海洋超級漁港 (深海龍躉專門店)

營業中

休息中

早排去咗佐敦海洋超級漁港同家人食飯，成間餐廳幾大，坐得算舒服，服務都幾主動。我哋點咗個上湯焗龍蝦伊麵，伊麵煮得唔錯，唔會太腍，有彈性。啲龍蝦肉幾新鮮，份量正常，唔算特別多，但味道夠鮮甜，配埋上湯都幾夾。自選孖寶就揀咗籠仔豉汁蒸白鱔同金銀蒜蒸元貝。白鱔啲肉都滑，冇腥味，豉汁味道唔會太重，啱啱好。元貝有四隻，每隻都鋪咗蒜蓉，蒜味香，新鮮。脆皮燒腩仔有驚喜，皮都真係脆，肥瘦比例適中，唔會太油膩，配啲芥末或者甜豉油食會更加好。咸排骨水東芥菜煲味道就比較家常，芥菜夠腍，咸排骨啲肉都入味，飲落去暖胃。點心叫咗香滑麻蓉包同紅棗糕麻蓉包個包皮夠鬆軟，麻蓉餡唔會太甜。紅棗糕質地煙韌，有淡淡紅棗香，都幾清新。整體嚟講，海洋超級漁港啲食物有返咁上下水準，價錢合理，環境舒服，如果想食海鮮，呢間可以考慮下。