泰Cool

營業中

休息中

放假約朋友食飯，呢間餐廳比較入，地鐵站過嚟嘅話，喺淘大條美食巷行到盡頭要再轉左。入座時仲係下午茶時段，所以有$48一set，超抵！我地分別叫左芒果糯米飯（$48）🥭同鮮蝦米紙卷（$48）🍤，叫左養生飲品熱杞子桂圓茶（+$6）同特飲香芒椰子奶（+$12）。芒果糯米飯超高質，芒果超甜，糯米煙靭好食，紫米仲勁有驚喜，好香米味！🍚鮮蝦米紙卷勁大份，個人覺得係越南店嘅雙倍大，入面有鮮蝦、芒果或者牛油果，米紙皮好滑同有咬口，同芒果牛油果都好夾！如果細食嘅女仔，其實以上都夠食，但我唔係，所以另外叫咗晚市食品。包括個人覺得好有驚喜嘅地道椰汁雞湯（走辣）$88，我估8個人飲都夠一人一碗，味道係走辣版嘅冬陰功湯，酸酸地好開胃🤤前菜叫左無骨鳳爪沙律（$78），我估都夠4-6人食，味道正常開胃菜。主食叫左鮮蝦炒金邊粉（$88），價錢好平，但一如既往地大份，都係正常金邊粉，鮮蝦都係大大隻🦐最後仲點左沙嗲串燒拼盤（$88），揀左豬同牛，係機械人送餐😃，不過不失啦！食物擺到成枱都係，都係$4xx，抵食啦！下午茶質素絕對越乎預期，另外都推薦椰汁雞湯，呢種味道同價錢，絕對有下次！

今日去左淘大行街，見到朋友之前推介過有間泰國野，今次就去試下先，間餐廳係佐敦谷公園對面，都幾大間炭燒豬頸肉 $78炭燒好香，岩岩燒起上碟熱辣辣，啖啖肉幾爽口咖哩牛腩釀巨型麵包 $88呢個賣相十分精美，牛腩份量多，又夠林又入味，麵包大大個脆卜卜，點咖喱汁絕配泰式炒椰菜苗 $88椰菜苗好鮮嫰，炒得好香夠爽脆，仲要大大碟泰式蟹肉炒粉絲 $88粉絲炒得好香夠乾身，配料十足，蟹肉鮮甜椰青 $46椰青大大個，夠哂解渴象啤 $32象啤抵飲

小食拼盤包含炸蝦餅、炸魚餅、炸雞翼和春卷，款式算多。炸蝦餅外脆內嫩，彈牙。炸魚餅的口感也相當不錯，搭配的醬汁增添了風味。炸雞翼的香脆和春卷炸得剛剛好。香葉爆炒肉碎生菜包是一必吃菜式，肉碎夠辣，用得比較多肥肉，所以油香充足。沙嗲串燒拼盤的串燒味道濃郁，特製的沙嗲醬讓每一串都變得更加美味。冬陰功湯的味道冰酸同甜，原隻大蝦的鮮味讓整碗湯更加豐富。馬拉盞炒通菜的口感爽脆。最後，芒果糯米飯用紫糯米和普通糯米製作，搭配新鮮的芒果，甜度恰到好處，口感柔軟，是一個完美的結尾。欣賞呢度嘅錯位擺設，好似一個小小嘅花園咁樣，坐得都幾舒服。而且送餐係由機械負責，喺香港嚟講算係少有。

主打地道泰式風味 量大便宜性價比高 咖喱炒花甲- 咖喱充滿椰奶香，香濃帶微甜多汁並不濃稠，辣度適中- 花甲新鮮飽滿，炒至剛好開口，肉質嫩滑不韌必配薄餅或香或蒜蓉包，沾滿咖喱汁吃更過癮海南雞飯-雞肉皮爽肉嫩，蘸醬是泰式酸辣醬+黑醬油+姜蓉加入香茅、南姜等香料煮雞突出泰國風味-雞油飯偏淡黃色，椰香突出但雞油香不足，米粒稍黏-配上冬瓜雞骨湯 夏日降火消暑炭燒豬頸肉-表面呈現誘人的金棕色帶有微微焦脆的炭烤紋路油脂部分透亮反光 肉質粉嫩彈牙爽口脂肪部分入口即化 完全不膩混合著焦糖化的蜂蜜與蒜香略帶甜咸的熏烤味令人食慾大開炸蝦餅-金黃酥脆的外表 蝦餅厚度適中 酥脆輕盈邊緣微焦，色澤均勻 面衣薄而松化，不過分油膩內餡蝦肉彈牙緊實蒜蓉包-表面金黃酥脆，蒜蓉與牛油融化後形成閃亮的油光邊緣微焦，散髮濃郁香氣牛油滲入麵包表層，形成薄脆的質感咬下時有輕微的 咔嚓 聲麵包芯保持柔軟，帶點韌性，不會過於乾硬濃郁的奶香，帶點鹽味，與蒜味完美結合豬牛串燒拼盤-牛肉不過韌，豬肉不乾柴外焦香內多汁 調味足夠但不過重，能襯托肉香馬拉盞通菜炒牛肉-馬拉盞醬料均勻裹附在食材上整體炒得乾爽不油膩通菜保持挺直不軟爛，牛肉片薄而帶焦

