海港酒家

營業中

休息中

10/02/2010 晴天答應了請家人飲茶, 當然要找一間水準穩定不錯的酒樓啦!今次我選擇了海港酒家, 不過我都是第一次去, 但這是我媽媽的提議, 我們理應給她話事啦起初我都以為好多人等位, 原來他們都正等下午茶時間, 但我們都冇等下午茶的時段, 最後我們都選擇了食中午飯了, 所以好快有位坐了安排的位置都不錯, 是偏廳內的一角, 地方冇大廳那麼吵,所以位置都令人好舒適, 酒家地方都好闊落然後我們叫了一壺香片, 當然由媽媽叫點心先, 之後我們都叫了好多東西食, 不過我和個妹都較喜歡食甜品, 所以我們都一定叫了芒果布甸和雪蛤燉椰皇, 之後其他東西都由我家人拿主意點心都不久續一送上, 由我介紹一下我們叫了什麼點心先啦......甜酸炸雲吞(中點)---甜甜酸酸的汁配上脆卜卜的炸雲吞讓人感到醒胃, 也感不會太油膩的感覺,這是我們開胃的頭盤 皮蛋瘦肉粥 $13---媽媽最喜愛食粥, 也是為她而order的, 粥都好軟綿綿, 皮蛋和瘦肉絲的份量剛好, 兩種材料也是好合配, 熱騰騰的粥再配上薄脆食落好脆口暖胃的感覺鴛鴦賽磅蟹餃(大點)---也是誤會是蟹肉餃, 原來跟上海食府的稱呼一樣,賽磅蟹原來是雞

早已約定年初三會到友人家拜年兼進行一年一度的麻雀大賽(智障版),本打算預訂得龍的盆菜作晚餐,但原來早已爆滿截止收訂單!唯有向友人樓下的酒家埋手.五人選了一個六人份量的盆菜.自問吃盆菜的經驗不多,次數更是一隻手便數得完,興趣不大因為對上幾次吃完後的感覺也只是得一個字-咸!$688四季盆菜內有鮑魚,海參,中蝦,豬手,瑤柱,扣肉,支竹,蘿蔔,豬皮,鯪魚球,雞,燒鵝,芋頭,蓮藕及花菇等.整個盆菜的調味做得很好,汁的味道沒有遮蓋原食材本身的鮮味,吃到最後也沒有過咸的情況出現,而且份量亦適中.較為出色的有鯪魚球,鮮味十足夠彈牙!豬手亦炆得軟淋入味膠質豐富.各款食物水準也很平均.這夜只須一張檯布一個爐加筷子碗不用買餐懵煮餐飽,比吃火煱更方便(連洗洗切切都慳番)這盆菜確是一個小型聚會的好選擇!

3人飲中午茶，點了：麻香鮮枝竹 $18 － 是凍食，非常可口，有很香的麻油味蘿蔔千絲酥 $10 － 很熱，近乎燙口香煎蝦米腸 $15 － 較削身，只略為微煎生猛大海斑蒸飯 $58 － 放到枱上，拿起蓋，熱騰騰的蒸氣冒出，炒飯底，足有10多件魚腩肉，上放有炸蒜茸和蔥粒，超值之選藥膳魚湯菜芯苗 $18 － 魚湯底不錯，沒有腥味，上有雲耳和杞子，但碟頭較細，1人也可以吃1碟可能坐位比較擠迫和樓底低，這間店比將軍澳分店要嘈吵多。(茶錢$5一位)

同朋友兩個人嚟食, 宵夜時段, 所有配料特價. 叫咗肥牛, 白鱔, 墨魚滑, 日本生蠔, 福袋年糕, 花蛤等幾款火鍋料, 配$1牛腩湯底, 好快已經鋪到成枱都係, 視覺上好滿足.雖然特價, 但分量都有正常睇頭, 冇乜縮水. 湯底真係有牛腩同蘿蔔片, 收費$1, 好超值.所有食材非常新鮮, 花蛤仲會噴水, 肥牛同白鱔顏色鮮明, 食落好鮮味. 唯一美中不足係肥牛切得稍厚, 帶啲筋, 部分位置稍嫌韌咗啲. 墨魚滑彈牙兼有好濃嘅墨魚味, 打得好靚.日本生蠔係急凍貨色, 上枱仲有少少雪未溶, 原本冇乜期望, 擔心好腥或者好霉. 點知食落竟然好鮮甜, 冇大陸蠔或本地蠔嗰仲腥味或火水味, 蠔身亦冇因為雪過而變霉, $28一碟, 有驚喜.獅威啤酒十蚊三罐, 好鬼抵. 一餐宵夜清晒全枱, 捧住個肚好滿足, 埋單約＄180, 雖然比起任食火鍋唔算好平, 但就覺得物有所值.

