海洋超級漁港 (深海龍躉專門店)

營業中

休息中

朋友講有間食海鮮又抵又好食嘅酒樓，咁啱家人又話想食海鮮，於是就約咗去呢度食晚飯，我哋叫咗以下菜式:晚市優惠 - 晚市優惠2選1，我哋揀咗上湯西澳洲龍蝦伊麵，龍蝦很新鮮，肉質結實爽彈，鮮味十足，伊麵煮得剛好，保留煙韌彈牙嘅口感，上湯芡汁唔會過鹹，有牛油香氣及海鮮鮮味，伊麵配呢個汁好好食。海鮮孖寶推介 - 我哋叫咗果皮蒸南非鮑魚(4隻)+豉油皇干煎基圍蝦(例)，南非鮑魚肉質煙韌彈牙，簡單以果皮豉油清蒸，鮑魚嘅鮮味好突出，基圍蝦肉質鮮嫩彈牙，以豉油干煎令整體更香更惹味。菠蘿咕嚕肉 - 咕嚕肉外層只裹了一層薄炸粉，炸得外脆內軟很juicy，另外，很驚喜菠蘿是用上新鮮貨，三色椒亦很新鮮，中和了油膩感，加上酸酸甜甜嘅醬汁，很送飯。蒜蓉蒸勝瓜 - 勝瓜很鮮嫩，加了生熟蒜蓉去蒸，好惹味，勝瓜底下鋪了粉絲，索晒所有味道，又係好送飯啲一道餸。甜品 - 酒樓最後送咗紅豆沙，雖然係免費嘅，但紅豆沙是少甜，紅豆大粒又軟綿綿，呢個糖水好有誠意呀!家人對菜式及服務都好滿意，即使全晚坐無虛席，但服務周到，大讚性價比好高。

Last time come here we have afternoon tea and this time we come in lunchtime, the environment seems look better currently they have the promotion for the opening anniversary, you can get two siumai and two beef meat balls for only ten dollars, the quality is quite good Shrimp Rice noodles rolls are so smooth and silkyChicken feet in Black Bean sauce with many peanutsi like fried squids roll, tasting yummy with very crispy layer yaya BBQ pork in walnut tart is super yummy, is my favorite dim sum

天氣開始凍🥶，終於可以食我最愛既羊腩煲! 呢款煲係我每年都要必食之一! 今次搵到間平靚正既酒樓，就同家人一齊食順便食埋冬至飯😋💥枝竹羊腩煲-跟唐生菜羊肉🐑相當大件而且厚身，入味之餘沒有羶味，肉質腍滑多汁，再配上口感爽脆的馬蹄、枝竹、冬荀、贈送的生菜配料，非常惹味！🌟同屋企人食，選套餐就最好，唔洗諗太多，菜式包羅萬有，不洗費神點什麼菜式。四人套餐，份量十足，又有海鮮，又有燒味同小菜，仲有精美甜點。可免加一，超值之選。🌟超值套餐$768(免加一)💥高湯白灼基圍蝦🦐睇住經理係魚缸撈上拎去廚房，高湯白灼既蝦每隻都有手指咁長，剝殼就知新鮮生猛蝦身脹卜卜，咬落又爽又彈牙，蝦肉鮮甜，令人吃完一隻又一隻。而且份量多，個個食到竹*大脷。💥燒味拼盆✨叉燒: 蜜香味濃，好惹味。✨燒肉: 外皮香脆，半肥瘦帶點軟骨，啖啖肉超滋味✨燒鵝: 肉質鮮味肥美，又香又惹味，搭配梅子醬，讚口不絕💥碧綠油泡龍躉球每片龍躉都係大塊肉厚，魚肉彈牙，味鮮甜又好味，可以大啖大啖食，唔怕有骨，好滿足!💥金銀蛋蒜子浸菜香濃既蒜香味帶有油份，令莧菜夠嫩滑，加上皮蛋和鹹蛋黃，口感非常豐富💥紅酒燴牛尾煲牛尾燉得酥而且軟腍，再配上紅羅白及紫洋蔥

週末與家人在「海洋超級漁港」嘆茶，飽頓後各自精采活動。早晨孖寶：大良炸鮮奶~起源於廣東順德的炸鮮奶外表金黃酥脆，鮮奶軟滑有奶香，非常可口。鮮竹牛肉球~很喜歡吃牛肉球的嫩滑質感，蘸些喼汁味鮮更上一層。鮮蝦滑腸粉~包裹得漲卜卜的鮮蝦滑腸粉，透出饀料的亮麗色彩，賣相十分吸引，味道也很好。鳳爪排骨飯~熱騰騰的蒸飯，合味道又暖胃！慶祝開業20週年優惠，鴛鴦燒賣~燒賣皇、牛肉燒賣祇售$9.8，賣相不賣，味道和品質也不賴，是益顧客的真優惠。黃金流沙包~噢！流沙包真係好流喎！正！椒鹽魷魚鬚~甘香酥脆，魷魚鬚肉質爽脆。芝士焗海蝦伊麵~份量頗多，美中不足祇嫌芝士醬汁略少。

