湊湊火鍋‧茶憩 (MOKO新世紀廣場)

營業中

休息中

早一星期打左黎卜枱，所以一到就入得，佢有限時120分鐘，出面有醬料區，可以自己去選。我地4人叫左個二人餐再另外加野食，湯底就叫左花膠湯同麻辣鴨血，花膠湯好易痴底，要keep住攪，麻辣鴨血仲可以仼加，一開始食覺得佢唔夠辣同重藥膳味，越食得耐越辣，正❤️❤️❤️二人餐$698(4/5)其實都包好多野，一個鴛鴦湯底，伊比利亞黑豬肉，企鵝丸，鮑魚2隻，冬粉同萵筍。然後再另加左小小野食，牛，黑柏葉，小食拼盤，魚滑。樣樣都好正🥴然後仲叫左珍珠奶茶🧋然後埋完單仲送左小甜品。總結: 成餐飯都好好食，員工服務態度都好好，鐘意食鴨血既一定要叫佢個湯底，可以仼加，全部野都幾好食，比較推薦既係伊比利亞豬，魚滑同黑栢葉。冬天應該會再黎！

好味指數😋😋😋😋回頭指數 ⭐️⭐️開心指數🤗🤗🤗🥶🥶😡朋友gathering，因為有人試過呢間坐得幾舒服，就訂咗位！呢間店都幾旺，訂咗位都要等多20分鐘先入座，入座後2小時要交檯！先唔講D嘢好唔好食住，我哋響食咗1個鐘左右，完全冇提示下「被埋單」，我哋有問仲可唔可以落單，職員話可以，解釋因為埋單需時，都想我哋埋咗單先，咁我哋就照埋單啦！點知我哋過咗10分鐘想再落單，另一個職員話我哋已經埋咗單，再落單要重新計過醬料錢😡 仲要冇咩禮貌咁收返檯上面嘅所有menu！咁點解之前埋單嘅職員又話得？又點解完全冇提示last order？又點解食咗1個鐘已經「被埋單」？都唔想再講落去，又唔係任點任食，樣樣都係逐碟計，你唔俾我叫就算啦，連個天都叫我哋食少D！🥶但其實全程所有職員無論加湯、加鴨血豆腐、上菜都幾好禮貌，攪到我都唔知點評價呢度嘅服務，好似人格分裂咁🙈講返D嘢食啦…🍴雙人套餐（$698）🍴鴛鴦鍋我哋揀咗🍴台式麻辣鍋同🍴酸菜白肉鍋麻辣鍋唔算好辣，都唔算好麻，不過就幾香，就算落菜去煮都唔會覺得好辣，反而吸晒湯汁會好正！酸菜白肉鍋嚟到時有飲過D湯，個湯好濃郁，酸度適中，酸菜細細條幾好味，湯底似用豬骨熬。兩

傳聞中免費任添鴨血豆腐終於有時間去食杯珍珠奶茶大杯抵飲因為同行人士都唔食辣但我又好想食下辣於是就叫左個鴛鴦鍋一邊就嗌咗花膠雞鍋另一邊就普通台式麻辣鍋入到去全部料都係要散叫以為同普通嘅火鍋有d 唔同但其實都只係一般般個醬料區就有少少混亂野食入面最值得介紹嘅係呢個企鵝墨魚丸個樣幾得意食落口感都唔錯係有墨丸味唔係得個樣整體黎講 cp 值唔算高臨近食完 員工會問想唔想外賣d 鴨血走想既話佢會用個兜裝起比你拎走每人一兜都幾開心當然都係免費啦！

曾幾何時飲過珍珠奶茶，從此就愛上了珍珠奶茶。這家主打台式火鍋的食店，除了供應火鍋，門外還附設茶憩飲外帶區，提供堂食及外賣茶飲大紅袍珍珠奶茶🧋是這裏招牌茶飲，茶底香濃，奶味香滑，又不會蓋過茶的味道，兩者配合得好好。珍珠大小適中，口感煙韌。相比普通茶底，大紅袍茶多一點獨有茶香，更有茶味，難怪成為好評必推。茶飲外帶區餐牌有珍珠奶茶系列，奶味茶系列，茶拿鐵系列，醇品裸茶系列，冬瓜系列，香梅系列，果味茶系列，都有唔少選擇

來來去去食黎食去，都係最鐘意湊湊，因為佢嘅格調舒服，同埋入到去真係好友台灣feel，我哋上次10幾人去食，分咗三張枱，小朋友一台，美中不足就係佢話小朋友都要開一個鍋，不過都明嘅，做生意，我哋叫到成枱都係嘢食，如果叫麻辣火鍋的話鴨血任加。出邊漲了區都有一啲小食，醬料唔係好多款，不過基本嘅都有，而且仲有生果添，以我哋最鍾意就係佢嘅飲品， 20幾蚊一杯，超級正宗嘅台式嘢飲，大大杯，一一路打邊爐一路飲真係好正😉

第一次光顧選了花膠湯及胡椒豬肚湯底，今次選擇了花膠及台式麻辣湯底！真係超級好味！今次叫咗個$698的套餐！超級抵食！份量夠大！鴨血又無限添食！更有每人一小杯菠蘿🍍沙冰及最後還有茶梅果凍！真係意外驚喜！火鍋選料肉上乘！真心值得推介。

好耐冇去食過台式火鍋啦，呢間係朋友想食好耐，今日終於有時間去食啦😋😋，一入門口就覺得仙氣飄飄🤣🤣感覺幾好，呢間係第一次去食，點左台式麻辣火鍋，同埋好多特別菜式，例如飛魚子墨魚滑、鴨腸、時蔬拼盤、牛小排等等，另外仲可以任食麻辣鴨血豆腐👍🏻👍🏻非常好食😋諗起都回味無窮😍

