温野菜 (又一城)

營業中

休息中

以前溫野菜個位係又一棧，其實又一棧好好多，執左真係好傷心。無咩野食情況下唯有揀間新野，第二次黎呢間，上次散叫，今次叫套餐。套餐有信用卡優惠都算抵，1000唔使3個人食，款式都算多。佢啲菜算新鮮，牛肉豬肉過得去，海鮮就普普通通，黎呢度食係貪佢夠企理，周圍又唔會太嘈，適合4人以下來食飯。講到味道，完全算不上好食，可以話無咩味道。如果想一人晚餐，或者想清清地shabushabu,呢度都算係一個唔錯既選擇。

同女朋友去又一城行開街，佢話晚餐想食多啲菜就試下溫野菜喇。懶懶地唔想要單點就叫咗一人一個A餐($398)原來超多嘢食，一定夠飽。前菜有四款。枝豆，鵪鶉蛋，麻香椰菜同泡菜。泡菜可以同啲肉夾住一齊食。竹輪，魚餅類似魚蛋咁，無特別。豆腐唔夠滑，反而竹筒雞肉有啲軟骨響入面，口感同味道都一流。另外個烏冬係平價烏冬，淥一淥就好食，如果唔係會好易斷。我要咗壽喜湯(加$10)。係甜豉油味，同啲肉類配得啱啱好，唔需要再點其他醬汁。女朋友要咗豆乳湯(加$10)。淥完啲肉同菜都會好滑。每人有四款肉。牛肉片同豬肉片都超級薄，擺落個火鍋到三秒就會熟，其實分唔到邊個部位打邊個部位，但都充滿肉香。雞件不過不失，比起牛同豬肉就失色喇。至於菜，本來以為響大菜單度揀，原來唔係，只有幾款可以揀，連南瓜都無得揀。每樣少少原來超飽，見隔離枱一個鍋五個人食，咩唔係一人一鍋咩？如果下次再去會散叫竹筒雞肉，牛肉片，豬肉片同特色蔬菜。

又一城除左有牛角亦有溫野菜，呢兩間其實係同一個group的，所以一大間再間分兩邊，一邊做燒肉，一邊就做日式火鍋🍲見而家天氣涼涼地就諗住打個邊爐，朋友約了我lunch，一邊行去餐廳時用app攞飛排隊。去到門口見到有好多人等緊，心諗好彩攞定飛，見到下個叫號到我地以為好好彩😚; 點知一直都冇再叫號，店員一定要叫號帶座先入到去。我地見到佢來回左3次都係帶D訂左枱既客人入去。以為之後會到我地，又帶返剛剛過左號碼既客人…😒都算啦，而且每一次入去到要好耐先出返黎。我地12:33到門口，卒之要12:55先入到去。而且店員帶完我地入座仲會問我地係咪第一次來，駛唔駛介紹下menu; 我地好快話左唔駛啦，佢又要開左個ipad畀我地點餐、又要同我地scan返我地個會員証、仲要收返多左個份餐具…😓我地終於明白點解要等咁耐，而且帶位呢位姐姐真係都幾辛苦，有好多野要做，但我地都覺得唔應該咁分工囉! 明明餐廳入面仲有好多位未坐滿，偏偏就要係門口等左超過20分鐘都入唔到座，就算唔趕時間都唔係咁囉…Anyway，一坐我地就9秒9用ipad點左餐，咁好彩佢地上菜都唔太慢; 先黎左兩杯野飲，我地叫左熱柚子茶同埋橙汁🍵🍹之後再

有留意開我熊貓食評嘅朋友，都知我最鍾意打邊爐。今次為大家介紹其中一間我最鍾意食嘅火鍋，就係溫野菜。溫野菜火鍋係一人一鍋，佢有好多款好特別嘅鍋底，我熊貓就鍾意食就係柚子湯。呢個柚子湯非常濃郁，價錢$39牛肉方面，最推薦大家食鹿兒島和牛。價錢就比普通牛貴($189)，但係都好值得試。呢度嘅環境都幾舒服，唔會俾人好迫嘅感覺，所以好適合情侶或者朋友過嚟食晚飯。雖然溫野菜較她的同集團嘅其他餐廳貴，但真係非常好食，物有所值。

