湊湊火鍋‧茶憩 (MOKO新世紀廣場)

營業中

休息中

$276 - 椰子雞鍋&酸菜白肉鍋呢兩款都算係湊湊火鍋嘅招牌鍋底🍲見佢咁出名咁多好評點可以唔食呢😙椰子雞鍋湯底會見到一層金黃色嘅雞油泛系表面味道都真係有好香濃突出嘅雞香味🐔都會飲到另一個主角椰子嘅清甜味道 令雞湯無咁油膩更適合飲用👍酸菜白肉鍋會見到有啲原條紅辣椒系表面但其實飲落又唔會好似酸菜魚湯甚至水煮魚湯底咁辣就係酸菜嘅酸帶好輕微嘅辣味🌶️呢款鍋底就會無椰子雞鍋底咁濃稠咁濃味 但都好惹味🥬白肉方面係薄薄嘅肉片 都會帶到啲肉香入個湯底個湯底咁出色基本上落咩配料都好好味啦😆

今次同朋友仔嚟到叫咗個椰子雞鍋&酸菜白肉鍋鴛鴦鍋🙋首先個椰子雞鍋清淡得黎又好滋補 椰子潤潤嘅口感配上雞油超級夾🥥然後個酸菜白肉鍋都毫不輸洩 酸菜酸味強烈又唔會公鼻👌我個人覺得椰子雞鍋煮肉類好夾 後者酸菜白肉鍋就煮蔬菜類更勝一籌，所以咁樣叫鴛鴦鍋的確好唔錯✌️其中叫咗個墨魚仔最正，原隻小墨魚口感煙韌彈牙賣相又可愛🦑另一樣好吸睛嘅相信係個竹笙，擺成細細個一捲一捲係塊葉上面😍 好精緻，佢亦屬於我打邊爐嘅必點食材之一因為竹笙好多洞洞 放落鍋可以吸收哂湯底嘅味道 超級索湯超級正🥄

正值午餐時段嚟到就叫做個台式香酥豬扒飯豬扒同飯分開上 豬扒用咗傳統台式炸法 食落酥脆酥脆 白飯表面加咗啲肉燥同埋滷汁都幾惹味 唔會話太齋🍚再配咗幾碟經典台灣小食：鹵水蛋 豬紅！講真依家市面上都有好多主打食火鍋嘅餐廳或者小店 有啲出名價廉物美 有啲出名環境靚 有啲出名服務態度好好 到底可以點樣係咁多同類型餐廳入面突圍而出呢❓呢間“湊湊”就做到貼心位啦 除左侍應好殷勤之外餐廳都會提供細細杯乳酸沙冰 味道冰冰涼涼好清爽 幫你食完火鍋飽飽濟濟解下膩🧊

成日買珍珠奶茶，湊湊係目前飲過最好飲嘅！我覺得係全港No. 1 ❤️.大紅袍珍珠奶茶，唔似其他奶茶店掛個名，真係飲得出茶底好靚 ☺️ .口感非常順滑，奶味、茶味相得益彰，遠遠拋離市面上其他珍珠奶茶，$33好值得 🥰

湯底選擇多，如果選擇麻辣鴨血湯底，鴨血可以無限添加，真係冇諗過！今次叫左鴛鴦鍋，叫左麻辣同番茄，個番茄湯底好好味，番茄味好濃 好正！食物方面，味道好好，好多選擇，肉的份量都好多，價錢適中，一定會再去！今次飲品就叫左珍珠奶茶，但由於本人中意大珍珠，所以就覺得一般。如果可以選擇大 細珍珠就好啦！員工服務態度好好，要求的都能提供。環境方面，裝修得好好，氣氛好正，張枱好大張，亦都有張細枱放野食，如果叫好多都唔洗驚！

整體唔錯🖤服務一時時去既係晚市～有前菜配料拎有生果價錢算中上～牛肉種類都算唔錯味道都成正比、不過海鮮類食物相比就扣分😍😍擺盤等等都略特別台式火鍋味就唔會太過正宗，可能就翻香港人口味～～😊😊

