湊湊火鍋‧茶憩 (家樂坊)

營業中

休息中

湊湊火鍋‧茶憩呢間台式火鍋相信大家都唔陌生，近日佢地7週年出左d新湯底同食品，鍾意試新野嘅我即刻去報到🙋🏻‍♀️🙋🏻‍♀️🙋🏻‍♀️今次去嘅旺角店座位舒適，空間感大。入座有正山紅茶，鴨血豆腐無限添加，出面仲有自助吧有醬料同少量台式前菜。我地叫左好多樣野，樣樣水準都唔錯，以下推介幾樣精選。清涼椰子雞鍋🍲($198) - 打邊爐又唔想太熱氣？呢個新湯底就啱哂你😉 採用左日本雞肉，加入椰子水、椰肉、檸檬葉、珍珠馬蹄等製作成香甜清新之湯底，好有東南亞的風味😋美國特選級牛後胸肉🥓($118) - 想食牛肉又唔想食咁貴，呢款就啱哂，百零蚊有成10幾片，胸牛同油脂各半，薄切好易索湯，吸左椰子香味幾特別。奶油生菜🥬($38) - 水耕種植的蔬菜，非常新鮮翠綠。菜葉厚實多汁少渣，帶有甜味同微微奶油香，可以打邊爐食又可以當作沙律菜食。章魚小福袋🦑($49) - 用豆卜包住小章魚製成小福袋型，好QQ！生椰大紅袍加珍珠🥤($33) - menu話呢款飲品同椰子湯係絕配，所以叫黎試下。佢地喺大紅袍茶入面加左椰乳，好香濃醇厚，飲落有啲似台式珍珠奶茶，但多一份椰香，值得一試。食到最後餐廳仲有送沙冰同甜品，非常貼心😇

一班朋友諗住聚，有幾個都想食辣，就提議食麻辣火鍋。當中有朋友提議食湊湊煱，二話不說就訂左旺角家樂坊呢間。環境寬敞整潔，六個人坐卡位空間綽綽有餘，枱與枱之間有足夠距離，完全沒有壓逼感。店內裝修依然維持得幾好。燈光柔和都幾有情調。食物方面當晚叫左個鴛鴦鍋。麻辣拼椰子雞湯底，同埋一個四人套餐加一D散叫嘅食物。當中特別要提嘅係，麻辣湯底入邊豆腐同埋鴨血非常入味，一口接一口。重點係免費任加！👍👍👍🤤🤤其他食物無論擺盤同埋味道都係水準之上。下次一定會再去

本人同三位朋友一共四人在4月30號星期日晚上7:15預約了打邊爐，在OpenRice訂位時知道是兩小時用餐時間，但我哋落單時點了一個大嘅菜籃，當所有餸和鍋底嚟晒，但係大菜籃仍然未到我哋再問店員，佢話廚房喺度整緊，要啲時間，結果大約1小時之後起碼8:15pm菜籃才到，大菜籃分量十足非常驚人，真係好抵食！我哋都一直食冇停過手，直到大約8:45pm我哋想再加一杯飲品嘅時候，店員話已經截單，因為我哋兩小時就快要交枱了，我哋話菜籃起碼有一半未食晒，怎麼要我哋交枱呢？現場所見仲有一半嘅座位係空置嘅，我已經問店員其實仲有空置座位點解要我哋必須兩小時交枱？況且係你們嘅食物遲了很多，所以我哋亦都食唔切，請問可唔可以再坐耐啲呢？我亦都嘗試行出店舖，見到門口只係得一兩個人喺度等候，但係當時嘅店員(唔知道係咪店長)佢反駁我話：你唔使望門口，因為仲有好多顧客訂咗枱佢哋喺等候區，所以你兩小時係要交枱嘅，態度非常惡劣，而且冇承認自己嘅過失，只係責怪喺客人身上，結果第二個店員再行嚟同我講話兩小時要交枱，我已經反映係菜籃遲咗嚟，我哋食唔切，現場仲有位，請問可唔可以寬容一啲，佢先至話可以俾多半小時我哋，之後一定要交枱我哋