由拎位到入座時間唔洗5分鐘Lunch Time黎講係超快由入門口到坐底都有人帶住用ipad取代手寫單出錯👍🏻👍🏻👍🏻說話速度略快，有點聽不清落單後，上菜頗快有兩款醬汁芝麻醬——口感比較重身，膩一點柚子汁配蘿蔔蓉——比較清新鹽辛薯仔配魷魚沙律醬New try幾特別，好味道丹麥皇冠豚梅肉——入口嫩滑丹麥皇冠豚肉眼——入口嫩滑竹筒免治雞肉——可能煮得比較耐有啲老豚肉餃子🥟——入口嫩滑蔬菜魚餅——有咬口烏冬——煮左好耐都唔會好林同唔易斷紅豆雪糕夾餅——不算很甜，夾餅脆口第一次食紅心蘿蔔幾特別結帳後還有糖果送，唔知係咪臨近萬聖節呢？

今日突然戚起條根好想打邊爐係咁search OpenRice睇吓有咩邊路好食呢個時候溫野菜會員嘅同事就出現提議我試吓溫野菜記得最近收過email匯豐咭有優惠今日又係happy Friday 收工就同老公去又一城分店食我哋6:20去到又一城心諗咁早應該唔駛等掛點知去到餐廳外面已經見到有人咁緊飛即刻用個會員Apps禁飛金會員仲可以排快線㗎等左5分鐘到就可以入去坐我哋叫咗個匯豐二人前套餐淨係肉都每人有三盤分量可以話啱啱好朋友大推嘅柚子骨膠原鍋老公揀嘅藥膳鍋侍應會攞個九宮格出嚟續啲續啲執啲落個碟度之後先倒落個鍋度肉嘅質素係唔錯嘅不過覺得其他唔係肉嘅配料有啲到喉唔到肺同埋價錢就貴左少少真係要特別日子或者啱啱出完糧先好去食啦

知道有呢間餐廳好耐，但成日都見佢大排長龍，果日同朋友經過見到冇咩人就入去試下！佢主打嚟自日本嘅蔬菜所以叫溫野菜，我哋叫咗個拼盤，有幾款菜，係新鮮同好食嘅，而且有好多平時好少見嘅種類！配埋豆乳湯嘅湯底係唔錯，但份量真係唔多而且都要六十幾蚊，所以其實計落都幾貴！叫左2個竹筒免治雞肉，佢有幾款味道，係幾好食，仲叫左其他配料好似餃、年糕、豆腐果d 咁，但都係果句，全部份量都勁少，所以真係貴夾唔飽😥！下次都真係未必嚟！

今日提早收工，便來到九龍塘的溫野菜食一個早鳥優惠當晚飯。這個時間有套餐選擇，套餐由$88至$200蚊左右，今次揀左$88既雞肉、豬肉套餐及$108既美國牛肉套餐。重點係1800前來吃都有7折優惠。現代人很少煮飯，小弟都通常起街食飯，但為了健康，我都會要求均衡飲食，呢間就很符合。首先一盒新鮮蔬菜，有紅色白蘿蔔，有各類菇菜及白菜，每樣都很鮮甜。吃完蔬菜，有兩盒肉類，即使價錢便宜，但肉味還是很夠的，然後套餐還包了烏冬，所以都夠飽。另外套餐可加$10有甜品食埋甜品就岩岩好。