今天中秋做節::，原先沒有訂位，所以近近地在公司附近搵位，7點未到就入左去，等埋屋企人一起開飯瑤柱鮮菇燴海參搵條海參都難，味道就還可以鮮魚湯瑤柱泡菠菜沒有鮮魚味，很淡豉椒炒紐西蘭花蛤生粉水芡太杰，花蛤亦不太新鮮脆皮醬燒雞這個像樣些，皮亦很脆，size可接受清蒸南非鮑魚沒有驚喜，淡而無味

成枱野只得個炒油麥菜有啲鑊氣同蒜香~個火腩仔都過得去~個但唔知咩燉竹笙雞皇翅~百幾蚊~一味大堆頭,~一大陣好濃嘅味精~~口裡食緊咩唔知~ 膩漏得好緊要~~唔得!!!食中菜就係至憎依種食而不知其味~~但偏偏好多中菜都係咁~差不多的菜名~差不多的款式~差不多的味道~我想~是個"獻"嘅問題~~~所以唔鍾意食中菜

本來一心諗住請屋企人開開心心食餐好既,點知換黎一肚氣之餘, 仲要一d都唔抵食..真係非常失望! 尋日7點幾到去到, 入面已經好多人喇,仲差d要等位tim, 不過好彩都好快有位,門口個知客姐姐仲問我貴姓,之後仲稱呼我"陳小姐, 入得去喇",心諗服務都唔錯bor, 點知冇幾耐就出事.. 好啦, 坐定定慢慢簡野食, 我地因為一心諗住食個翅ma,見到餐牌上面寫係(例),咁都知係例牌, 我地3個人,所以就問個waitress例牌夠唔夠3個人食啦,佢話不如試下個燉湯啦, 完全答唔到我既問題..真係比佢激死, 唔知係公司要佢sell定點啦,but就算係翅都應該貴過個湯啦? 仲要down selling?? 講下d野食先, 花英斑兩味 - 翡翠炒球 ($238)雖然話條魚要整兩味je, 不過都唔駛少到得個6舊肉呀?仲要整勁多翠玉瓜炒埋一碟, 請問個main dish係d菜定魚?味其實都ok, 不過真係太少料喇二崧花枝珊瑚蚌 ($88)又係翠玉瓜? 係咪冇第2種菜呢? 又係同樣情況, 配料多到咩, 但真係要食個d都唔知有幾多..仲要乜野醬都冇跟, 要問先有, 如果唔係d蝦醬, 我諗呢碟野同之前係一樣味.

好鐘意來ge飯堂~比較近我屋企~又比較多ge海鮮酒家~味道又正只會一至五先來幫嚫 六日人太多要等位 如係特別節日要一早book定 唔係有排你等燒鵝都幾出名~不過就差左上湯龍蝦好味$128斤(之前做特價$98斤)海螺燉雞湯每次來都會叫佢 除非售罄老虎蝦好味 可惜冇新鮮ge 係個侍應推介ge 唔錯唔錯 不過唔係成日有煎燒鮑魚 一般 又係個侍應推介 但個做法都ok特別先試下服務生都幾好,係門口d姐姐ge態度有待改善

只食過一次小菜..好失望..好油..好味精..但係打邊爐就ok..d料都新鮮..最好9點之後去...因為平好多...

同男朋友仔咁耐已黎都無試過兩人係酒樓食o個晚一於試下~之前都試過一家人黎呢度食~覺得幾好唔算太貴我地8點幾先到~已經滿座了~好彩兩個人食唔洗點等就有位~我地叫左前菜燒豬頸肉,半隻燒鵝,黑椒牛仔骨(好鬼肉呀但男友唔like食菜無計)豬頸肉好味道$28有交易^^燒鵝半隻$110-比想像中細隻~d皮燒得幾脆...又唔算太多肥膏~唔錯牛仔骨$55- 都算幾多肥膏~黑椒味適中~呢個一般啦d待應啊姐都算有禮貌~起碼有d笑容~我地叫左野想cancel又無黑面d"食送"都黎得幾快茶介$8位+2白飯/$8個+1汽水$8=盛為$260-(現場見我地兩人食得算平~見好多人都食成$3xx幾)間中黎下還ok既~此終酒樓食飯都幾貴

