海港酒家

營業中

休息中

每逢周日都會做乖乖女，陪老爸飲早茶。今天還加入了遠道而來的表弟妹，一行四人飲早茶去。同一商場內，茶樓數目多達五間之多，問老爸意見，他說想試試這間，因為＜都唔明點解日日都咁多人排隊飲茶＞。一於試試，咪知道原因囉！實在很多人，花了一個多小時才等到有位。侍應帶我們到一半圓疏化位就座。環境頗舒適，枱與枱之間的空間足夠，不會太迫貼。看看點心紙，點心種類也不少。經商量後，選擇了以下點心：黑椒牛仔骨　老爸至愛。牛仔骨肉質鮮味，黑椒汁濃濃的，非常惹味。而墊底的南瓜粒，吸盡了惹味的醬汁，辣辣的非常正！，真係想連汁都撈埋！豆苗餃較清淡的點心。饀料有豆苗和蝦，蝦不算大隻但很爽口新鮮，豆苗亦夠嫩，點辣椒油吃最正！椰香紅豆糕　感覺有點似JELLY，滑滑的，震騰騰！　椰汁味濃，紅豆大大粒有咬口，最後個個都嗌唔夠喉，要再ENCORE!其餘還點了幾款香口的點心：炸三文魚春卷創意點心。幼幼長長的春卷，裡面包著的是三文魚和韮黃。炸得脆脆的，新鮮熱辣，但始終感到熟的三文魚有點腥，不太好吃。炸榴槤酥坊間茶樓少見的點心。一上桌已經聞到陣陣的榴槤味，不好榴槤的表妹狂呼＜好臭！＞呢！　酥皮的外層略嫌過厚，吃罷有點膩。但榴槤餡香滑味

九點後打邊爐 , 特價豬骨湯底一大元 , 必選 ! 食物 ok , 只是脆鯇片非常不新鮮 , 好像雪了好久 , 又厚 , 好難吃 .蟹籽墨魚滑好大碟 , 比四寶丸更好味 . 其他如滑牛 , 金菰菜 , 生根等等 , 和一般的一樣 , 沒有什麼特別 .兩個人叫了太多 , 吃不下, 不然 $100 也可以埋單 . 去樓下茶餐聽 , 也要數拾元一個人 , 這裡真的好抵 !

今晚同屋企人一齊去海港食晚飯...叫o左o既餸如下:燒鵝一隻; 乳豬拼海蜇; 古鹵黑豚肉; 香蒜牛仔骨; 竹笙燒豆腐; 翅湯淋津白; 溫公齋煲; 龍井河蝦仁同埋冬瓜盅~首先講service先...明明唔係冇人格~落單都要等好耐下....落單果位肥姐...佢真係當你自己屋企人咁粗聲粗氣唔在講...最緊要係佢介紹果個冬瓜盅...OK~!報告D餸o黎到同試過之後如下:燒鵝一隻--我未見過明明order一隻燒餓, 但o黎到隻鵝鴛鴦色o既~兩邊唔同色, 但可以點呢~又肥喎~好差~~!乳豬拼海蜇~份量少, 不過都過得去...算ok咖喇~~古鹵黑豚肉--d肉好多粉, 完全冇以前咁好食~香蒜牛仔骨--d肉完全俾d粉拿到d玉淋到霉~竹笙燒豆腐--豆腐心冇乜味~個皮有dd"益"~翅湯淋津白--津白好老, 大塊又咬唔開~溫公齋煲--有d甜...不過已經叫做接受到~龍井河蝦仁--蝦...好多都腥o既~無啦啦又d琥珀合桃伴碟, 不倫不類...最離譜o既係冬瓜盅~唔係原隻冬瓜o既...得其中一節o係個膠o既窩度, 湯冇乜味~完全唔掂~咁o既水準仲好意思收1000蚊~茶餐廳炒小菜都好過佢~我已經決定bad list

收爐飯, booked 數圍, 度度生意都好好, 好似唔憂做, 不過多人的話這裡是坑口及寶林區之中算是最經濟了, 比小草x好原本 book 了的食物個阿姐 mark 錯, 又要我們要, 說我們不要也是丟, 所以每檯也有兩碟一樣的炒飯(頗乾的)最欣賞是甜品 - 桂花糕及馬豆糕

第二次係將軍澳呢間食晚飯都係佢d套餐 2000零蚊 十幾個人食到過時過節一家人聚埋一齊既好地方環境唔錯 服務都幾好不過都係節日大酒樓慣常事 就係一點菜 就可以起 因為煮好晒 套餐就係咁都幾多野食 黎海港招牌燒鵝就走唔甩 皮脆 算係不俗龍蝦伊麵 幾好肉 個芝士汁+伊麵幾入味 唔錯而家d深海魚都係無乜味 條斑無咩味

父母激讚這裡的食物，原因食物味道佳，下午茶時間的大中小點同價非常低食。我親身嘗試後，也認為這裡的點心比同區其他酒樓水準實在高啊!食物方面，我喜愛這裡的潮州粉果，燒賣，雞紮，炒米粉，其餘的食物也是不俗的。下午茶時間很受歡迎。下午一時半便開始派籌，二時開始入座。但輪候下午茶的人多得很，記緊預備充足時間提早到酒樓取籌。

