湊湊火鍋‧茶憩 (MOKO新世紀廣場)

營業中

休息中

好耐冇打邊爐 果日突然抽筋想打 就book左尼間諗住試下中午打邊爐😂我地去果日星期日 兩點半冇乜人排隊 但入邊都幾乎坐滿客既 我地坐左兩人卡位 好寬敞而且環境乾淨舒服因為選擇困難症關係 我地揀左雙人套餐 唔算多嘢食 不過佢鴨血豆腐無限添食 所以結果都有剩😬鴛鴦鍋7選2肉類2選1推介2選1海鮮2選1主食2選1蔬菜2選1最後仲送甜品😋😋感覺良好既一餐

之前都聽過朋友話呢間火鍋好食，咁岩係moko行街，經過見到原來呢到都有，就入去試下啦。餐廳有個自助專區，醬料、前菜、生果可以自取，醬料都好多選擇。另外，餐廳會免費提供餐中乳酪（用作中和油膩感）及餐後甜品（香濃茶味既梅子啫喱，同樣用作解油膩），感覺不錯、有誠意 👍🏽鴛鴦鍋：臺式麻辣鍋 + 蕃茄牛膝骨鍋麻辣鍋唔會好辣，入面既配料：豆腐同鴨血仲可以無限添加。而蕃茄鍋入面既牛膝好稔好入味，有2-3大舊，淨係食湯料都好好食 😋美國特選牛板腱有香濃牛味，用麻辣湯底煮熟更加惹味。蟶子活蟶子隻隻都好新鮮，亦唔會有沙。鴨腸鵝腸就食過，鴨腸都係第一次見。食落口感同鵝腸其實冇乜分別，但就唔好煮太耐，太耐會變得好韌。飛魚籽墨魚滑上菜後，職員就好殷勤咁問需唔需要幫我地落，我呢啲懶人就當然話好啦。味道方面相當不錯，香甜鮮味，咬落亦爽口彈牙，再加上加入咗大量飛魚籽，令口感度大大提升 😋大紅袍珍珠奶茶叫咗大杯都係$33，非常之抵飲。茶味好出，亦好清香，唔會俾奶味蓋過，唔錯。餐廳外面有茶飲外賣櫃位，下次經過應該都會買。

比起大陸，尤其係鍋底，價格翻倍😅牛肉很老，咬不動，嘥晒啲錢😟（所以千祈唔好點嗰個精品肥牛）其他還可以，服務態度好好😋環境也安靜如果冇食過實在想試吓，不算太差

餐飯係3月份食但一路唔記得咗post😂由於限聚令嘅關係最多只可以約4個朋友食飯😔原本約咗食西餐🍽不過去到見唔使等就試下😉食物種類唔算多但勝在有鴨血無限添加，另外仲有幾款冷盤😋2款湯底🥘🥘都唔會太濃（尤其是菌湯，可以就咁飲😙）墨魚餅同魚餅外貌得意食落爽口，啲牛同豬肉未融雪就拎左出咗……朋友食左鵝腸話爽口彈牙，響鈴新鮮即炸👍🏻每人叫咗杯台式飲品，但味道麻麻地唔記得影相😅人均消費$340

外賣珍珠奶茶，已經提前落單， 20mins 後才到， 去到先啱啱沖， 仲未沖好，問題係完全冇客等，佢地一d都唔忙，入面打邊爐嘅客人又好少。之後企喺度望住佢沖嘢飲，沖嘢飲嘅時候仲要倒瀉晒，搞到成枱都係，個杯濕哂，好污糟！ 最後用咗半個鐘先沖完三杯嘢飲。個杯濕晒抹都唔抹下，嘢飲放落個袋度濕晒，照俾我，問佢拎紙巾抹下，竟然唔俾話佢哋冇紙巾，好差！！之後同佢講咁你幫我換過個膠袋啦，你個袋濕晒喎，佢先去拎啲紙巾，員工勁冇禮貌！！差！

BOOK左位唔駛等就直接入座呀限時120 分鐘我地三個人比左梳化位非常舒服呀點左~花膠雞鍋併麻辣鍋個花膠雞鍋勁濃加左好多次湯都無溝淡飲左好多湯呀麻辣鍋就正常呀裡面既鴨血無得頂入晒味而且好滑~龍蝦呢個都好新鮮肉質幾彈~蔬菜藍賣相一流呀種類又夠多連粟米南瓜都切條上好細心~荔枝蝦丸呢個好特別炸到好似粒茘枝咁熱辣辣食好好味蝦丸又好彈牙連埋個皮好脆讚

作為珍珠奶茶控嘅我，出親去好多時都會買返杯珍珠奶茶🧋飲下。尤其是依家天氣咁熱🥵飲d凍凍地又甜甜地嘅飲品🥤個人都舒服d🈶️力d😆😆湊湊火鍋‧茶憩係一間台式火鍋店🍲而門面旁設🈶️外賣部方便大家買走飲品🥤佢哋最出名嘅就係《大紅袍珍珠奶茶🧋》大紅袍茶味香濃🫖奶味亦如是，但2⃣️者份量恰到好處，唔會蓋過大家👍🏼奶茶口感順滑，細珍珠夠入味夠煙韌，再配合埋碎冰🧊沖調，飲完即刻涼爽曬😆

