湊湊火鍋‧茶憩 (如心廣場二期)

營業中

休息中

今日，一行4人早就訂定枱，準時去到，唔使排長龍，同侍應講就帶我哋埋位！用餐時間2小時，有啲趕迫，醬料同小食係另計$19位！餐廳中間有個好仙氣的水池，環境都唔錯！時間得2小時，我地一坐低就叫左個鴛鴦鍋！😍😍😍有我至愛的台式麻辣鍋（勵志鍋）同紅顏花膠雞鍋（食妝鍋）個花膠鍋店員告知，要先飲個湯之後先再打邊爐！首先講吓個麻辣鍋，鴨血同臭豆腐係無限添，仲可以免費外帶一份，可惜到最後都係唔記得咗而辣度同麻度就唔多夠，可能我食得辣，不過朋友就覺得剛好，而且都好夠咸而個花膠鍋啲湯好濃稠，入口好有膠質，我鐘意呀！之後到肉類，我地一共叫左2款「湊湊精選肥牛」美國特選牛小排之後就到丸類——手工蝦滑、蛋餃好可愛我企鵝丸（墨魚漿製）好可愛的小企鵝，有啲唔捨得咬、芝士魚腐當然唔小得叫菜類——蔬菜併盤（大）超級大盤，如果小人食，可以叫盤細食麻辣火鍋點可以無飲品？於是我哋就一人一杯台式飲品（左起）冰大紅袍珍珠奶茶、冰大紅袍、冰冬瓜檸檬茶、冰大紅袍珍珠奶茶（右），呢杯飲品，目測有800ml，大大杯，夠曬飲難得一聚，飲杯每次食完台式麻辣火鍋都會比杯乳酸飲品解解辣同油膩，仲可以添飲一次最後，上埋個甜品——梅子茶果凍去完結呢

因為企鵝🐧，好想試試企鵝係煱上浮游的感覺。適逢慶祝阿女的努力，一定要來試試。一定要book枱，唔係應該要等好耐，入到嚟好暗，冷的水蒸氣彌漫，不過好處是看不見隔離枱。試試一個餐，感覺同大陸嗰間差不多，企鵝也不等別好食，龍蝦變咗蝦，試過就學算了。

同三個朋友晚餐一齊去食，開始嘅時候覺得環境OK，冷氣足夠幾舒服，但去到落單嘅時候，一位男侍應幫忙落單 態度好差仲要串住咁回應，侍應：郁身郁世咁叫我地繼續落單，之後食左半個鐘-45分鐘發覺飲品未到，原來係佢漏單，其實你叫我地繼續，即係代表你mark好mark齊，但你唔係，全程都有一位良好嘅女侍應，多謝佢，只有佢一位願意回應我地，幫忙關火調教火候，去到賣單仲好笑，舉手舉到最直但全部適應掛住執場，都係個位女侍應，好似全店得佢一個，可一不可再，第一次見到一間店可以無視客人咁多次…….補充個Apps可以見到仲有幾長時間到我地，我地睇嘅時候係25分鐘，然後突然打電話通知你嘅位置已經到，請於5-7分鐘耐到達否則讓台，真係搞笑，個下要狂奔跑去到呢間店，搞笑！

我同媽媽睇到lunch set餐牌所以入去食入面嘅燈光昏暗只有一棧燈係照住個火鍋爐其他位置你根本就睇唔到嘢所以我都唔知張凳係有污糟就坐咗落去然後搞到我條裙黐住咗啲唔知乜嘢 就污糟咗枱面上面水都冇杯 得對筷子然後我哋叫咗兩個餐一個係酸菜魚麵 另一個係三寶麵 再加個甜不辣我哋等咗30分鐘佢地都未上到菜然後我哋就問個侍應 我哋嗰餐幾時上 個侍應先去拎我哋兩個個餐過嚟 跟住仲要冇匙羹啦 問佢拎個匙羹 個隻匙羹仲細過甜品羹個酸菜魚仲要冇乜味 得5舊魚柳 三碟小菜都係一早整好 基本就咁放上去就得 但賣百幾蚊仲要加一完全唔值 一啲都唔好食到個三寶麵 仲衰 個麵完全白洽 冇味 到再加2粒牛肉2件牛肚2件牛筋 3碟小菜都係一早整好 凍晒 完全唔好食又係百幾蚊最後我個甜不辣係完全冇嚟過真係唔明點解可以唔叫就唔上餐我仲見到隔離枱嘅人由我地嚟咗冇耐就埋單 埋到我差唔多食完 佢催個侍應比返張卡佢 佢地先比返張卡人地唔會再有下次幫襯嘅機會 第一次嬲到要寫食評

