温野菜

營業中

休息中

當日用apps提早拎左 飛去到岩岩好宵夜時段有七折優惠👍🏻老實講香港既溫野菜第一次光顧以往都係去日本旅行嘅時候食估唔到質素都非常好疫情期間冇得去日本大家都可以享受到日本食物嘅質素當中最欣賞佢既蟹非常鮮甜係必叫之選另外一款豬肉芝士丸亦都非常出色時間許可提議大家九點後去七折優惠扺食🙌🏻🙌🏻🙌🏻

食肆陸續重開，即刻諗到嘅係好想打甂爐🍲，不如搵個一人一爐比較穩陣。日式火鍋料理溫野菜開咗咁耐都係第一次食，在又一城夜收工想搵嘢食都唔係咁多選擇🥺.每人一款自選湯底，揀咗「🍄松露湯」同「🌶蒙古炎鍋」，各有特式又夠香，唔係任飲任食，每選食物都算是高質，不過份量唔多，宵夜7️⃣折咗都唔算平，不過勝在精美同質素😏.🍄🍚野菌雜炊💬介紹一下呢一個係可以將湯底加入白飯同餸菜變成一碗日式嘅湯飯咁，名為「雜炊」，又濃郁又飽肚，可以一試😌

今日要同大家介紹中伏系列！！🤬是咁的，平時我都係半個溫野菜打手因為佢個下午茶真心抵食，咁不嬲都食開豆乳湯但豆乳湯要加$20啦 又窮又肥的我就諗住算啦不如叫返d唔洗加錢湯底就叫左個昆布湯！ 原來個昆布湯係一堆海草加水 真係哭左成晚！！ 係水呀！係完全冇味！！！ 真係想向天尖叫20次 鄭嘉穎式大叫：呀呀呀呀呀！！！呢個故事教訓我地：平野冇好野😡😠😤#醉愛中伏#壞過凱婷#你一次過食唔食到2條海草呀 #2條喎

Came here at 3pm and there was no queue, finally! Maybe also because of the Covid situation. My partner and I ordered one lunch set to share, among other ala carte dishes. I especially got my partner to try with me because I've had this before and this is my 2nd time at Ya Onsai.This time I ordered the herbal soup as I wanted to try something new. Ehhh, I'd suggest to stick to my previous order of tomato soup. We were not very used to this herbal soup taste as it had a strong cinnamon taste? Don

上個月同朋友食左 溫野菜💛 binlo lunch🥬疫情之下 都驚變打邊爐家族 好彩溫野菜每人獨立一個鍋而且食物都係分好左一份份 食都食得安心啲😊我地兩個人每人叫左個假日午市定食😋—————🥢丹麥豚 • 雞定食 ($158)丹麥豚腩肉丹麥豚梅肉丹麥雞腿肉🥢美國牛 • 英國牛定食 ($188)美國牛肋肉美國牛胸腹肉英國安格斯牛肋肉—————🥬🍅 每個set都有塩醬麻香椰菜, 溫野菜盛合, 免治雞肉, 白飯/烏冬本身個set係跟昆布湯 加$10可以轉其他湯底🍲減緊肥既我表示打邊爐要食菜先😂昆布湯都真係幾清 真正係食食物既原汁原味 啲菜都幾甜幾新鮮肉方面每份都有大約5片肉 自己最中意豚梅肉 同 安格斯牛肋肉😋 油脂分布平均 牛味重 overall食落又唔會un🥰沾埋柚子汁加埋蘿蔔溶 唔會有平時打邊爐既油膩感☺️食埋個烏冬都幾飽🥰 呢個set都幾抵食不過下次應該會試多啲唔同種類既日本蔬菜🥬😋

之前成日見到溫野菜好多人推介，成日都大排長龍，搞到我都好想試吓，近日有個好鐘意打邊爐嘅好朋友生日，所以一致決定嚟呢度打邊爐。好彩我哋有事先book左位，如果唔係就有排都未入得去食。去到同職員講我哋book咗位，好快佢就帶咗我哋入去坐低。入邊環境都唔錯，張枱都幾大，可以放多一些食物。我哋總共有四個人，大家都叫咗唔同嘅湯底，分別有鰹魚湯、豆腐湯同埋蕃茄湯。個人認為堅魚湯最好味，開頭清清地，但煲到最尾嘅時候有啲似壽喜燒，啲火鍋材料都算新鮮，但可惜份量唔多。

