今晚同老友聚一聚，都知道老友鐘意飲燒酒就特意搵左飲專飲燒酒既酒吧聚下試食，餐廳入面裝修都好有格調，有張長方形既吧台比你坐低，有好多唔同款式既燒酒樽比你欣賞一下，同埋樽上都有講解每一款酒既出產地，店員仲好詳細講解酒既特性調較最適合你嘅口味，價錢由平既過萬既款式都有，除左飲酒之外仲有好多特色既主菜可以選擇！ 前菜係三文魚沙律餡嘅熊仔餅，成隻熊仔都幾得意，打卡都幾好 宮城縣大吟釀（寶船浪之音）：酒名來源於聽住海浪聲黎釀造，用左白色既花、宮城b酵母釀造，飲落去比較清甜一d 福岡縣librom （布冧味）：手工清酒，一般加水果或者香料落去都有，味道比較甜輕鬆易飲 東京江戶開城純米吟釀：$68 江戶時代既酵母，用埋水喉水釀造，Ro液滲透技術過濾d水先釀造，比較酸，酒味都香醇 東京屋守純米吟釀：$78 主要用富士山溶咗嘅雪流水釀製而成，米味比較重，清清甜甜，好清純的感覺 朽木懸忠愛播州愛山純米吟釀：$88 酒係代表忠精愛國既象徵，酒係以果香為主，酒既圓潤度比較高，飲落有少少水果既香味清晰清新的感覺 達磨正宗干支生肖龍長期熟成古酒：$88 佢用咗四款唔同相隔12年年份嘅燒酒溝埋一齊釀製，酒蓋開出嚟嘅時候散發住酒嘅香味，飲落好似屋企人煮飯嘅味道，味道比較濃郁啲 主食類： 燒帶子海膽湯：$98 新鮮帶子大大粒，配合埋蛋捲飲海膽湯，非常滋味 煳麻唐揚炸雞：$88 炸得好脆口，雞肉啖啖肉，雞肉嫩滑 炸醬薄餅：$78 表層好多炸醬肉碎，pizza好香口仲帶有濃郁芝士食落好有口感 牛油烏賊乾醬炒魷魚：$88 魷魚好爽口，配清清地既燒酒一流 唐揚蘿蔔糕：$58 呢樣好特別，炸完之後用醬汁醃製，出面個舊比較脆口，底個二舊就比較淋，二種口感 榮螺：$68 螺肉爽口，配合埋個螺既湯汁好清甜好味 黑豚腩肉：$48 好肥美，食落好有滿足感，燒得唔錯 白鱔：$78 鱔肉好爽口，好有魚既鮮味 自家製月見免治雞肉棒：$48 配合埋蛋醬一齊撈勻嚟食會另有一番風味 雞肝芝士伴勻醬：$88 好得意既貓貓碟，雞肝醬撈落蒜蓉包一齊好似食緊鵝肝咁幾特別 雞白湯烏冬：$78 烏冬爽口，湯亦都好清甜，份量比較少 燒飯團茶漬飯：$48 湯飯質感，加入左三文魚肉口感唔錯 二份甜品雪葩：$68 用生果雪硬入面果肉清走加入雪糕，雪葩冇奶味既雪糕，食落都幾滑唔錯口感 📍地址：Sake Bar CHU CHU (銅鑼灣) 銅鑼灣登龍街28號永光中心25樓

今日同朋友去咗間佐敦嘅燒肉店食燒肉，裏面環境唔錯地方闊落亦都冇乜油煙味，張枱都好大，可以揀好多和牛擺喺枱面慢慢打卡，仲有自助區有好多甜品，有好多小時候經常去買嘅角十棒，同埋醬料都喺嗰度，仲有飲品自助區，有罐裝、咖啡機、仲有養生茶包自己沖茶，餐廳主打都係和牛，我就揀咗course 2 80品任食套餐$288仲可以加$8任飲清酒、啤酒、梅酒，作為牛肉控嘅我咁就啱晒😂 餐廳都係用QR code落單，食物都會由燒肉新幹線運送過嚟非常方便，點餐都好快上菜，亦都有好多美食選擇，佢哋嘅日本牛全部都係日本新鮮運到，由師傅親手切割，和牛都係鹿兒島和牛認證，新鮮同品質既保證，有熟食既烏冬、紫菜飯都係至愛，同埋火鍋配料都有，連海鮮都有，特選和牛，樣樣都係雪花好分明，CP值極高，每一塊和牛都好大塊，仲有海鹽或者燒汁俾你夾選擇，牛肉燒出嚟好香唔油膩，肉汁豐富食物好有口感，一路飲住清酒一路嘆和牛。人生一大樂事，打卡一流！ 📍推廣訊息：燒肉放題套餐免加一優惠（下午4:00後入座至晚上7:00離座，晚上8:30入座將軍澳分店限定）

