淥鼎記

營業中

休息中

又到火鍋季節啦，如果想同朋友簡簡單單食一餐，又飽肚又可以吹下水嘅話，火鍋任食真係超好嘅選擇，食得多都唔會肉赤😆。講起火鍋任飲任食，觀塘區 淥鼎記真係我嘅火鍋飯堂🤭，食過好幾次，佢地嘅食物質素都唔洗講係有水準架啦👍🏻，今日黎到原來之前要加錢嘅酸菜魚，今日都有免費😋。例牌會有四小碟，麻辣手拍青瓜、鹽酥雞、鴨血、糊椒豬肚。鹽酥雞做得唔錯，炸得又脆又乾身😋酸菜魚，份量都好足，魚片好滑身，全部都係冇骨，食得好放心，酸菜湯底味道酸酸辣辣，好開胃惹味，底部仲有好多萵筍片、仲有粗片紅薯粉。Order左豬骨湯底，齋睇果三舊大豬骨，真係好有睇頭，最大果舊豬筒骨，真係大過隻拳頭👊🏻，側邊嘅軟骨真係充滿骨膠，非常正。肉類呢幾款我不停order，牛肩胛、黑毛豬片、羊肉片；牛肩胛最有咬口，牛味都唔錯，蘸點麻醬食一流👍🏻；黑毛豬片，爽口彈牙，又有肉鮮；羊肉片，帶些小羊羶味，肉味鮮甜。蝦丸、墨魚丸、鯪魚球丸，全部都係手打，非常爽彈，呢幾款都係今晚唔停咁食。其他出邊嘅火鍋配料都有好幾十款，仲有汽水，竹蓆水任飲，今晚個小寶套餐$238，加埋一人均都係$250左右，我覺得非常超值👍🏻。下次約齊多幾個朋友，要食埋爵爺套餐😋

淥鼎記係觀塘區都出名的無限時火鍋任食 ， 地點都方便。 餐廳佔地都幾大， 今日星期五坐冇虛席， 所以記得一定要提早訂位， 否則未必有位。 侍應姐姐都好有禮貌， 一坐低就比餐牌我地簡咩套餐， 我地唔夠4人 ， 只好簡爵爺套餐， 上菜速度好快。 自助飲品區有冷泡茶 同 竹蔗茅根👍🏻👍🏻酸菜魚唔錯，刺身都幾新鮮，牛小排好味， 自助區有鵝腸，牛柏葉， 魷魚，淮山，萵筍，好多唔同款式嘅丸類， 蔬菜都幾新鮮。 如果有大食嘅朋友， 係唔錯嘅選擇， 另外都係同朋友吹水聚會嘅好地方！ 無限♾️時首選次一👍🏻👍🏻

椰子雞，第一次試，原來湯都可以咁香，12:00有熊仔奶茶🥤早茶點心都還有，烤魚其他跟著都可以吃到。真係滿足，之後和朋友都會，一如既往再來，哇，錯過飯點時間，以免排龍太長，人潮洶湧

本人透過openrice 預約午餐，職員當時有核對OpenRice訂座編號，之後再經安排入座。但我3日後先發現該次午饍標註為"缺值"。遂致電食店跟進。職員只叫我向平台申訴，並未有跟進。再三經 what's app 溝通都未能處理！入座前我已經再三與職員核對OpenRice訂座編號，但仍然避免不了麻煩事情發生！對方有建議我你用另一個電話、或者用屋企人電話重新訂枱，“我哋 叫平台幫你撳返出席、比返優惠即分你可以嗎”？我已經強烈向店方職員表示，要消除缺席記錄！因為累積3次缺席，不能再用openrice book 位。4次缺席，就會被封鎖！而且 openrice 亦有海外功能，我戶口缺席紀錄會影響日後出國響外國訂枱！對方散漫態度令我非常不滿！！！其實，同一問題、同一食店、半年內已經第三次發生！每一次訂枱都搞到好麻煩！我使用預約其他食店從未有發生。對方一味推搪此乃openrice平台問題，与店方無關！最終都係我自己 sent e.mail 去openrice 平反缺席問題。垃圾知客服務 !!!