已經食過好多次，價錢適中，lunch仲有85折添食物都唔錯，落完order好快就會送到黎，仲有佢嘅茶真係必飲我通常都會嗌大紅袍珍珠奶茶同鮮橙綠茶，茶味好香，不過晚餐飲完就成日會失眠

門店的裝修及座位很特別，好有宮廷feel。每張枱都有一定的距離，很舒服很有私隱度 ，自成一角。仲有每張枱都會有紙巾濕紙巾提供，十分衛生👍👍 這家是掃QRcode 自助落單，但叫湯底就另叫。台式的火煱好多都係鴨血火煱，所以我地都叫左駌鴦煱（酸菜+麻辣）*鴨血同酸菜都可以任加*辣度十分適中 但鴨血比較實 唔夠入味。最特別是 可以點珍珠奶茶，個杯好大很抵飲，是必點！！！火煱的醬料就要出去自調。仲有小吃（魚皮+海帶絲）主食部分我地叫左牛小排+牛肩胛（如果唔中意食太肥 我建議叫牛肩胛）另外仲叫左小量d 菜 + 丸 （全部份量都大約為6人份）整體來講好舒服，服務員都好快手同很有禮，值得一讚。

環境衛生 座位寛敞 服務態度唔錯 人手充足; 冇book定位 walk-in等左45分鐘。叫左麻辣湯底 牛肉新鮮 湯底濃味少油👍鴨血同豆腐嫩滑 自助調味bar選擇多 小食有魚皮。食食吓途中送上一小杯菠蘿味沙冰

冬天的尾巴，香港眨吓眼就已經聞到入春嘅氣息。今日同朋友嚟到一間一直都有聽聞過嘅火鍋店。據說係大陸品牌到香港發展的一家名火鍋店。比較出名的是花膠火鍋，之前其實都有吃過，不過一直都沒有做評價。他們家的火鍋湯底是比較濃的。10分靠譜化算，食材方便所有都比較新鮮。所以相對性價比不是很高。肯定是火鍋必要的。3秒剛剛好。配合醬汁。口感爆炸。豆腐我點錯了。凍豆腐才是首選。另外火鍋必點的就是毛肚。爽脆可口。會有切菜的聲音，chok chok chok chok。另外佢個荔枝蝦球真係比較一個新嘅驚喜。必點。而且整體環境比較舒服。有待大家去探索。

見天氣凍要打下邊爐。見湊湊咁多分店，今日都試一下。點知伏到暈～1. 叫左牛肉粒同牛肩肉，牛肉粒好似咬橡膠，牛肩肉就無咩牛肉味，好似佳寶番番尼的質素。牛肉粒（$98）， 牛肩肉（$158）完全對吾住個價錢。2. 牛肉粒同豬頸肉凍冰冰，未解凍，全部都痴埋一舊分吾開。3. 麻辣湯底無辣味。4. 叫左份烏冬，食落完全吾似食緊，完全無咬囗，又一焯就爛晒斷晒，完全癲倒左烏冬的常識。5. 另叫牛筋丸，有4粒，味道同街市買一樣味，難食。6. 食完有兩樣甜品送，一細杯化學味燈汁冰，好假個味。7. 仲有一個啫喱，全晚MVP，紫色啫喱裡有粒蜜柑，粒蜜柑正常味，但估吾到，個啫喱味同你去完廁所沖廁或用完尿兜個浸香珠味係一樣，一定知食完會囗"湊湊"。8.唯一好食d就係出面免費任食的紫薯波波同水果。9. 最後一千蚊埋單，又貴又難食。所以，的確是𣎴一樣的體驗。奉勸貴餐廳在各地雄鴻大志，分店越開越多，業務拓展到全世界時，都要提高食物品質，才會有湊湊一起的機會。

