温野菜

營業中

休息中

今日起身遲咗，同另一半考慮緊去邊度食，其實我知道佢唔鍾意打邊爐，但係我無端端問佢今日不如去打邊爐好唔好，佢居然無端端應承我，咁我即刻叫佢快啲出門口。今日假期去到嗰陣時都有好多人排緊隊，我哋大概等咗半個鐘左右就入位，同之前一樣呢度嘅服務做得好好，每行一個地方都提你小心，而且仲提供一張紙俾我哋包口罩。由於今日係午餐嘅關係所以呢度有午餐俾我哋選擇，一個牛肉一個豬肉，我就唔係食家我好難俾意見，但呢度食物嘅擺盤同埋賣相都唔錯，當然啦佢呢個價錢係偏貴。其實咁多種湯底最好味一定係壽喜燒，其他湯底我都食過但係呢個係最經典，今日我哋食夠$300所以可以免費玩一個鹿兒島黑毛和牛肩脊肉，呢一個牛肉食落去好軟熟，好有牛味，但我始終覺得如果打邊爐嘅話用戶口唔係咁合適。另外呢度每色各$200嘅話會送一張$50嘅現金卷俾你下次用如果係會員嘅話就值得嚟食，但如果唔係會員嘅話要比正價嘅話我就覺得有點貴。