影片
更多
2022-06-21
219 瀏覽
📍𝐂𝐨𝐮𝐜𝐨𝐮 𝐇𝐨𝐭𝐩𝐨𝐭 - #YFF銅鑼灣 💎每次去台灣旅行都會有一餐係食台式火鍋，無論係冬天抑或夏天去都一定會食！今次就跟朋友介紹，黎到呢間無論服務、環境、食物款式種類都好高質嘅火鍋連鎖店，打算一解對台式火鍋嘅相思之苦🫠 呢間火鍋店主打融合深具台灣特色嘅火鍋和手搖茶飲，希望為食客帶來正宗台式餐飲體驗。❝湯底❞➤ 清涼椰子雞湯底 ($138) + 蕃茄牛膝骨湯底 ($99)除咗打邊爐必點嘅濃茄湯底，今次我地仲揀咗呢個新出嘅清涼椰子雞湯底，店員提醒我地點購呢個鍋更可以66折加購指定新品一客（竹笙/鹽酥雞/風味湊湊)。呢個鍋底加入咗清新椰子水及椰肉，鮮嫩的雞肉吸收晒椰子精華，入口陣陣椰香飄散🥥🐓另外仲飲得出呢個湯底有檸檬葉嘅香氣，飲落有陣清爽嘅獨特滋味。❝配料❞➤ 加拿大松阪肉 ($98)松阪肉係豬頸肉嘅台灣叫法～ 擺放成玫瑰花形狀非常打卡able😍 油脂分布幾均勻，肥瘦相間嘅肉質入口幾爽嫩。➤ 美國特選級牛肩胛肉眼 ($138)牛肉切得大大片，油花均勻，入口軟嫩，頗重肉味。➤ 精選羔羊肉 ($98)羊肉味好重，鐘意羊羶味嘅大家必點，油脂都幾豐富🥰➤ 無骨雞腿肉 ($48)幾嫩滑，係
每次去台灣旅行都會有一餐係食台式火鍋，無論係冬天抑或夏天去都一定會食！今次就跟朋友介紹，黎到呢間無論服務、環境、食物款式種類都好高質嘅火鍋連鎖店，打算一解對台式火鍋嘅相思之苦🫠 呢間火鍋店主打融合深具台灣特色嘅火鍋和手搖茶飲，希望為食客帶來正宗台式餐飲體驗。
❝湯底❞
➤ 清涼椰子雞湯底 ($138) + 蕃茄牛膝骨湯底 ($99)
除咗打邊爐必點嘅濃茄湯底，今次我地仲揀咗呢個新出嘅清涼椰子雞湯底，店員提醒我地點購呢個鍋更可以66折加購指定新品一客（竹笙/鹽酥雞/風味湊湊)。呢個鍋底加入咗清新椰子水及椰肉，鮮嫩的雞肉吸收晒椰子精華，入口陣陣椰香飄散🥥🐓另外仲飲得出呢個湯底有檸檬葉嘅香氣，飲落有陣清爽嘅獨特滋味。
❝配料❞
➤ 加拿大松阪肉 ($98)
松阪肉係豬頸肉嘅台灣叫法～ 擺放成玫瑰花形狀非常打卡able😍 油脂分布幾均勻，肥瘦相間嘅肉質入口幾爽嫩。
➤ 美國特選級牛肩胛肉眼 ($138)
牛肉切得大大片，油花均勻，入口軟嫩，頗重肉味。
➤ 精選羔羊肉 ($98)
羊肉味好重，鐘意羊羶味嘅大家必點，油脂都幾豐富🥰
➤ 無骨雞腿肉 ($48)
幾嫩滑，係一款淥耐咗都唔驚會韌嘅配料☺️
➤ 風味鴨腸 ($58)
份量超多，口感爽彈，用木架擺盤好正🤪
➤ 毛肚 ($88)
記得唔好淥咁耐，放落去煮15-20秒就食得，口感爽脆又有咬口。
➤ 風味湊湊 ($128)
其實就係滷水拼盤，包括豬大腸、金錢肚、牛筋等，滷得幾入味，但記得淥一淥先食🤪
➤ 鹽酥雞 ($58)
炸得好酥脆，雞肉仲保持到嫩滑有汁，擺咗一陣都食都仲脆！
❝特飲❞
➤ 大紅袍珍珠奶茶 ($33)
第一次見用大紅袍製作嘅珍珠奶茶！特選嘅大紅袍茶葉香氣醇厚，馥鬱潤甜，搭配低溫熬煮的木薯粉珍珠，晶瑩剔透，勁道彈牙。聽店員講原來舖頭專登聘請黎自台灣嘅奶茶研發團隊，製作出完美複刻黃金比例的地道台式奶茶。
➤ 翡翠鮮橙綠 ($30)
非常清新，果味同茶味平衡得宜，解膩之選。
張貼