繼上星期去左牛角，今日又試埋同一集團既溫野菜食午餐。(因為有會員卡有9折抵好多)佢基本上營業模式同牛角都幾似，都係用ipad點餐，午餐既價格都好相宜下，我同女友都係點豚、雞定食套餐，88蚊已可以自選兩款豚肉或雞肉，當然會有野菜盛合，可以揀白飯或烏冬，另外又會有個鹽辛薯仔、同飲品，都算幾豐富。當中你仲可以揀湯底，我就揀左蕃茄湯底 (加10蚊)、女友就食返原味既昆布湯。用ipad點左餐冇幾耐就有店員拎兩個湯底黎。原味就會配返蘿蔔蓉，加左個柚子醋都唔錯。另外仲有芝麻醬可點。上菜都上得幾快，個湯都未滾其他既菜、肉、白飯等等都到了。先講個小食，鹽辛薯仔咸咸地幾好食，不過個千島醬就有D濃味。女友就索性等食完先食，怕食左飽左其他主食食唔哂。佢用既盆剛好可以重疊，上面個層係菜、中層就係豚肉、下層就放雞肉，咁樣唔會太浪費位置，幾好既設計。D蔬菜都洗得好乾淨同埋都有好多款下，有小棠菜、黃芽白、菇、蘿蔔片等。仲有個雞滑都幾好食 (佢叫做竹筒免治雞肉)，連埋碗飯，女友最後真係食唔落個個薯仔小食，哈。而且每一份肉都唔少，好似我叫左個梅肉都有6片，加埋D雞腿肉都真係好夠食，想像唔到再貴D既餐個份量更大可以點食!

第一次寫食評，我都唔想係寫惡評😰第2次食溫野菜，食物質素其實好好。上至啲肉類下至啲蔬菜，都睇得出係精緻嘅貨色，唔係hea俾你。但係服務就…🤦🏻‍♀️首先我訂位嗰陣講明幾多人，佢問我介唔介意share爐，因為我哋都有小朋友，咁就話唔介意。點知到食嗰日confirm booking，先話我知即係8人要坐6人位，仲屈我話之前「應承咗」😡我話你哋話係share爐，無講話等於我要8個逼埋6個位喎！佢就話「唔關我事，唔係我幫係預約架」，身為客，我聽到覺得好唔專業，我唔會理你邊個幫我book，總之你而家係代表你間食肆打嚟🤦🏻‍♀️最後佢arrange番俾我，但係佢講嘢有骨嘅態度已經好打折扣！到嗰日arrange咗6人加隔離2人檯俾我哋，食到7788，但時間仍未過個限時個半鐘，隔離2人檯嘅家人行開去廁所，轉頭竟然執晒檯叫客入嚟，我哋係見到有人嚟坐話：「點解個位仲有個袋嘅？」我哋先嗱嗱臨唔好意思攞番啲袋埋嚟😰點解執張2人檯之前同我哋講聲confirm啲人走咗未都無？食物質素幾好啲服務咁就超趕客，收咁嘅價錢仲貴過我去貴價火鍋專門店😡

溫野菜和隔離的牛角常常也大排長龍，通常排長龍的餐廳我都唔會幫襯（一寸光陰一寸金嘛）今次光顧，因為有時間，反正約的朋友未到，又唔係太多人，即管等等吧！我由1850等到1915入座，朋友1930到，good fit帶位小姐非常有禮殷勤醒目，這個第一印象非常好介紹清晰之餘還細心照顧到我未到的朋友，感謝餐廳環境基本上大而闊落，暗暗的又有板隔每一檯很有私人感覺以電子自助落單也方便是晚豪點了匯豐卡優惠，大吃安格斯牛、日本豚、黑毛和牛還有野菜、帶子、烏冬etc. 非常豐富食材亦新鮮美味！ 醬汁亦很配合惹味！湯底一人一鍋，分別點了番茄鍋和柚子鹽鍋。兩個人大快朵頤，實在暢快！ 老實說所有晚餐或信用卡優惠餐都不是便宜，不過吃靚嘢都可以接受。如果晚餐可以包飲品或包湯底會感覺抵些。個半鐘其實唔夠，不過平日人不太多也沒有趕我們走。終於兩小時多才吃得完食飽傾夠，非常滿足的一晚！