今日做完gym有少少既me time時間就搵左間cafe休閒一下，呢間cafe係一間手信店鋪既入面，搵左一搵先搵到，cafe好簡潔，近住幾塊落地大玻璃有陽光射落嚟嘅feel好光猛，啱晒又休閒坐喺度睇書嘆咖啡🤭咖啡都有幾款蛋糕俾你選擇，有芝士蛋糕同埋精致既蛋糕，同埋特色嘅咖啡！ 我就揀咗個朱古力蛋糕，蛋糕食落鬆軟嫩滑，奶油忌廉香滑不膩，好濃厚嘅朱古力，口感唔錯👍🏻 仲有杯Dirty嘅咖啡，非常精緻，雖然我唔係成日飲咖啡，但係都好正，入口甘香微微嘅苦澀味，有咖啡豆嘅香味，奶味比較出d我鐘意👍🏻 📍地址：All Day Coffee (圍方) (大圍) 大圍車公廟路18號圍方3樓328號舖

同朋友聚下舊，就去左中環周圍行下，見到轉角位有間餐廳好正就入去試下，唔駛排隊就可以入座，環境好寬敞，地方都幾大坐得幾舒服，餐廳仲有生酮飲食，素食者既福音，仲有各式既窩夫都好正，仲有幾款味道比你選擇，仲可以加配唔同配料，主食方面都有西餐選擇，我就揀左燒烤豬肋骨伴番薯條配沙律、香脆雞翼6隻、orange blossom cocktail 燒烤豬肋骨伴番薯條配沙律：$168 呢期做緊買一送一優惠，份量二塊加埋一齊大份既，我地二個大男人食就唔係好夠分，肉身夠軟屬，食落塊比較淋，入口即溶既感覺，番薯條炸得脆口味道唔錯 香脆雞翼6隻：$118 雞翼有二款味道，雞翼好厚肉，外皮炸得脆口，配埋醬汁一齊食口感好滋味，醬汁融入晒啲肉裏面好入味 orange blossom cocktail：$88 橙味既雞尾酒🍹 少少酒味酒香，選用Green Fermentation Lab的原味康普茶、新鮮橙汁及Vodka沖調而成，新鮮橙汁的天然清甜味與伏特加融合，為雞尾酒增添了豐富的果味，康普茶具有豐富的有機酸和天然益生菌，有助於促進消化和增強免疫系統，味道清新且開胃 📍地址：Green Waffle Diner (擺花街) (中環) 中環擺花街43號地舖

今日諗住搵班朋友一齊聚下舊，就搵到旺角東moko有間丼丼屋食下飯，去到門口見到餐牌話有個重量級唐揚雞丼套餐想試下，入到去職員講話呢個餐如果15分鐘內食哂就可以免費食，我地都覺得幾過癮可以試下😂😂黎到既時候仲見到咁大兜真係攪唔掂😂 個份量十足嘅 「重量級唐揚雞丼」 重達 3 公斤，用料毫不手軟，雞肉裹上一層薄薄嘅麵衣炸至金黃，咬落鮮嫩多汁，口感酥脆輕盈，可隨心搭配 8 款唔同口味嘅調味，除咗經典嘅南蠻汁、他他醬、蜜糖芥末醬，仲包括特調南蠻他他汁、泰式雞醬、薄餅醬、芝士粉同 海苔，絕對是大滿足！我地4個人食到飽到真係食唔落🤭食既過程大家都好開心，完全投入哂係入面表情都好足戲😂 📍 丼丼屋仲特別喺推廣期間舉辦大胃王挑戰，參賽者可以單人挑戰或者以最多 4 人小隊參加，喺限時 15分鐘內成功完成 3 公斤「重量級唐揚雞丼」，即可全額免費，既可一個人挑戰突破自己，亦可以叫埋親朋好友組隊挑戰，大開炸雞 party！自問有潛質挑戰成功嘅大胃王記得喺接受挑戰前三日預訂。 📍挑戰成功或失敗均可提及（實際可自行決定進行挑戰與否） 📍 日式丼物專家丼丼屋（DONDONYA）今次專誠打造巨型「重量級唐揚雞丼」，由即日起至 4 月 1 日喺全線丼丼屋同「丼丼屋×鳥開」聯乘店期間限量供應。 @dondonyahk 📍地址：丼丼屋 (MOKO新世紀廣場) (旺角) 旺角太子道西193號MOKO新世紀廣場3樓301-302號舖

