洪記潮州滷味

營業中

休息中

去土瓜灣交收完，突然又落大雨，經過洪記潮州滷味，見到廚窗掛滿滷水鵝和鴨，還有擺咗好滷水食物，餐廳設有堂食和外賣，我想買些回家做餸，落雨唔洗阿媽辛苦去街市買餸。滷水食物即叫即切，等一下就有得拎。滷水鴨：用多種香料及調味浸製而成的潮式滷水鴨，肉質細嫩、味道鮮香，是廣東經典美食之一，洪記將鴨胸片肉亦有技巧，鴨肉不及鵝肉嫩口，因此，需要片得比鵝片更薄，鴨肉滷得很入味，滷水味道濃郁。豬耳：豬耳朵膠質豐富，入口軟滑又有脆骨，口感十分特別，而且滷得相當入味。紅腸：原條紅腸浸泡滷水過程後切片，口感結實彈牙, 味道十分濃郁。

阿妹嚟咗我屋企食飯，老公放工去咗土瓜灣洪記潮州滷味斬料加餸，洪記潮州滷水有其獨家滷水配方，以味甘香軟著稱，它柔中帶剛，濃而不咸，鮮而不腥，滷水味調得夠惹味！滷水鴨半隻：用多種香料及調味浸製而成的潮式滷水鴨，肉質細嫩、味道鮮香。師傅將鴨胸肉切成一片片，啖啖肉好入味，配埋調過味嘅白醋食味定更佳。用咗透明外賣盒，衛生美觀，又可循環再用，非常環保。紅腸半條，滷水紅腸香味濃郁，口感勁道，肉質細膩柔韌，肥而不膩，味道醇厚鮮美，唇齒留香。豬耳一隻，滷水豬耳口感又韌又脆，味道鮮香不膩，且富含膠質，特別適合當下酒菜！

前排去完土瓜灣做野，就去咗「洪記潮州滷味」買外賣返屋企食～～餐廳主打多款滷味，包括滷水鴨、滷水鵝、滷水豆腐、滷水豬耳等！見到門口貼住彩色餐牌，好吸引呢🤩🤩🦆滷水鴨(半隻) $75✨滷水鴨份量好多，肉質細嫩、啖啖肉！！雖然鴨肉脂肪含量少，但食落完全唔嚡～食之前再淋上秘製滷水汁，好香好惹味😋😋🐷豬大腸 $25✨豬大腸口感爽彈、有嚼勁，滷得好入味～～而且清洗得好乾淨，唔會腥！整體質素唔錯👍🏻👍🏻下次想試埋佢地的豬耳同豬手，感覺都好吸引😍😍

嚟土瓜灣食完飯朋友話洪記嘅滷味好正忍唔住手買咗啲今晚加餸仲叫我一定要試下佢地嘅滷水✨滷水鴨一盒份量都幾多，果然係正每片鴨肉都充滿 滷水汁嘅味道，夠哂入味附上米醋可以大大減低油膩感，仲可消滯當小食 / 加餸嘅最佳選擇屋企人都大讚✨豬耳好鍾意食豬耳皆因夠軟淋爽口，口感豐富✨豆腐滷水浸透嘅健康豆腐滑嘟嘟又唔會太鹹厚切夾起都唔容易爛食完肉類可以中和一下👍🏻 其實仲有好多野都想試得兩個人食唔到咁多下次一定要試埋鵝掌

有日喺土瓜灣做完嘢，打算買啲外賣返屋企食，經過呢間滷味店，感覺上係老字號，食物亦都幾吸引，價錢亦都相宜，一於試吓！餐廳環境都坐得幾闊落，下次有機會都可以試吓堂食！嚟到滷味店，梗係要試吓啲招牌菜，我就叫咗個墨魚拼滷水鵝飯，雙拼都只係60幾蚊，份量都幾多，仲送左啲菜脯送飯添！另外仲嗌滷水蛋同豬大腸，滷得都夠味，豬大腸亦都冇臭味，豬大腸一條切到幾多件👍🏻推薦！嗌飯仲有埋例湯送，係住家湯嘅味道，啱晒鍾意飲湯嘅我😋滿足滿足！

