泰COOL (彌敦道) (已結業)

入座安排快另人滿意，食物的溫度強差人意，如肉碎是暖，春卷是冷的，連奶茶也不夠熱，希望餐廳可以改善，職員水準可以有改善的地方，落單是準確無誤的，但是當有問題查詢時則未有提供有水準的跟進。會再去多次。值得推介的是咖喱飽午餐，因麵飽夠脆。

泰COOL地址: 油麻地彌敦道483-485A號Le Chateau1樓香港有好多泰國菜間間價錢都唔同，但要搵到一間抵食嘅就真係要逐間試試。講到油麻地抵食泰國菜🇹🇭 一定要介紹佢。環境舒適，性價比高，不錯。椰香青檸海鮮湯粉絲 🍜🍋$58一上場就聞到好香椰汁味，再加上芫茜、檸檬葉等等香料，食落好酸酸甜甜好開胃。海鮮份量都算足料但美中不足係啲海鮮雪藏味比較重。手撕海南雞撈檬 🍝🐔$58無骨海南雞雞肉撕得好細條而且都嫩滑入味😋，檬粉加埋青瓜絲🥒蘿蔔絲🥕碎花生🥜再沾咗啲酸甜醬汁，真係好清爽🤤酸甜醒胃。

姐姐個態度超差又黑面，講野勁無禮貌，服務差，仲有成個幾鍾先收工，同我講廚房收爐，語氣上完全有問題，盯住人吹人叫野食，岩岩座低都未睇餐牌就已經昅住吹人，泰cool食過將軍澳都好好態度，但無諗過呢間甘差？除左食物外希望個位員工好好改善

有朋友推薦就黎試一試叫左個泰色雞肉炒金邊粉金邊粉即叫即炒都好快等左一陣熱辣辣出哂煙嘅金邊粉就上菜好大碟😂個樣睇落好泰國，聞落都好香食落口第一下：好好食！粉炒得乾身爽口少少酸，味道岩岩好可以再加青檸汁，令成個麵更開胃不過稍嫌雞肉唔多肉唔太嫩，亦唔入味，會扣少少分如果係聚會中，必叫不過如果一個人食成碟食到後面會有少少膩，同人分享會更好另外叫左杯凍泰式奶茶茶底微澀口 有微奶香雖然備註左少甜但好泰式地😂好甜總結而言，炒粉唔錯，夠鑊氣又好味可以一試，不過更建議多人黎可以分享食，食完後我會想試更多菜式

嘢食唔錯，但係一如以往個地癡粒粒因為唔係太肚餓，所以嗌左一個午巿套餐同一個小食拼盤。午巿套餐嗌左豬手飯，係唔錯嘅，但係啲豬手汁唔夠，未食晒已經乾晒。仲要嗌左個小食拼盤，豬頸肉幾好食，啲串燒燒到好乾，好硬。套餐跟一杯嘢飲，嗌咗熱朱古力，正常餐跟嘢飲嘅朱古力，好淡。不過好奇怪飲咗兩啖唔知點解杯朱古力有粒類似杞子嘅物體喺度，唔知係上一手用完無洗杯定泰國真係會加粒杞子落熱朱古力到。覺得好嘔心，所以差唔多成杯都冇飲。嚟咗幾次佢哋都係癡粒粒。間鋪冇乜客，有好多吉枱，但係兩個人拎住咁多嘢都唔俾坐四人位。

19-12-2021 (Sun)同老公投完票就出嚟食個晏至行街,我哋嚟到時,重有幾分鐘開門,咁就坐喺出面等啦,等到開門,老闆娘問趕唔趕時間?因廚房未ready,冇問題啊.我哋坐低後睇menu,決定要:4. $23.00嘅熱蝶豆花茶呢個正常冇問題.味道:3分3. $36.00嘅斑蘭椰子奶斑蘭漿唔算太甜,溝埋淡淡地嘅椰子奶,味道啱啱好,好舒服.味道:5分1. $178.00嘅泰皇咖哩軟殼蟹釀巨型麵包麵包冇烘過,不過都啱嘅,會被咖哩汁浸軟,所以唔使烘脆;呢個咖哩汁唔辣,有4件蟹腳嘅部位,外脆內軟.而佢都有甜椒.味道:4.5分2. $78.00嘅馬拉盞炒雜菜雜菜有芥蘭,荷蘭豆,娃娃菜外,重有白菌,呢個有少少辣,但幾惹味.味道:5分連加一係$347.002.75分

