海雲天

營業中

休息中

在酒店住，買了open rice餐券， 但不能用。因為訂位時已告知有OR券， 他們說可以用。。。到達餐廳, 門口reception完全不理會怎樣幫忙， 只想打發我們走。。說因為沒有whatsapp 他們coupon..其實餐廳不忙， 疫情下只有6-7 枱客。不明為什麼前台有這樣的疏忽

大家千祈唔好食佢下午放題。兩個人食咗$420點心質素極差 瘋狂漏單 職員服務態度差 唔知邊張枱打邊張枱 啲點心餸飯全部都是凍的 估唔到酒店嘅質素竟然仲差過街市點心唔明點解佢可以收咁貴可能啲人係為咗個景你以為點心放題有好多款點心 你錯喇點心選擇少到冇人有 跟住加少少麻辣落啲燒賣蝦餃度就話係創新點心 你試吓點過蘿蔔糕仲衰過落樓下大家樂食 服務叉到爆漏單又唔追單 當完咗落單時間你話漏單佢亦都唔會理你話時間已經夠喇 大家切勿以身試伏

一個令人失望及氣憤嘅聖誕下午茶！2:45 入座點餐後，喺人流唔算多嘅情況下，竟然可以3:40先送上第一輪點嘅點心，3:45再送上第二輪點嘅點心，3:56就送上賬單一張，然後過多15分鐘左右就刪咗大半個場嘅燈通知你喺時候走人！即係叫你20分鐘食完你嘅放題下午茶!😡而且途中，有一個黑西裝侍應收走咗我哋壺熱水，過咗15分鐘都冇俾返我哋，再問佢攞又話轉頭俾我哋，點知見佢行行企企過咗15分鐘都唔俾返我哋！都唔知係咩服務？🤬下午茶期間，聽到多張枱有同我哋相同遭遇嘅不滿投訴，亦有感嘆同佢哋理論都冇用嘅不滿聲，重見到一枱客食咗少少嘢已經俾人叫埋單，嬲到攞曬d散紙出嚟埋單，跟住d侍應就喺背後喺咁話佢….真心唔明點解一間5星級酒店嘅點心放題竟然可以差到咁！埋單後出去去埋個廁所…重嚇死人..10分污糟滿分佢真係可以攞到100分！女廁有兩隔塞咗…一個門鎖壞咗…滿地都係紙巾…對於一間5星級酒店嚟講…真係有非常大嘅空間可以改善！

本人在網上平台購買2人120分鐘點心放題，我之前時常聽朋友食這個，見今次放假趁機常試一下。這間海雲天酒樓在九龍海逸君綽酒店裡面，又鄰近黃埔地鐵站，地點方便容易找，環境不錯又看到海景，賞心悅目。重點講一下這個120分鐘點心放題，星期一至五每人$218不包加一和茶介，期望不高就不會失望，由於在限時任點各款美食，要求不能太高，點心不是太熱，可能天氣冷，食物好快變涼。 有幾款點心如芫荽燒賣，蝦餃，牛肉球，黑椒和牛酥唔錯，幾特別，又驚喜，另外，一口腸粉很適合放題，每人可常試不同口味又不浪費， 還有黑金流沙包，趁熱食口感不錯。總觀各方面，以這個價錢可以任點任叫算不錯，加上，上菜時間算正常，但又一點要注要，我們用QR Code 點第一輪很快到來，導致我們不敢咁快叫第二輪，但過了60分鐘不能再點，要職員給點心紙才可再叫。

與幾年前質素相比，差得好緊要，服務差，食物質素一般，浪費左成個靚景，絕對唔會再幫襯。以前食grand好多， service 正常好多，依加搞到成間屋邨茶樓咁仲要做埋本地團客，鯉魚門團餐…..

諗住聖誕假一家人飲茶上網又見到呢度有放題諗住試試一去到海雲天已經見到d 服務員係度抱怨應該係做到好燥入到去就坐低叫野食第一round 都好保守咁叫一件因為怕食唔哂等左幾個字，先黎左一碟呢個時候已經聽到隔離枱話9個字先黎得一碟仲要幾台都係咁投訴陸陸續續咁逐碟上，黎左4，5碟野期間又黎左幾次我地冇叫過既野我同服務員講呢d我冇叫過得返黎既回應係： 你食埋佢啦我話：我唔想浪費點知佢話：你唔食就擺係度啦 等左9個字都係差好多野到我地叫第2round 既時候，原來已經唔比叫因為佢係限你一個鐘叫咁我見d野未黎，都唔會叫定之後就催服務員啦服務員問我地叫左咩但係叫左咩係完全冇record 咁d野係掃qr code 叫 但都係唔會比你睇返叫過d咩叫服務員check 返佢又唔肯你只可以逐樣搵返黎叫之後就有人過黎催你埋單但d野都未黎齊！最後係要再催促先上多幾碟最後都係冇黎齊過成餐飯就不停係度等同催野食周圍台都不停投訴黎既野食中意就黎一下完全係好求其最後仲好趕咁催埋單！服務態度係其差叫人斟熱水都要叫好多次有d仲要睇到叫都唔肯幫人手係嚴重缺乏野食方面好多野黎到已經凍左味道就還好但咁既服務真係唔會再有下一次

