海雲天

營業中

休息中

如題喇~難得母親大人覺得尼到個景靚, 所以又反黎食多次~今次就吾理二七廿一, 攞到QR code之後即刻落左啲未食過既野先 😂第一樣黎到既竟然系尼個 - 金絲蜜糖脆脆好脆口, 好采佢吾系真系成舊都痴哂糖漿~脆脆地甜甜地, 吾錯既前菜😌第二樣黎就系 - 日式炸豆腐豆腐外邊微脆, 內裡好嫰滑, 加左啲章魚小丸子既燒汁(?) 同木魚碎!真系幾日式同都幾好味既🤩第三樣黎既系芫荽系列喇 - 芫荽燒賣皇Ummmm.....佢系無左朕鹼水味既燒賣, 但芫荽味吾系話太突出!清漓地食幾好既😅第四樣黎既都系芫荽系列 - 芫荽明蝦餃同燒賣一樣.......芫荽味吾系話太突出,當普通蝦餃is OK🥲第五樣黎既又系芫荽系列 - 芫荽牛肉球可能平時既牛肉球都系有芫荽系入面, 所以只系覺得味道無咩大分別, 淨系見到有多左芫荽😂😂第六樣系 - 夠薑薑汁糕尼個好食, 比起坊間果啲糕系夠味既, 不枉之後我地系咁encore😍之後都無叫新野食喇, 叫黎叫去都系雞腳,芫荽蝦腸,金絲蜜糖脆脆,夠薑薑汁糕....直到夠鐘😂

今次食芝士主題下午茶，$210/人，食物質素變得一般，選擇比以往少，食得趕急!比起上年第一次去驚為天人嘅感覺蕩然無存，覺得好似連一間普通質素嘅酒樓也不如，無下次了。

係啲staycation app既餐飲優惠見到依個蟹之約会六百幾蚊位買一送一即係三百零蚊一位去到会收反加一同茶芥，加反八十幾蚊我地早左少少去到，姐姐話可以安排到海景枱即刻心情都好啲本來唸住依啲買一送一優惠，仲要星期五去食一定人山人海點知都仲可以坐海景枱三小碟不過不失，叉燒無驚喜松茸鮑魚湯入面有隻鮑魚，高太話下次試下煲喎蟹肉小籠包食唔到有太多蟹肉，淨係食到豬肉，同埋皮唔夠薄無咩肉汁蟹鉗個湯較得幾好味，濃淡適中下面啲蛋白好滑，好似食頭腐花甘蟹鉗啖啖肉不過始終覺得肉蟹都係差少少甜味焗蟹蓋面層香脆，入面滿載蟹肉幾好食既不過究竟入面啲蟹肉究竟係邊隻蟹度搵反黎既呢星洲蟹煲個醬汁好味，夠香唔太辣同隻蟹好夾不過食果時啲汁就難處理啲如果有跟對手套就好啦蟹肉蛋白炒飯夠乾身，都做到粒粒分明甜品要交俾高太我試左一啖唔太甜，苿茶味幾香我地再嗌多左枝白酒，連加一茶芥，全數10××五星級海景中菜廳去食蟹飲埋酒食物又真係可以接受既抵食仲有依度啲侍應姐姐，年紀雖然比較大少少但係服務真係幾細心，絕對有五星級水準

有日朋友係社交平台見到呢間酒店有芫荽點心放題，作為芫荽控而平時又中意飲茶既的我當然要黎試一試啦😆😆😆而且仲係任食，食到我同朋友超飽，滿足曬我呢個芫荽控既慾望💚

All you can eat Dimsum.一盅兩件，何其滋味~五星海景酒店中菜廳海雲天，最近推出🥳限定芝士點心放題！邪惡香濃嘅芝士諗起已經好正，宜家仲可以融入多款菜式🤩趁放假，一定要同屋企人去飲茶歎番件啦~中西芝士合璧cross over，15款芝士出品睇到令人心大心細，樣樣都想試勻哂🤤要數滋味，一定係金黃色嘅芝士明蝦餃，芝士饅頭，芝士蝦春捲，同埋🍳芝士煎腸粉~香滑芝士比例平衡，唔會過漏更有啖啖濃郁奶香，食到芝士控開心到飄飄下👻都好掛住經典點心？高質放題當然有齊哂，30款懷舊味道保證滿足你個胃🥰菲林芝麻卷，金絲蜜糖脆脆🍯，再到飯後甜品陳皮紅豆沙…享受海景之余同屋企人食住傾，盡興之餘更開心！服務態度好好，💓上得頻密算快手，一定係Nat值得無限encore嘅gathering list~@hoi_won_teen 📍紅磡