服務可以，當日我去係全場滿，侍應數量都足夠應付，環境都舒服乾晒，要讚調醬料位置附近有洗手盆，方便客人洗手，細心，係整個店環境暗點，好難影到張靚相，野食就真心麻麻，基本上個日叫嘅野食，無一樣係想再追住食，好普通，叫左2款牛，一款係最貴嘅，另一款係中價嘅，兩款都無乜分別，同無乜牛味，叫左個蟹子墨魚滑，好大陣雪藏味，最慘係叫左個花膠湯底，侍應放底時已交帶好易癡底，叫我地keep 住攪，但無諗過食左10分鐘就癡底，然後成煲野都係燶味，嘥晒，之後只可食另一面湯底，但要讚佢嘅野飲，係好飲嘅，我地係叫大紅袍珍珠奶茶，所以整體尼間野可以唔洗再去，試一次就夠

我係為左比負皮而開ac原本我都係無乜所謂既人唔好食就下一間但呢間野啲食物同服務完全唔得首先 間野啲麵食係好求其個麵仲係一個餅既形狀同仲硬身好明顯就係淥完個麵就咁放啲餸上去然後 食物既分量同價錢極唔合理酸菜魚啲魚得5粒仲要係魚柳 要成百幾蚊仲要冇野飲 水都冇杯跟住係佢地既服務態度我地等咗半個鐘要問佢 佢先拎我地碟野比我地 仲要冇味我仲叫咗個甜不辣小食 但佢冇上過叫佢跟一跟我地個餐 佢唔係問有咩可以幫到你 而係話 咩事食完之後仲發現我女朋友條裙有啲野痴咗係上面硬左食物質素 環境衛生 服務態度 完全唔得

之前表妹介紹呢間啲鴨血好食，所以今日出開去買嘢就順便嚟試下⋯鴨血我就覺得普通，不過個胡椒豬肚湯底好好味毛肚都唔錯嘅個魚麻麻，聖子仔有沙，牛、羊都ok啦！服務係幾好嘅

用QRCodeh等位但食野又唔係用QRcode點菜以為好方便原來都唔係既我自己本身都不嬲唔鍾意等位，但真係好耐冇去台灣而且湊湊鍋呢間野又未食過一心想試下，等左差唔多1個鐘頭地方環境都幾好坐位比左卡位可以坐到6個人，叫咗個鴛鴦鍋啦麻辣同番茄湯黎到個鍋我覺得好普通既湯底叫既肉好薄，新鮮我又唔覺真係特別新鮮。荃灣好多任食火鍋都好過佢。。。因為唔夠飽叫多左3碟羊+豬，食完都唔滿足...2個人埋單要1千蚊多真係唔太值得。1千蚊我可以好多選擇但一定唔係湊湊鍋。量少又薄，質素唔係特別好D肉下面放左d垃圾菜整高左，暗暗地既環境，打曬登望落去又好多好正。。我1個人食一碟唔夠飽6😂。打卡就岩。。。西瓜最好食。。。。同埋都有送個d甜品梅子啫喱。但我係黎食火鍋唔係食甜品架麻。食甜品唔洗黎湊湊鍋到食啦

食物質素OK，但服務極差令我不會再去光顧。原因一：進場前說用餐限時兩小時，但沒有提醒last order及截單時間。原因二：上菜速度極慢，漏單我可以接受但上菜速度根本就是直接影響用餐時間。原因三：用餐到90分鐘時再order食物時，職員沒有任何提醒亦幫我照落單，但之後足足等左20分鐘食物才到齊。當時直接有職員跟同我講：得返10分鐘你地都食唔切，不如打包啦...出面有枱客等緊！跟手開大我個爐冇野呀，燶曬癡底原因四：呢個係我最不喜歡的原因就係～好，你叫我打包呀麻，但係你連個外賣盒都唔比我又係咩玩法，我杯野飲得番兩啖你問我打唔打包，你真係好趕wor,哦～錢就照收足我重要等你D外賣盒自己打包。埋單出到門口，你有幾多客呀，又唔係大排長龍結論：因為你嘅服務，冇下次