係海雲天訂左個盤菜, 佢地講明代叫貨 Van 送貨, 點知比貨車司機開天殺價, 本來送貨張單係 $118, 司機黎到話要收 $150 先送到大堂, 但要行五分鍾去停車場等, 打去海雲天佢地報大數話張單應收 $138 不包隧道費, 我打去 Gogo van 問證實海雲天張單係叫司機先送大圍, 再送馬鞍山同荃灣, 三個地方加埋係 $234.海雲天叫貨車唔會送到上門應該要寫到明 "送貨但在那地方 pick up 由司機決定, 司機開天殺價本公司不負責"另外唔該餐廳經理唔好報大數, 你三張單加埋一整送, 係無可能知道我一張單係幾錢, 唔該下次一單還一單,  whatsapp 客人每張 gogo van 送貨價錢, 唔通司機黎到開 $500 我地都要比跟住你地話唔關你事?

非常失望，絕對唔會再去！！！嘥曬個靚位，出品啲咁差嘅嘢。食物出品仲差過茶餐廳，筷子殘留污跡，十分核突。完全無服務（除咗上菜會有人），寧願去間干淨，同食物質素好嘅。黑榜———————————————迷你蛋撻：皮不松脆，無蛋香味，食之無味 ，棄之可惜。紅豆糕：不知名色素+豆蒸嘅糕。韓式年糕：醬汁十分咸，年糕硬噠噠。鮑汁雞腳：極咸叉燒包：太甜咖喱魚蛋：甜味——魚蛋紅榜——————————————煎堆：松脆黑金流沙：奶黃味濃郁

12/12 星期日一家十四人吃散叫點心.12：45時段一個半小時用膳.分兩台每台七人. 我的一台二個中童五個成人. 一時十分入單,十多分鐘後陸續出第一輪點心1.蝦腸：熱騰騰的,腸粉皮軟腍但黏,黐筷子的.冇米漿味.一條腸粉有兩隻大蝦,算爽口彈,但冇乜鮮味 3.5/5分2.蝦多士配沙律菜：菜新鮮爽口,配胡麻醬,非常清新；一隻去咗頭嘅蝦黐在麵包上,炸得很透不油膩,逼油功夫一流.香酥脆好味4.5/5分3.XO醬炒腸粉：腸粉炒後仍有軟腍感,醬汁入味,但略咸,份量比較小. 3.8/5分4.黑金奶皇包：包偏硬實,包肉份量較厚,奶皇餡相對少,奶皇冇蛋和奶味 2.4/55.雪山叉燒包：面頭的甜脆皮是腍的,包身死硬實,好似翻焗後放涼完再端上.餡少冇汁.整個包似乾屍. 1/5分6. 蝦餃,燒賣,山竹牛肉,准山雞札：全部用膠盒是,第二輪大概 1：30落單的. 當2：30大多數客人到限時被要求埋單時,部長走過嘅話落錯單,以為是外賣,並把放在外賣食物盒的點心送上,仲說外賣膠盒不用加錢,他們當睇唔到.我地基於肚餓和不要浪費食物,反正做了來了,於是照單全收.食下去樣樣都縮哂水咁,全冇肉汁,只是微温,不知道放甚麼入口.

原以為五星級酒店的點心也會有五星級好吃的程度，但沒有，就很普通，味精味道很重，吃完很口渴。環境也很普通。非常失望。如果這個價錢，我會選擇南海一號的點心放題。失望。

經網購平台買咗海雲天120分鐘點心放題。入場後侍應話公司規定用電話scan code scan落單係 set 咗衹可落單一小時。之後嗰一小時要用點心紙落單。咁用電話落單後等咗35分鐘都無得食。到有得食時都衹係送嚟一件口水雞。再問侍應就同你講等吓啦。漏單超嚴重。2/3已落單嘅食物項目係吾會送嚟嘅。到食咗再30分鐘電話已經落吾到單。跟住侍應就嚟收錢（話茶錢吾知再加乜要再收100元）。同侍應講我哋係買咗120分鐘乜吾係用點心紙咩。嚟收錢嘅侍應先知。咁又再等多25分鐘終於有點心紙攞到嚟。但就同你講仲有5分鐘就last order. 雖然買咗120分鐘放題，但根本出吾切食物，大部份食物都係凍嘅。就算你落單份量多少都無用。佢每次衹會跟人頭俾你（或衹得一件送嚟）。加水請自助。你都未食完已要走。因下一輪客已要入座。重要係佢嘅廁所污糟到頂點。今時今日係疫情下酒店嘅廁所污糟成咁佢都算勁。滿地廁紙，口水，廁格佈滿排泄物。真係要用恐怖嚟形容。個場大但嘈到似街市。姿客又吾識點scan code 入場。簡直由入場開始至走都衹可用混亂嚟形容呢間店。食物質素差，又漏單，零服務，廁所又污糟。永無下次。

買咗OpenRice 大閘蟹Coupon; 以為酒店食物質素和服務會好啲; 完全係好似去咗集團式”新光”酒樓食套餐咁, 但好失望. 坊間好多餐廳好過呢間好多; 唔會再嚟海雲天.

