海洋超級漁港 (深海龍躉專門店)

營業中

休息中

放假同朋友嚟佐敦午膳，選了新寶廣場 3 樓這間「海洋超級漁港」。酒樓去年才剛剛裝修過，環境寬敞且別具雅緻，特設 VIP 房，非常適合大班朋友歡聚。點了個 $238 午市自選套餐，當中包括兩款點心、一份小食及粉麵飯類一客。 鮑汁鳳爪：鳳爪大大隻，炆得好入味，入口糯而不爛，腍滑鮮香，滿滿骨膠原，加埋墊底嘅花生一齊食，滋味又滿足😋合桃叉燒酥：酥皮非常鬆化，內層叉燒肥瘦各半，配上頂頭嗰粒酥脆嘅合桃，入口甜中帶微鹹，十分可口！椒鹽魷魚鬚：魷魚鬚炸得啱啱好，炸粉非常薄身，外脆內煙韌，入口香酥又唔油膩，加上份量不少，絕對係必食之選。仲有我至愛嘅生炒糯米飯，滿佈臘味同花生，用料十足，上檯時香噴噴，米飯色澤均勻，入口粒粒分明，口感和味道都很豐富。另外仲點咗籠鴛鴦燒賣 ($9.8)  而家做緊開業 20 週年特價，非常抵食，有燒賣皇同牛肉燒賣，兩款都好新鮮，大大粒，皮薄餡足，各有千秋。

位於佐敦道的「海洋超級漁港」，無疑是一個海鮮愛好者的夢想之地。這間專門店以其獨特的深海龍躉為主打，提供了一系列精緻的海鮮料理，讓人一走進店內就能感受到濃厚的海洋氛圍。特價上湯西澳龍蝦伊麵這道菜色不僅讓人垂涎，更是顯示了餐廳對於食材新鮮度的重視，龍蝦肉新鮮彈牙，伊麵吸了龍蝦汁的味道，令人一口接一口。錦繡燒味拼盤叉燒、油雞和燒鴨的拼盤色香味俱全，各具特色。叉燒的蜜汁香氣濃郁，油雞的皮脆肉嫩，而燒鴨則烤得恰到好處，令人一試成主顧。足料花生眉豆豬尾湯湯底濃郁，配料豐富，豬尾的肉質軟嫩，與花生和眉豆的搭配，讓整碗湯更具層次感，滋味悠長。碧綠油泡龍躉球龍躉球的魚肉滑嫩，搭配清爽的西芹、甜椒和木耳，讓人感受到鮮香與清新的完美平衡。金銀蛋蒜子浸時蔬這道菜不僅色澤誘人，口味也相當出色。金銀蛋的香滑與蒜子的濃郁相結合，讓時蔬的清脆感更為突出。紅酒燴牛尾煲牛尾煲的肉質軟爛，紅酒的醇厚香氣滲透每一口，令人心滿意足。這道菜絕對是本晚的亮點之一。合時凍糕這道清新的合時凍糕為晚餐畫上完美句號，口感清涼，讓人心情愉快。

📍 海洋超級漁港 - 佐敦每逢週末都好想去飲茶🫖番工前飲個茶🩷十分寫意嘅生活😍✨ 蜜汁叉燒包叉燒包熱辣辣，食落又好鬆軟，叉燒口感軟嫩。✨香煎蘿蔔糕蘿蔔絲酥餅外皮一層層好酥脆，包住滿滿嘅蘿蔔絲，入口清甜，煎到外脆內軟 1啖1件 配甜辣醬 更滋味🤤✨蜜汁叉燒腸腸粉皮薄而嫩滑；餡料同樣充足，叉燒肉嫩彈牙，芫荽香口🐷✨鮮竹牛肉球牛肉球鮮美多汁，口感嫩滑🐮✨鴛鴦燒賣{$9.8}分為牛肉同豬肉燒賣牛肉燒賣爽口彈牙 唔同一般豬肉燒賣，食落去口感更加細膩豐富，完美保留肉汁！豬肉燒賣亦有鮮蝦在內🦐✨珍珠雞打開荷葉香氣撲鼻，珍珠雞用料十足，用料豐富，有齊豬肉、雞肉及臘腸等惹味餡料，糯米蒸到吸收哂餡料嘅精華，醬料又唔會太咸😍✨鮮蝦菜苗餃菜苗餃蝦肉及菜苗滿滿又新鮮餃皮晶凝通透 睇到裏面啲餡料菜苗好足料 有隻大蝦蝦蝦🦐