我同老公都係湊湊火鍋常客，今次叫埋朋友一齊去。佢哋個麻辣湯底真係好似台灣嘅味道，又可以任加鴨血豆腐😎👍🏻(⁎⁍̴̛ᴗ⁍̴̛⁎)✨✨仲要臨走時店員會問我哋會唔會外賣鴨血豆腐拎走，係每人免費一份，雖然份量唔係好多，返到屋企又可以自己加個粉絲落去煮，真係CP值勁高吖😍😆✨👍🏻(*≧ω≦)最鍾意食佢哋嘅牛肉配麻辣火鍋，真係好好味。龍蝦帶子都好新鮮，好鮮味。我哋叫咗個套餐，有兩份牛，一份豬，仲有蔬菜籃🧺🤣✨❤️✨，海鮮，4個食人份量好夠飽。今次店員唔知點解會送咗一克鹽酥雞俾我哋試，亦都好好味😋❤️(⁎⁍̴̛ᴗ⁍̴̛⁎)✨✨企鵝丸得意有外貌特別，每次去到都必點。(*≧ω≦)🥰🤩仲有最後佢哋嗰個梅子查啫喱，一定係要必食！✨😍🤩o(^▽^)o仲有佢哋嘅珍珠奶茶都好好飲，但係就好大杯，兩個人飲一杯都夠啦。

之前食過晚市，覺得唔錯，今次同朋友黎新世紀食lunch, 就推薦比朋友一齊黎食, 食物質素同湯底都十分足料，保持到水準。唔知係咪因為客午市會比晚市少人d，人手少左d，要落單找不到人。

第一次去，衝動，冇預約，等了半小時，放棄了。有經驗了，第二次一早在openrice預約，有85折，提早10分鈡到，一到便有位。心情好湊湊應是臺語，閩南話。來了有回家鄉之感。好辣，點了麻辣鴨血豆腐，吃完任添。叫了杯黃金桔，太酸，老公叫了香梅紅茶，幾好，把他的換成自己的。有自助吧，生果，肉燥，白飯，魚皮仔，中華沙律配料任取。點了魚，墨魚企鵝仔，烏雞肉卷，羊肉。強力推薦烏雞肉卷，好特別，味道幾香。還送了梅子果凍甜品，整体服務不錯。會再去。吃2小時，要長吹水，應做唔到

除咗荃灣嗰間，其他分店麻辣鴨血湯底都幾乎冇味，態度又差，免費加嘅嘢好似乞食咁，問佢攞咗幾次先比，仲要比說話人聽，大陸扮台灣，食過咁多次，呢間最差，大家都唔好再去。

Happy Friday來打邊爐第二次光顧這家台式火鍋店平日lunch黎食，有2人及4人套餐今次多人，2人餐同4人餐都有叫到餐廳有餐前小食同火鍋醬料可以自助去羅水準中上，擺盤有心機，加分份量都好足夠重點講啲特別有印象既野食-2人餐 ($698)3-4人餐 ($1288)🍲今次湯底揀左台式麻辣鍋同珍鮮菌菇鍋麻辣鍋上次食完今次繼續叫，入面有鴨血同豆腐可以任加好香麻辣味而且唔會辣到食唔到而珍鮮菌菇湯亦都好鮮味，完全適合重口味人士🥩肉類好新鮮，份量亦好足夠企鵝丸係墨魚丸，造型可愛另外值得一提既係油條同冬粉用油條打邊爐好有台灣既風味，而且好脆口，浸落湯底度仲可以吸埋啲湯汁，超好食而冬粉有別於一般粉絲，口感更加彈牙，而且可以充分吸收湯汁既精華，一定要試！打邊爐唔小得既野飲亦都很不錯，大壺既份量我諗都有1L夠晒由頭飲到落尾桔香冬瓜茶酸酸甜甜，好岩打邊爐解渴飲！

環境同食物都唔錯，不過對員工服務態度好同細心真係很不敢苟同，因為前後叫了不同員工4次加湯都沒有回應，最後湯底快乾先幫你加。還有想加鴨血同豆腐時只會話轉頭幫你，不過直到用餐完畢都未有。最後，送的冰沙同果凍都沒送上，但識得列入單據中。注意，我是下午4點入席，非繁忙時段。

今日第一次光顧此餐廳，三人行一直等位，但帶位的侍應卻沒有表示，等到21:15仍未入座，我詢問該位服務員何時入座，她卻表示有位了，但我進一步問餐廳何時關門，她的回覆是22:00，我們非常驚訝，反問尚餘45分鐘，如何有足夠時間吃火鍋，服務員的回覆是比多10分鐘你們吃吧！經此一歷，以後也不再光顧，服務態度及表現非常差，未吃已經一肚氣。

我同屋企人朋友已經黎過幾次，今次試咗鴛鴦鍋，一邊係蕃茄牛骨湯底，令一邊係酸菜魚湯底。每次叫酸菜魚，都會加多一份魚。我鍾意個湯底味道較酸，加一份冬粉會吸晒啲味另外還叫咗海鮮棒棒，其實係手打丸，變成棒棒糖的形狀。每樣食材都擺放得有心思，令人食欲大增。另外，最中意珍珠奶茶及柑桔茶，每次都會叫大杯。必須要讚侍應們服務一流，尤如身在台灣每次都會送鴨血滷冰豆腐，沙冰，甜品，自助位有兩款前菜，白飯，水果。一定飽飽。