呢個朋友最鍾意放飛機，約佢五次有四次都會甩底咁囉。佢有藉口話因為某個人到佢唔想出現。是但啦！不過最離譜一次係到約會嗰日明明約咗七點，1800佢話俾我知佢屋企人個小朋友走失咗要去幫手搵，其實我唔係唔想相信佢，不過實在係太多狼來了嘅故事⋯⋯講返今次先，原本諗住好地地啦，點知原來佢book位嘅時候book錯咗時間，結果去到佢話冇位嗱嗱臨周圍搵附近有邊一間有位啦，最終佢話俾我知一間打邊爐，其實我開初有啲抗拒，因為我哋兩條友都唔知食到啲乜，不過呢條友仔又特別鍾意打邊爐，佢都唔知黎過幾多次🤪台灣打邊爐即刻諗到麻辣鴨血，當然佢仲有其他出名同埋特色野啦！佢金屬梗係唔使我介紹啦，我淨係揀咗啲我想食嘅：包括竹笙、鹽酥雞、荔枝蝦丸（特色嘢）等等。菜同肉就由佢發辦，而個湯底呢，本身我想揀個海鮮濃湯，點知佢話一定要有埋雞子，我就即刻耍手擰頭，終於叫咗個鴛鴦鍋（花膠雞湯同埋麻辣）花膠雞湯未開始打邊爐之前先飲咗佢嘅湯先，當然膠質好豐富啦！另外嘅麻辣湯有無限添嘅鴨血同埋豆腐，其實食依幾樣嘢都已經飽飽地，咁細食所以你話點樣打邊爐？荔枝蝦丸原來係左口小食，彈牙嘅蝦丸，外面炸到脆脆的，扮到好似一粒荔枝咁😚 另外鹽酥雞都係，

Hello 大家好👋🏻！今日我嚟到位於家樂坊嘅「湊湊火鍋」，我諗依間背景，唔使多介紹，今次同大家分享一下佢哋嘅湯底「白貝海鮮鍋」自在鍋。美食攻略：依個鍋雖然話海鮮鍋，但原來係有雞子成份，我本身對雞子抗拒，打邊爐都唔會點嚟食，但佢嘅雞子房細細粒好似蠔仔咁，我第一次食嗰時唔知有雞子，第二次嚟到家樂坊個待應點湯底嘅時候，說明有雞子，我先恍然大悟😂😂😂湯底有蠔仔、白貝仔、黃耳、小雞子，整體香濃入味，有啲似好潮州蠔仔粥嘅湯底，所以同大家介紹一個新食法，就係整碗免費白飯再加湯，加葱加芫荽。（不過今次唔記得影相）正。。。美食指數：5🌝最高味道：🌝🌝🌝🌝🌚環境：🌝🌝🌝🌚🌚服務：🌝🌝🌝🌝🌚賣相：🌝🌝🌝🌝🌚

去到湊湊火鍋.茶憩，原來唔單止淨係得火鍋食，佢嘅三寶拌麵都好正㗎，呢間店位於旺角家樂坊，交通方便，嚟到旺角點都要試下佢。台式滷三寶拌麵 $108牛肚牛筋牛腱，全部滷得入味，牛腱口感結實， 牛肚多汁爽口， 牛筋入口即溶，麵質感軟硬適中， 加上其他幾碟前菜伴菜等，味道配合得天衣無縫，非常之咁開胃。燕麥奶茶驚喜之選，而家香港人乜都要講健康，呢杯飲品香味濃郁，入口唔會話太甜，女士們點像都唔怕肥，奶茶控必定要試試佢。

今次黎到旺角街頭食咩好呢，經過家樂坊，起Starbucks隔離有間叫湊湊火鍋，睇左陣，中午就食個Lunch set，中午唔想打邊爐食甘飽。環境都好好👍🏻好少人🥺而且座位好闊落，坐得好舒服🤔酸菜魚麵宜個勁，個湯底唔酸唔辣，佢既魚好滑又大塊，仲附送滷水蛋😳仲有鴨血，今次鴨血同真正打邊爐嘅鴨血食落個味有d唔同，但都好食。 叫lunch set既話，所以野飲半價，我宜杯叫大紅袍燕麥奶茶，好好飲，有茶味，好大杯。

