海膽仔

營業中

休息中

去海膽仔點可以唔食海膽！每次去新蒲崗一定會食佢！————————————Canadian Sea Urchin 加拿大海膽 $248海膽控必叫～超多海膽！睇相以為五格好少～但每格都有兩層～好鮮甜而且好creamny～一啲都唔腥～加埋紫菜同飯食好滿足————————————海膽三色丼 $138入面有三文魚子、蔥粒拖羅魚蓉同海膽～很滿足————————————三文魚刺身$88很肥美很好吃————————————Uni Kotomo新蒲崗衍慶街2-32號新蒲崗大廈地下Q號舖

趁著放長假前，一於去食返餐日本嘢先，太掛住日本喇！今次試下呢間叫海膽仔，個名好得意，聽個名就知係小店，最鐘意支持小店。😊當去到餐廳時，發覺比想像中大，坐位之間有足夠距離，沒有一般小店既侷促感，不錯！ 最重要當然係食物質素，而今次我對所有食物都非常滿意。魚生、燒物、炸物、刺身等…樣樣都非常有水準，而且性價比極高，相信日後都會繼續光顧。 原隻活赤貝刺身 - 非常鮮味，爽口。 帶子壽司 - 用料大隻新鮮，壽司比連鎖店質素高出太多。 海膽壽司 - 非常新鮮，如果份量多一點就perfect 燒魷魚鬚 - 燒得恰到好處，推薦！ 燒虎蝦 - 大隻，味道可口彈牙 炸蠔 - 炸粉不厚，蠔肉鮮味，好味！ 明太子雞翼 – 雞肉嫩滑多肉汁，外皮炸到金黃，裡面包住明太子，估唔到幾夾，正！ 西京燒銀鱈魚 – 魚肉厚實嫩滑，魚皮煎到甘香可口，大愛！ 甲羅燒 – 蟹膏份量滿滿與雞蛋攪拌再配上法包，增加口感。 飲品 – 木村柚子風味汽水，第一次飲估唔到咁好飲，有驚喜。

即叫即製新鮮壽司今日到訪位於新蒲崗既一間日本料理餐廳～平時都見到大排長龍主打壽司外賣💗今日路過 忍唔住停留望咗一陣 都被餐牌上嘅壽司吸引了😊今次我哋主打叫咗三文魚刺身赤背刺身1隻👍🏻三文魚好肥美油脂分布好平均 而魚味好重～赤背是原隻一開二 呢種食法我都係第一次👍🏻好厚肉 口感好特別😙唔係平時我哋食薄切嗰種赤背刺身 呢個值得一試😍稻庭冷烏冬係我每一次食日本料理都會必點嘅一個菜☀️雖然做法簡單 但係每次用到庭冷烏冬點落冷烏冬嘅醬汁 呢種食法令我都帶有日本風情嘅風味👍🏻海膽手卷🐮火焰鵝肝手卷黎得海膽仔咁你一定要試吓佢哋嘅海膽～好驚喜 海膽一啲都唔腥，仲好鮮甜帶有海水味絕對係必要推介 火焰鵝肝手卷好邪惡 食落好Juice既鵝肝汁不停係我嘴邊流出嚟😝每一啖都回味無窮呀！壽司方面特別推介松葉蟹膏軍艦 壽司帶有好鮮甜嘅蟹味 真係好好食！另外我哋仲叫咗香蔥吞拿魚軍艦 帶子壽司 同埋火炙左口魚 整體上所有嘅壽司即叫即做 👍🏻保證新鮮又好食整體來講 餐廳服務質素 食物品質都帶俾有驚喜嘅感覺~相信好快就返嚟幫襯 海膽仔👍🏻如果大家都有興趣，就快啲去試吓啦💕💕💕冇介紹錯㗎📍 海膽仔 (新蒲崗)新蒲崗衍慶街2-3

今日去了新蒲崗同朋友去食日本菜，新蒲崗近來開左好多不同的餐廳，今日去了"海膽仔"食日本料理。這一間賣點是空運新鮮食材門口有好多生蠔有日本，法國，西班牙海膽有日本同加拿大我們點了沙律,麵豉湯海膽丼海脂三色丼日本令和怪物原隻日本魷魚筒海膽丼 套餐配沙律,麵豉湯有日本海膽同加拿大海膽，日本海膽鮮甜香滑，加拿大海膽大大件啖啖肉。海膽三色丼套餐配沙律,麵豉湯有日本海膽，吞拿魚蓉，三文魚子口感好豐富👍🏻😝😋😋😋日本令和怪物😍😍😍好大隻又新鮮。鮮甜的生蠔，有淡淡海水味！原隻日本魷魚筒燒得網好，爽口彈牙！

