海膽仔

營業中

休息中

咁啱經開新蒲崗附近，又想食日本菜，見到有間門面幾靚仔嘅海膽仔，就入去試一試！.話明叫海膽仔，海膽應該係招牌菜。所以就叫咗海膽三色丼。內有海膽、拖羅蓉、三文魚籽，賣相好吸引😍海膽好鮮甜，一啲都唔腥！拖羅蓉都非常肥美！再叫咗個汁燒雞扒丼，雞扒都幾大份，好抵食🤣仲有叫咗芝士海膽大蝦炒麵，係一個定食嚟，有麵豉湯及沙律。炒麵充滿海膽鮮味，唔錯唔錯🙂最後叫埋甲羅燒配法包，蟹膏勁香勁好味！.人均都係$200左右，叫到咁真係好抵食！估唔到新蒲崗都有咁出色嘅日本餐廳，性價比超高！

新蒲崗一向俾人感覺都係舊區，食港式嘢多😯估唔到當中竟然有間日本料理—「海膽仔」🌟主打海膽及日本直送食物，最重要價錢親民貼地🤓實現海膽自由‼️.🍴海膽三色丼💰$138嚟到海膽仔，當然要食海膽啦😏以板上嘅海膽，加埋拖羅蓉及三文魚籽，賣相已經令人食指大動😍海膽味道鮮甜，入口即溶🤤配埋肥美拖羅蓉，送飯超正🤩粒粒三文魚子爆開嘅鮮味更令人着迷😚.🍴芝士海膽大蝦炒麵（定食）💰$98麵條沾滿海膽及芝士後變成橙紅色，好吸睛😛入口有芝士鹹香之餘，亦有海膽嘅鮮味，一啲都唔會腥😋大蝦爽口彈牙🦐定食會跟沙律及麵豉湯，好抵食😎.🍴甲羅燒配法包💰$68蟹蓋放滿蟹膏及蟹肉，將鵪鶉蛋撈勻後放於法包進食🦀蟹膏味道非常濃郁，鹹甜適中，啖啖鮮美🤤食完大滿足🥰.🍴蒜片牛柳粒💰$78份量都幾多，好似食極都有咁🤣蒜香味適中，唔會掩蓋牛肉肉味😌牛肉肉質軟腍，唔錯😙.以街坊小店來講，海膽仔款式非常豐富，價錢又親民☺️住附近嘅街坊食高質日料，不妨去呢度試試，有驚喜🤓

看到新蒲崗這家日本菜-海膽仔，評價挺高的，所以去試試果然沒有令人失望！餐牌選擇夠多，燒物、刺身、拉麵、丼飯樣樣齊，價錢亦相當合理！刺身夠新鮮👍🏽海膽仔果然名不虛傳，海膽軍艦很鮮味！加州大卷好有份量串燒也非常美味！這頓晚餐沒有一道菜令人失望而且性價比超高！推介👍🏽會再來幫襯唯一美中不足是服務員態度一般⋯

之前見好多人都推薦過海膽仔既日料 今晚就去試吓佢咩料 一食完就覺得原來呢間店都係走平民 尤其係佢炸物搶盡風頭 卷物好耐無叫香芒卷既物體 呢度又有所以叫咗 因為今晚係撞啱日歷寫住大雪既日子 平時唔怕凍既我都想食返啲暖野暖下個胃 所以今日起海膽仔並無食到海膽仔既我哋一致都想食炸物所以主要點係炸物為主 叫咗雜錦天婦羅 又叫咗個叉燒拉麵定食 包份碗仔沙律 價錢唔算貴 仲可以平啲咁追加份炸餃子同炸牛肉薯餅 炸物新鮮炸起 香脆惹味 係今晚最推介 而拉麵就係平價位既正常質素 叉燒係自家製入口軟滑有脂香 晚餐嚟講香港食到68有拉麵定食 今時今日嚟講算正路 另外仲就叫咗個刺身定食 質素唔好期望好高 不過份量都幾多 反而食淨咗啲 叫勁多野都只係400有找 飽到反肚