平時有食開湊湊晚市火鍋 今日經過見到先知有lunch set即刻入去試試每款平均$80 左右但包哂前菜 主食 粟米菠菜 仲有一碟招牌鴨血豆腐！而且午市唔洗排隊 環境較寧靜座位方面非常舒適梳化係硬淨個隻 唔會一坐成個墜咗落去（最討厭嘅座位係呢種）每張枱有自助乾濕紙巾牙簽齊哂非常方便貼心你知有啲餐廳呢個位好吝嗇🥲想攞張紙巾都難酥炸豬扒飯好食 豬扒入口鬆軟附送嘅前菜都好大方 有幾碟 令客人餐桌更豐富酸菜魚都好大碗 一個人食可能食唔哂🤣最後可以加$10 要珍奶當然必叫啦

今次想同大家推薦Lee間出色火鍋🤤環境方面我覺得係超級闊落，空間好夠，就算2人去食都可以坐到個大卡位，坐得好舒服👍🏻座位設計得好好，每個卡位都設計都好似個小包廂咁所以私隱度都唔錯👍🏻服務方面都係幾好，雖然去食個日係假日，但係店員都係好細心咁介紹d野食同埋煮法👍🏻另外入座後有正山紅茶，仲有個都幾乾淨嘅自助小料台tim💕今次我地叫左◽️湊湊新鍋-自在鍋底-白貝海鮮鍋Lee個鍋超正🤤鍋滾一定要先飲湯🥄飲落個湯超級鮮甜，湯底融入海參、乾貝、金耳鮮蚵等料熬製而成，所以個湯底濃縮晒各種材料嘅精華，味道超級濃厚，入口棉化，真係將食材原有嘅鮮味發揮到極致💕💕🎉🎉而家仲做緊優惠，凡點購新鍋底「白貝海鮮鍋」，即可以以優惠價加購指定新產品一客（比利時豬肉或美國牛肉雙拼）🎉🎉推廣日期及時間：由即日起至11月30日（全日供應）◽️美國特選級牛肉雙拼雙拼有美國牛小排同埋牛肩胛肉眼，牛小排油花均勻，口感鮮嫩，湯滾只要煮10秒就已經好perfect🥩◽️筆管魷魚🦑啲魷魚超大隻🦑，好新鮮，肉質彈牙，好有咬口🤤◽️脆吳郭魚片🐟口感嫩滑，好爽口，無骨👍🏻💕◽️企鵝丸🐧呢個好得意，好特別，企鵝墨魚丸選用魚糜、墨魚肉、及少量豬肉打造而成

仲未開關去唔到台灣唯有喺香港食台式火鍋頂下癮先今次就揀左家樂坊嘅湊湊 門口有個噴晒仙氣嘅打卡位環境闊落 卡位設計好坐有私隱湯底我地揀左最新出嘅白貝海鮮鍋拼台式麻辣鍋白貝海鮮鍋用左勁多材料煮成海參 乾貝 金耳 蚵仔等等 最驚喜竟然有鮮雞子湯底超鮮甜 啖啖都係精華 搞到忍唔住飲咗兩碗台式麻辣鍋冇得揀辣度 不過都唔算太辣 大概小辣程度豆腐氣孔比較大可以勁吸湯汁職員都不時嚟加豆腐同鴨血後來留意到原來叫其他鍋底都一樣可以任食豆腐鴨血 又幾抵喎11月30日前點白貝海鮮鍋都可以用優惠價點比利時豬肉或美國牛肉雙拼作為牛魔王我就揀左牛肉雙拼一次過食到牛小排同肩胛肉眼油花好均勻 淥十秒就食得 肉質嫩滑油香企鵝丸勁打卡嘅黑白企鵝丸 係用墨魚漿做嘅 口感彈牙筆管魷魚勁新鮮 肉質柔軟彈牙 完全唔韌鮮活豆苗可以自己收割 有得食又有得玩嚟湊湊打邊爐一定要飲埋佢嘅奶茶 勁大杯 大紅袍燕麥奶茶 茶底香濃唔太甜加咗燕麥粒粒 比淨係珍珠奶茶更有口感食完仲送鳳梨沙冰同酸梅茶凍再去自助吧攞埋西瓜 好滿足呀埋單仲可以打包鴨血豆腐番屋企今晚睇世界盃 宵夜有著落啦