🍱蒲燒鰻魚定食.👍🏼👍🏼👍🏼- 鰻魚好軟，幾大條，淋落魚嘅燒汁調味啱啱好，撈飯一流- 撈沙律嘅汁好味，蔬菜種類都多- 麵豉湯入面有豆腐同豆卜，唔會過鹹，飲完唔會頸渴- 醃黃瓜（？）唔會過酸，同飯或鰻魚一齊食都好味.👍🏼👍🏼- 飯係幾香嘅珍珠米，份量好足，食完好飽好滿足，如果再多啲燒汁撈飯更正·午市埋單$108冇收加一以呢個份量同味道嚟講係合理嘅價錢如果有得單點玉子燒就好😝（雖然應該唔會塞得落個胃）啲枱否可以闊落啲會更好，塊板+個黑板仔成日撞到

餐廳名簡單又直接,就叫 “海膽仔”, 一睇就是主打食海膽。而且價錢不貴,令原本不是海膽愛好者的我, 都決定要品嚐一下。 餐廳地方雖然不大, 但菜式種類頗多, 有壽司、拉麵、串燒、手卷、刺身、炸物、燒物和沙律, 實在是眼花瞭亂。 🍱海膽丼  (配麵豉湯及沙律)海膽份量多, 有2款不同的海膽, 一款是直接鋪在白飯上面,另一款則用木板盛載住。以往只食過海膽炒飯, 未曾試過淨食海膽, 於是來一個不同層次的食法。首先, 第一啖先空口用紫菜加紫蘇葉再配上木板上盛載的那款海膽, 海膽入口順滑, 沒有腥味;第二啖試用海膽搭配上一口白飯, 可以多咀嚼一點,令海膽既鮮味停留在口腔多一會兒; 第三啖把芥末醬油直接倒在海膽上面再配上白飯一起食,發覺別有一番風味,整體口感更加豐富, 可以一口接一口。 👅秘制牛舌拉麵有2大塊牛舌及標配的紫菜、粟米、筍、木耳絲和溏心蛋等配料, 牛舌相當厚身, 有口感得來又不會韌。 仲有2塊醬油色的白蘿蔔扮到成舊牛舌咁既樣, 差點被佢呃到, 但相當入味。 🦑原隻日本魷魚筒大大條, 無太多的調味, 可以食到魷魚本身的鮮味,新鮮, 肉質Q彈。 🥗蟹籽沙律每次食日本嘢都必叫的沙律, 實在是

新蒲崗有間好出名嘅日本餐廳叫海膽仔，聽過身邊啲朋友講過好多次，今次終於可以自己嚟試一試啦！以前嚟呢頭多數都係打邊爐，喺地區小店中間，原來有一間咁正嘅日本餐！成餐我覺得最好食就係個鮪魚壽司拼盤，包大拖羅兩件，中拖羅兩件，赤身兩件同埋香蔥拖羅魚蓉兩件都只係 $298，每一件壽司都好新鮮，超級肥美！第二樣鍾意嘅就係個海膽don，首先覺得擺盤好靚，有兩種海膽，加埋幾塊紫菜喺側邊，成碗都只係$168! 海膽冇腥味！秘製牛舌don $58同串燒牛舌 $28我都覺得幾出色，下次一定要帶埋屋企人嚟食！

同朋友去開新蒲崗，見到有間壽司店，有外賣又有堂食，出面又有好大個生蠔櫃，所以就去試下啦。前菜叫咗芒果蟹肉沙律，蟹肉碎、芒果、蟹子、青瓜絲及沙律醬份量充足，食材都很新鮮，蟹肉唔只係得碎，真係見到一條條，食落去好有蟹味，蟹子蟹味香濃，芒果鮮甜不酸，份量足足有4大塊，非常開胃。青瓜絲亦很清爽。主菜叫咗三個set，每個set有沙律及麵豉湯。前菜沙律嘅菜都好爽口，沙律醋唔會好酸，麵豉湯配料都好多。剌身定食有牡丹蝦、三文魚、吞拿魚、油甘魚、希靈魚、北寄背和帶子刺身，每份皆有兩件，同朋友一人一塊啱啱好，牡丹蝦非常大隻同長，非常爽口。海鮮刺身鮮甜十足，沒有一絲腥味。三文魚、吞拿魚肉質亦非常鮮嫩，而且沒有筋，全部都係厚切，食落去好滿足，魚的鮮甜味突出。希靈魚就很爽脆，鮮甜味比其他刺身更突出，而碗飯都有壽司醋嘅味道，飯嘅質感都唔錯，唔會太淋。海膽三色丼有半板海膽，同時亦有拖羅魚蓉和三文魚籽。與刺身一樣，鮮甜味入足。三文魚籽每粒亦非常之大粒，且通透，咬落有咸香。拖羅魚蓉油脂肥美，入口即溶。海膽味道更濃厚甘甜，肉質飽滿，而且唔會一夾就散，食落唔會有好大陣明礬嘅味道，好新鮮。推薦用紫菜將所有配料夾住，並配以少量

