湊湊火鍋‧茶憩 (如心廣場二期)

營業中

休息中

朋友打去訂唔到枱，話已full 叫我哋可walk-in ，果然同朋友共四人7:00pm去到都有位，但又係限時食sad兩個鐘，坐落都舒適而且每枱之間有一定距離。我們叫咗個鴛鴦鍋 (臺式麻辣🌶鍋/珍鮮菌菇🍄鍋）美國特選級牛肩胛 係唔太肥不過如果喜歡食好滑牛肉的人未必啱, 手工蝦滑🦐重蝦味 like正, 伊比利亞黑豬肉 不過不失, 牛百葉 因切成又幼又碎很容易在鍋裏走失😁魚腐 就麻麻地肉質撻撻地, 時蔬拼盤🥬很出色有多種蔬菜且新鮮, 加拿大松阪肉 造形是兩朵玫瑰🌹賣相討好, 萵筍🥒 飛魚籽墨魚滑🐙墨魚味不太出, 漁鮮棒棒糖 食落係只有些少海鮮味⋯但都好啱小朋友😅另外我哋四人分別點了大紅袍珍珠奶茶 🧋翡翠鮮橙綠 同冰香梅紅茶 🍹餐廳亦每枱都送上冰沙🍧及梅子茶凍🍮

“大紅袍珍珠奶茶”($33)一向都知呢間火鍋店有台飲部😆唔打邊爐都可以就咁買嘢飲🤩今次終於經過可以試吓😋叫咗杯最出名嘅大紅袍珍珠奶茶嘩一飲真係不得了😍茶味好夠香同時同奶味好平衡😍珍珠size比一般細但食落夠煙韌好好咬口☺️好耐冇飲到一杯咁高質嘅珍奶😍

荃灣罕有極高質台式火鍋喺依個任食邊爐當道嘅荃灣 湊湊可以話係其中一道清泉不論食物質素定係啲台式飲品都非常優秀令我喺依個去唔到旅行嘅時期覺得自己置身於台灣一樣 雖然價錢同台灣有好大出入 但可以一止無得去旅行嘅癮湊湊嘅大紅袍珍珠奶茶可能係我喺香港飲過最好飲嘅珍珠奶茶 而且夠晒大杯 食晒成餐飯都仲未飲晒 喺路過嘅時候我都會忍唔住叫杯黎飲下講返食物 雖然佢嘅肉類選擇唔多 但大路嘅豬牛羊雞魚都有 而且質素好高 真係食過番尋味最重要嘅係叫佢個鴛鴦鍋可以瘋狂免費任加鴨血同豆腐 佢嘅鴨血分分鐘好食過台灣 喺你去嘅時候仲可以每人打包一份鴨血走 可以用嚟返屋企煮面食另外佢嘅服務質素拍得住台灣 每個職員嘅態度都好好 有求必應 喺香港有咁嘅服務實屬難得唯一缺點真係偏貴 我地2位埋單差唔多$800 但整體黎講佢都係我喺香港食過數一數二嘅火鍋店會再次光顧

湊湊賣嘅係環境。一入去感覺好好，裝修華麗地方闊落，但再睇真啲其實鬼祟位做得唔好，例如湯匙、食物夾係個兜度勁烏租癡粒粒，最經典係墨魚滑個碟發晒霉，真係裙晒黑邊。睇得出好努力模仿台灣火鍋店的服務💁🏼‍♀️，其實職員大部份都真係好禮貌服務周到，但就衰係一兩個人手上，落錯單、催極唔來，經理好好已好努力補位。整體服務其實尚可接受。湯底叫了勵志鍋(辣湯)加食妝鍋(花膠湯)，老實講花膠湯杰身得好奇怪，唔似天然嘅湯。麻辣湯不辣且沒有香味，愈滾愈似深圳化學邊爐，變左死死的紅湯及油份。推介的主要係大紅袍珍珠奶茶同打完邊爐送果杯沙冰。其他食物包括牛上腦、墨魚滑及棒棒糖只屬一般。呢個價位可以有更好選擇，裝潢再靚食物唔得都無用，食呢個邊爐十分唔抵。