朋友為我補祝生日，問我想食啲乜？我揀點心放題。踏入十一月，好多酒店都加咗價，上網得知, 九龍海逸君綽酒店海雲天點心放題， 網上平台網上買票，每位祇需$168，現埸再俾茶錢同加一，埋單約$210位，呢個價可以任食，更有海景睇，算抵。分3個時段，我哋揀14:30下午茶時間，因為呢個時段應該無旅行團嘅旅客第一次嚟呢度飲茶，早到30分鐘攞個靚位睇靚景酒樓地方寬敞，適合婚宴，朋友話透過玻璃窗，睇住無敵海景同外面靚景， 未食已經心曠神怡，視覺享受一流呢度係scan QR code落單, 90分鐘用餐時間，但入座後60分鐘就截單。先嚟嘅都係甜點小食之類，蒸點就要等下推介豬肚及椒鹽豆腐粒，特別個豆腐熱辣辣，外脆內軟，鹹度適中其他小食：雲耳、中華沙律、鯪魚球、上湯菜苖👌甜點做得唔錯，黑金流沙包奶黃加鹹蛋黃無得輸桂花糕清甜，個人喜愛芝士蛋撻蝦腸👌薄薄一層咸蛋黃包住涼瓜，幾香口好食，但食多幾件感覺有啲膩，朋友欣賞鹹雞粥，話粥底綿同夠熱鮑汁鳳瓜炆得幾腍入味，但個汁太鹹同太油，乾燒伊麵夠乾身兩種蝦餃味鮮彈牙，但芫荽味唔太突出，燒賣亦是，蟹籽比芫荽優勝香芋排骨質地本唔錯，但排骨太肥，無乜廋肉網上訂位均有每人一隻蚊

秋高氣爽又係食蟹嘅好日子 海雲天-秋風起，同朋友一齊約飯局就有人提議想食大閘蟹，坊間食大閘蟹既餐廳花多眼亂，今次就係網上平台揀左個大閘蟹套餐試一試($468另再收加一茶位，大概550/1)，勝在好多樣菜式可以試。.海雲天係紅磡九龍海逸君綽酒店入面，中菜廳環境氣派一流，如果坐窗邊仲可以望住海景添，侍應亦都幾好禮貌，加茶都快手，唯一係尾段上菜速度太趕，食完大閘蟹之就一次上哂其他菜比我地，有少少趕收工咁，要扣少少分。-1.生拆蟹粉伴蒜蓉包3.5/5前菜都幾先聲奪人，一窩金黃色嘅蟹粉非常吸睛，而且仲好貼心咁用小蠟燭保持熱度，可惜蟹粉鮮味唔夠突出，但配住蒜蓉包入口仍係唔錯嘅前菜。2.功夫蟹肉羹3.5/5蟹肉羹都幾足料，落枱時侍應提醒要趁熱食，入口發覺稍為清淡，要加返少少醋調和先突出返湯羹鮮味，亦都頗為暖胃。3.雙色蟹粉小蟹包3.75/5蟹粉小籠包係本人非常鐘意食嘅食物之一，一隻靚嘅小籠包入口應該係鮮肉湯汁加埋蟹粉嘅鮮味令到小籠包味道提昇多一個層次，可惜依到既蟹粉只算係合格，味道唔夠突出，但都算幾好食。4.清水大閘蟹3.75/5今餐蟹宴嘅主角當然係大閘蟹啦，侍應提醒蟹分兩次落單，包保即叫即蒸，保

預訂了三人午市放題，早上11時開始，限時1.5小時，每位$188另加茶芥後再加一。食肆環境一流，但食物質量及店員服務態度就九流。早上11:10左右用QRcode點第一輪食物，約30分鐘食物才到齊，食物質素普通，份量偏少，例如一人份量的腸粉，腸粉只約一吋。侍應生服務態度其差，眼見我們及周圍食客都要多次催促，才幫客人茶壺加水。我們約11:45再用QRcode落第二次單，叫了約10種食物，但到了12:10才到了3種食物。我們向侍應生查詢，他原本說可能漏了單，叫我們再加單，但他又說過了12:00便不能再落單。真係激到我們一肚氣，唯有埋單走人了事。