🥢西京燒銀鱈魚定食 $128· 個定食有沙律、麵豉湯膽飯, 銀鱈魚厚身香滑, 將外層煎香, 沾埋沙律醬食好惹味, 完全值得一食😍🥢秘製牛舌拉麵 $68· 除左牛舌仲有部分牛肉, 有紫菜, 筍, 木耳絲, 溏心蛋等配料, 整碗都好大碗好似食極都仲有😂 牛舌比較厚身, 但唔難咬好易入口🥢芒果蟹肉沙律 $68· 好少有咁多芒果肉既沙律, 加試有啲生果無咁飽肚感, 留肚可以食下其他野🙊🥢海膽軍艦 $58· 黎到海膽仔點會唔食海膽呢, 本身想叫倍化帶子海膽但賣哂😢 不過個海膽壽司都好滿足, 完全唔腥👍🏻🥢松葉蟹膏軍艦 $38 + 香蔥拖羅蓉軍艦$28· 軍艦通常都細細件, 但佢木足料, 一啖放入口大滿足阿!!!! 🥢熟蝦壽司 $16 + 北寄貝壽司 $16· 朋友比較偏向熟食, 所以都叫左熟蝦同北寄貝, 反應都唔錯🥢火炙鵝肝壽司 $58· 呢啲天氣好想食鵝肝, 佢又唔會太油膩有少少油脂咁甘香, 呢個幾值得食👏🏼

臨近新年媽咪最忙碌 當然要慰勞一下一齊辦完年貨 便找了這間日本菜試試餐廳名「海膽仔」 一看便知主打海膽太適合喜歡海膽的媽媽 食物款式極多叫了點壽司刺身串燒 啤一啤太舒壓了 -⧫⧫ 芒果蟹肉沙律 ⧫⧫ $68媽媽愛健康養生 這盆大沙律頗得她心以青瓜絲拌著芒果及蟹肉蟹籽 很清爽-⧫⧫ 帶子刺身 ⧫⧫ $48三隻帶子相當肥厚 入口軟嫩淡淡鮮味-◆ 燒物 ／ 串燒 ◆-⧫⧫ 牛舌串 ⧫⧫ $28相當厚切 鹽燒後爽口彈牙牛味亦算濃-⧫⧫ 厚燒鰻魚串 ⧫⧫ $28兩件不算細件 大啖鰻魚肉味道不錯的-⧫⧫ 魷魚鬚串 ⧫⧫ $18這價錢也太抵食了吧 嚼著煙韌帶咸香-⧫⧫ 紐西蘭羊架 ⧫⧫ $48羊架很有羊羶脂香 肥瘦適中十分惹味-◆ 壽司 ／卷物 ◆⧫⧫ 海膽軍艦 ⧫⧫ $58海膽店又怎能不吃 叫了兩份更加滿足滿滿的厚厚的海膽 入口綿密有幸福感-⧫⧫ 火灸三文魚腩壽司 ⧫⧫ $22魚腩油份多 火灸後脂香四溢入口即化-⧫⧫ 火灸醬燒蟹棒壽司 ⧫⧫ $18加了蛋黃醬的燒蟹棒 不可能不好吃呀-⧫⧫ 牛油果軟殻蟹卷 ⧫⧫ $18牛油果與軟殻蟹好夾 媽媽喜歡這配搭 -⧫⧫ Orion 沖繩生啤 ⧫⧫ $28細細