每次經過洪記，都會俾佢嘅香氣吸引住，嗰陣滷水味，肚餓嘅時候真係招架唔住！滷水食物選擇都幾多，豐儉由人今次想買個鵝肝返去慢慢嘆😎😎滷水鴨（半隻）+鵝肝一個一打開個盒，都已經夠晒賞心悅目🫶🏼🫶🏼滷水鴨已經起左肉，即刻已經可以偷食！❤️❤️滷水鴨皮薄，冇乜皮下脂肪，啖啖肉👍🏼👍🏼而且切嘅厚度啱啱好，質感柔軟，鴨味同滷水味平衡得好好，好入味😌😌新寵！滷水鵝肝一般西式鵝肝都吊高嚟賣，其實簡簡單單，幾十蚊都可以食到美味嘅鵝肝😎😎絕對值得一試！味道濃郁，份量十足，超值！

轉咗新工開始忙咗，好多時候都貪方便外賣返屋企，最近又買咗土瓜灣嘅洪記潮州滷味，作為晚餐非常值得推介。我叫咗鵝片豬脷飯，另外加咗一件健康豆腐、蒜蓉炒白菜，隨餐仲附送老火湯。老火湯用咗瘦肉煲，仲有蘿蔔同冬瓜。蒜蓉炒菜心好好食，蒜味好濃，菜又爽口，好啱撈飯食。健康豆腐即叫即整，啲皮炸到金黃色，好吸引。豆腐好香口，有啲椒鹽，每啖都品嚐到濃郁嘅豆香。鵝片豬脷飯加咗榨菜同鹵水豆腐做配菜，榨菜惹味又開胃。鵝片夠入味，鵝肉味重，仲可以點附送嘅米醋一齊食。而豬脷就夠稔身，整體水準好高。雙拼飯份量好多，食唔曬留返第二日再食，而且整返熱都仲保持到水準，非常抵玩。

嬲到第一次寫食評見到咁多正評話鹵水入味，又零負評，以為應該真係好食。點知去到鋪頭見到得1個食客，就已經覺得有d不妙。咁既然都去到，就諗住試下啦。見d正評係咁讚鹵水鴨同鹵水鵝，所以就叫咗個鹵水鴨。上菜速度正常，碟野到咗之後，因為我不嬲冇影低野食嘅習慣，所以就直接開餐。客觀黎講，份量係大，飯多，鴨都多，仲有兩大件鹵水豆腐，同一啲睇落去辣嘅蘿蔔粒，仲有一碗湯。但食落去啲鹵水鴨係一啲鹵水味都冇，連鹹味都係得少少，好彩係有鴨味，蘿蔔粒都只係微辣，碗湯係普通味精湯，有兩舊蘿蔔咁，成餐我係可以用"健康"黎形容。雖然唔係話難食，但真係完全唔係啲正評講咁好食，好失望，啲正評完全係離哂大譜。

好好味既滷水 同朋友聚會最方便係斬料可以整少兩味去左洪記買左¼下庄墨魚鴨腎掌翼 涼拌海蜇 涼拌蜆 涼拌海蜇同蜆既味道一流 10分惹味滷水食落好香 不會太咸 自我感覺會健康啲 價錢公道

最好吃的卤味没有之一，直接炫到爽❗有没有姐妹和我一样特别喜欢吃卤菜的，😋我是真的超级喜欢，洪记潮州卤菜我认为是卤菜里面最好吃的，🍬绝对妥妥天花板级别呀，基本上每周我都会去门店买店里卤味的品种非常多，有鸭脖、🍬鸭肠、鸭翅、猪蹄、鸭舌、猪大肠等等，真的很多好吃的，而且吃起来是那种香香辣辣的口感，非常的上头哦🧚🏻‍♀️强烈安利这个鸭翅，我真的每次都必买，看着干干黑黑的没有什么食欲，真的只有吃了才知道味道这么好呀，入口的肉质很嫩滑多汁，非常有嚼劲哦✨还有他们家那个鸭脖、猪蹄也是很不错的，吃起来肉质饱满，软糯酸爽，🐷绝对是让你着迷，难怪我身边同事朋友都喜欢去呢，果然没有失望呀❗🏡：洪记潮州卤味

每次係土瓜灣餸完運動都經過洪記，一直都好想試，門口彩色餐牌，價錢合理，好吸引，今次同屋企人食飯，決定買少少返到試試先滷水鵝半隻$75回家打開飯，賣相唔差唷，份量看下去足半隻份量，鵝片放在盒上層，每一塊都有厚度，色澤深，入口一啖有陣陣鴨香味，鴨皮脂肪唔算太肥，唔錯滷水豆腐$10/件豆腐夾起沒有散開，一件可以切開五至六塊，同樣入味，清清地，幾健康，值得點一份鵝掌$30由於每樣都想試，吃滷水鵝掌是必吃的，看顏色已經看到是入味，不會太硬又不會煮得太軟，口應剛剛好，配上啤酒，真是一流最後仲加一隻足味咸蛋$8送粥送飯都可以，唔會只有咸味，有鴨香味整體唔錯，可以再encore