每次經過如心廣場都可以見到煙霧彌漫嘅湊湊😍裝修十分古色古香 加埋特色嘅煙霧真係好似竹林 今次終於的起心肝去試試！🍲勵志鍋（台式麻辣鍋）💰198🍲暖心鍋（胡椒豬肚雞鍋）💰198我地嗌左兩個鴛鴦鍋底！分別係台式麻辣同埋胡椒豬肚雞😍台式麻辣入面會有預先滷好嘅鴨血豆腐 鴨血全部厚切 豆腐都好厚一舊 出面層皮超有風味 入面都入曬味😙會有店員行過來拎住個裝住鴨血豆腐嘅兜問你要吾要加 我地淨係加左一次已經好夠🤣胡椒豬肚雞都好濃味！一開始一定要飲一碗湯領略佢嘅鮮味😆雞都係比定你自己祿熟 所以全部都超級大舊 而且煮得好入味！豬肚撈極都仲有🥺仲要每塊都又長又大舊 好好味！🦑墨魚仔💰58🦑飛魚籽墨魚滑💰68海鮮方面我地嗌左呢兩樣！墨魚仔真係超級得意！同埋真係好多舊😍祿熟之後會收縮變身超級細舊 不過因為數量夠多真係超滿足！店員都會幫手落飛魚籽墨魚滑 落完一半我地已經覺得超足夠 可見佢份量勁大！可能加左飛魚籽所以整體會偏鹹 但係都覺得味道超讚 好彈牙👍🏻🥩美國特選級牛板腱💰118🥓毛肚💰68肉方面我地就嗌左呢兩款！牛肉底有好多塊大白菜墊得好高🤣唔係話特別出色 毛肚份量都好值得稱讚！食完好多都未食到一半🥺最尾要打

今日經過荃灣食左間高質打邊爐,價錢係有少少貴, 但係都好值返個價!!同埋呢間湊湊都想食好耐!!今日終於試到, 最好BOOK定位,唔係平日都排長龍!!首先個火煱湯底真係好味!!個名好似叫勵志鍋, 唔太記得!!入面D鴨血同豆腐吸晒味!!非常正, 而且我本身都好鍾意食鴨血!!佢會不斷咁加俾你, 食到你夠為止, 爽死!!醬料有好多, 最出色係個XO醬!!而且佢有D凍盤任食, 尤其係個魚皮!!好爽味道較到啱啱好,另外仲有個台式鹵肉飯,又係任食, 而且味道唔HEA!!肉方面唔敢叫太貴, 因為第一次黎食!!叫左最受歡迎既牛小排同羊肉!!牛肉味濃, 不過羊就麻麻地, 好多膏,仲要一挾果下已經散散地...呢個係飛魚籽墨魚滑,味道好特叫, 認真出色!!食落口卜卜聲, 口感一流!!呢個係蛋餃, 好濃郁蛋味,都好值得一試, 不過價錢略貴,因為好似四隻已經60蚊大約...蔬菜拼盤乜都有少少, 都唔錯!!但係下次如果要食菜唔可以揀D太辣太油湯底!!唔係臨尾食落都有D辛苦!!呢個真係估佢唔到!!從來無試過食火鍋飲珍珠奶茶!!原來都幾夾!! 下次都會再叫!!甜甜地送辣火鍋, 好過飲汽水啤酒果D!!整體黎講, 食物質素