龍華酒店係50年代已經開始出名，當時都有好多電影都會係呢到取景拍攝，仲有好出名既李小龍海報同埋好多歷史既照片掛畫，帶你進入另一個回憶當年既感覺😂，地方都好懷舊，仲以古式既中國風建築設計，好多人都會係呢到租古裝影相，龍華酒店最馳名菜式就係紅燒乳鴿，嚟呢度一定要試👍🏻第二度都試唔到呢個風味，仲有聞名既中菜款式，樣樣菜式都好有水準，點可以錯過🤭我就揀左兩隻紅燒頂級乳鴿、新鮮菠蘿咕嚕肉、乾炒牛河、沙田滑雞粥！ 紅燒頂級乳鴿：$98 乳鴿燒得好靚，仲要好大隻好有氣勢，乳鴿先用滷水汁長時間浸熟，咁先可以令乳鴿肉質入味，然後上糖炸，鴿皮變得色鮮爽脆，之後仲會用烚鴿剩下的鴿油來炸鴿，這樣原汁原味，肉質鮮嫩好好味，最高cp值既菜式！ 新鮮菠蘿咕嚕肉：$168 用上新鮮既波羅做配搭，咕嚕肉外脆內軟，豬肉都係半肥瘦好適中好均勻，炸粉亦都唔厚身，炸得好脆，啖啖肉，酸酸甜甜幾好開胃食落去好滋味，當年李小龍都好鍾意食，所以呢個餸都好正 沙田滑雞粥：$98 馳名港九之沙田雞粥，店內有二種煮法，將已煲滾之粥倒進碗中奉客；另一種是待客人點菜後，才將已斬開之雞肉放進盛粥之小煲內一併 “生滾”，令粥更有雞肉味，雖然時間稍長及過程稍繁複，但味道較佳。食落真係清甜，雞肉鮮嫩較滑，同埋都好足料，二至三人份量都好夠食，值得推薦 乾炒牛河：$138 呢碟乾炒牛河定大兜，一個人都食唔晒，起碼要兩個人一齊食先食得晒，牛肉好爽口好鮮嫩，同出邊嘅乾炒牛河真係好唔同，食落去真係用唔到啲靚牛肉去整，一分錢一分貨，同埋唔油膩，炒出嚟嘅粉都唔濕又唔太乾啱啱好，所以都值得嗌嘅 📍地址：龍華酒店 (下禾輋) (沙田) 沙田下禾輋22號地舖

今日得閒冇野做就落土瓜灣搵間cafe休閒一下試食，見到呢到附近啟岸整咗條日本街都幾多打卡位，又有好多好野食，之後搵到間裝修睇落幾舒服既cafe可以去hea下，主題係圍繞日本富士山日系茶舍，入面都有二個打卡位影相幾靚，可以攞住杯野影下相，餐廳主打手搖飲品同埋甜品🍮，可以靜靜地坐低傾吓偈休閒吓，揀左芝士奶蓋宇治抹茶、黑糖珍珠奶茶，甜品揀咗Tiramisu、奧利奧芝士蛋糕！ 芝士奶蓋宇治抹茶：$38 外觀整得好靚，芝士奶蓋好濃厚鹹香嘅味道，宇治抹茶茶粉濃度適中，飲到十足既茶味，抹茶唔甜岩哂我，好好飲！ 黑糖珍珠奶茶：$36 黑糖珍珠哎口q彈煙靭，甜味適中，好香茶味，都係唔錯嘅選擇 Tiramisu：$48 Tiramisu好似啲班戟咁幾得意，食落好有酒味同埋好濃郁嘅咖啡粉，蛋糕都好鬆軟，甜度適中，都好鍾意食，見到Cafe有就一定會嗌，所以都值得食👍🏻 奧利奧芝士蛋糕：$46 好濃厚嘅Oreo餅碎粉，Oreo餅碎加上芝士口味嘅蛋糕係絕配，質感順滑，芝士蛋糕都好厚身！ 📍地址：御來光茶社 (土瓜灣) 土瓜灣馬頭圍道63號啟岸地下17號舖

