湊湊火鍋‧茶憩 (K11購物藝術館)

營業中

休息中

一直都好想試湊湊火鍋，今日終於同朋友過嚟啦🤣喺尖沙咀地鐵站D出口行過去K11 artmall之後喺餅店隔離轉右電梯上去🤣記得記得一定要食佢個豬油滷肉飯好香同埋好正🥹🍲鴛鴦鍋：貴川木姜子酸湯鍋+昆布鰹魚鍋貴川木姜子有少少辣，酸辣嘅感覺比較配肉類。昆布鰹魚湯比較清甜配海鮮同埋蔬菜會比較好。🥩美國特選級牛板腱因為肉切得比較薄，所以大約幾秒就已經熟咗，肥瘦均勻而且有牛肉味。🦐華麗海鮮拼盤(小)有蝦、鮑魚、蜆同埋白鱔，全部都好新鮮。💫香酥蚵仔呢一款係熟食，炸咗嘅蚵仔好大粒同埋惹味。🐱貓爪蝦滑貓爪形狀好得意，蝦滑好彈牙。☀️爽口牛黃喉係牛嘅喉嚨，非常爽口。🍵抹茶開心椰抹茶味好濃郁，有豆腐花喺入面，我覺得似甜品多啲。🍑百事蜜桃綠茶生可樂朋友話桃味比較重，幾好飲。另外可以出去任攞醬汁生果，同埋最緊要一定攞滷肉飯！

好耐冇食過湊湊鍋，之前嚟親都係食麻辣鴨血湯底，但係其實佢哋有好多唔同嘅特別湯底，趁住佢哋而家做緊國慶優惠，升級咗啲湯底都唔使加錢，所以試吓其他嘅湯底。除咗多咗好多新嘅湯底之外，原來仲多咗一啲海鮮炸物小食，我哋揀咗個香酥蚵仔嚟試吓，完美還原台式風味。而湯底方面我哋叫咗個日式海帶鰹魚湯拼姜子酸湯鍋。佢呢兩款湯都會額外再配咗一樣食材，鰹魚湯配嘅係新鮮嘅蜆，而個子薑湯就跟咗個皇帝菜。同埋鰹魚湯不嬲都係好夾，因為都係清清甜甜。而呢個子姜湯配皇帝菜亦都好特別，因為個湯底本身酸酸地大少少辣，啲皇帝菜放完落去之後會索晒啲汁，都幾開胃㗎。個子姜湯底仲跟咗兩粒心心嘅魚蛋，真係好有情調㗎。如果鰹魚湯除咗一大堆木魚之外，仲有一啲新鮮大大條嘅海帶，所以真係超級鮮甜。打邊爐嘅料我叫咗個海鮮拼盤，包括五樣海鮮，有鱔片，鮮蝦，扇貝，鮑魚同大蜆。啲海鮮都唔細架，樣樣都好新鮮，同個鰹魚湯就最夾啦。肉類方面，我哋叫咗個牛板鍵，都好靚㗎，仲肥瘦均勻，啲雪花幾養眼，不過就留意個火候，如果唔係好快變韌。另外仲叫咗個黃喉，因為佢係厚切，所以淥耐少少都唔怕，仲係好爽脆。另外我見到有一樣嘢叫做貓爪蝦滑，嚟到先知原來係個造型可愛嘅蝦滑，

想約朋友打邊爐好耐啦！今次就決定黎湊湊打邊爐，試吓佢哋最近推出嘅「鮮活海鮮巡禮」，依家做緊50%OFF象拔蚌$178！抵呀！鴛鴦鍋（昆布鰹魚湯 ＄138拼 台式招牌＄138）昆布鰹魚湯味道十足！用咗昆布鰹魚熬製4小時而成！依家+$28仲可以有鮮活文蛤一份！招牌台式麻辣鍋，麻辣惹味，湯底有鴨血同豆腐，仲可以任添。華麗海鮮拼盤 擺盤好靚，有鮑魚、扇貝、蝦、鱔、文蛤，品質新鮮，尤其系鮑魚，口感彈牙又高質。美國牛肩胛肉 牛肉質地唔錯，油花分布均勻，肉質鮮嫩多汁，食落牛味濃郁。毛肚毛肚勁爽口！淥十五秒就食得，而且掛汁入味。貓爪蝦滑超可愛的貓爪造型真係打卡一流，食落彈牙，搭配火鍋湯底，口感有層次。新鮮白鱔片 白鱔片已經經過去骨，而且好新鮮，大大一盆，砌到好靚仔。皇帝菜 夠新鮮，食落嫩口冇渣，仲可以解油膩。雙柚愛玉茉莉（冰沙）雙柚愛玉茉香茶 嘢飲充滿台式特式，柚子味突出，爽口解膩。自助食物 ＄19/位多款醬料可以混醬，仲有任食生果、前菜、滷肉飯…