海洋超級漁港是一間專注於深海龍躉的高端海鮮酒家，特大魚缸除了龍躉，還精選來自世界各地的生猛海鮮、澳洲大龍蝦、蘇格蘭蟶子皇、加洲象拔蚌、南非大鮑魚等名貴海鮮。為了提升用餐環境，海洋超級漁港進行了全新裝修，打造了寬敞且雅緻的環境。今天約了朋友來到此店晚飯，經理特別介紹我們吃新鮮運到的澳洲龍蝦，用上湯焗，加入伊麵，上枱時龍蝦的香味撲鼻，令人垂涎欲滴，鮮嫩的龍蝦肉入口彈牙，伊麵吸入鮮甜龍蝦汁，回未無窮。意猶未盡，我們還點了一個四人套餐包括燒味拼盤、白灼蝦、油泡龍躉球、紅酒燴牛尾、海洋流沙包等菜餚。燒味三拼盤 - 叉燒以豐富的蜜汁醬為特色，色澤鮮艷，香氣四溢，肉質甜美。豉油雞皮脆肉嫩，醬油的香氣與雞肉的鮮美相輔相成。燒鵝外皮酥脆，內裡多汁，經典的烤制工藝使得每一口都充滿了濃郁的風味。白灼蝦 - 蝦肉鮮嫩，彈性十足，清爽的口感讓人感受到海鮮的純粹。搭配一旁的醬油風味更為突出。油泡龍躉片 - 口感滑嫩，味道鮮甜。經過油泡處理後，魚片外表微脆，內裡保持了豐富的多汁感。搭配簡單的調味，已能更突顯出龍躉的鮮味。中式紅酒燴牛尾煲的味道濃郁而豐富。牛尾經過長時間燉煮，肉質軟嫩，融入了紅酒的香氣，帶有一絲果香和

上星期和朋友去佐敦食晚飯，他提議食中菜，我們就到鐵路站附近的酒家食飯，環境寬敞，人氣幾旺，差不多坐滿食客。碧綠油泡龍躉球，龍躉煎得好靚，又大塊，入口彈牙鮮味，好新鮮，選料優質，西芹爽脆，兩者很搭。紅燒乳鴿，有晚餐優惠，超抵食，外皮香脆，肉質緊緻嫩滑，夠入味，不點華鹽都夠味，大家盡情享受。燒味拼盤，有雞、燒鴨、叉燒等，份量適中，整體味道不錯，蜜汁叉燒夠軟滑，不乾，幾好味。老火靚湯，用料十足，湯渣都一大碟，菜乾、豬肺、瘦肉等等，菜乾香味濃郁，好滋潤，在這些乍暖還寒的日子最合適。高湯白灼基圍蝦，相當新鮮，彈牙爽口，肉質鮮甜，都算幾大隻，份量都唔少。日本海皇什菜煲，沒想過是那麼大煲，很足料，有不同海鮮，如蝦、北寄貝，蜆等等，粉絲吸收了湯汁特別好味。流沙包，熱辣辣又鬆軟，奶皇餡好流心，不太甜，奶香濃厚，好好味。

屋企人做節好多時都會揀中菜食飯，又想食生猛海鮮所以就去到佐敦嘅深海龍躉專門店食餐海鮮大餐中菜廳環境寬敞，別具雅緻，特設VIP房，非常適合大班朋友歡聚除了深海龍躉，亦專門搜羅世界各地的生猛海鮮，食材優質上乘而且近期仲做梗西澳龍蝦伊麵晚市優惠，咁抵食又點可以唔 book 定枱食靚海鮮食物方面 : 上湯西澳洲龍蝦伊麵 : 龍蝦夠生猛，鮮味十足，肥美肉厚，再配埋份量非常多嘅埋上湯伊麵，必叫晚市優惠主食金銀蒜蒸蟶子皇 : 蟶子皇肉味鮮甜，肉質爽脆彈牙，再埋金銀蒜及絲去蒸，夠曬惹味魚湯枝竹浸龍躉球 : 話曬係深海龍躉專門店，當然要叫返個龍躉球試一試，龍躉片夠曬大塊份量十足，魚肉肉質鮮嫩，魚皮滑溜，再配埋枝竹及魚湯一齊飲，好飲又好食豉椒炒大蜆 : 大蜆隻隻脹卜卜，簡簡單單用豉椒、青椒、洋蔥爆炒，夠曬鑊氣，食得出大排檔風味錦江海鮮豆腐煲 : 海鮮煲有大蝦、北寄貝、花片、魚肉、豆腐、玉子豆腐及蔬菜墊底，份量十足，常抵食