6點鍾去到攞位，門口侍應話要等位，8點前一定可以安排入座，我們便靜靜在旁邊等，等候期間見有其他客人沒有取籌亦可入座，侍應話是一早訂枱的，好，我繼續等，直到8點，問她是否可入座，她卻才跟我説還要等多4張枱，期間不斷有訂枱客的入座，如果不能安排walk in 客的，倒不如不要叫我們排，或者给我知道要等幾多張枱，你卻說8點前可以交檯，要充人氣也不用這樣玩客吧，簡直浪費時間，態度惡劣，想被玩的可考慮這間跟經理討論也是同一樣態度，不知所謂

一行4人打邊爐，限時兩小時，選了花膠雞湯底，湯底濃足料😋😋牛肉選了兩款，每碟百多元約有10塊，有牛味不”鞋‘’，好味👍🏻👍🏻其他配料ok。最有驚喜是不斷有試食🤩🤩有細細杯的乳酪沙冰、梅子茶味果凍，走時仲可以一人拿一盒外賣麻辣鴨血（我哋只取了一盒）🥳🥳雖然味道一般，但勝在有誠意有意外驚喜

打去想book枱，而家限聚令放寬到六至八個人，想問吓一枱最多可以book幾多個人，聽電話嗰個話老闆只能夠最多四人一枱，咁冇問題。打邊爐梗係想多啲人去㗎啦，咁問吓可唔可以五個人book兩張枱大家分開坐喺隔離，佢答：先生我哋好忙㗎唔好問埋啲冇可能嘅問題！問吓都唔得咁L串？

好難食.....以為係台式火鍋，一去到見到啲分店全部都係大陸就知道九成九中伏。入到去啲waiter個個都西口西面，完全冇服務態度可言。啲侍應上床完全係亂咁擺，張枱冇位都唔識得執好啲，直接成碟嘢擺喺你面前，或者用個碟推走晒所有嘢，等你自己執，好似施捨嘢食俾你咁。鴨血豆腐任食，但其實難食到你根本唔會再加，啲鴨血嘅質感亦都唔似係真鴨血。好耐未試過出街食飯可以食到咁難食嘅嘢，仲要收呢個價錢，咁嘅質素嘅火鍋仲衰過啲一百幾蚊嘅任食放題。勸大家唔好見到佢好似好多人食就走去試，真係會後悔。

其實已經食第三次，不過而家先寫食評😆第一次食係尖沙咀，第二三次都係旺角，最鍾意佢嘅湯底～紅顏花膠雞窩，湯底好似羹咁樣嘅，比較濃味同厚身，而且仲有好多花膠同雞肉，感覺食咗好多骨膠原咁😌另外個麻辣鍋我覺得味道一般，但可以無限次添加豆腐同鴨血，今次我哋三個女仔食，等咗好鬼耐，佢地送咗一個好似波板糖造型嘅海鮮棒棒俾我哋，好似係等多過30分鐘就會送，所有食材我都覺得好新鮮，座位都好舒服，啱晒我哋啲女仔喺度傾偈，三個人食除返開每人都係二百幾，抵。最重要係鴨血同豆腐都可以攞返屋企食😂我哋一人一盒攞走，爽

除咗火鍋好食之外，有冇人同我一樣好鐘意飲佢嘅奶茶，之前香港未有分店個陣，係第二到食過一次，鴨血係超級無敵好食，成晚我只係不停加鴨血，對於好鍾意食鴨血嘅我，呢度可以無限添加，真係好幸福，不過珍珠奶茶入邊嘅珍珠就好難食。相反香港嘅鴨血我就感覺無咁好食，同我第一次食嘅感覺唔一樣。而珍珠奶茶嘅珍珠就比唔到意見，因為經歷過嗰一次好難食之後就唔敢再喺呢度嗌珍珠奶茶，不過佢嘅奶茶係真係好好飲，所以而家就算唔係入去食邊爐，經過都一定會去買一杯奶茶

成日聽人講湊湊火鍋·茶憩呢間火鍋店，講佢有多種唔同嘅火鍋湯底選擇。湯底絕對係打邊爐嘅靈魂，好嘅湯底絕對會提升成個體驗😉！今日去旺角MOKO店揀左個雙拼鍋(紅顏花膠雞鍋🐔&珍鮮菌菇鍋)試下😛。📍紅顏花膠雞鍋 個湯有濃郁雞味，仲有足料配料(有鮑魚仔, 花膠, 花菇等)。店員叫我地可以飲左湯先再後加水打邊爐。個湯飲落比較稠身，入面應該有豐富嘅骨膠原😍，真材實料👍🏻📍珍鮮菌菇鍋個人覺得呢個湯底無咩特別，入面有幾種唔同類嘅菇，味道正常。📍美國特選牛小排🐮肉質脂肪分佈平均，唔會太肥，味道都唔錯。📍海鮮棒棒糖🦐🐟造型同個名都夠曬特別，原來佢係蝦同魚整成嘅棒棒糖，咬落去質感似食緊彈牙嘅丸，叫嚟打卡影相就最啱。總結🎯：性價比高嘅台式火鍋店，有無限量添加麻辣鴨血同豆腐絕對係加分位！

放工同事帶我去食湊湊，去到門口就見到個仙氣小流水池，好有feel啊，內部嘅裝修都好有格調，給人神秘嘅感覺。嘢食方面，都有自助式水果、小食供應，叫咗一個鴛鴦鍋，麻辣同埋蕃茄，湯底非常之香，同埋好足料啊，仲有鴨血同埋蜂巢豆腐都可以無限refill，上菜速度都好快啊！嘢食都好新鮮，最鍾意就係食嗰個墨魚仔，好好食啊！