上次試完普通點心放題, 估吾到佢會出芫荽點心放題😳當然二話不說,點都要去食架喇!但系吾知點解今次覺得入座安排有啲混亂, 原本系食12:45....要等到13:00先入到去☹️一坐低scan QR code ,load左好耐....明明上次都吾系咁!第一道出場既系 - 芫荽韭菜豬紅其實即系普通既韭菜豬紅再加左啲芫荽系上面😂但出奇地又幾夾喎!!第二道黎既就系 - 芫荽牛肉腸岩岩蒸起夠哂熱辣辣🔥🔥🔥芫荽味飄四處飄~好香,個皮夠滑又有荽味😂第三道黎既系 - 虎皮尖椒雖然上到枱系凍既,但炸得幾脆口!第四道上既系 - 芫荽小饅頭其實食得炸饅頭應該系配煉奶, 但職員表示無........吾緊要喇照食😅個饅頭甜甜地又同芫荽幾夾, 都算吾錯第五道系 - 芫荽粉果無咩芫荽味, 個人吾太建議第六道就系 - 芫荽腐皮卷都系無乜芫荽味, 但清清地幾好食既~第七道就系 - 黑金流沙包咬左啖先記得未影相☹️ 比起平時酒樓既細個啲啲, 反而尼個份量仲好!又夠流沙,正😋第八道系 - 芫荽春卷Ummmmmm...又系無乜芫荽味, 失敗第九道系 - 芫荽餃又系無乜芫荽味.......吾知點解一早叫既沙律菜到最後先上😅😅😅都好既

因為疫情,好耐都無同屋企一齊去酒樓飲茶、食點心~ 終於買到尼間既任食點心✌🏼掛住食既關係吾記得影個景, 對住個海景食簡直一流!!!事不宜遲, 叫左第一輪先🤤其實都叫黎叫去都系果幾味...燒賣...蝦餃..牛肉...由於小妹好鐘意食鳳爪, 所以見到有鮑汁鳳爪同豉椒醬皇蒸鳳爪就立即order鮑汁鳳爪...夠哂入味, 而且骨肉軟而皮不破! 正張相影得衰得滯, 因為食緊豉椒醬皇蒸鳳爪😅😅😅都系一樣好夠味!!!跟住其實叫左好多野食, 但系無影到相, 因為上菜既時間都幾慢下見又系到吮緊鳳爪就費事影, 留反下次再影😬咁就簡單介紹下其他點心喇~蟹籽燒賣皇....不過不失喇翡翠明蝦餃...普普通通喇,無乜驚喜陳皮牛肉球...食吾出陳皮味, 不過細細粒, 幾得意!另一個好好食既竟然系--->川辣金錢肚一食落去, 好夠辣!!!正🔥🔥🔥我想再叫既時候竟然就系黎收茶錢既時候.............算喇, 我食鳳爪都食飽左!😂都系果句, 留反下次再黎食過喇~

今日天气晴朗，带着小朋友来到九龙海逸君绰酒店饮茶放题，服务生还算不错，态度只有一个比较不善，其余都比较亲民。味道一般，最好食鸡翅，姜汁糕...品种算多，环境几好，下次预订海景位更佳!!

好耐冇同媽咪飲茶，今次就帶左媽咪去九龍海逸君綽酒店2樓嘅中菜廳-海雲天，食點心放題，呢個點心放題仲係以莞茜為主題，啱晒我哋呢兩個莞茜控🤗！呢度仲有無敵大海景，望出去就係一片大海，當日好好彩坐到窗邊位，而且當日天氣超級好，有大藍天😍，有齊海、雲、天😂，影相超靚，好似去咗度假咁😆！呢度可用手機掃QR code落單，有晒圖文並茂，好方便 ，莞茜系列點心就有成十多款可以任叫任食，包括莞茜燒賣、莞茜蝦餃、莞茜牛肉球、莞茜粉果、莞茜炸春卷等等！全部都好香莞茜味🤩幾特別，平時好少食到，滿足芫荽控呀！另外仲有30多款其他點心都係任叫任食！除茶樓常見嘅經典點心做得不錯，蝦餃爽脆又鮮甜 ，燒賣大大粒又惹味，仲有一d比較有特色嘅，如鮑汁鳳爪、薑汁糕、黃金涼瓜、黑金流沙包，整體款款都不錯，而且放題可以每款叫一兩件，咁就可以試多d款！望住海景食足90分鐘點心放題真係好chill呀☺️！

平日去食芫荽點心放題，喺kk day預訂每人168，埋單再加茶位加一，最後埋單每人198。因為平日唔係好多人如果想坐窗邊望海景可以早啲到，放題提供40款點心左右，其中芫荽系列大約有10款。本身唔係芫荽fans，所以唔係好覺得有特別好食。因為係放題每次上嘅份量都好少，好似腸粉一份都係得一件，令你可以留肚食多幾款唔同嘅點心。 所有點心都幾好食，特別係蝦餃同埋素餃，啲皮又薄又煙韌，蝦都好彈好新鮮。炸物方面，鹹水角最出色，個皮唔太癡牙，入面個餡加咗菜脯，脆脆地好好食😋。有個叫芫荽炸饅頭唔推薦，一啲都唔脆，而且個包好實在好似食緊粗糧麵包咁。總括而言$400兩個人點心放題都幾抵，一共落咗三次order，上菜速度ok，90分鐘都夠，唔會話食得好趕。