超人氣火鍋，不過隨著分店多了，熱潮亦較一開始減退一些，終於可以趁機一嘗。這晚提早訂了枱，只要齊人便可以進入，完全不用等，或者用App先取票也是個好選擇。店內空間挺大，不過2人桌放了各一鍋，放了一桌食物，還是略嫌窄了點。（相片是一人餐份量）Menu有好幾個套餐，多是包含較優質的肉類，當然也可以散叫，主要以平板來點餐。猶豫了好一陣，點二人餐價錢不便宜（粗略估計要每人5百多），份量似乎很多，於是先點一人餐試試，（如圖，另加一個湯底）肉類有4碟，蔬菜1大碟，魚蛋之類加上幾個前菜和烏冬，份量實在很足！味道方面，湯底夠濃味挺好喝，加湯也會加上本來的湯，有誠意。自己比較深刻的是，雞肉很滑很好吃，菜很新鮮，那個以為是蝦滑的東東，原來中間有軟骨，十分不錯。醬汁則有麻醬和帶微酸的醬汁，很搭肉類，吃上去少點油膩感。飲品選擇不少，酒精類和非酒精類都不乏選擇，欣賞此店加入了走飲管行列限時90分鐘，又是令人意猶未盡，再點菜又好像太趕... 如果限時加長一點會更好吧，畢竟光顧火鍋店除了吃，聊天吹水也是重要環節啊。

中午有點肚餓，突然心血來潮，好想食shabu shabu😍😍🥘🍲諗住搵下身處位置附近有冇邊間可以食啦，一睇！「溫野菜」🙀🙀🙀唔洗諗喇，食！係日本食過好多次，都覺得真係好好食。。因為係放題，又有好多唔同品種既蔬菜可以揀🌽🍆🍅🥦🥒🥕🥔🍠同埋我食過一個口感有啲似mochi ,有南瓜🎃，蕃薯🍠仲有一個味唔記得左，我問啲員工有冇呢個餸，佢地都話未聽過同埋唔知係乜黎，可能已經冇左嚕👁👁

和朋友聚會，因為有會員優惠，送和牛一客，所以去了溫野菜。座位闊落，坐得舒適，一人一鍋，我們分別要了藥膳湯、骨膠原柚子鹽湯和鰹魚湯。藥膳湯很香，適合淥蔬菜；骨膠原湯適合肉類，鰹魚湯就適合在最後煮米飯。蔬菜很新鮮，紅心蘿蔔好吃，還有很多特別的菜，忘了名字，味道都很好，只是量很少，散叫很多碟蔬菜，最後拼在一起送來，加上淥完後縮水，每種蔬菜三人分，每人不過一啖左右，感覺不化算。贈送的牛肉嫩滑，豬肉和雞肉也不錯，蝦肉餃子的蝦肉很冧，不是像蝦膠那般彈牙的質感，我覺得不好吃。兩款醬料沒甚麼特別，很差，我很少點。晚餐，每人大約$200，吃得不算很飽。以這個價錢來說，我覺得一般般吧。可以有其他更好的選擇。

呢排成日食串燒、燒肉等，有D內疚所以今日中午想去食得健康D😇於是就黎左「溫野菜」食啦，冬天時一食lunch呢間就會好多人🤨而家夏天就少DD，但都唔會冷清清咁。同事book左枱，所以唔駛等，而且佢係member，好似有9折，即係免加一啦，好似幾抵咁🤓🤓入到去都覺得環境幾好，都幾大同樓底高，唔會好大陣火鍋味👍🏼呢間同牛角一樣都係用電子餐牌，都算方便，唔係太難用。我同同事都係揀 $88的豬🐷雞🐣午餐，即係可以任揀兩款豬或雞的肉。可以自選湯底、飯或烏冬、飲品、另外可以加錢再選擇甜品。我同事就加了$10要了蕃茄湯底🍅我就加了$10點了雪糕🍦送餐的速度都幾高，我們點了不久就有店員將印好的單據來對一下，然後湯底便送來了。這裡都是一人一鍋，適合和朋友或同事來吃飯，夠哂衛生💁🏼‍♀️我點的昆布鍋雖然很清💆🏼‍♀️但佢有附上蘿蔔蓉可點埋柚子醋食，結果食落好開胃👍🏼主菜很快便來了，午餐配兩款肉份量都好足夠，用了三層式的碟疊起，上面是菜、中層和下層就是自選的肉。我和同事都不約而同選了雞腿肉和豬的梅肉，睇落去都好靚。菜的款色本身已有不少，又有小棠菜和生菜🥗🥗亦有紅心蘿蔔片、亦有菇。而且有一碟叫塩辛薯仔的小食，是有三