温野菜開咗一段時間，今次終於食到！啲牛肉同雞肉比起其他日本火鍋放題高質好多，非常嫩滑，肉同肥膏嘅比例好好，而且價錢不算貴。Set Lunch 有包一碗飯或烏冬，我去嗰日仲有雞軟骨送，好好食!!推薦: 美國牛肋肉&熊本豚肉眼!!我加左$10轉壽喜燒湯底(包一隻蛋)，味道較原味濃，值得加錢👍🏻👍🏻但係魚蛋嗰啲小食要逐個加錢，可能會冇咁抵，所以如果大食嘅話(好似我咁)，一個set lunch可能會唔夠飽。🤣

今日起身遲咗，同另一半考慮緊去邊度食，其實我知道佢唔鍾意打邊爐，但係我無端端問佢今日不如去打邊爐好唔好，佢居然無端端應承我，咁我即刻叫佢快啲出門口。今日假期去到嗰陣時都有好多人排緊隊，我哋大概等咗半個鐘左右就入位，同之前一樣呢度嘅服務做得好好，每行一個地方都提你小心，而且仲提供一張紙俾我哋包口罩。由於今日係午餐嘅關係所以呢度有午餐俾我哋選擇，一個牛肉一個豬肉，我就唔係食家我好難俾意見，但呢度食物嘅擺盤同埋賣相都唔錯，當然啦佢呢個價錢係偏貴。其實咁多種湯底最好味一定係壽喜燒，其他湯底我都食過但係呢個係最經典，今日我哋食夠$300所以可以免費玩一個鹿兒島黑毛和牛肩脊肉，呢一個牛肉食落去好軟熟，好有牛味，但我始終覺得如果打邊爐嘅話用戶口唔係咁合適。另外呢度每色各$200嘅話會送一張$50嘅現金卷俾你下次用如果係會員嘅話就值得嚟食，但如果唔係會員嘅話要比正價嘅話我就覺得有點貴。

好耐冇食過呢間火鍋店，我記得幾年前都係喺九龍塘呢間食佢嘅火鍋，當時已經覺得呢間火鍋店性價比好高，雖然佢價錢同任食嘅打邊爐差唔多，但係無論肉類同埋裝修都好過同系列嘅水平。今日送完老婆返學，難得一個人又唔知食乜嘢，咁就再次選擇呢間火鍋店。記憶之中佢嘅日式壽喜燒燒係好出色， 所以我今次都選擇左呢一個湯底。日本火鍋湯底同香港火鍋嘅湯底係完全唔同，日式火鍋一般係都沒有任何食材，而呢一個湯底係有日式豉油，日式味琳，砂糖同埋清酒炮製而成，當然每一間餐廳嘅配方係有少少不同，但基本上都係上面嘅材料，要求高嘅可能會用鰹魚代替清水。我並不是一個識飲識食的人，我只可以憑我自己嘅直覺去判斷好唔好食，佢呢個湯底其實我喺其他放題店或者日式火鍋店我都食過，相比起其他店舖呢度濃郁好多，定係其他店舖做得好差？今日我叫咗一個叫做英國安格斯牛肋肉，食落去肉質鮮嫩，但睇得出應該係廚房一早切好，因為上枱嗰陣時已經見到少少血水，呢度會影響埋上少少扣分。另外我都嗌左一個叫做熊本豚肉眼，反而有驚喜，豬肉配上芝麻醬簡直一絕。另外因為我係會員嘅關係，食夠$200再送一個野菜五品盛盒，連埋一個烏冬，便成為一個豐富的晚餐。現在因為佢哋做緊推廣

另加錢仲可以簡和牛，yummy肉質有D霉既感覺，但又唔係變壞，怎麼說好呢，怪怪的柚子湯底都唔錯，清清地，帶點甜甜酸酸， 自我感覺冇咁肥膩真心辣， 建議食左蔬菜先， 如果將個蔬菜放到最後先淥， 蔬菜會圓圓整整咁吸收哂個湯既辣味（ 但如果你係高玩，就當我冇講過拉）可以俾你隔住D 湯食烏冬，幾貼心！ 唔知係咪個個套餐都有兩隻蛋， 醃得幾好食， 唔係死實既鹹味唔洗你特登叫多汁， 佢已經俾足夠你， 但個sauces 味道一般唔算好辣，又唔覺得好香， 一般茶餐廳都做到依個質素