有朋友俾咗商場現金券我所以決定試吓呢一間火鍋店$400可以減$200一餐一共用咗3張券（原價$1200，用完券之後$600）兩個人食每人都$300🥹我哋叫咗蟹粉湯同冬菇雞湯冬菇雞湯十足平時飲茶茶樓嘅上湯入面都非常足料，有冬菇有雞仲有鮑魚而蟹粉湯本身湯底係魚湯（蟹粉會另外上）我哋嗌嘅係鴛鴦鍋，但係都有兩個蟹粉因為朋友唔係特別好蟹粉，所以只有我自己魚湯再加落去，發現有勁多蟹肉😍我哋仲嗌咗個拼盤，有海鮮又有牛肉但係店員指可以飲咗個湯先，真係勁好飲但係要記得用匙羹攪拌下湯底，如果唔係會癡底海鮮同埋牛肉都非常新鮮好味我哋仲加咗一個魚皮同埋蛋餃，蛋餃反而好失望魚皮非常之脆，配埋魚湯超好食魚湯生菜都好好食👍🏻，覺得兩個湯底都各有出息除咗火鍋配料之外，餐廳設有自助吧可以任食生果同埋白飯，小食有時候仲有嗰店員會問你要唔要豆腐鴨血但生果有時會唔新鮮小食正正常常（魚皮涼拌比較特別小見）相比起其他火鍋舖頭，極度不同+脫穎而出但係價錢偏貴食到尾聲，店員會送上甜品

湯底濃郁，黃魚新鮮，吃了兩次也不厭，還有火鍋多，令我這個配料真的開心，每人有一個蟹膏，火鍋配料特別，服務員態度良好，值得一試第二次食每人一杯珍珠奶茶，比出面的茶檔便宜好喝

自從疫情😷莫講話旅行 出去食餐飯都驚又限聚令但真係太掛住台灣😫😫😫😫😫😫😫😫又冇得去旅行😞😞😞😞😞😞😞😞😞😞😞唯有黎打個邊爐解下相思之苦😎因為我覺得佢係最似台灣無老鍋的味道😋😋😋😋😋😋😋😋😋😋😋😋😋🙂🙂我哋今次3個人可以叫多啲野食正丫！！因為唔係第一次食，所以我哋都知道自己中意食咩，咩特別好食😝😝😝😝😝叫到一枱都係，最開心🥳🥳🥳🥳🥳🥳🥳特別要讚，珍珠奶茶🧋超級超級好飲🥲無一間好飲過佢，又大杯，超正🤤🤤🤤每次都食到捧住個肚走💛💛💛💛💛

飲過大紅袍奶茶後心心念念嘅今日終於又飲到 但係今次就好失望 叫左少冰少糖 最後變左完全唔甜同好多碎冰 好在應該係大紅袍本身茶味有救返少少 都算係飲晒 但就好失望 本身杯野飲唔應該係咁 點解可以水準下降到咁 上黎openrice先發現原來都唔係我一個人覺得 店員態度確實好冷淡 我行去想落單時店員們在傾計講笑 等左佢一陣佢抬頭望我一眼唔出聲又轉個身先過黎落單 語氣硬硬地 係無咩服務態度可言 但至少飲品要好飲吧？如果連野飲都沖唔好 又無服務態度 公司等執笠？真係失望

湊湊火鍋‧茶憩地址：旺角太子道西193號MOKO新世紀廣場4樓406號舖兩個女仔去台式火鍋貴精不貴多，所以就叫咗鴛鴦鍋湯底 (酸菜白肉窩 +  胡椒豬肚湯底）二人餐 🍲 $698 。呢間野樣樣野都好高質，套餐包美國特選級牛小排、伊比亞黑豬肉、企鵝丸🐧(墨魚漿製)、鮑魚、萵筍跟冬粉🍜，啲肉雖然睇落薄薄一片，但其實佢面積大大塊🤩，而且半肥瘦肉質鬆化，好重肉味，絕對唔會鞋口，正！企鵝丸唔單止睇得又食得，佢地啲大肚腩好可愛呀係個鍋上浮下浮下好似浮屍咁，加上好彈牙啲墨丸味又幾重，食落口感幾正😋😚。重點來啦🤩🤩🤩🤩🤩，酸菜白肉窩和胡椒豬肚湯底真心正，白肉加上大量酸菜，好酸好開胃最岩用來淥冬粉食，啖啖冬粉都包含酸菜味煙韌又有咬口真心越食越開胃🤪。另一個必叫湯底一定係胡椒豬肚湯啦，第1淡飲已經飲得出好重豬肚味，加上有少少辣地真係好飲到我同朋友第1時間已清光成盤豬肚湯😏。大紅袍珍珠奶茶 🍹$33驚喜～珍珠奶茶好重茶香味而且啲奶味又唔會蓋過茶味道，入口甘香又唔會苦澀鞋口，配搭得非常之好🥰，再加上珍珠粒粒分明，好煙韌，好有咬口，正，果然係招牌茶飲😎。