呢間其實都真係成日食同打邊爐，不過今日嚟食點心又真係第一次，成日屋企樓下飲茶飲厭咗就試下呢間，個叉燒包真係正，迷你得嚟又好食，杯奶茶都好特別，有熊仔公仔🧸小朋友都好中意

此乃高質火鍋放題。好少可放題食物質素媲美單點式。食足兩個鐘都係$218！性價比可以話係極高。餐廳環境好，清潔舒適。待應服務好，不停收餐具，唔使叫會主動為你加湯！我哋點左藥饍湯底，黨參圓肉都不是用低質貨！很有誠意！手打丸超彈牙新鮮，食唔到有味精！脆肉鯇魚腩超厚實，好脆好新鮮，冇泥味，不敢相信自己食緊放題😆牛肉當然高質！另外有自助食物區，有多款手工餃子選擇，每款都好美味，同你去餃子專門店食嘅質素差唔多！另外都仲有好多食物款式俾你自己拎！有炸魚皮、烏冬係手打烏冬！餐廳有多款自家製飲料任飲，最貼心係有常溫櫃供不喜凍飲嘅朋友🥰

平時以為淥鼎記得打邊爐，原來午市仲有得食點心飲茶㗎，午市都好多人光顧呢到點心有啲係2件啱2個人食，咁就可以食多幾款蟹籽龍皇燒賣$18蝦仁爽口彈牙，燒賣肉質好好黃金蝦餃皇$18皮薄饀靚，蝦又多，好食必食之選抹茶奶皇流沙包$30必叫之一，因為奶皇包印上笑臉，好可愛好得意，開頭以為入面係抹茶奶皇饀，原來一樣都係金沙奶皇饀，襯熱食更好，內饀有爆漿感覺，包鬆軟好食醬汁鳳爪$28多醬多汁，每啖都有醬汁精華，鳳爪燜得入味又腍香芋天鵝酥$36又係見個樣靚而叫嘅，芋角平時都鐘意食，呢款口感較札實安蝦鹹水角$24一向鐘意食，外脆內軟煙煙韌韌，內饀係豬肉碎，好大粒，抵食蟲草花叉燒腸粉$32好多饀，除咗叉燒，仲有菜、蟲草花，食落口感更豐富🚩淥鼎記 (觀塘)📍觀塘觀塘道414號1亞太中心8樓

2022-11-05女朋友推介👩🏻‍🌾女友同朋友去觀塘食生日飯🎂去咗間火鍋店淥鼎記打邊爐🍲朋友們早了一個星期book位💺當日餐廳會有confirm booking😊平日晚飯時段，超多客人😀店員安排了大枱坐五人都好寛闊🥰有自助醬料吧😃用手機落單點火鍋配料🍲壽星女點了爵爺套餐，368蚊位，首先五個主菜揀一個，日本時令刺身，安格斯頂級牛小排，豪華海鮮拼盤，以上就一次性供應，仲有40幾款火鍋配料任食，食飽飽再有Haagen-Dazs作甜品🥰老壇酸菜鱸魚，配料有萵筍，酸菜，辣椒，冬粉，鱸魚好新鮮，魚肉唔腥，同埋無魚骨，但唔會太酸，但係偏麻，唔算太辣☺️豪華海鮮拼盤，海鮮盤分別有扇貝，海蝦，鮑魚，廣島蠔，墨魚仔同沙白蜆，扇貝夠大粒，墨魚仔幾爽脆，鮑魚有咬口，海蝦新鮮肉質唔會霉😍🥰日本時令刺身，按人頭上，分別吃了鮑魚，帶子，魚生，刺身蝦，全部都好新鮮，帶子好大粒，魚生厚切，刺身蝦非常爽口，鮑魚同樣有咬口🥰😍安格斯頂級牛小排，份量都幾多，厚切牛小排油花分布，細緻軟嫩的口感，幾好食😍🥰火鍋湯底花膠湯，花膠湯足料，起碼有十塊以上嘅花膠，同埋杞子紅棗，好啱女士食呀呢個湯底，夠補呀😍🥰整體環境好乾淨，坐得好舒服

