥲又細又有沙😱真係食左兩舊吾想再食！.✴️鮮活豆苗 $58呢個幾搞笑🥸成盤上，比埋把較剪你自己剪係咪剪完佢會領返入去繼續養？😂😂下個星期又比下家食.✴️魚皮餃 $58萵筍$38 蓮藕片 $38正常嘢.✴️乳酸沙冰、梅子茶凍 （附送）沙冰雖然好細杯一啖就無左但真係幾解辣梅子茶凍有驚喜👍🏻.➖呢個價錢算偏貴少少但勝左坐得舒服位同位之間有距離！食物方面湯底足料免費鴨血同豆腐亦fill得快想坐得舒服甘打邊爐會再泥不過佢冷氣都幾勁同埋有限時120分鐘，要留意返！