有咩地方又可以食平野，又可以傾八卦野😌 今次閨密揀這間不錯，食物質素也好好，勝價比超高👍🏻「爽脆海蜇」酒樓頭盤必選，脆口🤭「紅燒BB乳鴿」 估唔到這裡乳鴿也有水準🥰 外層脆，而且味道野味，配上啤酒也不錯👍🏻「黃金大蝦」 蝦肉爽口，是新鮮蝦👍🏻「蒜蓉粉絲元貝」火口剛好，不會over cook。「冰鎮咕嚕肉」 冰鎮令外層脆口，肉質更鎖肉味👍🏻「沙爹粉絲肥牛煲」 有別於外間的沙爹，沙茶醬味比較厚，金菇超多🤩「干煸肉碎四季豆」送飯一流的菜式，連我都食左一碗飯🤣備註：🔺提供了多款孖寶套餐，抵食！

星期日晚和家人去佐敦海洋超級漁港食晚飯，地點好就腳，就在鐵路站附近，酒樓人氣旺，差不多坐滿賓客。紅燒乳鴿，晚市特價，超抵食，皮脆肉嫩，而且不算細隻，口感不錯，不用加椒鹽都夠味，個個都啜晒手指。高湯香灼基圍蝦，都幾大隻，相當新鮮，完全不黏殼，肉質爽口彈牙，有海鮮原有鮮甜。碧綠油泡龍躉球，龍躉球好大塊，極有看頭，十分彈牙香滑，肉質緊緻，西芹脆口又有益，兩者配合得當，好味。紅油燴牛尾煲，色澤吸引，牛尾炆得夠軟滑，一咬就可離骨，加上淡淡的紅酒香，十分惹味。日式海皇什菜煲，相當大煲，份量十足，清淡口感但又不乏鮮味，有不同的海鮮、粉絲和蔬菜，相當豐富。海洋流沙包，熱辣辣，夠香軟，真的很流心，奶王不會太甜，適合現今香港人口味。椰汁紅豆糕，好好味，冰冰涼涼，十分Q彈，好香椰子和紅豆味，正！

3月15日早上在佐敦海洋漁港 飲早茶🫖，叫了「白灼菜心」出奇的已作了「走油」處理，看到后非常之開心🥳好吃😋。相信日前在 OpenRice 反映「白灼菜心」 一事，給負責的營運總監、經理或相關的負責管理人知悉，並積極安排點心部配合客人需求，密切關注客人身體健康，少油少鹽，對長者們非常有益健康；同時，點心部師傅落實去做，對此事的積極處理，落實到位，作為客人的我感到非常高興及感恩、藉此多謝負責的管理人員及出品部的同事！👍👍🙏🙏於3月19日再次光臨，白灼菜心竟然如常的多油，據悉是處理灼菜的水煲已經放了油，根本不可能按客人要求去走油，所以非常之失望😮‍💨，所以，還是減少去海洋漁港飲早茶🫖，以免吃後不舒服（肚痾或肚痛），改去其他地方可以遷就客人去處理白灼菜心（走油），或是不叫白灼菜心！上述評語乃是實際情況，本人沒有因為收受利益或有無償的招待，而作出好的評語或者虛構的劣評去冤枉酒樓！（去光顧其他酒樓或者上去深圳飲早茶，也是可行的方法！）

今日同朋友去咗間酒樓食飯，叫咗幾道菜，味道都唔錯，仲有晚市優惠二選一，有龍蝦伊麵或者乳鴿特價，另外仲有好多特價孖寶，價錢唔算貴。紅燒脆皮妙齡乳鴿呢個乳鴿真係冇得頂！皮脆肉嫩，咬落去啖啖肉汁，外皮燒得金黃香脆，完全唔會乾柴。乳鴿嘅肉質好滑，仲帶少少甜味，食完真係想再encore，我哋仲自備手套方便扯住黎食！菠蘿咕嚕蝦球咕嚕蝦球酸酸甜甜，好開胃！蝦球大大粒，炸得外脆內彈牙，完全唔會過火。菠蘿新鮮多汁，同啲甜酸汁撈埋一齊，食落好醒神，啱晒鍾意酸甜口味嘅朋友。南乳粗齋煲呢個齋煲好有鑊氣！南乳味香濃，啲蔬菜同豆卜粉絲雲耳吸晒啲汁，食落好入味。雖然係齋菜，但一啲都唔寡，反而好有滿足感，健康得嚟又好味。之後叫咗個孖寶 酸菜魚龍躉球配金銀蒜蒸扇貝魚湯酸菜魚浸龍躉球魚湯好鮮甜，酸菜嘅酸味同魚湯好夾，龍躉球啖啖肉，好滑溜爽彈，完全冇腥味，食得出好新鮮。金銀蒜蒸生猛元貝元貝好新鮮，蒸得啱啱好，肉質鮮甜彈牙。金銀蒜嘅香味完全滲入元貝入面，蒜蓉嘅香同元貝嘅鮮味完美結合，再加埋粉絲，食落好惹味！啫啫通菜煲通菜煲好有鑊氣，仲有啲蝦乾同蒜蓉吊味，食落好香口。啫啫聲上枱，熱辣辣，好有風味，係一道好有鑊氣嘅小菜。紅豆沙最

