泰COOL (彌敦道) (已結業)

中午食飯諗唔到食乜，同事話嗌網上外賣平台，叫呢一間泰cool。諗唔到食咩嘅我，就是但叫咗個泰式豬手飯，另外再加多個炸春卷。左邊係餸，右邊係白飯，仲有多隻蛋添！飯嘅份量都好多，都肯定係多過一碗咁濟！呢個豬手嘅份量都好多，雖然下面畀啲洋蔥墊高咗，但係豬手嘅份量真係好多，而且有肥有瘦，唔會淨係得瘦肉，或者唔會淨係得皮。豬手都非常軟糯，非常入味，好好食。呢個春捲只係加九蚊，估唔到都有返啲份量，即使凍咗都係脆嘅，不過有少少覺得多油咗啲。成個lunch都唔係好貴，cp值超高！