同系列的食店已經試了「牛涮鍋」、「牛角」，今次嘗試格調較高的「溫野菜」。過程尚算貼心。我表明只有自己一個人揸車，唔方便去店鋪取貨，服務員都樂意話可以攞出來落客處（不過到步後，因為溝通過程太麻煩，我都係自己快手快腳衝落去攞了）以然人山人海。2人餐有半價，另外追加了 75折的佐賀和牛。食物一袋裝得晒。正價$199的佐賀和牛，其薄如紙。4片只有共約80g。不過脂肪分佈均勻，食落鬆化，係好嘢。美國和牛肩脊肉 + 丹麥豚梅肉 - 牛肉夠肉味，無之前果份咁薄，口感較佳。豬肉就唔係好掂，無味無道，肥肉過多。帶子/白蜆 - 唔新鮮！啲蜆好多都開晒口，食左兩隻唔敢再食。帶子亦係一般貨色。野菜五品盛合、葛絲、蟹柳、福袋。質素高但份量少。烏冬。全家福。整體來講質素比另外兩家高，擺設都靚啲。份量明顯細，我地已經係非一般嘅細食，都唔夠飽。性價比無「牛涮鍋」咁有驚喜。以質素取勝，都屬於可以一戰，但適宜自己再加料。

係又一城睇完戲，三點鐘散場，當然要把握機會食溫野菜嘅下午茶啦！兩點半後溫野菜午餐有七折，連價錢嘅湯底同配料都有折！我就叫左藥膳鍋底啦！上菜嘅時候，店員進一個湯包放入鍋內，手上面捧住9款藥材，問我邊一款想加多啲。加咗松子同花椒，松子吸收左湯底嘅味道，非常好味！肉類我就揀咗丹麥雞胸同豚肉眼，因為雞胸用低溫去浸熟所以好鮮嫩，以肉眼就有啲肥，所以就係最後先食，費事令個湯油啦～另外佢個免治雞肉，入面有雞軟骨哎落脆脆哋，口感好豐富。最後當然要叫翻個溫野菜雪糕，黑糖同黃豆粉味道超夾，而且只需要加$10，超低啊！

呢次晚飯黎呢度，主要係因為有一位朋友係素食者，一人一鍋，自己想揀咩食同咩湯底都得，而且仲可以電話訂枱，好方便🥰呢度環境好舒服，枱與枱之間唔會好迫，感覺有返少少私穩度，今晚仲可以坐到卡位，自成一角，可以暢所欲言😚呢度嘅野食除左賣相不錯，而且份量都按返人頭數目，食物新鮮，味道亦不錯，我叫左個骨膠原柚子鹽湯，湯底好好味，飲左好多啖湯😂因為湯底夠清新，食左肉都唔會好漏，菜亦都好新鮮，唔老，好好味下次會再黎食架❤️

難得可以早放一天，二話不說相約友人黎試下溫野菜新推既下午茶set 🥩🥩🥩一直都知溫野菜係sell高質日式火煱，所以價值都唔係太相宜。今次係下午茶時段黎試下又確實有驚喜🤓，你可以揀下午茶set 或者lunch set 都得，lunch set 仲有7折添🤭為左可以試多幾樣野，我同友人各揀左一個lunch set 同tea set share ，d野食多到放滿哂張台😎 有齊哂🐷🐮🐥🥬🥒🌽🥕🥗，一次過試哂，材料十分新鮮仲有少見既紅心蘿蔔。埋單人均消費百多元，十分抵食。

第一次幫襯溫野菜，成日經過都見到好多人，同埋總會覺得係任食，到今日幫襯先知唔係，係單點既一人一鍋！叫左三個湯點，豆乳係其中一個，不過普通，豆乳味唔出，湯底淡。 另外仲叫左和牛湯，同檸檬🍋豚白湯，檸檬豚白湯有少驚喜，味道新鮮幾特別，同埋佢真係有幾片檸檬帶出番檸檬味。.野食叫左好多野食，因為第左一輪野好似無食過咁，完全唔飽！佢每碟都係細細碟，份量唔多。和牛肉眼同豚肉質素唔錯，脂肪比例👍🏻都真係煮一煮就食得！另外芝士燒魚卷同芝士年糕丸幾好多，一咬就會爆芝士所以要小心。最後驚唔夠飽叫左面同飯，豆腐面一般，煮極都好似硬硬地，唔鍾意個口感，同埋食唔出係豆腐整🤦🏼‍♀️ 另外個飯就會等你打晒邊爐，食晒野之後先上，佢都教你點整... 做法幾幾得意不過食落就覺得驚喜...好唔好食應該視乎個湯底係點。買單發現食原來食左好多野，不過佢因為份量細，牛肉豚肉價錢貴，所以買單都貴。整體性價比較高，有點貴，份量小。