星期四同左屋企人去海雲天飲茶。原本想試下佢個放題，但由於屋企人食量較少，所以改為普通散叫點心。環境一流，我哋六人分兩張枱，坐係窗邊位置。望住個海食野，感覺好舒服。叫咗佢個黑心流沙包，真係幾流心。至於個鮮果沙律鮮蝦筒，好食！無論鮮果、沙律同d蝦嘅份量都均衡。食咗幾樣點心、飯後，我哋叫咗三個甜品，斑斕千層糕、香芒卷、紅豆沙。紅豆沙一般，斑斕千層糕唔錯，唔係太甜。香芒卷味道不錯，芒果味道都好明顯。呢間可以再繼續去。

早兩星期訂了枱，終於今日可以感受一下😎😎始終這家都是酒店內的中餐廳，一入到酒店已經有享受中的感覺😍😍首先要一提，如果要坐窗口位，請務必提早到場登記，因為係先到先得，冇得預訂。窗口枱大約有10張左右。食物嘅質素基本上完全合格，而且還細心地按人數而調節份量，可以食到好多種食物。其中有3款點心，自己覺得好好味😋1. 金絲蜜糖脆脆 2. 懷舊椰撻仔3. 蒜香炸雞翼其他食物都一定合格👍🏻 由服務，環境，食物質素絕對值得一試👍🏻👍🏻👍🏻

喺黑雨紅雨黃雨都出齊嘅一個上晝⛈️打亂晒無數咁多香港人嘅計劃好好彩 黃埔君綽酒店裏面嘅餐廳海雲天就無受天氣影響 照常營業😍最正係比我發現到佢哋有個芫荽放題套餐媽咪咁啱黑雨唔使返工 就帶埋佢去開餐^_^呢度自已己用手機QR code落單 好方便 數過呢度都有40幾款嘢食可以點包你可以食到飽一飽🤩🤩有芫荽粉果、芫荽鯪魚球同芫荽牛肉球etc另外芫荽牛肉腸叉燒腸 都好吸引😋仲有個上湯鮮竹卷 全部都落咗我最鍾意食嘅芫荽😝omg 仲要毫不吝嗇成碗都係呀！飲埋個湯都仲得 😗呢度上菜速度都好快 每款都保持到水準👏🏻👏🏻👍🏻如果唔係太鍾意食芫荽嘅朋友點心紙上面仲有好多好選擇 包括有金錢肚、胡椒豬肚湯、薑汁糕、芝麻糕、咖喱魚蛋蘿蔔同春卷等等 包你食到捧腹大笑😂😂大概食咗一個鐘頭 都已好飽了🤓呢度QR code仲會提示你幾時last order🔔如果下次要來記得book枱因為佢分三個時段好多人1245嗰轉最多人呢😲😲!! 人頭費約$200 （已包加一 加茶錢 任食90mins)

第一次黎食， 竟然安排到近窗口位置，滿心歡喜咁開始左呢一餐。 入到去， 係用qr code 點餐，一開始我哋一台人點左好多點心，但可惜....勁漏單....係勁漏單， 全程坐係到等點心既時間有60分鐘以上， 但係唔代表你等左就會有點心食...第一輪點心黎左， 都只係集中係一啲芫荽嘅點心，其他點心就漏左好多， 咁我就算啦， 開始點第二輪.....重點黎啦！！！第二輪點心係大部份都無黎呀！ 我狂同佢嘅女侍應講， 佢就係咁叫我等吓，到我不停比神色佢睇， 再提佢， 當下我己經唔想再等， 叫第三輪！點左後， 都仲係間中黎一碟、二碟咁， 極爆燥， 再同同一位女侍應講， 佢好擔心咁同我講：你唔好再等啦你再點啦，我幫你催都催唔到啊，你快啲點啦唔好再等啦我怕你冇得食呀！心諗， 唔係呀， 又叫人珍惜食物， 點左又唔黎，重點又怕佢突然黎曬， 咁想點呀！最後再點，叫埋個睇落好似比較高級既男侍應， 佢就話幫我睇下， 去門口㩒左一張order 紙， 同我講邊d未黎， 再點， 指住下面其他點心話佢地會黎...咁我唯有信佢， 唔再點， 癈事浪費。 最後點心係有黎多左少少...食到我一家人都唔開人又唔係好夠飽， 好心唔

都知道未必坐到海景位，唔緊要，但係啲食物唔係太過芫茜，額外加上去嗰啲芫茜唔係即刻切而且放咗好耐，所以已經唔新鮮，冇乜芫茜味，反而我覺得叫蝦餃buffet會比較適合。我食咗大約20隻蝦餃，因為點心中比較好食。千祈唔好點炸鯪魚球，菜苗（嗰日係白菜），超級鹹。點心只係一般嗰啲桂花糕、黑芝麻糕，都冇芫茜點心，唔係好有誠意，如果你係芫茜fans你應該會失望。我喺OpenRice買coupon，去到要再另加一同埋茶芥，Total每人$210。有大約個半鐘唔使同人搭枱食Saturday lunch 還可以啦。同層嘅女廁所唔得，係要等好耐先至回到水沖到廁，唔expect一間五星酒店咁樣囉。只此一次。