朋友帶我去咗佐敦食飯，見餐牌幾多套餐孖寶$298，仲有好多餸做緊特價。自選孖寶揀咗脆皮燒鵝皇，燒鵝外皮香脆，肉質細嫩，調味剛剛好。另外配寵仔豉汁蒸白鱔，豉汁好香濃，白鱔外皮充滿油脂香，肉質彈牙，一點泥味都沒有，分量又夠大份。南乳吊燒雞，一樣有特價，半分都係$38真係好抵，雞皮香脆，雞肉依然有肉汁，點埋個南乳汁，味道啱啱好！蒜蓉豆苗，炒得香口又翠綠，豆苗幾細嫩，不錯。油鴨髀臘味煲仔飯按人頭計，每位$68位。臘味上枱好大碟，鹹香十足，處理得好，肉質鬆軟，好容易咬得開，臘肉一樣夠鬆軟，唔會又乾又柴。米飯煲得夠乾身，有米香，撈埋臘味一齊食，油香十足，勁香濃，入冬必食之選！餐廳真係幾抵食，下次可以試吓啲全包宴！

位於佐敦❣︎海洋超級漁港❣︎係一間食粵菜點心海鮮酒家，點心價錢大眾化，服務態度一流👍🏻，侍應好好笑容好熱情❤️好難得，今日去到全場full晒，仲不停有人客，厲害。❣︎潮式咸菜豬肚❣︎$68天氣凍飲啖豬肚湯驅胃寒最好👍🏻湯頭微辣惹味，豬肚洗得好乾淨，配料有支竹同咸酸菜，份量十足。❣︎南乳豬手❣︎$29豬手炆得軟腍，南乳味道濃郁，底部有大量南乳花生入晒味。❣︎點心拼盤❣︎$68而家好興呢啲點心拼盤😋👍🏻我好鍾意，每樣兩件可以食多啲款，會跟蝦餃同燒賣，另外再自選兩款點心，我拼左潮州粉果同雞包仔，即叫即蒸熱辣辣，超正。❣︎迷你豉汁涼瓜班腩河❣︎$68涼瓜肉質爽脆帶甘苦😋👍🏻班腩肉厚，河粉炒得夠穫氣。

今天和親戚飲早茶，選擇了佐敦的「海洋超級漁港」。酒樓在2樓，地方不少，傳統裝飾，座位舒適。我們選了窗邊的一枱，可望街景。佐敦道上的汽車和行人熙來攘往，勾起我不少童年回憶。見點心紙上的點心價錢非常吸引，於是點了幾款早茶優惠的點心。早晨孖寶A（$36）：“金菇牛肉腸”、“五香鹹水角”，腸粉爽滑，牛肉餡調味得宜，口感味道都不錯；即炸鹹水角，香脆可口，肉餡滲滿五香味。兩款早晨孖寶B（$39×2）：“鳳爪排骨飯”、“香芋鴨腳扎”、“合桃叉燒酥”、“薑米雞包仔”，排骨飯的排骨位量不少，肉質不錯，有蒜香味；大大隻的鴨腳，滷水入味；雞包仔的肉餡加入薑蓉，薑汁味濃。特色自選點心拼盤（$58八件）：“蝦餃”、“燒賣”、“鮮蝦菜苗餃”、“潮州蒸粉果”，蝦餃外皮晶瑩爽滑，裏面蝦肉鮮甜爽口；鮮蝦菜苗餃有不同口感，美道也不錯。燒味：“脆皮燒腩仔”（$68），皮脆肉嫩，肥瘦適中，脆皮尤其香口，一口一塊，滋味無窮。這裏的點心質素上乘，而且價錢更有驚喜，我們離開時見酒樓面前的海報推廣“龍躉宴”，相約下次再來吃晚餐。