中午食飯諗唔到食乜，同事話嗌網上外賣平台，叫呢一間泰cool。諗唔到食咩嘅我，就是但叫咗個泰式豬手飯，另外再加多個炸春卷。左邊係餸，右邊係白飯，仲有多隻蛋添！飯嘅份量都好多，都肯定係多過一碗咁濟！呢個豬手嘅份量都好多，雖然下面畀啲洋蔥墊高咗，但係豬手嘅份量真係好多，而且有肥有瘦，唔會淨係得瘦肉，或者唔會淨係得皮。豬手都非常軟糯，非常入味，好好食。呢個春捲只係加九蚊，估唔到都有返啲份量，即使凍咗都係脆嘅，不過有少少覺得多油咗啲。成個lunch都唔係好貴，cp值超高！

第一次同朋友上黎食飯，其實一入到黎真心感覺麻麻，因為果地下超級痴立立咁。不過都一場黎到，坐低食埋先啦。蒜蓉炒通菜呢個好大碟，好似成個通菜山咁。味道正常，唔會話死鹹。蟹肉炒粉絲呢個呢真係望落其貌不揚，但係係最好味！個粉絲嘅質感好似食緊魚翅咁，不過蟹肉就略嫌少咗啲。海鮮椰青飯送椰青水呢個係佢哋嘅招牌菜，佢送杯椰青水令我覺得佢嘅椰青係唔會重用。不過果飯有少少太甜，同埋太多飯，所以最後都食唔哂。結括嚟講，呢度食物質素唔差，價錢都唔貴，係真係要搞搞果地下痴立立啫

因為最近要經常去油麻地上堂, 所以一到午餐時間就會同同學仔係 centre 週邊覓食。 途經 Nathan Residences, 發現左一間餐廳叫 "泰 cool", 佢既 set lunch 選擇很多 (不少於10款), 而且價錢又唔貴, 午餐都是均一價 (每款$58)。 所以我哋就決定試一試呢間餐廳喇。入到餐廳, 服務員即以友善態度招待, 而且不用等位👍 至於食物方面, 我哋叫咗海南雞飯, 巨型麵包咖哩牛腩, 香葉肉碎煎蛋飯, 黑椒洋蔥牛柳粒紅飯, 泰式濕炒雜菌肉片河。另外, 加咗三個小食分別是生菜包, 春捲同埋炸魚餅。整體主食質素一般, 稱不上好食但不過不失。 至於小食方面, 完全不推薦。 因為炸物 (春捲和炸魚餅) 超油膩, 食完好似搽咗潤唇膏咁 😂😂

已經食過幾次，之前啲質素唔錯，所以再黎。有網上book位係方便嘅，不過可能因為平日，所以我7點去到，入面都係得2枱客。有兩個地方我覺得有問題，入到去話book左位，之後佢帶左我地去2人枱，我見無乜人所以我問可唔可以坐定4人枱。之後佢話book左2人所以留左枱係2人。個陣我都無理嘅，不過到中途開始多人，應該坐左7成，不過我見佢好多4人枱都係唔2人坐，唔明點解book左嘅唔可以坐定，其他就得。第二係叫野食個陣，個侍應後左過黎，我地嗌緊野食，但係門口有人入黎，個侍應就走在去帶位，唔理我地，好似人格分烈甘，做做下一樣野嘅時候突然勁跳脫唔理做其他野。如果宜間係社企嘅話就無問題嘅，不過如果唔係就好大問題。其他侍應就幾好，可能唔忙，會同你傾兩句。野食幾好食。當日個地痴立立，可能倒瀉過野未清潔得乾淨。

小店入口有啲難揾我地好傻仔咁望到間餐廳但唔知點上去原來要搭酒店𨋢上去🙈🙈 可能因為係油麻地同佐敦之間唔係最旺個頭所以入座率偏低😭但呢間小店性價比好高全部野份量都比一般泰國餐廳多！好值得大家黎試下！一班人食就岩晒！👍🏻👍🏻 炭燒羊架(2件) $88 🐏🐏9分燒得好香唔會太乾身！好JUICY超香羊味🤤🤤 炭燒原隻鮮魷魚 $118 🦑🦑7.5分都係燒得好香，唔會靭/乾個醬汁好好味但相對上，今餐入面佢性價比最低我建議食串燒拼盤好過🙈🙈串燒拼盤(大) 🐖🐂🐓🐷(豬/牛/雞各2串及豬頸肉) $1088.5分呢個勁抵食！🤯🤯勁大份而且每樣味道都唔錯性價比超級高！🤩🤩 泰皇咖喱軟殻蟹釀巨型麵包 $178 🦀🦀8分呢個真係超巨型其實叫左呢個，唔洗叫粉麵飯都得😂😂佢個咖喱好香好正軟殼蟹好大隻炸得好香個包要襯熱食！外脆內軟，正！😋😋 香芒蟹肉炒飯 $88 🥭🍚7.5分睇落唔算好大碟但其實佢壓到好實食極都仲有！😵😵好足料，啖啖都有蟹肉！☺️☺️ 上網見人話將軍澳分店不獲續租將軍澳既朋友仔黎緊又少個黃店選擇☹️☹️