呢日去開新蒲崗，朋友介紹下到咗呢間專食海膽生蠔同刺身嘅小店。小店格局有啲似日本嘅築地市場，除咗堂食外，亦有外賣提供。入座後見都有唔少人幫襯。食物種類好多，價錢亦相當抵，兩個人食量有限，試咗以下呢啲款式。海膽丼（$168）- 餐廳叫得「海膽仔」，冇理由試吓佢嘅海膽。海膽丼份量都好多，海膽好新鮮，配埋三文魚子，味道好正。仲有幾塊紫菜提供，包住啲海膽一齊食真係Perfect。甲羅燒配法包（$68）- 蟹味濃郁，蟹膏蟹肉撈埋鵪鶉蛋，搽落香脆嘅法包上 ，味道一流，必食推介。蒲燒鰻魚（$98）- 鰻魚肥美，燒得好香，配埋醬汁，更加美味。芒果蟹肉沙律（$68）- 芒果香甜加埋蟹肉鮮甜，份量勁多，配埋清新嘅青瓜絲，好開胃醒神嘅前菜。牛油果軟殼蟹卷（$38）- 軟殼蟹炸得脆，配搭牛油果同蟹籽，口感豐富。雞肉棒串（$18@）- 開頭見佢顏色有啲淡，有啲擔心。點知入口原來好夠味，唔錯呀。餐廳共兩層，座位都算多，店員親切有禮，餐牌有各類型不同選擇，質素唔錯，價錢仲好實惠，鍾意食海膽生蠔嘅朋友值得一試。

又係時候帶2老 (之一) 出去行吓食吓好西今次嚟到新蒲崗去好多人推介嘅海膽仔try try佢一入到去 裝潢都好日式入門不遠就有外賣櫃同生蠔櫃生蠔櫃有晒當日時令生蠔嘅價目再入少少 位置唔算多 平日夜晚亦都好爆棚好好彩啱啱有張兩人枱餐牌選擇亦好多 總有一款啱口味🤤海膽丼 $168 🙆🏿‍♀️碗配麵豉湯 + 沙律大推！麵豉湯嘅料都幾多 而且夠熱就可以暖暖胃再加上雜菜沙律亦可以開開胃嚟到主菜 足足3款海膽😍另外仲有3片紫菜同幾粒三文魚籽做襯托海膽sss各有特色木板上嘅海味較重而且偏腥 最適合伴飯食😆三文魚籽下嘅似係加拿大海膽 肥厚且爽密小妹就配上紫菜 同稠密嘅口感好爽🤤而最後一款口感較軟綿 入口即溶仲要清新鮮甜 好啱就咁食😋海膽三色丼 $138 🙆🏿‍♀️碗配麵豉湯 + 沙律大推！丼飯分別係海膽 吞拿魚蓉 同三文魚籽3款都唔算係平價食材 但就只係賣$138全部都適合撈飯食口感軟綿綿嘅吞拿魚蓉真係💯難怪咁深得本小妹嘅心三文魚籽喺口中輕咬 鹹甜交雜嘅口感扣人心弦三文魚腩壽司 $16 💁🏿‍♀️無乜雪藏味 而且都夠大片邊位亦有少許肥美火炙三文魚腩壽司 $22 🙆🏿‍♀️將微溫且肥厚嘅三文魚腩燒至半熟口感嫩滑

超級開心，竟然喺新蒲崗發掘到一間咁有質素嘅居酒屋‼️店名叫得海膽仔顧名思義，梗係主打食海膽啦😎之前經過一直以為是壽司外賣店，原來入面有座位，仲要有兩層，夠哂有私隱度，裝修格局仲好似日本居酒屋咁～望望menu嘢食選擇都好多，不止是魚生刺身壽司丼飯，仲有熱食、拉麵、串燒等，價錢合理。近門口位置仲有凍櫃放著時令的生蠔同活赤貝，生蠔品種都幾多，久久沒有食生蠔的我已經急不及待挑選幾隻試試🤭🌟生蠔(令和の怪物、日本赤崎、法國Gillardeau)店員教我由淡味的令和の怪物食起，雖然珍寶令和の怪物售罄，但這個令和の怪物 size都唔細，差不多都有一隻手掌咁大，所以有怪物之稱，外觀雪白肥美，入口嫩滑鮮甜，海水味不會過咸，吞下仍留有餘韻。之後到日本赤崎，冬天當造，食落口感的確非常鮮甜，蠔味濃郁！最後到法國Gillardeau，這個品種是本人非常喜愛所以就叫埋，蠔肉肥美細細隻海水味重啲🌟倍化帶子吞海膽超巨型厚帶子中間切開夾著加拿大海膽，味道非常鮮甜！一口都食唔晒，海膽大大舊好滿足🌟熔岩海膽魚餅呢款小食唔好見佢黑蚊蚊好似唔多吸引，食落有驚喜，首先魚餅非常香魚味又彈牙，入面內有乾坤，原來魚餅中間加了海膽醬做餡料