香港嘅夜市好似冇以前咁旺，但其實我覺得係要睇間餐廳嘅質素。今日同幾個朋友敘舊，去咗佐敦海洋超級漁港食晚飯，質素幾好價錢都合理晚市有好多唔同推廣，其中有孖寶套餐好抵食，$298揀兩款，我哋揀咗燒鵝，因為有四個人，所以加多$80要咗半隻，另外就叫咗籠仔豉汁蒸白鱔燒鵝上枱仲有微暖，光澤鮮明皮脆肉嫩，皮下嘅脂肪唔算好多，而皮嘅脆度仲keep到，肉亦都唔會過鹹，好味豉汁蒸白鱔，個底鋪咗荷葉，有淡淡嘅荷葉香味。而豉汁加咗少少辣椒，微辣更加吊起咗鱔嘅鮮味。鱔肉夠厚身，爽口彈牙脆皮南乳吊燒雞做緊特價，半隻都係$68好抵食。上枱仲熱焫焫，啱啱炸起個皮好脆，有淡淡嘅南乳香，再配上南乳醬味道更加濃郁蒜蓉炒豆苗$118係冬天嘅首選，豆苗炒得翠綠，贊咗酒有酒香，蒜嘅份量剛好，味道平衡最後上枱係等咗半個鐘嘅臘鴨髀臘味煲仔飯$68/位，呢個真係冇得心急，慢工出細貨。臘鴨髀同臘味嘅份量好多，鋪滿成個煲面。侍應幫我哋夾起咗，然後再淋上煲仔飯豉油，飯粒做到粒粒分明，好有飯香，飯又吸收咗臘味嘅油脂，仲有成片嘅飯焦，超好食😋

假日去咗呢間酒樓飲茶🫖，佢哋嘅午市真係幾抵食，幾平民化。首先，我揀咗自選百搭孖寶$78，包括叉燒湯瀨同鮮竹卷。叉燒湯瀨大大碗，叉燒入味。鮮竹卷餡料夠多。鴛鴦燒賣做緊特價只需$9.8，超抵！燒賣的肉餡鮮美，牛肉賣都唔錯。然後點咗蠔豉咸骨粥$25。粥底滑溜，蠔豉同咸骨足料。好耐無食家鄉咸薄撐$29，薄撐有芝麻香。另外，金蒜蒸排骨$36，排骨蒸得啱啱好，金蒜夠，肉質腍身。燒汁釀茄子🍆$30，茄子鮮嫩，魚肉餡釀料豐富，燒汁味道香濃。最後，翠玉帶子腸$42，腸粉滑溜！

這家酒樓位於佐敦站附近，交通方便，室內裝修精緻，環境衛生，有開陽街景，座位舒適。自選二人套餐238元，是包括點心兩款、小食一款和粉麵飯類一款。北菇棉花雞：雞肉嫩滑，魚肚爽口，北菇芳香。茄子燒汁釀茄子：茄子新鮮肉嫩，醬汁美味。椒鹽白飯魚：份量多，白飯魚很巨型，外脆內軟，香口美味。古法龍躉球蒸飯：龍躉肉彈牙惹味，白飯吸收了醬汁，很滋味。單點特價點心燒賣鴛鴦9.8元，豬肉燒賣口感彈牙豬肉味濃，乾蒸牛肉味道正常。

與好友相聚當然少不了來中式酒家聚餐，中式酒家以圓桌聚餐，方便聊天，而且可以點多款餸菜一同分享，慢慢吃慢慢傾。酒樓有抵吃的晚市優惠，可以點選枝竹羊腩煲或者脆皮南乳吊燒雞，我們揀了一隻脆皮南乳吊燒雞，只需$68 。開初擔心$68的吊燒雞會不會細細份呢？但一看到這客晚市優惠，真的覺得十分抵吃。脆皮吊燒雞外皮脆卜卜，皮薄脆，中間的肉質嫩滑啖啖肉，十分出色。而且份量很足，有足足的雞，又抵食又美味，來吃晚餐，必定要點選！另外我們還點了一客四人套餐，點套餐的好處是菜式包羅萬有，不用費神點什麼菜式。我們也十分欣賞這個套餐，因為份量足，而且款式選擇又多，又有海鮮，又有肉，仲有精美的甜點。高湯白灼基圍蝦，基圍蝦大大隻，又爽又彈牙，蝦肉新鮮鮮甜，令人吃完一隻又一隻。份量也多，每人也可以吃很多隻。燒味拼盤，有叉燒、燒肉、燒鵝。啖啖肉，叉燒蜜香味濃，好惹味。燒肉外皮香脆，中間的肉一層層的，啖啖肉超滋味。燒鵝又香又惹味而且仲十分多汁。足料煲靚例湯，湯十分足料，是日所飲的粉葛豬肉湯，老火足料靚湯，而且湯渣都大大兜，入面有超多腍身的豬肉等等，連湯渣都相當美味啖啖肉的。而且湯的份量超多，每人也可以飲上了兩至三碗。碧綠油