💡人氣火鍋店今次去咗間人氣火鍋店，淥鼎記，餐廳有好多款唔同嘅套餐選擇，今次試咗抵食嘅小寶套餐，入到去仲有一個錦繡前菜，有四款嘅小食。另外，大部份食物用QR code落單，上菜快，又方便。🍽湯底餐廳有六款養生湯底選擇，例如：澳門豬骨鍋、花膠美人鍋，今次選擇左正宗藥膳鍋補補佢，有別於好大浸藥材味嘅湯底，湯底味道味道溫和得黎好滋補。🍽肉類、丸類特別推介餐廳嘅安格斯牛肩胛，牛肉切得夠薄，唔會太肥，有牛味，十分不錯。三款嘅手打丸：鯪魚丸、墨魚丸、蝦丸，三款都十分高質，彈牙得黎又唔會太大粒，唔會食幾粒就食唔到其他嘢。🍽自助區自助區食物嘅選擇多，蓋好哂，衛生又高質，比較特別既有帶子、鴨血等，仲有多款餐廳自家製嘅水餃、雲吞。🍽飲品餐廳飲品選擇都唔少，一般仼食餐廳常見嘅飲品佢都有，除此之外，仲有餐廳自家製嘅竹蔗茅根、茉莉茶等，唔會太甜，打邊爐飲一流。

▫️天氣開始涼🌀 又到打邊爐季節🍲😍 今次慶祝朋友生日，壽星女主動提議食呢間✊🏻 既然想食就當然要奉陪啦😌♨️ 無限時放題 $368/ 位▫️餐廳主打無限時放題，可以由17:30食到23:00🥸 個胃夠大既話可以挑戰下食足咁多個鐘🤣▫️先上一份刺身同4小碟前菜🥗 刺身有帶子、吞拿魚、鮑魚、甜蝦🦐 都係坊間放題質素，唔算好新鮮但唔難食🫣 前菜有青瓜、豬肚、炸雞粒、鴨血，叫做等開爐時有啲野𡁻下😂▫️選一款主菜，有酸菜魚🐟、雞煲等，朋友揀左椰子雞🥥 成碟雞上，湯煲滾先再倒啲雞落去煮🐔 先飲一啖湯🥣 好清甜幾香椰子味🥥 雞肉都幾滑唔錯😋 食晒成煲可以選擇轉湯底打邊爐🤤🍲 轉鴛鴦湯底 +$48▫️多2個湯試下都係加$48幾抵🤣 要左老壇酸菜鍋，酸酸地夠開胃👅 拼花膠美人鍋，夠晒滋補養顏👱🏻‍♀️▫️一轉湯底就會上多盤安格斯牛小排同時令海鮮盤😯 牛小排花紋幾靚，肥瘦均勻🐮 海鮮就正常，蝦肉少爛唔算太新鮮😖▫️大部分食材例如菜🥬、菇菇🍄 等都可以自己出去凍櫃拎🥶 飲品都有好多款式，最特別係有自家製凍茶同竹蔗茅根，可以清清熱氣🥸▫️肥牛🥩、黑毛豬🐗、蠔🦪、手打丸🍢等等就要自己scan QR code落單📲 任食既質素都唔

今晚Halloween有口福，收工約左友人黎觀塘淥鼎記打邊爐，正呀！今次食小寶套餐，7:30前離座價錢$228加一。落單用QR code，包以下食物：澳門豬骨鍋湯底有6款揀。今日揀咗從未試過既澳門豬骨鍋。澳門豬骨鍋有3大舊新鮮豬骨，骨頭附近都有唔少肉，其他配料有白蘿蔔，粟米，紅蘿蔔。個湯好清，味道絕對唔重，感覺健康。食到後期個湯都仲係好清。肉類有：安格斯牛板腱一客4片，賣相好靚。食落好瘦，牛味都唔差。美國安格斯牛肩胛一客兩大片，少少肥膏，牛味都唔錯。唔會太薄切，食落有質感。伊比利亞黑毛豬一客4片，豬味濃又嫩口，我鍾意。紐西蘭羊肉片一客兩片圓形切割。食落嫩口少少羶，我都鍾意。其他肉類有安格斯極佳級精修肥牛同黑兒豬卷腩。鮮脆鯇魚片脆口鮮味。丸類有3款手打，包括鯪魚丸，墨魚丸，蝦丸。雖然細細粒，不過非常彈牙好新鮮。另外仲有脆脘魚腩，雞件同雞子。小食有日本枝豆。錦繡前菜一客4格賣相好唔錯，包括鹽酥雞，鴨血，豬肚，同青瓜。自助配料吧好多選擇，包括豬皮，鵝腸，鴨血，水魷，帶子，蟹柳，午餐肉，魚片頭，魚腐，脆皮芝士腸，包心蟹籽丸，黑松露豬肉丸，芥末貢丸，龍蝦丸，麻辣牛丸，牛筋丸，貢丸等等。餃類包括水