🎈#cathlife_yum 𝗧𝗵𝗮𝗶 𝗖𝗼𝗼𝗹⛳️🚨OpenRice 訂座享30分+🚨🌸 港九新界都有分店嘅泰國菜 🌸 🌸必食泰式蠔仔蛋🌸════════════════════💨香港有好多泰國菜，每間價錢也大有不同，但要找到抵食的實在要逐一試。今次介紹的是油麻地、觀塘、鰂魚涌、將軍澳、也有分店的「泰Cool」꧁••••••••••••••••••••••••••••••꧂🔥極主觀個人推介🔥🎲泰式蠔仔蛋ʕ$88ʔ🎲泰皇咖喱軟殼蟹ʕ$148ʔ🎲蒜蓉包［點任何咖喱+$30］🔸 泰式蠔仔蛋 ($̆̈8̆̈8̆̈)̆̈💥鐵板上，焦脆蛋皮😋☻︎上菜個陣嘅「滋、滋、滋」聲真係好吸引，個鐵板香味撲入鼻，食泰國菜必定要叫來感受下泰菜氣氛💥蠔仔粒粒一樣大👍🏻☻︎主角—蠔仔，絕對要讚，一點也不腥，因為蠔仔是事先與蛋漿微微煎香，再放上鐵板上菜，所以吾會過熟💥有芽菜墊底😉☻︎芽菜份量有三份一碟，用來伴碟來說，份量是頗多，正好適合怕油膩的吃寶，把蠔仔蛋和芽菜一齊食，用來中和口感🔸 泰皇咖喱軟殼蟹(̆̈$̆̈1̆̈4̆̈8̆̈)̆̈💥咖喱甜甜💛☻︎這是偏甜和易入口的甜咖喱，加上蒜蓉包是好夾💥味道、色澤濃稠🔸蒜蓉包(̆̈$̆̈3̆̈0̆̈)̆̈💥相當抵食👍🏻👍🏻☻︎$30有5塊，仲要

咖喱花甲煲 - 碟上 ，一食就唔會對到花甲還花甲 咖喱還咖喱， Sorry, 花甲都無味，明顯白烚 同埋好多都開唔哂 青椒好食過啲花甲 咖喱唔香芒果沙冰 - 唔知點解係淡黃色仲以為係菠蘿沙冰小食拼盤正常總括來講我覺得係香港人學整泰國嘢半桶水 唔明果三十幾個like點黎

有跟開嘅朋友，都知我好鍾意食泰國菜，今日同大家嚟到其中一間我最愛嘅泰國菜館：泰COOL泰式雞肉炒金邊粉 $55呢度嘅金邊粉，係其中一個必食推薦，金邊粉炒得夠乾夠鑊氣，香濃嘅金邊粉，炒到入曬味，好有係泰國食既感覺，料又充足，份量大大份，必食❗️❗️泰式甜酸魚配白飯 $55今日另外試左樣新野，甜酸汁甜酸比例岩岩好，魚肉又唔會太梅，魚肉好滑嫩，夠惹味😝😝另外加$18 可以有兩塊魚餅，夠晒彈牙，而肉味充足，值得一試👍🏻👍🏻

油麻地地鐵站行3分鐘就到，交通方便。餐廳性價比高。食物質素很好，而且唔貴。我哋叫咗生菜包，冬陰功，串燒，炸雞，飛天通菜，全部熱辣辣新鮮出爐。(冬陰功稍為辣咗少少）另外要講一講佢嘅嘢飲，尤其是沙冰真係高到飛起，好有誠意。我就叫左青蘋果氣泡冷茶，有汽嘅生果汁都幾特別，好好飲。員工態度良好，善意提醒我哋（因為我哋六個人）要小心枱與枱之間的距離。6個人食，每人大約1xx, 總括來講，環境舒適，性價比高。我一定會再返嚟幫襯