次次經過都想試，今次終於試到啦。OpenRice 訂位，6點前有85折😊之前試過大紅胞珍珠奶茶🧋同其他果啲真係唔同，好飲好多。今次打邊爐剩係飲茶🫖都好好飲😂鋪內裝修好暗，有時舉手搵人都有難道。要出聲佢哋至聽到🤣前菜個辣味爽魚皮好出色，不停refill☺️☺️同埋醬油配料好充足好多種類。一定有你鍾意嘅😇第一次嚟試熱門嘅鴨血花膠雙拼湯底。果然冇令我失望飲左兩碗花膠湯，好濃好足料😌😌😌好夠味道鴨血湯好重味，唔洗醬油都所夠，鴨血又可以refill😌😌😌好滿足牛豬各一豬出色好多，細細塊好快熟。碌一碌就食得，好軟身，好襯個鴨血湯底。碟牛栢葉切到好細，又係同鴨血湯好夾😋呢碟基圍蝦好新鮮生孟上到枱仲係生孟😌蝦身大小適中，好透，食落好彈牙新鮮。呢餐好滿足除左丸類其他都係好好食😋食食下有沙冰、有茶類甜品。下次都會再嚟食過

環境好靚，坐得舒服。👍🏻👍🏻叫咗鴛鴦鍋底，膽識鍋夠辣，超香牛油味。👍🏻👍🏻毛肚爽口，大碟抵食。👍🏻👍🏻羊肉夠肥、羊味重👍🏻冰大紅袍珍珠奶茶奶味重、好大杯👍🏻免費嘅沙冰同甜品解膩👍🏻美國特選級牛板腱，正常，不過不失👎🏻👎🏻另一個食妝鍋就超失望，重味精、雞粒感覺似係冰鮮雞粒、得幾塊細魚肚同一隻拇指指甲咁大嘅鮑魚。所謂嘅濃湯就係落咗好多芡粉，膠得嚟得個鹹。👎🏻飛魚籽墨魚滑，好一般，冇墨魚味，唔知食咗咩。整體嚟講，想要靚環境同食牛油麻辣火鍋嘅可一試，但本人就應該唔會食第二次😂

今次試吓唔係任食火鍋，環境真係好好，服務真係好好，員工都好有禮貌，前菜好好食，有涼拌魚皮同中華沙律任食水果有西瓜同哈密瓜，仲有啲白飯任添，啲茶都好香濃，有好休閒嘅感覺👍🏻不過我哋叫咗個花膠雞湯底，真係對佢好失望，簡直係碗仔翅嘅質地，完全唔係新鮮雞煲出嚟，啲雞粒係急凍貨，完全冇雞味，用豬皮當魚肚唔緊要，但都唔好加得太多生粉或者馬蹄粉，都唔似打邊爐嘅湯底，無論你放啲咩落去都變咗味精雞湯碗仔翅味，其他湯底冇試過，但佢連呢個招牌嘅雞湯都用急凍貨，雞件都冇見過，可能食得辣嘅人都係要返鴨血湯底會好啲不過佢鴨血豆腐係任食味道都還可以個店員仲好有禮貌最尾叫我哋會唔會外帶鴨血豆腐佢話都係免費服務態度真係一流仲有沙冰可以免費添，最尾仲有個甜品，都係免費，紅茶梅子果凍都幾特別👍🏻

每次經過呢間火鍋店都見到好多人排隊，又聞到一陣台灣火鍋嘅麻辣味道好吸引，見今日少人就終於入去試試。今次我地叫咗台式麻辣湯底，無得揀辣度，個樣好紅但食落好淡，完全食唔到辣味，初頭問侍應又話無得加辣，點知問第二個侍應，又安排到，好奇怪。另外鴨血，豆腐任添，有啲失望，鴨血口感較硬，亦無麻辣味。丸類拼盤～牛筋丸最好食，魚蛋同蝦丸一般。鴨腸～就算淥好短時間都一樣好鞋，好硬。老油條～好厚身，外脆內軟，食落有啲似迷你牛脷酥，索埋啲湯好正！美國牛小排～份量唔少，有牛肉味。飛魚籽蝦滑～飛魚籽超多，但係煮熟之後夾起已經好散，咬落去唔夠實淨同彈牙。基圍蝦～一份8隻，上枱時好新鮮仲識郁，肉質爽彈。精選羔羊肉～筋位比較多，但羊肉味都ok。烏雞卷～個湯底唔夠味，所以個烏雞卷索唔到味，肉質唔錯，但味道一般。經典珍珠奶茶～最滿意係杯珍奶，奶茶味好香滑，珍珠係細細粒。