幾個月前，第一次經過呢間湊湊鍋嘅時候，買咗杯大紅袍奶茶，覺得好好飲，大紅袍茶嘅味道令我對佢念念不忘。今次嚟到荃灣，特意走過嚟再幫襯。見餐牌上有大紅袍拿鐵，向店員查詢下有咩分別，原來大紅袍奶茶係用奶粉沖，拿鐵係用鮮奶沖。於是今次點咗用鮮奶嘅拿鐵（少甜少冰），滿心期待，結果係超級失望個樣好似好吸引，不過可能因為啲奶變咗奶泡嘅狀態，同啲茶完全混合唔到。完全冇奶茶嘅味道，個甜度又蓋過咗個茶，啲冰碎溶埋，變咗冇咩味嘅糖水，完全冇諗過會係咁... 之後我哋忍唔住再點返個招牌大紅袍珍珠奶茶，三分糖少冰。這次，大紅袍奶茶嘅味道終於出現返，不過可能真係唔同師傅嘅手勢有異，今次個奶味比較重，個人覺得有點兒嘥咗個大紅袍茶。好懷念第一次飲嗰杯大紅袍奶茶嘅味道，真係可遇不可求。

呢日約咗朋友嚟食晚飯，當日晏晝打過電話去諗住book定枱，點知book夜晚9點都冇位😱😱我哋本身已經打定輸數，如果要等位就去食牛大人😂😂（明明牛大人仲多人😂）.我哋大概9點左右到。因為朋友有揸車，所以一去到就放低我哋上去睇洗唔洗等位，點知其實冇人等位😂就叫佢哋去泊車上嚟。點知等既時候見到9點半後有8折😍差3個字就緊係等8折啦☺️☺️.一到9點半就入得，佢哋服務態度真係好好，雖然唔係成日見到我哋揮手😅😅.湯底係嗌一邊麻辣一邊胡椒豬肚雞湯本身見到有一個4人餐，但計一計好似未必嗌到咁多嘢，所以就索性單嗌算數。.想講食一餐飯送左3樣嘢😂一開始送左整成波板糖樣既魚滑食到中間就送咗一人一杯可爾必思冰沙，最後食完送左個有粒梅子既茶味果凍，老老實實送既嘢都既高質😂，朋友仲諗住嗌多杯冰沙，點知原來menu就冇既🤷🏻‍♀️😂.食物方面，我覺得啲嘢食都幾新鮮！我最鍾意係個豆腐😍👍🏻而麻辣湯底本身有鴨血同豆腐，佢會不停咁幫你加👍🏻👍🏻.我地一共4個人食到勁飽折左一共800其實真係幾抵食既。.除鼎王變態既90度躹躬之外，其實呢間同台灣嘅鼎王冇咩分別🤷🏻‍♀️本身以為佢係台灣火鍋店，點知原來係大陸野嚟既😂台灣係一間都冇囉

同大家分享一間值得收藏嘅台式火鍋店 全因一個湯底😋.🍲食妝鍋-紅顔花膠雞鍋足料金黃湯底 可見嘅主材食材 有花膠、雞肉、花菇、野米、鮑魚💁🏻‍♀️ 湯體濃稠 竭身 質感有點黏黏的 啖啖膠原蛋白嘅感覺 真係「好膠」啊啊啊😍 咁滋補女生們一定好喜歡 店員們不斷叮囑我地要先飲！先飲！先飲！呢個湯底比較適合配搭較健康/淡口味嘅火鍋配料 例如蔬菜類、魚滑等🙆🏻‍♀️ 其他如煎炸物 紅肉等有點不相襯🙅🏻‍♀️.🌶勵志鍋-台式麻辣鍋 (辣度2/5級)叫得鴛鴦鍋 總有一邊廂要係辣的😆 原本想試他們家的治癒鍋-老四川風味麻辣鍋 (辣度4/5級)但辣等級比勵志鍋高頗多 所以先試試呢個溫柔辣再向難度高挑戰😎 勵志鍋辣度容易接受 帶輕微花椒麻 唔會食到鼻水狂流伸脷扮狗 內附台式特製鴨血、豆腐🤏🏻 如果嗜辣的話 呢個絕對滿足唔到你 可試試治癒鍋😌❤️推薦必試飛魚籽墨魚滑 魚籽量激多 每咬一啖都會聽到好幾粒魚籽嘅啵啵聲 鮮味之餘 仲爽口彈牙 絕對係必點墨魚滑🤤💔可以不試🐷湊湊嘅午餐肉較軟身 而且係薄切 口感欠奉 覺得可以不用浪費胃嘅quota🤣🤣 因為飛魚籽墨魚滑太出色嘅關係決定試埋松茸菌菇海鮮滑🍄 不過伏已中 羶味好勁

