難得出城去左尖沙咀 就潮下聖試下傳說中既滿天星蛋包飯 係門口已經要排隊排左好耐🧞‍♂️🧞‍♂️🧞‍♂️ 已經無乜心機食 入到去坐低之後隔黎枱既小朋友又勁嘈📢 睇緊餐牌又唔算太吸引 於是就求求其揀左個滿天星肉汁漢堡扒蛋包飯 蛋包飯嚟到既時候 個蛋的確係比一般香港既蛋更深色 但食落又唔係真係話好食到要捧上天 都真系好一般 如果有係日本食過蛋包飯 呢一個蛋包飯絕對唔係日本嘅味道🥲 舊肉又"鞋" 鎖唔住d 肉汁 呢間過江龍可一不可再🫣

香港愈開愈多居酒屋 行完山唔想係東涌食 就出返黎太子book 左呢間朝 熱鬼辣辣🥵 入到去第一件事就叫左杯梳打飲 即刻打返張卡幾有格調 再加呢個環境真系無得輸 跟住就叫野食 我最鍾意清酒煮蜆 所以去親餐廳有都必點 不過不失喇 然後就見到menu 寫住「頹蛋」🥚 見幾特別就order 左黎食 佢外面係豚肉包住流心蛋然後上面有芝士🧀 好好食 係必食之選！ 再黎就係朝邪惡玉子燒 拉絲再加濃濃既蛋味🫶🏻 唔錯唔錯 跟住就再點左串燒 整體黎講都唔錯 係一間可以encore 既居酒屋！

同朋友行開街去到誠品 攰攰地想搵個地方坐下 經過見到Ninety's 就岩晒☕️ 靜靜地可以傾下計 裝修舒服 環境舒適 叫左茶又叫左咖啡 茶對我黎講就不太講究🫖🍵 因為我鍾意飲Nutty 既咖啡 佢就推介左呢隻咖啡比我 另外個朋友就叫左杯choco blend 叫完咖啡緊係要叫埋野食 我哋叫左一個bagel 再加兩塊cookies share 黎食 個bagel 都係好普著通既bagel 但cookies 就有d 特別 大大塊 呢種甜度送咖啡岩岩好🥰 得閒行過悶都可以me time 坐低chill 下😌

9點幾 由於疫情嘅關係 好多食肆都已經差不多last order/截咗單 見到呢間蒲羅 員工比我哋入去 就緊係拿拿聲落單啦 望到個餐牌 都幾多野揀 有肉骨茶有喇沙 任君選擇 喇沙湯底偏濃 但也不會太油膩 白肉骨茶入口全是白胡椒的味道 如果受不了胡椒味 第一下唔知道大大啖飲 即刻濁親 真的建議選黑的肉骨茶 味道有點回甘 唯獨肉嘅質感比較靭 咬極都咬唔開 飯係油飯黎 唔會話好淋好油都粒粒分明 值得一讚 咸蛋單骨雞翼 望落賣相好似無乜特別 似普通炸雞翼 入口有咸蛋味 雞翼嫩滑 都唔油膩可以食多幾隻

行完會展 念住食嘢 於是去左Mr. Crab by the Captain's House 一直都好想試個海鮮shake shake 袋 就上左open rice book 位 點知即book 都有😹 去到等左一陣就有位入座 嗌左個二人套餐 $688 首先shake shake 袋揀左海帽同馬尼拉蜆再加Snow Crab(要加錢） 除左海鮮入面仲有腸仔、粟米同薯仔 粟米好甜！薯仔超淋！ 再加埋Lemon Drill Sauce🤤 因為同行人唔食辣 所以就無嗌到佢個招牌sauce 蜜糖雞翼 無乜特別 蟹肉南瓜Risotto 好creamy 再加埋蟹肉 飯都粒粒分明 不過服務就差左少少 d 剪刀、蟹鉗、手套同放殼兜 個個一坐低就有 係得我個枱樣樣都要問😥

