影片
更多
2009-06-19
55 瀏覽
本來一心諗住請屋企人開開心心食餐好既,點知換黎一肚氣之餘, 仲要一d都唔抵食..真係非常失望! 尋日7點幾到去到, 入面已經好多人喇,仲差d要等位tim, 不過好彩都好快有位,門口個知客姐姐仲問我貴姓,之後仲稱呼我"陳小姐, 入得去喇",心諗服務都唔錯bor, 點知冇幾耐就出事.. 好啦, 坐定定慢慢簡野食, 我地因為一心諗住食個翅ma,見到餐牌上面寫係(例),咁都知係例牌, 我地3個人,所以就問個waitress例牌夠唔夠3個人食啦,佢話不如試下個燉湯啦, 完全答唔到我既問題..真係比佢激死, 唔知係公司要佢sell定點啦,but就算係翅都應該貴過個湯啦? 仲要down selling?? 講下d野食先, 花英斑兩味 - 翡翠炒球 ($238)雖然話條魚要整兩味je, 不過都唔駛少到得個6舊肉呀?仲要整勁多翠玉瓜炒埋一碟, 請問個main dish係d菜定魚?味其實都ok, 不過真係太少料喇二崧花枝珊瑚蚌 ($88)又係翠玉瓜? 係咪冇第2種菜呢? 又係同樣情況, 配料多到咩, 但真係要食個d都唔知有幾多..仲要乜野醬都冇跟, 要問先有, 如果唔係d蝦醬, 我諗呢碟野同之前係一樣味.
點知換黎一肚氣之餘, 仲要一d都唔抵食..
真係非常失望!
尋日7點幾到去到, 入面已經好多人喇,
仲差d要等位tim, 不過好彩都好快有位,
門口個知客姐姐仲問我貴姓,
之後仲稱呼我"陳小姐, 入得去喇",
心諗服務都唔錯bor, 點知冇幾耐就出事..
好啦, 坐定定慢慢簡野食,
我地因為一心諗住食個翅ma,
見到餐牌上面寫係(例),
咁都知係例牌, 我地3個人,
所以就問個waitress例牌夠唔夠3個人食啦,
佢話不如試下個燉湯啦, 完全答唔到我既問題..
真係比佢激死, 唔知係公司要佢sell定點啦,
but就算係翅都應該貴過個湯啦?
仲要down selling??
講下d野食先,
花英斑兩味 - 翡翠炒球 ($238)
雖然話條魚要整兩味je, 不過都唔駛少到得個6舊肉呀?
仲要整勁多翠玉瓜炒埋一碟, 請問個main dish係d菜定魚?
味其實都ok, 不過真係太少料喇
二崧花枝珊瑚蚌 ($88)
又係翠玉瓜? 係咪冇第2種菜呢?
又係同樣情況, 配料多到咩, 但真係要食個d都唔知有幾多..
仲要乜野醬都冇跟, 要問先有,
如果唔係d蝦醬, 我諗呢碟野同之前係一樣味..
花英班兩味 - 清蒸頭腩
另外一味, 清蒸.. 本應冇問題, 配金姑菜我都覺得幾有"新意",
但係應該係條魚既問題, d皮好un, 唔知佢點樣"湯"條魚,
下次食魚都係唔好兩味喇, 成條蒸左佢好過..
皇阿碼鮑魚雞煲 ($78)
之前0係翔龍灣分店試過好味, 所以先想encore,
點知, 又冇汁, 又乾, 鮑魚仔又少, 同上次食根本係2回事,
同一個集團, 相差得真係好多, 唔通同地區性有關?
龍蝦湯拆蟹肉海皇生翅 ($108/位)
我地去食飯既目的都係食翅, 翅唔係應該第1,2道菜黎既咩?
我地食哂所有野, 都未黎, 咁就問個waitress係唔係漏單啦?
佢走去check, 傻更更拎左幾隻碗黎,
佢明明睇左張單, 我地係食一位位翅個d, 唔係大窩個d,
ok, 都冇問題, 唔知佢唔清楚定點, 又問第個,
笑點黎喇, " d翅可能耐少少, 因為要發呀"
下, 而家先黎發, 你漏左味漏左lor, 講個咁既藉口?
本身真係想cancel, 但係一心諗係同屋企人食, 都照等啦..
黎到喇, d翅真係都幾足料既, 蟹肉都多, 但係好似西湯,
我屋企人食落就覺得麻麻, 我都覺得好飽好漏,
因為之前都食哂d野lor, 仲點食得落?
椰皇燉雪烚 ($28/個)
呢個係海港好出名的, 預先已經留左2個,
不過不失啦.. 之但係叫左起得甜品, 都要要等番2,3個字..
成餐飯3個人食左成$886蚊, 我完全想像唔到係會咁lor,
服務一般, 我都知d waitress好忙好多客, 但係最basic既都冇lor,
d野食都係一般, 好家常lor, 真係唔係好值!
本身諗住父親節同屋企人食餐好, 點知好似要受氣咁,
不過番到屋企, 爸爸都知我一番心意, 仲安慰我話唔關我事,
始終都係爸爸好!
爸爸, 父親節快樂!
張貼