開係新蒲崗嘅海膽仔主打日本料理，尤其係刺身、壽司，新鮮又好食，價錢亦親民，難怪有咁多捧長客！✨海膽軍艦 $58 叫得海膽仔，佢地嘅海膽係必試，海膽非常鮮甜，完全無腥味😚✨帶子壽司 $28帶子圓大飽滿，肉質柔軟，鮮甜好味！✨三文魚腩壽司 $16 三文魚壽司 $12 火炙三文魚 $16好鐘意食三文魚，所以叫左三款三文魚壽司，三文魚好肥美，肉嫩油豐🤤✨珍味丼$128丼飯跟沙律同麵豉湯，呢款丼飯有帶子、三文魚、甜蝦、吞拿魚蓉、鮑魚、希靈魚，非常豐富，咁多款刺身都好新鮮，鮑魚好軟腍😍✨日本黑豚肉眼定食 $98採用來自日本嘅黑豚肉，炸到外層酥脆，咬落有聲🤩，仲有三款醬汁配搭，分別係蛋黃醬、梅子醬、芝麻醬，黑豚肉配梅子醬反而最夾，好鐘意酸酸嘅味道😋✨雞軟骨 $38爽脆嘅雞軟骨作為小食都幾唔錯，食完一粒又一粒😚✨雞肉大蔥卷 $28/串雞肉夠嫰滑，大蔥甜甜地，但又有少許辛辣味，幾蔥味😋

上兩年食過一次，之後一直念念不忘，今次終於有機會再嚟食喇🤩 平日夜晚8點嚟到都勁多人，等左一陣先有位，都證明左佢幾高質😜✨海膽三色丼 - 嚟得海膽仔就緊係要食海膽啦，三色丼就有晒海膽，三文魚籽同拖羅魚蓉，每樣都好新鮮，海膽好鮮甜，用紫菜夾住食口感一流！跟餐仲配有沙律菜同麵豉湯，好豐富😍✨鮪魚壽司拼盤 - 有晒大拖，中拖，赤身同拖羅魚蓉，我地由拖羅魚蓉開始食起，之後到赤身，都已經好正，到中拖開始feel到佢嘅油脂，食埋大拖，簡直係肥美到極點，入口即溶🤤✨鵝肝多士 - 呢個要趁熱食，多士夠脆，鵝肝煎完夠晒香口，兩人share一舊幾好，唔會太膩~✨油甘魚鮫 - size都幾大，上枱仲熱辣辣，魚油勁香，肉質嫩滑，落d檸檬汁解膩之餘又提昇鮮味👍

去左新蒲崗呢間日本餐廳，餐廳裝修超日式，一入餐廳就係open kitchen，可以睇住師傅整野食，行入啲就係dining area。平日夜晚餐廳坐滿人，好彩book左位，餐牌超多選擇，樣樣都好吸引。唸左一輪，終於落到單😝牛肉野菜鍋超多牛肉，牛肉好大塊，肥瘦勻稱，好有牛味！個湯底好鮮甜，+$10可以追加稻庭烏冬，食完暖笠笠串燒叫左幾款串燒：牛舌、魷魚鬚、金菇牛肉、雞翼、多春魚全部都燒得好好，火喉剛剛好，個味道都調得好好！最鐘意係牛舌，好爽口，而且好淋，一啲都唔靭燒茄子🍆茄子原條上，燒得好好食，好淋，連皮都可以食埋，不過如果少啲油就完美見身邊每枱人都叫刺身船/海膽刺身，個賣相一流，可惜我地唔食生野，不過鐘意的朋友一定要黎😝

倍化帶子吞海膽$98一打開menu 見到海膽仔 必食推介，一定要試吓！一睇賣相就知係超豪華組合，一碟有兩隻帶子，兩隻厚厚既帶子中間仲夾左一大舊海膽。帶子表面有火炙過，好香魚油味，外面仲包左一層紫菜，食落有幾個層次，帶子肉質白嫩細緻帶爽脆，海膽味道清甜。三文魚大蝦帶子丼飯$88跟沙律及麵豉湯沙律和麵豉湯正常發揮。三文魚3大片，每片都好厚身，帶子大大粒，鮮甜爽脆，大蝦肉身軟糯，壽司飯份量頗多。芝士年糕$38即叫即炸，外層香脆。

平時好少黎新蒲崗，但係特登過嚟因為朋友介紹話呢間啲魚生又新鮮又好味，仲要好抵食，今次自己試過，都真係覺得一定要推介！刺身定食$128 ，啲蝦好大隻，但係只夠線條，每個定食都包埋飯，沙律同麵豉湯。海膽don$168，上枱嗰一刻我哋已經wow咗一聲，足足有一版海膽咁多啊!完全冇腥味，加埋少少三文魚子，真係好快食晒成碗！三文魚大蝦帶子don $88 ，朋友都話好少食到大蝦d膏都咁鮮甜！熟食我哋就叫咗個油甘魚鮫$68一齊分，超大舊，好多肉，燒得有油香又唔乾身。