海洋超級漁港是深海龍躉專門店，座落於佐敦鬧市，主打海鮮佳餚，環境雅致清幽。坐在窗邊，自成一角，點了超值四人套餐，與好友來大快朵頤! 超值四人套餐 $768高湯白灼基圍蝦新鮮大隻的基圍蝦，以灼高湯至鮮紅色，肉質爽彈，入口特別美味鮮甜。錦繡燒味拼盤燒腩仔香脆可口，外層鬆化、啖啖肉，下層幼嫰的豬肉，令人吃得暢快! 肥美的叉燒，帶陣陣炭燒香氣，入口軟腍。柔嫰的鴨肉，鮮香肉汁在口中散發，香口而不油膩，令人胃口大開!足料粉葛鯪魚例湯䁔胃的老火湯，用料及火候十足，鯪魚的鮮味帶額外甜香，瘦肉煲至軟腍，濃郁清甜的粉葛，入口濃郁，飲後很温補。碧綠油泡龍躉球龍躉球肉身圓厚，彈性十足，骨膠原豐盛，經油泡後外脆內嫩，搭配碧綠的蔬菜和脆豆，口感清新，簡單而滋味。金銀蛋蒜子浸時蔬菜心入口軟嫰，鮮菌清潤爽甜，在金銀蛋的包裹下，吸收了蒜子香氣，咀嚼時帶上湯香甜，十分清爽。紅酒燴牛尾煲牛尾香氣撲鼻，燉煮得酥軟入味，牛尾肉質軟腍，掛滿紅酒的香醇，搭配著濃郁的湯汁，吃下去肉香四溢，美味吸引。海洋流沙包咬下去，內餡的鹹蛋黃流露出，裏面滑溜的奶黃，甜度適怡，百吃不厭。椰汁紅豆糕椰汁和紅豆甜蜜融合，入口黏糯、綿密，椰味香甜濃厚，清

屋企人本身話喺對面馬路飲茶，我話呢邊有間未試過不如上嚟呢間試吓。基本上見到張點心紙琳瑯滿目心情相當興奮。下午茶嚟講都叫做多選擇。不過見佢午市個套餐又好鬼吸引最後嗌咗個午市套餐。我剔咗要四個點心嗰款，但我鬼掩眼剔漏咗一個。但係入單嗰個冇同我講，亦都冇俾返張入單紙我。跟住我話差一樣點心未黎，印咗張單出嚟睇問佢點解我唔係四個點心個套餐？佢話同事幫我落咗兩個點心個套餐，但由頭到尾都冇人通知過我跟住我話我要返個四個點心嘅套餐，個侍應還訓斥我叫我自己單點就得啦。如果單點係抵過套餐，我就唔會叫四個點心個款套餐。講返食物味道基本上係一般，不過當中比較突出嘅都要講講個芝士海蝦伊麵，啲殼同埋啲肉係分離嘅。陳皮鯪魚球係冇陳皮嘅。糯米包同春卷還好，沙薑豬手都有肉。真係比較好食少少就係個鮑汁鳳爪同埋個松露餃，至少食到個松露醬幾香。仲有臨走去到𨋢口嘅時候都未正式落場個經理已經喺度碌枱，見我媽子行過去廁所。我媽子都同佢講話唔該，佢仲西住面好似阻住佢收工咁。任還出口同我媽子講：「我實讓你㗎！」態度超差。茶市未收㗎，咁快轉場根本就係趕客。希望佢老細見到篇食評，可以正視員工對客人態度㗎問題。

