港澳義順牛奶公司

營業中

休息中

来港这几年一直听朋友和各种平台的美食博主们推荐和评判义顺牛奶公司，对这个名简直耳熟能详，但也一直没有时间特地去品尝一下。这次朋友过来玩，在铜锣湾偶遇了这家新店，心想着终于有机会见识一下这里的美食和传说中“特拽”的服务了店面很新，装修的风格在周遭的店面里显得特别出众，里面当然是座无虚席，碰上高峰期在门口排队等候也是常有的事儿我们到的时候刚有客人吃好离开，所以算是蛮幸运的菜品很丰富，但我们只想吃驰名双皮奶飞快下了单，服务员态度也都很好，普通话广东话切换自如并没有传说中的“狂拽狂拽的”上菜速度很快~ 双皮奶看到的第一眼就觉得“就是这个feel” 可以很明显的看到双皮奶表层结着一层厚厚的奶霜那种厚重感一下就可以让你爱上! 浓郁，香甜，适中! 果然名不虚传~ 感觉值得一试!

其實呢次係🐰小編第一次食雙皮奶 所以都唔太識形容 (戴定頭盔先🤡) 呢個雙皮奶牛奶味幾香濃 面頭有一層膜 底下係熱辣辣、滑lulu嘅燉奶 幾jeng🤤注意⚠️：凍嘅會冇咁滑- This is my first time to eat the Double-layer Steamed Milk Custard🐰. So, it is difficult for me to judge whether it is good or not. Personally, I think the milk flavour is rich. There is a firm film on the surface, below is the smooth milk custard. It is yummy.🤤Reminder⚠️：less smooth for the cold one-價錢price：$36地址address：義順牛奶公司Yee Shun Milk Company (Yau Ma Tei, Causewaybay, ...)性價比CP value：🤤🤤🤤⚪️⚪️飽肚fullness：🤤⚪️⚪️⚪️⚪️

食義順又使乜過澳門啊？以前去開油麻地嗰間唔知仲係咪度呢🤪做完嘢路過銅鑼灣一個人又費事坐低食買個外賣屋企慢慢嘆👏🏻👏🏻👏🏻其實淨係揀個燉奶都好難揀因為選擇都幾多😍依四款都好想食雙皮燉鮮奶/薑汁燉鮮奶/冰花燉雞蛋/咖啡燉奶其實前三個都食過我想試吓咖啡燉奶但係我對薑汁嘅喜愛實在太濃烈我都係揀左薑汁燉鮮奶😋門口位個雪櫃已經整定左好多外賣嘅燉奶所以好快手，只需排隊比錢就拎得外賣需要加一蚊⭐️盛惠$38回到家開始品嚐，分量唔算好大盒佢唔係燉到硬身既狀態燉奶好滑似係凝少少嘅奶，薑汁同奶味都好出下次要試埋個咖啡味先☕️

本局長與副局長吃過酸辣米線後，只想吃口甜品一洗口內濃味，途經本局長求學時期的所愛義順，遂與副局長入內緬懷少年時代之青蔥歲月。本局長與副局長分別點下凍雙皮奶及凍朱古力燉奶。雙皮奶奶香味濃，冷度適中，薄薄一層「衣」下面的是口感幼滑的奶。朱古力燉奶香甜可口，副局長形容，與童年雪條朱古力味牛奶樂味道甚為相似，本局長淺嚐後大表讚同。總括而言，義順雙皮奶依舊好吃，也許本局長回味的不是雙皮奶，而是少年時那已一去不復返的青春歲月。

Weekday 嘅 late evening, 阿仔一向超鍾意凍雙皮奶，兩個人一人叫左個雙皮奶，一啲都唔滑，又”鞋”又冇味，同其他兩間分店比真係差太遠。職員態度都算幾差，成店都係空枱都唔俾人坐。佢其實仲有卡位，又命令我地兩個大隻佬如果要坐卡位就只准坐一邊，我回頭睇，有二人”旅客”幾個shopping bag 咪又係霸晒成個卡位。唔坐單邊卡位，就係要我地兩個人逼喺門口張八人枱剩返嘅中間兩個空位，我地一人揹著個背囊坐得勁唔舒服，真係貼錢買難受！平時去九龍，阿仔通常食三碗雙皮，我食兩碗，今次一人一碗，一分半鐘走人，放低$72，永遠冇下次！永遠 blacklist !

撞正Sogo感謝節，銅鑼灣水泄不通，街上堆滿左一箱箱嘅貨物，旅客拎著行李箱穿插，好不容易黎到義順牛奶公司前面，可能個個去掃貨，兩位堂食唔洗等就入得。可能個個去晒shopping，餐廳有空位唔洗等，坐低左好快就每人叫左一碗招牌雙皮奶。同朋友一直爭論：究竟熱定凍好食呢？我就覺得熱嘅滑好多，奶味亦濃郁好多，殊一聲就滑左入口，不過有人會覺得熱牛奶有種臊味，唔係個個啱。不過我返到屋企之後...就肚屙...唔知關唔關事呢...始終平時冇飲開奶...一食咁濃嘅奶就... 肚疼都抵呀！哈哈

雙皮奶無奶味，水汪汪，仲帶啲酸既! 未試過咁渣，唔好話其他糖水鋪，我自己燉都好食過佢。另一碗朱古力燉奶，一樣酸既，想用朱古力粉蓋過難食既味道，但無用，阿仔食幾啖想嘔。$36, $37元一碗，咁既質素，貼錢買難受。我懷疑佢根本唔識整燉奶，未曾食過稀既燉奶，稀得尼仲要唔滑，隔離街鋪仔都好食好多。以為我唔好彩啦，因為小時候既回憶係好好味，但原來openrice 咁多劣評，先知真係中伏，佢越做越差。因外賣回家，十分鐘路程都費時返去換，最後咁就掉哂! 贈大家6個字 -- 不可一不可再!