3個人經常在這裡飲茶，下午茶大中小一律$1０.8，點心全部即叫即蒸，必食推介燒鵝米線外皮趣肉多汁$14.8 X.O.炒蘿蔔糕特別在於蘿蔔糕炒完後放上用春卷皮做的碟可以連碟都食$13 流沙奶王包將包一分為二便會見到奶王真的像金色流沙般湧出來香甜軟滑中點($10.8)其他點心蟹子燒賣，蒜蓉蝦春卷，漁湯翠玉餃，滷水鵝掌翼，潮州粉果

2008年1月1日，海港以前來過吃晚飯和打邊爐,晚飯印象麻麻,但火鍋則不錯,加上去過上水那間的晚飯都不錯，所以元旦麻雀後與友人共6人來醫肚。9時半入場，是特價時段。湯底是大芥菜豬骨湯，叫了美國牛肉(2x)、脆鯇片、日本穀飼黑豚肉、鮮菌盛裝、什菜盛裝、油麥菜、雲吞水餃、腐皮脆香酥、蝦丸拼墨丸、堂灼小籠包、花枝片、蝦膠。脆鯇片外，其他的都食過。除了堂灼小籠包太大舊豬肉餡之外，其他的火鍋料都不錯。食腐皮脆香酥時最好一放湯幾秒就拿起，不然吃不到香脆的感覺。蔬菜的份量略細了點。每人90元。而家至記起叫左日式海膽丸好似無黎喎。

昨晚提早做冬，選址這裡，9 人叫了以下菜︰金菇瑤柱扒豆苗︰好油，但味道其實不錯上湯浸菠菜︰勁油，而且唔係上湯，係鹽水西施帶子︰即係蒸蛋白，好嚡口，好似冇乜帶子大青衣︰蒸得過火了，冇鮮味生炒糯米飯︰完全唔掂，應該叫濕蒸糯米飯豉油雞︰呢味OK西蘭花炒帶子︰唔知點解都係油光遍野，吃完好口渴果醋骨︰冇乜特別，個人覺得陳醋骨會更好味壽包︰豆蓉同奶黃餡，竟然冇鹹蛋黃，失望糖水︰分別有芝麻糊、紅豆沙同蕃薯糖水，最好味是紅豆沙，甜度適中，真係煲到起沙，GOOD，其餘兩款都係甜死O個種總括來說，菜類菜式全部都好油，價錢略貴。

6個人吃左 1. 半隻燒鵝2. 花膠響螺雞腳湯3. 翠塘豆腐4. 蒜蓉豆苗5. 蒜香牛仔骨6. 3個椰皇雪蛤燉奶 1, 2 都好吃, 其他既都ok個甜品好多的, 2個share 就啱啱好 每人小過1 舊水

M小姐想打邊爐, 諗住就番佢入將軍澳, 上網搵左一輪見呢間食評都唔錯, 就約係呢度等. 佢有個火鍋區, 可能天氣熱既關係打既人唔多. 火鍋料差唔多全部$28, 睇左一陣就點左...豬骨湯底($38) - 有三四舊豬骨, 另有紅蘿蔔, 白蘿蔔, 粟米等配料, 湯雖然奶白色, 但味道偏淡駝鳥肉($28) - 肉質嫩滑, 就算滾耐左都唔韌魚頭($28) - 新鮮雞子($28) - 粒粒都好飽滿, 食落口好有鮮味雲吞拼水餃($28) - 雲吞水準好過水餃, 每粒都有蝦, 份量雖唔多但尚算爽口蔬菜拼盤($38) - 西蘭花, 粟米, 蕃茄, 小棠菜, 蘿蔔, 生菜, 西洋菜, 種類幾多, 同每樣都好新鮮另有張檯放滿晒蒜茸, 辣椒, 豉油, 蔥等任拎, 但離火鍋區比較遠所以唔係好就腳伙記做野幾快手, 招呼又殷勤, 雖然只係第一次來但感覺自己已經係熟客仔同意之前食友所講, 將軍澳終於有間似樣D既酒樓

7.13 (fri) late lunch收爐飯，booked五圍，每圍接近$800，但可以自己點菜（當然要預先點），又有龍躉食（我都未食過）！聽講之前想book稻香，但每圍at least過千，仲要冇得自己點菜！其實全部都幾好味，食物又幾有創意，搞到我又狂食，哈哈哈！同事們都話得！

住係新都城咁耐呢個位真係又開又汁好多次....好在終於開到一間我深信唔會汁GE酒樓喇!呢間酒樓比起新雅係創新D的~個燒(炸)雞好味~推介紅燒豆腐~~~好滑有豆味~個面炸得岩岩好加上個獻汁真係好正~~~個甜品雪蚧炖椰王不錯但份量太多了食完飯之後兩個人都食唔晒!(推介大家坐近門口的梳化位)

呢個舖位只係O巖做酒樓,於是執完又開,開完又執,今次到"海港"開業入面地方都好多,門面裝潢得唔錯野食都係一般酒樓水平..唔記得左講,我係食LUNCH都叫抵食,飲茶可以來呢間

晚夜了吃飯，看見此店常有人等位，終於走去試。過９點有燒夜價，魯水鵝件$４８估唔到咁好食，有鵝味、肉感及份量足，另點了抄豆苗，不會因燒夜價打了折質素降。啤酒小姐走來賣酒，價錢合理，點了。吃得幾開心，由於價錢十分大眾化，不能發現老街坊一、二人喝酒燒夜。還有很多菜想吃呢，要慢慢試．．．