🏮充滿喜慶感嘅門口🤩✨標榜住特色手工現做點心😋📱QR code 點餐, 既方便又環保📌中午十二時前結帳離座, 仲享有免茶芥及加一服務費, 非常經濟實惠！🦐黃金鮮蝦餃皇 $18/2件餃皮上有金箔片, 皮薄蝦肉爽彈😋🥟泡菜鮮肉餃 $24/4件薄薄嘅翠綠色餃皮, 泡菜鮮肉餡料口味清新🥰🥢春風得意腸粉 $36粉紅色嘅粉皮包住炸油條,餡料係蝦肉雲耳及菜絲, 咬口感豐富👍🦢香芋天鵝酥 $36/3件上枱賣相精緻, 天鵝頸係硬身嘅餅乾, 外皮鬆脆, 餡料豐富😍🌟黑松露赤螺三文魚酥 $36/3件新派嘅點心口味, 酥皮底香脆, 沙律醬汁混和三文魚肉粒, 仲有好香嘅松露味😋🤩特式奶皇流沙包 $30/3件三色賣相討好, 包皮鬆軟, 滿滿嘅流沙鹹蛋黃味濃, 用心之作😍💫整體點心超有水準及款式多,價錢合理, 確係三五知己茗茶之選🥰

👫又去食淥鼎記嘅小寶套餐（120分鐘放題）。呢個套餐主打安格斯精修牛x黑毛豬，任點任食，性價比好高。佢哋樓底高，地方寬敞，好適合家庭聚會！部份火鍋料要經QR code落單，嘢食好快送到又冇漏單。必食安格斯牛肩胛、牛板腱。尤其係牛板腱，肉質軟嫩但唔會肥膩，有少少筋口感幾豐富。兩個人足足食咗6碟牛板腱。手打蝦丸、墨魚丸好足料，鮮甜又彈牙。自助區嘅食物選擇都唔少。除咗有唔少蔬菜、菇菌，連鵝腸、手工餃都有。今次仲有香芹芫茜蝦餃子🥟。餃子粒粒大隻飽滿，皮薄餡靚。香芹芫茜香氣濃郁，蝦肉仲好彈牙。每位加$28仲可以升級酸菜魚/雞煲/烤魚。川菜控必試！

觀塘亞太中心OPC，就正正位於觀塘地鐵站附近，地點相當就腳，觀塘火鍋人氣之選👍🏻，今晚選左呢款任飲任食火鍋放題7:30前埋單，只需 $228+1 ，呢個價錢相當貼地。店內近門口放置自取區，各種蔬菜🥬、瓜類、菌類、丸類、餃子🥟雲吞、水魷🦑、帶子、鴨血等等數十款火鍋配料，整整齊齊以有蓋膠盒盛載，非常衛生。店內地方闊落，枱與枱之間都好有空間感，就講醬料區都有三個位置；飲品櫃都有好幾個，竹蓆茅根水係搶手貨，記得☝🏼飲多幾支🤣。店員放底湯底後，隨即放上前菜四小點，酸菜豬肚、鴨血、麻辣青瓜、鹽酥雞.. 甜、酸、辣、脆🤣樣樣有齊，相當開胃，打開食慾🤣。Order左豬骨湯底，齋睇兩大舊豬筒骨就知係正斗啦😋。數款不同部份位置嘅肉類、脆肉鯇、手打丸等等就用QR code落單，肉類每次order都保持倒質素，我最鍾意係牛肩胛，牛味重、有口感，越𡁻越香；黑毛豬片都好好出色，肥瘦均勻，入口油香滿滿，爽口彈牙；手打丸彈牙，肉有肉味，魚有魚味；其他配料面根、蟹柳、金菇、牛栢葉，樣樣都係索汁高手。

位於觀塘的火鍋店，主打的當然任飲任食，喜愛這裏，加上冷氣充足，於打火鍋期間有無需擔心炎熱的問題。湯底方面，挑選了正宗藥膳鍋，藥膳湯底最佳地方就是可以直接飲用。藥材味當然豐富，但令我最驚喜的是，喝了一口沒有多餘的味精，養生的就是這樣吸引。另外，食物方面，美國安格斯牛肩胛，果然是牛的極品，肥瘦適中，加上帶有美國特色，就是肉味豐富。安格斯牛板腱，依舊的肉味豐富，口感更佳。脆脆魚片，10秒左右，就能品嚐香脆可口的鮮魚片。重點要說的就是不會漏單，點多少來多少，絕對適合大胃王的你。