星期日都要返工既時候 到左三點三就想抖下例牌睇下外賣平台有咩好飲啦♪( ´▽｀)碌碌下見到原來湊湊鍋有得單點珍珠奶茶所以就試下佢哋嘅大紅袍珍珠奶茶貴店係袋鼠嗌滿$200 可以有九折但我地純粹嗌左2杯奶茶所以唔太划算連運費就差唔多一杯要$50而且外賣平台不停更新送達時間比原定遲左唔知道係餐廳問題定平台分單問題大紅袍珍珠奶茶$38 黎到2杯珍珠奶茶已經出哂水 雖然叫左少冰但都期望仲有啲冰 但吸落去個下 其實知道係啲冰溶左 因為味道好淡 但可能本身大紅袍茶味濃所以都算救得返成杯野飲加上每吸一下都有珍珠啜到上黎 可能都係細珍珠原因所以感覺都幾多題外話 會唔會堂食打住邊爐飲好味啲

尋日下午嚟打個邊爐🫕二人限聚坐得好舒服！先嚟點個鴛鴦鍋二款湯底，台式麻辣鍋加鮑魚花膠雞濃湯鍋，一次過試到兩個味道！麻辣好啱香港人口味！鮑魚花膠勁濃味！越食越燶😋😋😋，招牌鴨血豆腐又可以無限添加！仲有自助吧有個魚皮好好食，好爽呀😋，會再嚟食過

第一次黎湊湊，午餐唔想食火鍋，試吓個午餐 set 先！入面環境偏暗，裝修幾靚，有種古典優雅嘅氛圍。首先黎嘅係經典珍珠奶茶，午餐可以半價加飲品，大杯 660ml 原價$27，細杯 330ml 就原價$20，半價真係好抵飲，叫咗大杯。珍珠比較細粒，好煙韌，唔會太甜。老公叫咗大紅袍珍珠奶茶，比普通珍珠奶茶更加香濃！跟住到嘅係台式香腸，$58，有波波茄同蒜片，蒜片加埋香腸片一齊食真心正！呢個香腸用咗豬腿肉，三分肥七分瘦嘅黃金比例，係台灣嘅味道呀XO醬肉燥拌麵，午餐仲有粟米、菠菜、波波茄、鴨血、豆腐、蛋 & 中華沙律，伴菜種類好豐富呀每一樣嘢睇落分量唔多，但食埋食埋就好飽。肉燥拌麵好惹味，但比較油膩，食咗一半已經飽到頂唔順，好彩有啲蔬菜等味蕾清新一下，最鐘意個豆腐，辣辣地好開胃而且好入味。老公食呢個三寶拌麵，佢都話好味~呢度午餐分量好足，環境舒服，搵次夜晚黎試下台式火鍋先~ 希望快啲開返晚餐堂食啦

我落完飲品張單，遲過我地買既都拎左，當我詢問店員是否遺失我地訂單，佢話等等。睇都無睇直接轉身走，我再三追問先黎望一眼，兩杯都沖錯甜度同冰塊。一聲唔好意思都無態度又串，帶眼鏡齊陰個女店員，其實你做服務行業做到咁，有無諗過你係唔岩做呢行呢我地仲要好聲女氣問你，買杯野飲咁受人氣真係唔會再幫襯！