中秋節晚一家三口諗住食打邊爐，揀咗呢間平時人氣好旺的湊湊。等咗一個鐘多啲就有位坐低。我們坐喺近門口第一張枱光線暗到完全睇唔到枱面啲嘢同餐牌，要打開電話燈照住先點到餐。等食物上到嚟，真係好失望😞，蝦唔新鮮，霉！牛柏葉好似膠，無味！花膠湯底開始煮幾分鐘已經燶底，要不停搞住，僅有的幾塊花膠口感硬同無味，勁似豬皮，羊肉三分二都係肥膏，煮完都搵唔到⋯⋯⋯叫咗十一樣嘢，無一樣好！好差！呢間嘢下次一定不會再幫襯😡。

凑湊話明係台式火鍋，就要試下佢地 d 麻辣鴨血豆腐啦。兩個人叫左個台式麻辣湯底。我以為湯底都係快手野，但係都要等十幾分鐘。個湯底幾好，同係台灣一樣，d 鴨血同豆腐係任添既。侍應新添既豆腐同鴨血豆未夠味，建議大家都要煲耐一 d 先食。如果要食盡個湯底既味道，可以考慮一下我以下點既食物：油炸鬼，其實好似響鈴咁，會吸走 d 味。佢分別在，呢 d 油炸鬼係炸得耐 d，所以可以係 d 湯到放耐 d，都唔會林曬，唔似響鈴要放一兩秒就攞上來。但係舊粉就大舊 d，會飽肚 d。毛肚，其實係牛柏葉未染色既前身。佢地呢 d 係經過處理過，煮完都係硬硬地，有口感。點解要食內臟呢，都係因為佢會吸味。粉絲，真係吸味高手。食既時候，個人鍾意落少少蔥同芫荽，更香口。怕辣既朋友就唔好叫。另外想介紹下個飛魚籽墨魚滑係幾好食，大家可以試一試。食到咁上下，侍應送左兩杯沙冰，冰冰涼涼，小小酸，幾清口既，清左舌頭上麻辣味既重口感，可以食得更多野。牛筋丸就麻麻地，唔係特別好既就唔好叫。因為食麻辣火鍋都唔會點食到牛既味道，所以只係叫做 d cheap 牛。埋單兩個人咁就要 546，都幾貴。

荃灣如心廣場裝修左之後超級熱鬧，仲開左鼎鼎大名的湊湊火鍋！之前特地去深圳食過，抵食又好食，食完超級飽又滿足^_^朋友有買一送一的奶茶coupon，於是買左兩大杯大紅袍珍珠奶茶🥤回家飲！叫左少甜都係甜架😗 不過茶味都幾出，我好少飲大紅袍茶茶底，都幾鍾意❤️奶味都重架，所以飲幾淡都有少少飽，由於呢個係我既brunch，我由起身都無食過野勁肚餓，所以剛剛好🤩佢啲珍珠細細粒咁都好鬼正，煙煙韌韌，甜甜地不過食唔出咩味⋯

今日，諗住同朋友行下海之戀既donki之後5點半就去左湊湊拎位，因為知道呢度會好多人等位！門口好靚，有水池裝飾，噴住仙氣，仿似古色古香，打卡able大約等到7點左右就入得加左錢要埋自助醬料，醬料區有好多西瓜火鍋叫左鴛鴦鍋：勵志鍋（麻辣+鴨血任添）/食妝鍋（花膠雞湯）叫左好多野食，但環境太暗，影唔清楚呢個位太凍，我問左店員，佢比左張新既毛氈比我巴沙魚⬆️聖子同蟹子墨魚滑都唔錯個巴沙魚同埋黑毛豬係比較推薦，魚好滑同新鮮，黑毛豬比牛更好食唔少得海量蔬茶呢個海鮮棒棒係最伏最敗筆既野食，同墨魚滑係一樣味但更貴，而且好濟奉送甜品同益力多冰沙作結，不過中間我朋友叫左第二杯檸檬茶，我地吹左3次，佢留左單，令我地感覺上呢到店員服務參次，最後埋單先嚟杯檸檬茶，我地無要到。係食到極度口渴...可想而知個味精係好嚴重，同埋係唔推薦食花膠雞湯底，超咸，完全無花膠雞味感覺上係內地火鍋而且食左好貴既價錢，需要改善！