石門唔聲唔聲開咗間cafe 咁就入去試下啦 反正d cafe 黎黎去去都差不多 入到去 鋪面唔大 位都唔多 好彩用左open rice book 位 坐低咗 望下個lunch menu 同menu 都係中上價錢 78~158左右 見佢主打漢堡 因為唔想太膩 就無試佢個鵝肝和牛漢堡 所以試左個芝士和牛漢堡 漢堡肉算係juicy 材料配搭都有返咁上下份量 薯條好食 唯一就係即叫即做 對要食完lunch 趕返公司既我黎講 等得有少少耐 朋友就叫左芝士雞扒意粉 同自家製大蝦意粉 始終係一家主打漢堡既cafe 意粉就唔算係有咩驚喜 咖啡的話亦只算係普普通通 不過不失 但係石門黎講我係會再去食既😉

北角其實都唔少野食 不過好多都要排隊等位 今次試既呢間居酒屋都比較新 價錢黎講都唔算好貴 同普通居酒屋一樣 有燒茄子 我好鍾意食燒茄子 所以一次過嗌左兩碟😂 茄子唔會比汁蓋過味道 有d 居酒屋嘅茄子會太甜/太咸 佢味道岩岩好確實唔錯 所有既串燒都係即叫即燒 係咪見到都lam lam 脷呢 呢到既staff 都好nice 會同你傾下計咁 除左串燒之外當然唔少得魚生 佢既魚生都算新鮮 最值得一提既就係佢個魚湯烏冬 魚湯既鮮甜再加上有咬勁既烏冬 連湯帶烏冬"雪"一聲落肚 真系好有滿足感

係朗豪坊附近 其實都唔少嘢食揀 不過想要間坐得舒服少少嘅餐廳 就有少少難度 呢間樓上鋪見到佢個名叫茶聊 以為係d 淨係飲茶嘅餐廳 入到去睇完menu 估唔到係好似cafe 咁 龍蝦蟹肉包配薯條 $178 插住醬汁由自己決定落幾多 唔會搞到d 汁淋係面索晒 呢個idea 幾好 香濃牛油果醬炸雞漢堡配薯條 呢個係朋友食 佢話都多汁唔乾 可以encore🤤 蜆肉意粉 菠蘿沙沙煙三文魚Eggs Benedict 配香橙荷蘭汁 黎到茶聊不得不提 有得跟湯再加埋呢到既熱飲真系好抵！ 跟餐大大杯！ 岩晒d 飲料殺手😂

本身睇左啲食評話係幾抵食 於是今日Lunch 就去左食啦 入到餐廳得一個員工 講緊係Lunch hour 落單都等左一陣先有人理 等左大約20分鐘 先黎既係 帶子墨汁意粉 $98 因為有三色椒既關係 係我心入面已經扣左分 但到我食個意粉既時候 估唔到有驚喜 意粉係有咬口！！！ 之後黎既係 雞扒配薯菜 $78 雞扒有少少檸檬味 但屬於偏乾 食物質素黎講只係一般嘅西餐廳 無d 人吹噓到咁好食 跟餐有得配沙律或者餐湯 我地揀左粟米湯 個湯有粟米味但偏淡 另外就係佢無咖啡奶茶 只有檸茶檸水 檸檬係新鮮 入口唔會有苦澀味 總括黎講就一般般

行經九龍城 就搜尋下有d 咩新既Cafe 又或者係有特色既Cafe la 一出左宋皇臺B2出口就見到 本身以為佢清新既外表 念住佢係d 日系日式既Cafe 入到去見到有d 九龍城老招牌同鐵閘 仲保留有一d 舊式既裝修elements 再加上有少少磚牆外露既「設計」 都頗有懷舊feel 上網做左d research 原來係前五金鋪黎 落單嗌左All Day Breakfast - Big Brekkie $118 款式比較普通無乜驚喜 Scones with cream cheese & Blueberry Jam $48 個scone 唔太甜亦都唔太乾 嗌左杯Mocha 同Latte $38/$38 都係Cafe 一般既水平