今日諗住去食野好既..所以去左海港我地一行10人8:00去到, 嘩咩o的人咁早就食飯, 爆場呀, 仲有好多人等位, 算啦, 還掂都拿了飛仔就等下啦食...叫左8樣野食,有龍蝦,燒鵝,翠塘豆腐,清蒸大青斑,炖湯,蒜香美極牛仔骨,乳豬拼海蜇,等等等服務態度十分惡劣..個個waiter waitress都十分懶散..叫佢o地都好似聽唔到咁..一堆人企響度傾計...至於食物方面清蒸大青斑---條魚蒸到過曬龍,食落去勁鞋,簡直離譜芝士焗龍蝦-----麵ok, 吸到汁, 但係龍蝦唔鮮, 令汁失色o左仲有令我最不滿的是湯..味道不像老火湯..感覺只是味精水加豉油.確實難以接受蒜香美極牛仔骨------味道太淡,,好似冇咩味咁燒鵝-------味道正常整體黎講再去既機會=0

今晚黎左呢到食~ 其實都成日黎架喇!飲茶晚飯打邊爐都有...阿媽覺得水準唔錯~所以就成日黎的今晚3個人點左: 蒜香美極牛仔骨牛仔骨切到細細件, 唔洗同佢係咁博鬥汁好食 D肉唔會好韌但唔係太林. OK! 翅湯浸娃娃菜個湯好清甜, 真係有翅0係上面架喎!好好飲呀! 加埋D菜浸林晒好容易入口~0岩晒D鍾意清清地0既人~ 泰式鳳爪讚!! 好好味!! 汁唔會太辣0岩0岩好食完1碟幾乎想ENCORE黎多碟 南瓜芋頭煲好濃呀D汁, 果然好好食阿媽冇介紹錯好甜呀D南瓜同芋頭都用黎撈飯好正~ 埋單計埋加一茶錢 $240左右都算唔錯~

上星期天嫲嫲大壽，近近地來這間爆到阿媽都唔認得o既酒家。當晚更因有人擺喜酒的關係，要由 8 點等到 9 點半先入座點菜。叫了一圍團年飯套餐，有燒鵝、金卷、大青斑、珊瑚蚌炒西蘭花、乳豬全體、海皇翅、糯米飯、龍蝦伊麵等菜式。較有印象是乳豬，因為隻豬好多肥美，不過個皮唔夠脆；翅雖然用翅頭，但都份量十足，絕不欺場；青斑冇乜魚o既鮮味，但肉質頗滑溜；最搞笑個糯米飯上台時，好似被人畢咗一匙食。整體來說，水準在同區而言首是不俗。

2008-12-26七個人的年度小學同學聚會在於此基本上tko 已經無o的抵o既任飲任食火鍋款式少，但自助醬料就有唔少味道就無話邊樣出色，連魚皮餃都欠了那肥膩口感最唔明係，全香港o既火鍋店都好似唔夠蓋咁，係鍾意拎走我o地o的蓋，要就o係番人o地度拎，攪乜如果不限於區內，不推薦

每逢周日都會做乖乖女，陪老爸飲早茶。今天還加入了遠道而來的表弟妹，一行四人飲早茶去。同一商場內，茶樓數目多達五間之多，問老爸意見，他說想試試這間，因為＜都唔明點解日日都咁多人排隊飲茶＞。一於試試，咪知道原因囉！實在很多人，花了一個多小時才等到有位。侍應帶我們到一半圓疏化位就座。環境頗舒適，枱與枱之間的空間足夠，不會太迫貼。看看點心紙，點心種類也不少。經商量後，選擇了以下點心：黑椒牛仔骨　老爸至愛。牛仔骨肉質鮮味，黑椒汁濃濃的，非常惹味。而墊底的南瓜粒，吸盡了惹味的醬汁，辣辣的非常正！，真係想連汁都撈埋！豆苗餃較清淡的點心。饀料有豆苗和蝦，蝦不算大隻但很爽口新鮮，豆苗亦夠嫩，點辣椒油吃最正！椰香紅豆糕　感覺有點似JELLY，滑滑的，震騰騰！　椰汁味濃，紅豆大大粒有咬口，最後個個都嗌唔夠喉，要再ENCORE!其餘還點了幾款香口的點心：炸三文魚春卷創意點心。幼幼長長的春卷，裡面包著的是三文魚和韮黃。炸得脆脆的，新鮮熱辣，但始終感到熟的三文魚有點腥，不太好吃。炸榴槤酥坊間茶樓少見的點心。一上桌已經聞到陣陣的榴槤味，不好榴槤的表妹狂呼＜好臭！＞呢！　酥皮的外層略嫌過厚，吃罷有點膩。但榴槤餡香滑味