餐廳一入去唔係坐位來，有有好多蠔同刺身賣，見到都幾多人外賣，如果唔想入去食，買外賣相信都係個唔錯嘅選擇！好！講返我地食嘅野！首先第一張圖係【倍化帶子吞海膽】，好好食！有兩種食材各自的味道都食到同時又幾融合，夠鮮味🤩🤩，帶子清甜配上一啲都唔腥，配上紫菜味，味道更豐富，喜歡！😆😆至於【松葉蟹雙重丼】只係128蚊，可算是性價比高，蟹肉亦新鮮仲有蟹膏😋😋好好味！【黑松露鮪魚他他沙律】魚肉鮮甜！黑松露香！帶點酸酸的，推薦！值得一提，覺得芝士年糕是有驚喜的！外脆內流心芝士，年糕軟糯🥰冬天必食！另外，壽司方面都帶水準的，可放心食用😆😆最愛的左口魚都係入口即溶，不錯！

走進日本🇯🇵小店的店面是賣好多不同的冷凍日本食物，進去已經被一盒盒肥嘟嘟的海膽吸引住😍😍。原來小店裡頭就是一間日式食堂。剛好看着餓就看看餐牌，看見有套餐安排，但又想試試不同東西。海膽凍豆腐 $68.00奢華級的凍豆腐享受😎,本身海膽唔係味道極度濃烈，所以本人喜歡清清地品嚐。三文魚鵝肝帶子丼 $138.00 (跟餐沙律🥗、麵豉湯）平時都有食角切刺身飯，這一間的刺身真的非常大件，唔會出現多飯小刺身的問題，每一樣都非常新鮮，入口啖啖肉。海膽丼 $168.00 （跟餐沙律🥗、麵豉湯）絕對必叫的頂級推介，海膽量多，新鮮，啖啖肉性價比極高。而且在餐廳食有別人煮埋飯，簡直幸福，盡在不言中。愛爾蘭生蠔 🦪 $58.00 /隻估唔到日本餐廳都有生蠔提供，每一隻都係，即叫即開。這種愛爾蘭生蠔本身體格唔算好大隻，入口清新爽脆。值得一試。

再訪抵食日式餐廳，依然高質！食物選擇豐富，款式好吸引😍 另有提供新鮮生蠔，食物質素高，價錢合理，好受街坊歡迎！晚市二人消費：$499（連加一費用）食評💖沙律 ($Free)✨麵豉湯 ($Free)✨熱騰騰，湯料豐富，好味😚黑松露火焰油甘魚丼 ($88)✨份量多，十分飽肚，黑松露味香濃，切粒油甘魚嫩滑可口，配上壽司飯好滋味😋 配上黑松露、紫菜絲、魚籽及洋蔥碎，令味道昇華汁燒雞扒拉麵 ($68)✨加配小食 三文魚刺身(4切) ($32)✨超抵食！整體質素很不錯，配料好豐富好飽肚，有雞扒、紫菜、筍、木耳絲、粟米、溏心蛋、香蔥三文魚刺身正常水準☺️令和の怪物 ($68/隻)✨質素不用多說，好正🤤 份量十足，特別爽口嫩滑，海水味重 海膽軍艦 ($58/2件)✨滿滿海膽，味道鮮甜🤤火炙鵝肝壽司 ($58/2件)✨鵝肝大件，入口即化 充滿油香，口感味道滿分🥰希靈魚壽司 ($14/2件)✨正常水準，夠鮮爽👍

我有個fd講：「新蒲崗為美食之崗，何患無食？」食過呢間我都幾認同。我果日食左呢啲：～～壽司類～～海膽軍艦 $58 舖頭叫得做海膽仔，海膽果然可以成為招牌菜～ 入口非常之新鮮、鮮甜無任何奇怪嘅味道，$58 有兩件都感覺抵食；搞到我朋友之後，仲encore叫咗海膽手卷😆（$48/手卷）🦆鵝肝壽司 $58 鵝肝壽司都一樣屈機😍 火灸燒過，邊邊略帶黑色燶邊～ 外皮少少香脆，有少少🤏🏻甜味，可能搽咗薄薄的蜜糖 🍯（？）油甘魚腩 $36　近排搵到有得食油甘魚壽司嘅餐廳少，油甘魚腩就更加少～ 正😍吞拿魚（4切）$48 有水準的味道。飛魚子手卷 $38味讚鮮甜，粒粒爆汁💦 無臭味——之前就算去到銅鑼灣高級餐廳食，都會食到彈出Cafe完結，冇估到新蒲崗可以食到正野😝～～串燒類～～1️⃣燒翠玉瓜 $16 正常水準發揮，充滿水份，好Juicy2️⃣燒牛舌 $28 一串有四塊牛舌，都幾彈牙，而且味道啱啱好，記得要加檸檬汁🍋3️⃣燒魷魚鬚 $16 🦑 $16 又都幾高質，呢個配搭七味粉就有避風塘口味嘅感覺4️⃣雞肉大蒽卷 $28 大蒽都真係幾大舊。5️⃣油甘魚餃 $68 魚餃肉質新鮮😊 有檸檬汁同埋大根磨蓉配搭一齊食😋