今日陽光普照，見冇乜做就出去搵間靚既餐廳chill下，搵到間係啓德Airside商場入邊嘅日式洋式餐廳試食，入邊環境都幾正，岩岩新開張，主打日式洋式料理，亦都好多打卡位，環境寬敞亦都好舒服，全部都係特色嘅實木傢俬，仲有好多精緻嘅擺件，所以坐低嘆杯咖啡都唔錯嘅選擇，中間位有個月球打卡位，如果有靚女Model就更加fit😂見餐廳有好多特色嘅咖啡！ 餐湯係南瓜忌廉湯：餐湯幾好味，好鮮甜好濃郁既南瓜味，湯底都淆咗好耐所以都好入味！ 澳洲黑毛安格斯100天殼飼牛肉眼伴炒野菜配幼滑薯蓉：$238 好大塊厚切既牛扒🥩，賣相都好靚，大廚仲將肉眼煎得岩岩好，又唔太生又唔太熟，五成熟係最好的，仲鎖住肉汁令到食落好多汁，牛肉亦都好鮮嫩，啖啖肉都好有口感，配菜都好新鮮，估唔到薯蓉都整得咁好食😋呢個值得試 蒲燒鰻魚野菌意大利飯：$178 鰻魚都燒得好靚，我估計係用左新鮮既鰻魚黎燒，肉質好鮮嫩肥美，鰻魚亦都係我至愛，估唔到大廚又整得幾好食，意大利飯亦都唔濕岩岩好，好足料配上忌廉汁食落好滑勁好口感 Drity：$34 呢間餐廳咖啡都出名，咖啡好嫩滑，沖得好飲👍🏻 📍地址：Relish Kitchen by ALOT (九龍城) 九龍城啟德協調道2號AIRSIDE 3樓L316號舖

今日收工過開嚟長沙灣見到呢間茶餐廳幾抵食就入左去，呢間茶餐廳以前細個成日踢完波都會過去食嘢，所以都幾有感情😂都多謝老闆娘邀請試食，餐廳早餐都有好多款選擇，咩都有all day Breakfast、扒餐都有，同埋平時食開嘅ABCD餐沙嗲牛肉麵餐 沙嗲牛肉麵餐： 牛肉好大塊啖啖肉，沙嗲汁都好多好濃，牛肉麵同出面比有得揮，配炒蛋多士唔錯，炒蛋滑身奶茶都嫩滑所以都唔錯既選擇黎 📍地址：賓墟餐廳 (長沙灣) 長沙灣幸祥街8號幸福商場地下1號舖

今晚同朋友黎開銅鑼灣想飲下野吹水，就搵左間食串燒既店食野閒聊一下，去到門口見到唔駛等位地方唔算大但都算坐得舒服，多謝餐廳安排試食，仲見到而家做緊生啤買一送一就正喇，仲有二隻味選擇，premium/stella artois做緊45蚊二杯，我地點左： 蒜蓉原條茄子：$38 韭菜：$15 雞軟骨：$28 厚切牛舌心：$38 雞中翼：$36 串燒樣樣都好食，不過叫咗小辣都仲係有少少辣，點完菜好快就有得食，燒得好快手👍🏻茄子原條好大條食落去好爽口好香蒜蓉味燒得唔錯，韭菜類都好入味，仲大有好多油喺菜上面，雞軟骨好爽口，牛舌心好厚切，味道一般，冇乜牛味唔係咁爽口，同出面食既好唔同，雞翼外皮好脆口，燒得唔錯，肉質保持鮮嫩，可以既 二款酒都試過，最正就係杯係用雪櫃雪住，之後攞出嚟再斟酒令到啲酒更加凍更加好飲👍🏻酒亦都好清甜唔錯 📍地址：串燒王 (登龍街) (銅鑼灣) 銅鑼灣登龍街36-48號登輝大廈地下D2號舖