湊湊呢個名聽咗好耐喇，成日聽朋友講好高質🤩今次就去到尖沙咀K11分店，環境都好有台式風味好有氣氛，lunch都食得咁豐富好正🤤✿ 臺式麻辣鍋/ 昆布鰹魚鍋（鴛鴦鍋）麻辣鍋有鴨血同豆腐，朋友表示好鍾意食❤️🤍辣到未至於好高，適合想食辣但係又唔太食得太辣嘅朋友🔥昆布鴛鴦鍋就清新，適合搭配各種食材。✿ 毛肚即牛柏葉🐮依家都好多川菜有毛肚，口感爽口，個人認為擺麻辣鍋湯底嗰邊幾match。✿ 美國特選級牛肩胛 打邊爐食牛肉最中意食牛肩胛，油脂分佈均勻🐮又不失牛肉味。✿ 新鮮白鱔片平時食日式串燒就食得多🍢打邊爐少食白鱔呢，白鱔新鮮吾腥，每一片亦新鮮🐟✿ 華麗海鮮拼盤（小）華麗海鮮拼盤到底有幾華麗✨有大蝦🦐帶子 蜆肉 鮑魚 白鱔，大蝦同鮑魚爽口彈牙，帶子鮮味十足，蜆肉肥美多汁🐚 ✿ 貓爪蝦滑蝦滑系貓爪外型好QQ🐱蝦滑蝦膠打得結實🦐✿ 雙柚愛玉茉香茶/ 雙柚愛玉茉莉冰沙餐廳新品，柚子比人感覺清新💛愛玉Q彈，一路飲野一路食好正😊茉莉茶清醇解膩。✿ 寶寶童樂餐最近餐廳推出寶寶童樂餐，小朋友都可以喺火鍋店佔一席位😁材料喺小朋友用餐黎講頗豐富，用上奶油水耕蔬菜🥬深海昆布柴魚🐟日本A4和牛🐮西班牙伊比利亞豬🐷基圍

店裡的東西非常的美味可口，造型也非常好看，香味也非常的獨特，是我吃到的非常美味的食物，我以後還會再來這個地方的。這家餐廳的環境很好，非常乾淨整潔。食品不僅外形美觀，zui重要的是味道還非常棒，色味俱佳，做法簡直yi流，保留了食材原有的味道。而且服務態度也很好，就是讓人賞心悅目的感覺。這家店的老顧客了，一如既往的好吃，等於我的第二個食堂，吃的安心放心。店家菜品很全，有很多都可以吃的到，而且味道超正！超級好。

湊湊火鍋，可以話係我最喜歡嘅火鍋店之一😍每次光顧「勵志鍋」都係我嘅心水選擇💓本人自問唔太食得辣🌶️只係食到譚仔10小辣嘅程度！不過「勵志鍋」嘅辣度我絕對接受到👍🏻而且這個湯底，還可以無限refill鴨血及豆腐兩樣都係我嘅心頭號🤤🤤🤤鴨血及豆腐吸晒麻辣湯底嘅精華！太正啦而且讚一讚職員嘅服務！他們好樂意Refill鴨血及豆腐😙有時唔需要我主動問～都會主動嚟問我要唔要加😅重點係，準備買單之前⋯⋯仲可以叫職員打包一些麻辣鴨血及豆腐，回家做宵夜😌😌又食又拎太抵啦📍湊湊火鍋 （K11 Musea)

一向都覺得湊湊火鍋好高質，又多花款🥰最鍾意佢好多款式嘅前菜、小食、水果同滷肉飯都係任食😋😋仲有無限添加嘅鴨血同豆腐😚😚今次就book定位食中秋節飯🌕提早慶團圓🥳🥘 酸菜白肉x台式招牌鴛鴦鍋($276)揀咗個鴛鴦鍋😙酸菜白肉湯底入面嘅腩肉好出色，吸收哂湯底嘅精華，滾得好入味😚酸菜亦唔會太酸😆台式招牌湯底賣相紅卜卜，好彩都唔太辣，啱哂唔食得辣嘅我😆入面有大量鴨血同豆腐，仲無限添加😍🦐 花好月圓海鮮拼盤($238)海鮮拼盤都好吸引🤤有鮑魚、帶子、蜆、魚片同海蝦🦐鮑魚好厚肉彈牙，全部都好鮮甜好食😋😋🐧 企鵝賞月($108)呢個由黑白墨魚滑整成嘅企鵝丸每次都係必叫😝今次呢個中秋節限定版本仲加埋大大個月亮造型嘅蟹籽蝦滑😍幼滑嘅蝦滑夾雜住粒粒爆汁魚籽，幾特別👍🏻🐟 新鮮白鱔片($78)白鱔片幾新鮮，薄切嘅鱔片唔需要淥太耐😉好滑而且唔腥😋🥩 美國精選牛肩胛肉($158)牛肩胛肥瘦均勻，肉質都幾嫩滑，肉味香濃🫓 爽口牛黃喉($58)牛黃喉幾特別，好大碟都幾爽口幾彈牙，似牛柏葉嘅口感😋🫘紅豆豆花布甸店員仲會不時送上驚喜🤭好欣賞今次送嘅甜品🍮呢個紅豆豆花布甸，食埋甜品清一清喉嚨，係一個好圓滿結束🥰🥰🍍菠蘿沙