港澳義順牛奶公司 我細細個就識, 講到食"奶", 真係唯佢獨尊可惜已經愈見愈小, 要多多支持下佢, 唔好等依個傳統味道失傳先得位置位於銅鑼灣駱克道, sogo 後街, 好易記環境依然同細細個黎既時候係一模一樣, 舊派既冰室design一碗碗燉奶, 滑o都o都食物: 木瓜奶木瓜鮮打, 好香濃, 好fresh, 無加水架!!!真材實料餐肉通餐肉煎香過, 配上闊通, 好掛湯, 有心思朱古力燉奶朱古力味濃, 面頭仲有古力粉, 一啖啖朱古力奶食入口, 好幸福

行行下街見到，醒起好耐無食過，即管試返碗回味下，點知中伏了。兩個人入去本身就淨係想試吓個雙皮奶姐，點知佢話每人都要消費，否則要比$15服務費，OK，咁叫豬扒包試吓。燉奶：唔會太甜，但奶味唔夠，而且冇之前咁滑。豬扒包：個包應該有岩岩烘過，微暖而且略脆。塊豬扒都唔會好乾，而且唔會好硬，但好似無咩腌過咁，無味嘅😑服務：好一般。味道：好一般。咁樣$77，值唔值得就自己諗下啦。建議如果真係想試，買個外賣就算喇。

我第一次食義順係係澳門，當時我覺得佢無咩特別，味道普通，價錢又唔係特別平，所以係香港一直都無話特登去食。直到琴晚朋友話好想食，咁就陪佢食，係香港店原來有朱古力味！😍😍朱古力味勁好食，又滑又濃😍😍搞到我心思思又想過幾日再食！

平時喜歡飲木瓜牛奶，喜歡佢夠凍和好味，今次如常叫了一杯，可是這杯帶有苦味的，是正常的嗎？由於我真的從未飲過苦木瓜奶，所以飲了一啖，就立刻通知服務員是苦的。服務員教我加糖就唔苦，多謝佢教我呢個秘訣，原來木瓜奶苦就加糖。位於銅鑼灣旺區，很多人會幫襯，希望可以做得更好，人客來吃東西的，不是來被你們玩弄的，食物有多美味都會被員工的態度影響整間店舖，看見有買外賣的客人進來，就立刻叫人出去出面叫，收錢位置又亂，叫外賣的和付款走的人堆埋一堆，一個亂字

在這點了紅豆雙皮奶（$40 一碗）及紅豆燉雞蛋（$32一碗），兩款都是甜了熱吃的。可是在來雙皮奶的時候一點都不熱 在寒冷的天氣 中式甜品還是來得及時 沒有弄熱便呈給客人 能稱讚的就是兩者味道是好的

非常出名既茶餐廳。位於銅鑼灣既雙皮奶，深受遊客歡迎，有時落堂黎食都不乏會見到有遊客光臨。呢間係出哂名既老字號，所有食物都整得勁好食。首先一定要介紹呢度既雙皮奶，佢既用料係北海道3.6牛乳，淨係用料已經感覺到與別不同，完全感受到佢既認真製作，個人覺得雙皮奶塊皮最好味，感覺係牛奶既精華都係哂裏面，之後下面既燉奶，佢係整到岩岩好咁，介乎固體與液體之間，每啖都係入口即溶，而且充滿奶味，十分美味。呢度既雙皮奶有好多款式可以加紅豆等等各樣野，不過個人都係慣左食熱既雙皮奶。另一樣要推介既食物係豬扒包，同樣十分出名，熱辣辣既豬扒配上香脆既麵包，每次黎都必點，十分推介。

年尾仲有兩日就過年，同啲friend食完飯去搵甜品食，咁就行過呢間義順牛奶啦，其實我一路無食過。其實佢地做埋呢晚就收爐過年架啦，所以只係得番香濃朱古力燉奶。咁無得揀啦，就叫左個朱古力燉奶。佢個朱古力燉奶呢，仲有啲朱古力粉係面。咁事實上就真係幾軟幾滑，不過我自己就覺得甜左少少，朱古力味道方面都真係好香濃，感覺好似朱古力奶。份量就一般啦，正常甜品size。不過37蚊，我覺得真係貴左d。未食過嘅話試吓一次都無妨。

小編其中一樣好鍾意食嘅糖水就係燉奶。以前放學或者行街有時都會去義順食返碗雙皮奶。以前覺得唔貴，廿零蚊食到碗大大地嘅雙皮奶。不過隨住年月，價錢越黎越高，涵就越縮越細。近年應該係比旅遊書介紹得好勁，成日都好多人，尤其係遊客。入面啲阿姐都唔憂做，態度都幾差。碗雙皮奶係唔錯嘅，面頭係有浸皮食倒，入面都唔會太甜，有奶味，而且都夠熱。不過宜家食幾啖就冇左，成三十幾四十蚊碗，認真唔抵食呢啲頹食反而唔太貴，不過味道就一般啦，冇事都唔會特登走入黎食😂