今日同朋友去到佐敦海洋超級漁港食晚飯。我們去到點了茶食住花生諗下食咩好先。今晚點了海鮮孖寶推介果皮蒸南非鮑魚+豉油皇干煎基圍蝦，晚市優惠上湯西澳洲龍蝦伊麵，蒜蓉炒勝瓜+菠蘿咕嚕肉。果皮蒸南非鮑魚：鮑魚鮮甜好味道，果皮煎令到個味道更高層次口感。鮑魚鮮味十足口感一流。豉油皇干煎基圍蝦：外殼都咁香口，味道唔會好咸。蝦肉爽口彈牙仲要非常鮮甜好味道。上湯西澳洲龍蝦伊麵：龍蝦肉爽口彈牙，伊麵軟硬得宜。鮮味十足配起上湯煮簡直一流。蒜蓉炒勝瓜：粉絲鋪底配合大量生熟蒜，非常香口好味道。勝瓜軟硬得宜清新口感。菠蘿咕嚕肉：咕嚕肉個醬汁甜酸度剛剛好，肉質唔錯又唔會太肥。非常多配料，三色椒新鮮，鮮菠蘿清甜。仲有紅豆沙送，個紅豆煲度淋晒非常好味道。

今日去咗佐敦一間酒樓度食晚飯 呢度有晚市優惠二選一 可以揀上湯西澳洲龍蝦伊麵 約一斤 $248/份 或者 紅燒脆皮妙齡乳鴿 $28/隻 我哋揀咗乳鴿 乳鴿我哋特登叫店員原隻唔斬可以保留肉汁 皮脆肉嫩菠蘿咕嚕蝦球咕嚕蝦球都幾大份 成碟有十幾隻蝦 蝦球炸香咗 包裹住酸酸甜甜嘅咕嚕汁 菠蘿仲係用新鮮菠蘿所以食落好鮮甜Juicy晚市優惠孖寶 $298魚湯酸菜魚浸龍躉球 單叫已經要$208金銀蒜蒸生猛元貝 4隻 單叫係$58/隻所以孖寶咁叫抵好多龍躉球好新鮮食落啲魚肉好爽彈 而且起曬肉冇骨 個湯底都幾好飲 不過可以再酸啲咁就再正宗啲 至於個蒸扇貝好夠蒜味 啖啖肉啫啫通菜煲平時出街好鍾意食啫啫菜煲 貪佢夠曬鑊氣 屋企好難炒到呢種味道 呢度啫啫通菜煲都好夠鑊氣 裏面有好多蝦乾 食落咸咸香香 非常下飯如果未送曬 埋單仲會有單尾甜品送 當日就係紅豆沙 我鍾意佢呢度嘅紅豆沙多豆多料 我嗰碗有成大塊果皮同勁多紅豆 好滿足

呢間酒樓晚飯好抵食好岩同全家人嚟食‼️有好多款嘅孖寶套餐，又有海鮮孖寶餐我哋都花左好多時間睇個menu實在好多野都想食～～Order左個孖寶餐，豉油王乾煎海花蝦+金銀蒜蒜元貝，承惠$298❤️元貝係大隻厚肉的，肉質好柔軟有鮮味，唔會蒸過龍海花蝦先泡過油，肉質比較挺身結實，少左蝦本身嘅彈性，不過味道好香夠惹味「紅燒乳鴿」乳鴿價錢非常吸引，只係$28咋，即叫即燒，乳鴿皮好香脆，一咬係爆肉汁的，呢個價錢真係性價比高「沙爹粉絲肥牛煲」肥牛係有驚喜的並唔係平時cheap cheap嘅肥牛！感覺係用左牛板腱，食落好濃牛味，肉質嫩彈，好好食不過粉絲煮得唔夠透，有啲硬～～傳統酒樓嘅晚飯都會有送糖水嘅習慣🤩我好鍾意呢個習慣，通常啲糖水都會煲得夠火喉❤️