今日搵到間超好食嘅刺身卷物店🥰上黎睇有好多好評，lunch價錢唔洗加一👍🏻食物刺身定食 -$128真係🤣冇期望就有驚喜！我以為刺身定食應該得幾片紙咁薄點知幾乎舊舊都好似擦膠咁厚🤣..超新鮮！勁滿足個味噌湯我覺得ok，唔係好咸，飲落都舒服😌三文魚腩、油甘魚腩睇到佢上枱嘅刺身咁正，我又追加呢個…堅正！佢又口感得黎，會慢慢溶咗😌因為夠厚切！牛舌拉麵🍜個牛舌超正！又係厚切。佢好似牛腩咁冧，冇蘇味。個湯就係淡味，拉麵嘅質感適中，都係爽口彈牙！呢個質感個人好喜歡💕個蛋佢原隻黎，用筷子𠝹開勁流心😱係重點嘅昇華卷物我勁愛花之戀🤣今次叫咗香芒花之戀、芒果加洲卷、炸蝦加洲卷真係抗拒唔到😩個炸蝦卷物好脆三文魚薄切就真係入口即融，食到飯味、芒果甜味同三文魚味！🥰其他幾surprise 佢個醬油樽，一下一個份量，唔會驚倒多咗！另外，如果想電子消費，就要過200蚊。總括嚟講，我淨係睇食嘢，其實呢到都算唔錯，我lunch尾黎，雖然都坐滿人，但都唔洗等好耐。放假唔趕時間可以再黎呢到食

今日係新蒲崗做完瑜伽，同同學係附近搵食，做完運動唔想食太heavy擇左間日本野食刺身就唔怕肥😅😂😂。呢間餐廳又幾抵食大份，選擇多又性價比幾高。我地3個人叫左以下食物。。倍化帶子吞海膽 $98炸蝦蟹籽卷 $36赤蝦壽司 $18火炙左口魚邊壽司 $32三文魚腩壽司 $16炸雞軟骨 $38燒油甘魚餃 $68串燒牛舌 $28串燒魷魚鬚 $18。魚生好新鮮！尤其係海膽，我地勁欣賞個「倍化帶子吞海膽」係大大粒帶子切開中間包著海膽，一咬入口即溶，成件事好juicy + creamy勁正呀！之後壽司飯細細舊，魚生鮮味，價錢仲好抵。燒物都幾唔錯 ，燒油甘魚餃$68大大舊。。下次做完運動要再返黎食👌🏻👌🏻👏🏻👏🏻真心正呀

今次介紹依間《海膽仔》位於黃大仙地鐵站10分鐘左右路程，一入到去就見到佢地有生蠔海鮮區，等我即刻揀番幾隻先。日本令和怪物 $68 each依款產自日本嘅令和怪物，叫得怪物係因你體型真係好巨大，蠔身好飽滿，食落好多鮮甜。活赤貝 $45 each橙紅色嘅活赤貝，外面有光澤，食落爽脆又冇腥味。倍化帶子吞海膽 $98叫得倍化即係佢地嘅帶子比平時嘅大好多，然後帶子中間夾住海膽，食落帶子爽口，加埋橙黃色嘅海膽好鮮甜濃郁呀。海膽三色丼 $138好驚喜，因為係一板海膽，份量相當之多。仲有三文魚籽同埋吞拿魚蓉，海膽甜美，三文魚籽一咬爆發海水味，吞拿魚蓉綿密幼滑，性價比高。✨人均250左右如果唔想錯過其他好介紹，記得follow我呀😘多謝大家！！！

今日去黃大仙搵朋友，朋友帶我黎左新蒲崗呢到食日本野，佢話係佢平時食開😂仲話呢間係幾抵食！雖然離地鐵站唔算近，行十幾分鐘左右啦，可能真係要住開嗰頭先會去食。店名叫「海膽仔」，姐係海膽最出名啦！就叫左個海膽三色丼試下先，跟味噌湯同沙律🥗，成個餐都係$138😍😍😍真係好抵食！海膽唔會有苦澀味，配埋紫菜食真係好正👍魚生十分新鮮，有吞拿魚蓉加三文魚子，非常豐富。朋友叫左蒲燒鰻魚丼，呢個正常發揮，仲叫左赤蝦壽司、蟹棒壽司、炸蝦蟹籽卷🍣海膽魚餅、燒菠蘿、雞腎同牛舌串燒…兩個人食埋單差唔多500蚊，但食得超飽，好豐富嘅一餐😌