大隻仔今次覓食嘅店舖就係💥 洪記潮州滷味 💥 大隻仔今日無意中發現一間幾好食嘅潮州滷水餐廳，店舖位於土瓜灣北帝街。大隻仔都幾鍾意食滷水鵝，見到午市食飯時間餐廳冇乜客人，唔需要排隊就入去食個靚午。😋😋估唔到餐廳各樣食物都幾有水準，就連附送嘅例湯都見到用心製作，而且份量超級多，價錢唔貴，值得推介。👍👍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 滷水鵝飯 + 例湯 $58😋 滷水鵝飯 滷水鵝飯超級大碟，配上滷水豆腐、酸菜伴碟。鵝肉好淋滑冇渣，而且夠入味，好食，豆腐好滑皮唔厚，菜莆比較甜帶微辣。大隻仔第一啖食個飯覺得唔太夠味，覺得汁可以再濃味少少就好，但越食越覺得好OK，如果個汁太濃反而食到尾會死鹹，而且飯粒充滿鵝油香配上滷水汁好岩撈飯，好好食。😋😋至於白醋要問先會提供的，白醋好搶喉，冇用糖調過味，比較普通。😋 例湯 $0（西洋菜紅菜頭西芹紅蘿蔔湯）雖然係例湯但超級高水準，湯好清甜，而且好夠熱，飲得出湯既清甜味係由蔬菜煮出嚟而唔係落味精，大隻仔會

呢排天氣又凍返，吾想煮飯煮得太辛苦有時就會選擇外賣返屋企‼️😉 今次就買左潮州滷味返屋企加餸‼️❤️▫️❥$75 半隻滷水鴨🥢餐廳好細心將半隻鴨切成一片片、再好整齊排係個盒度‼️一打開就聞到啲滷水汁既香味🤤 鴨肉好嫩，就算無即日食晒，翻熱後仍然吾會好鞋口‼️👏🏻👏🏻 餐廳仲好細心裝左一細盒既滷汁，食既時候再淋落去‼️😉▫️❥$10 滷水豆腐🥢呢度既豆腐比起其他餐廳更加滑溜‼️👍🏻 豆腐索埋啲滷水汁，好好味‼️😋 ▫️❥$5 滷水蛋🥢最後再加左隻滷水蛋俾自己😝

友人紅磡區工作，聽聞土瓜灣有一間滷水店的滷水鵝很受歡迎，而且價錢大眾化，勝在裝修簡單，有平凡閒逸的感覺。門外貼滿手寫的餸菜名稱及價錢，有點大排檔的味道。店內地方不算大，尚可容納30人左右，光線充足及整潔。首先點一客潮式凍食烏頭，能夠將肉質保持鮮味和彈性是功夫，唔錯。跟著點鵝片例牌試試，每片鵝肉都比一般店舖的略大，入口軟軟的，滷水並沒有搶走鵝肉的原味，反而互相配合，有些滷水店的滷水味過濃，嘗不到鵝肉的味道。脂肪的比例是1/8左右，不會覺肥膩，好味😋送上酒香鵝肝時，遠遠已嗅到玫瑰露酒的酒香，「入口即溶化」不是神話；是事實。有驚喜😆名師酥脆蠔餅比較油膩，蠔仔新鮮但是比期望細小😂蠔仔粥不過不失。豬耳豬大腸值得推介，豬耳味道適中，有少少彈牙，軟骨部分有脆薄，好味。整體來說，滷水鵝及其他滷水製品，都超水準，會再次光顧👍🏻

屋企老人家一向喜歡食潮州滷味，同事介紹我土瓜灣有間洪記潮州滷味好好味，今日放工就去買比佢哋試吓，而家土瓜灣有地鐵，交通方便咗好多。餐廳有外賣同堂食，店內環境整潔，食物選擇幾多。近門口廚窗掛滿滷水食物，即叫即切。傳統嘅滷水都應有盡有，價錢公道。滷水鴨半隻，滷水鴨好入味，肉質細嫩，香味十足，鹹香好味道。豬大腸洗得好乾淨，唔會有異味，滷得入味唔會韌，口感啱啱好。外賣附有一盒滷水汁和一盒蒜蓉醋，滷水食物其實已經好夠味，如果點些蒜蓉醋食，味道方面更美味！