臨近中秋節，知道餐廳推出咗中秋套餐，好啱同朋友家人一齊嚟食！所以我同我細妹係K11 行完街街直落B1/F 打邊爐！我哋2個人率先食下先！每次打邊爐我都會唸起湊湊火鍋，因為呢度嘅服務令我有家嘅感覺，當然食物質素絕對係Ichiban ! 我哋叫咗花好月圓海鮮拼盤、企鵝賞月、白鱔片、美國牛肩胛肉、爽口牛黃喉等。我想講個麻辣湯底，仲可以無限次refill鴨血同豆腐添！另外，海鮮拼盤同埋企鵝可賞月真係好岩中秋呀，嘅企鵝主要用墨魚材料做兩隻色黑白配。佢嘅茶飲，我哋分別叫咗雙柚愛玉茉莉冰沙同埋雙柚愛玉茉香茶，原來柚子配上茉莉可以咁夾，酸酸甜甜非常開胃特別適合打邊爐，入面嘅愛玉，令口感豐富，好chewy，當然佢嘅茶底非一般好飲。

臺式麻辣鍋麻辣鍋唔會好辣, 更突顯濃郁嘅香料味, 涮肉一流。 鴨血滑嫩, 豆腐索哂汁好入味。 🥥清涼椰子雞鍋鍋底好清甜, 煮菜同海鮮食都一流, 雞肉留到最後先食都仲滑!🦐花好月圓海鮮拚盤 海鮮拚盤有蝦, 扇貝, 鮑魚, 蜆肉同鱔片。 海鮮質素都唔錯, 蜆肉鮮甜, 鮑魚爽口, 扇貝食落啖啖肉。🐧企鵝賞月 🌕提前訂座送嘅, 企鵝賞月造型得意又應節,企鵝仔係用墨魚漿整,食落爽口仲帶有墨魚嘅鮮甜味, 好好食。 月球都唔錯, 佢係飛魚籽墨魚滑嚟, 飛魚籽一粒粒咁令到佢更有層次感。 🐟新鮮白鱔片個人好鐘意呢道! 白鱔片幾新鮮, 肉質肥美又彈牙! 🐮美國特選級牛肩胛牛肩胛油脂分佈均勻, 口感幾嫩。🌟爽口牛黃喉幾爽脆, 鐘意呢個質感!🥬油麥菜油麥菜落椰子雞鍋煮嚟食好清甜。🥤雙柚愛玉茉香茶一飲就啖啖柚子, 愛玉幾Q, 配合埋茉莉茶整體感覺幾fresh❄️雙柚愛玉茉莉冰沙同上面嗰杯大致相同, 係茶同冰沙嘅分別。 呢度嘅冰沙好細緻, 飲落口感順滑。紅豆布甸布甸淡淡地配上紅豆啱啱好, 幾balance餐廳自助區除咗醬料, 仲有生果 (有芭樂, 西瓜同菠蘿) 、台式肉燥飯，另外仲有菠蘿桃沙冰refresh 返,

📍 湊湊火鍋•茶憩 香港～尖沙咀❤️嚟個中秋節限定❤️每次嚟到臭臭火鍋都必定食滷肉飯🍚仲要係食兩碗，依到啲滷肉醃得好入味之餘，啲豬肉仲切得好細粒好細粒，口感就好似入口即溶，而且每一粒都滲透咗滷肉汁～🌙🌙今次係湊湊｛中秋節限定｝🌙🌙唔係出月餅，而係有打卡一流嘅企鵝丸🐧啱晒大人細路🙆🏻‍♀️ 團圓飯之選，一家人可以一齊打邊爐心共聚晚餐時間，大家一齊烚吓烚吓，其實都係一件好開心嘅事❤️✨鴛鴦鍋（酸菜雞肉湯底 拼 台式麻辣湯底）呢兩個湯底拼埋一齊，一辣一唔辣可以食到食物嘅鮮甜，亦都可以食到好入味嘅麻辣味。麻辣湯底入面已經有齊豆腐、鴨血、花椒、八角，簡直係越食越麻🌶️奶白色既雞肉湯底帶有點雞肉鮮甜，係烚海鮮既最佳湯底🐟🐠🦐唔會遮蓋食物原本嘅鮮味，仲有啲酸菜，就咁食都唔會太酸🤲🏻✨花好月圓海鮮拼盤海鮮拼盤有北海道大元貝、新鮮海蝦、生猛鮑魚、脆鱔片，重點推薦鮑魚同脆膳片，鮑魚口感軟淋，帶點爽口。脆鱔片食落真係好脆口，唔會有草腥味🌊✨企鵝賞月中秋節限定❤️蟹籽滑🦀粒粒口感既蟹籽丸😋+企鵝造型🐧丸丸（墨魚漿製），打卡一流📸勁勁勁可愛😍中秋必食，必打卡📸✨新鮮白鱔片魚肉新鮮，質地爽口🐟✨美國牛肩胛肉食落好香，肥瘦均勻