真係食到一肚火。其實貴唔係問題，但唔該比d似樣的食物上枱，我保證就算酒樓百幾蚊任食打邊爐的質素佢都無。湯底， 台式麻辣鍋，珍鮮菌菇鍋。台式麻辣鍋，完全無麻無香。得辣，死咸，有d失敗。珍鮮菌菇鍋，都係醬料溝出黎，味精湯咁囉。叫左9樣野：1：湊湊精選肥牛，算係正常幾好味，全日最正常食物。2：墨魚仔，急凍貨，完全無味有陣雪味。3：飛魚子墨魚滑，有陣唔知似咩的人做香料味，好奇怪，食唔到食材的味。4：智利白鱈，好腥仲係霉的。5：白蝦，肉好霉，唔新鮮，熟左蝦肉痴殼，懷疑擺左勁耐。6：烏雞肉卷，係瘦同無肥膏但有陣怪味。7： 油麥菜，正常8： 日本讚岐半生烏冬，不過不失，但較敢身。9： 大紅袍珍珠奶茶，有勁香奶味但where is茶味，茶底好弱。服務方面：食到成碟蝦殼，全程無換過一次碟，加水亦是無主動，如果係主打較高價打邊爐，可以主動少少。埋哂單準備走先掉2個甜品過黎，仲要幾難食下，仲有地下好油好跣。85折後，埋單810，2位吃的。呢間湊湊的食物水準比酒樓百幾蚊任食的還低，霉的蝦霉的魚真係請都唔想再去。隔離牛氣就算食最貴果個放題餐都平過佢，同埋唔駛食d咁的野食到一肚火，無下次！

行過呢一間火鍋店好多次之前見成日都有人排隊今日見人少少就衝左入去食揀咗窗口位有日光晒入嚟都幾舒服店員二話不說 很快就奉上一壺烏龍茶仲叮囑我哋3分鐘先好飲～好熱養生嘅我就揀咗 02紅顏花膠雞窩 食妝鍋有花膠，雞肉，雞髀菇，冬菇，鮑魚幅圖就望落好正問一問店員，咁足料？店員話圖片會有少少出入😹等嘅時候我都出咗去拎啲醬料醬料都有好多款式 亦都分咗不同類別都有好多選擇 花多眼亂上菜了！ 呢一個就係個實物圖哈哈，不過要有嘅料都有不過湯就好多 只係料冇咁大份姐海鮮拼盤有龍蝦 同 2種唔同既蝦類另加左牛脊背同飛魚子魚滑湯底都幾好味不過啲花膠 就比較似魚肚豬皮果類沙冰同梅子啫喱都係免費奉送如果食格局嘅話都唔錯裝修好靚 不過啲位就窄咗少少雙腳較長既就坐得無咁舒服

回復堂食第一個午市 人小小去湊湊食個lunch 有點失望😔😔😔😔得杯大紅袍奶茶推介👍👍👍👍👍夠奶味好好飲 酸菜魚麵湯夠酸👍但係其餘配料都好咸隻鹵水蛋係超級咸 台式雞腿飯 得個樣 一樣配料都好咸

湊湊鍋成日都要排隊。因為佢真係會令你一食就上癮。無論火鍋配料。食材。湯底同埋飲品都係非常之高水準服務方面我喺其他評論都見到佢哋啲服務唔係咁好但係今次去我覺得啲人服務態度好好可能因為太多投訴啦😂😂😂極之推介龍蝦湯底因為個湯可以飲埋先再打邊爐仲有半隻龍蝦喺裏面勵志鍋。今次啲鴨血好入味非常好食同埋呢度食嘅鴨血同豆腐都可以無限添加配料吧枱哈密瓜同西瓜都非常之甜👍🏻👍🏻👍🏻👍🏻反而白飯個方面個質感有啲奇怪😂差唔多食完侍應會送上乳酸沙冰同埋梅子茶嘅果凍可以一解火鍋嘅油膩