同屋企人去咗海洋超級漁港，聽聞佢哋推出咗晚飯超值優惠，於是就迫不及待嚟試下。當日去到，差唔多坐滿，想去記得卜枱。炸子雞，$68雞皮炸得金黃酥脆，咬落去嗰一刻，外脆內嫩，雞肉鮮嫩多汁，配上少少鹽，味道一流，呢個價錢超值。脆皮燒腩仔，$68皮燒得又香又脆，肉質軟滑，正。海鮮三寶，$488實在抵食，三寶包括上湯西澳洲龍蝦伊麵、金銀蛋蒜子浸菜芯同脆皮燒鵝皇。上湯西澳洲龍蝦伊麵龍蝦約一斤，蝦肉鮮甜爽彈啖啖肉，個汁濃郁，伊麵吸收咗湯汁嘅精華，好正！金銀蛋蒜子浸菜芯菜心清脆，金銀蛋嘅香味令味道更加豐富。脆皮燒鵝皇鵝皮炸得香口，肉質鮮美，加$100就有半隻。炒蜆，$138蜆肉鮮甜，炒得剛剛好，醬汁好惹味。我哋飲咗大枝藍妹，$29.8清爽又消暑，為呢頓美食畫上完美句號。

前排同屋企去咗佐敦食飯，餐廳食物質素唔錯，佢哋會提供免費嘅前菜花生同埋甜品紅豆沙，食到好滿足。而且係正地鐵站隔離，位置夠方便，值得推介。一坐低即刻叫咗脆皮南乳吊燒雞，餐廳做緊優惠，半隻都只係38蚊！雞皮好脆，而肉質肥美嫩滑，高質又抵食。脆皮燒鵝拼化皮乳豬，呢個組合真係太正，可以一次過食曬我最鍾意嘅兩款燒味。燒鵝皮烤得夠香口，咬落油脂感十足，乳豬皮則非常香脆，肥而不膩。紅酒燴牛尾煲，牛尾同蘿蔔都煮到好入味。而且夠哂足料，牛尾多到差啲食唔哂。日式海皇什菜煲，海鮮種類好多，有魷魚、蝦、蚌，加埋唔同嘅蔬菜同粉絲，味道清清地又好健康。海洋極品海鮮粒炒飯，炒得好出色，粒粒分明。種類又夠多，配合埋菜粒，口感好豐富。翠塘香滑豆腐，豆腐好滑，食落去甜甜哋有啲似豆腐花，幾啱送飯食。除咗紅豆沙，我哋仲叫咗飲茶時候最鍾意嘅養顏紅棗糕同埋杞子桂花糕。清清地又唔會太甜，仲可以養顏。

同屋企人去咗海洋超級漁港，呢間酒樓主打海鮮，其他燒味同小菜都唔錯，四個人一千都唔洗食到勁飽！炸子雞，$68。外皮炸得超脆，金黃香口，食落好滿足。雞肉嫩滑，唔會太乾，雞味濃郁得嚟帶有淡淡嘅鹽香。🥢脆皮燒腩仔，$68。燒腩仔外皮脆得唔得了，入口即化，脂肪分佈均勻，食落去唔會覺得膩。外層脆皮帶嚟嘅香氣同內裡嫩滑嘅豬肉形成強烈對比，真係一啖接一啖。🥢海鮮三寶，$488呢個三寶都幾抵食，三寶有上湯西澳洲龍蝦伊麵、金銀蛋蒜子浸菜芯同脆皮燒鵝皇。🥢上湯西澳洲龍蝦伊麵龍蝦蝦肉好新鮮彈牙，伊麵吸哂湯汁同龍蝦嘅精華，必食。🥢金銀蛋蒜子浸菜芯好清新，湯底濃郁得嚟帶有蛋香，配埋金銀蛋嘅香味，菜芯索左個湯，好食。🥢脆皮燒鵝皇 燒得外微脆，鵝肉嫩滑，油脂豐富但唔會過膩，鵝香味十足。🥢炒蜆，$138蜆肉好鮮甜，大大隻，洗得乾淨又冇沙，炒得好惹味，正！我哋點咗 大枝藍妹，$29.8冰凍嘅啤酒配埋燒味真係一流，清爽解膩。