湊湊火鍋•茶憩 K11 Art Mall，人均$100 就食到餐廳環境闊落，坐得舒適，裝修格局花過心思最鐘意多人可以坐正方形枱，聚會一流！呢度深具臺灣特色的飲食風格，融合［臺式火鍋-湊湊火鍋］和［臺式現搖茶-茶米茶］！一向都知道人氣王係臺式麻辣鍋和大紅袍珍珠奶茶！ 今次特登黎食台式半自助午餐套餐， 人均$100九份鹽酥雞飯，雞件炸得好嫩滑老壇酸菜魚小火鍋配烏冬，小鍋滾到咁上下酸菜魚入哂味，辣度適中！另有兩碟涼菜 肉燥娃娃菜配炸蛋，滷豆腐鴨血！如果唔夠仲有自助吧提供既台式肉燥飯，香辣魚皮，杏鮑菇，西瓜番石榴，包你食得滿意！

琴日同朋友去左尖沙咀K11 食Lunch,非常之抵食！ 用open rice book 有85折優惠👍🏻連埋加一都唔洗$170🤘🏻即場其中一位做返個會員仲可以免費食水果🍉、甜品🍮，時令前菜。新會員送左10張優惠卷有幾張係買台式飲品買一送一，非常抵買！Lunch Set: 1.寶島慢煮蕃茄牛肉小火鍋 HKD $88可以選擇飯或者要麵（烏冬）牛肉夠曬淋同好有台灣風味👍🏻2. 老壇酸菜魚小火鍋 HKD $88亦都可以揀飯或烏冬但我就覺得魚分量比較少，可以揀其他套餐試下。套裝會送埋兩款小食🤘🏻

八月份分別同唔同朋友去食飯，Musea分店可以即時享用生日優惠。於是我再約另一位朋友去k11 分店，K11 Art Mall分店職員話要預先訂先有，唔可以即場有優惠，我哋完全唔明白佢咩意思，我哋已經預先訂位，都話無優惠！！另外用apps 落單叫飲品，我已經叫咗2杯5分糖的大紅袍奶茶，但係訂單系統出錯咗一杯是全糖，同女職員反映。完全冷冷的無反應，我要自動問佢拎冰，怎知唔係碎冰！係大大舊用作墊牛肉嘅冰！就係呢一餐飯，我可以同湊湊火煱劃上一個句號。

今日經過見到推出咗午市套餐，80幾蚊就有半自助餐，可以食一人小火鍋，仲可以加一杯台式飲品。抵，即試！自助餐區有前菜、生果，個辣魚皮好惹味😋小火鍋仲可以簡烏冬/飯，岩唔同人口味養顏女士推介經典紅顏花膠雞小火鍋（$88），可以補充下骨膠原。而鍾意開胃啲可以簡寶島慢煮蕃茄牛肉小火鍋（$88），哩個蕃茄汁夠rich, 配鳥冬一流而最讚一定係呢度嘅台式飲品，最出名係大紅袍珍珠奶茶🧋，想健康可以少甜少冰，仲可以加燕麥粒，飲完都冇罪惡感。最尾又可以去返自助區食飯後果，抵食又滿足。

翻工食午飯時間一定唔夠時間食自助餐，半自助呢種就好岩上班一族去食午飯。係尖沙咀呢間湊湊鍋，就有台式半自助午餐，性價比極高，自助部分有果同小食，個小食我超級愛，係魚皮同菇，味道辣辣地超開胃。老壇酸菜魚，連你鍾意食辣都覺得好辣，不過送飯或者烏冬都ok，啲魚肉好新鮮，仲有唔少酸菜。經典紅顏花膠雞，個湯好結身好有膠質，撈落烏冬食好好味。啲雞肉都幾嫩。$88食到呢高質既午餐非常開心，而且又坐得舒服，食飽仲可以食水果。