今日黎到淘大商場，試一試呢間泰國菜，入到黎見到地方好大，仲有得打麻雀！😳 真係比較少見🤩 熱情果沙冰 $38真係有用熱情果去整！成杯都有熱情果籽，真材實料👍🏻 甜味一d都唔假☺️ 好消暑解渴～椰青 $46價錢比我地想像中平，因為坊間其他餐廳嘅椰青都要六十幾蚊以上，所以呢度真係幾抵飲！😝薄餅 $38趁熱食！好酥脆，好好食😋 可配埋豬頸肉一齊食！😌馬拉盞蜜豆炒牛柳粒 $88好足料，勁多豆角🫛 牛柳粒都好巨大，份量夠4人Share！泰式炸蝦餅 $78巨型炸蝦餅配醬汁一流😋 蝦肉好食～ 大滿足！泰式蟹肉炒粉絲 $88估唔到有蟹籽😍 仲有好多其他配料，而且係炒幼粉絲，好食又健康😘 有好多一絲絲嘅蟹肉豬頸肉沙律 $78超多舊豬頸肉！😳 仲有好多瓜、菜，又係好夠4個人Share食，好抵食！呢間店地方大到要用機械人上菜，好得意！🤣食左咁多野埋單都只係500蚊，真係超值！😌

位於淘大嘅呢間「泰Cool」性價比幾高，不但味道有水準，價格親民，菜式選擇亦好豐富！ 首先，重點推介佢地嘅 炭燒豬頸肉，炭香十足，肉質爽嫩，蘸上醬汁口感更惹味，餸飯一流；仲有 原隻南瓜咖喱牛腩，賣相吸睛，咖喱濃郁帶椰香，牛腩燜得軟腍，配埋外脆內軟且蒜香濃郁嘅蒜蓉包蘸汁更美味，單吃或配咖喱汁都令人停唔到口。 香葉爆炒肉碎伴生菜包的肉碎混合香葉、辣椒，辛辣惹味，用生菜包裹更添清爽；馬拉盞雜菜粉絲煲 鹹香十足，粉絲吸盡馬拉盞的鮮味，雜菜爽脆，口感豐富。 冬陰公原隻大蝦海鮮湯 酸辣度剛好，蝦肉鮮甜，湯底香料層次分明，而且超多海鮮，味道濃郁；最後來杯咸檸七，原個鹹檸檬加入七喜，解膩又消暑！ 整體來說，味道正宗，份量足，地方大，座位寬敞，適合三五知己，是區內高性價比的泰菜之選！

收工同家人在牛頭角搵餐廳食飯，行到淘大的方向，見到好有泰國風味的泰妹銅像在餐廳門口，玻璃窗看到店內環境整潔、每組客人之間都有泰式雕花屏風隔開，見到超闊落嘅用餐區，便揀選餐廳作為今晚晚餐～店內仲有貓店長😸令到客人非常開心～我們點了沙嗲串燒拼盤，一上桌就聞到濃郁炭烤香，雞肉和豬肉串燒得恰到好處，肉質嫩滑不乾柴，蘸上濃稠花生醬更是絕配，忍不住一口氣吃了三串。前菜的泰式生蝦刺身擺盤，十隻肥美大蝦排列在冰盤上，蝦肉晶瑩剔透，入口冰涼鮮甜，搭配蒜片、辣椒和特製酸辣醬汁，清爽又開胃，辣勁後勁十足卻停不下來～ 主菜方面，點了熱烘烘明爐烏頭魚讓我驚喜，魚肉蒸得細嫩無腥味，檸檬香茅湯底酸中帶鮮，越煮越入味，連平時不吃魚的朋友都搶著夾～芒果糯米飯為晚餐畫上完美句點，芒果香甜多汁，糯米飯溫熱軟糯，淋上椰漿後甜而不膩。最後捧著冰涼椰青，天然清甜瞬間解膩，是泰國菜的靈魂搭配，每道菜都吃得出師傅功力～

今日去咗 **泰COOL** 食晏，試咗佢哋嘅 **午餐套餐**，整體抵食又飽肚，仲有驚喜彩蛋——佢係間 **寵物友善餐廳** 🐾！最正係有駐場店貓 **「泰妹」** 🐱，性格溫柔又怕醜，成日偷偷望住客人食嘢，貓奴一定會心心眼～ 講返食物，**巨型麵包釀咖哩牛腩** 🍞 牛腩煮得一般淋，可惜咖哩汁唔夠點晒成個包，而且包身唔夠脆，如果烘香啲就完美。**炒金邊粉** 🍝 鑊氣足，酸甜平衡，雖然濕咗少少但依然好味。加$25嘅 **炸蝦餅** 🦐 係MVP！熱辣脆口，蝦肉彈牙，可以叫！ 環境方面，餐廳擺咗好多泰式小物，坐得舒服，仲可以一邊食一邊等「泰妹」巡邏經過（如果佢唔怕羞嘅話😂）。貓控注意：記得輕手啲同佢打招呼呀，嚇親佢就冇得玩啦～ 總括：食物性價比高+貓店長加持=絕對要再訪！ #泰COOL #泰國菜 #寵物友善 #貓cafe #駐場貓咪 #泰妹 #午餐抵食 #金邊粉 #炸蝦餅 #食評

放假約咗朋友食lunch，位於九龍灣淘大商場四期既泰國餐廳，環境舒服，座位闊落，最特別有幾個大鳥籠座位，可以打卡，門口有佢哋自家製嘅蝦片可以買返屋企食。$62午餐好多選擇，仲可以追加一款小食同特飲，而且午市無收加一，抵食海鮮湯檬粉有驚喜，海鮮新鮮之餘，估唔到湯底係船粉湯底，泰好食，再追加小食鳳爪沙律，酸辣度啱啱好，好開胃小食拼盤有蝦餅，泰式魚餅，春卷，雞翼，每款小食都外脆內嫩，非常香口，一碟有哂泰國特色小食，必叫之選炒椰菜苗以蒜蓉炒椰菜苗，炒到恰到好處，味道清甜清脆泰式原隻燒魷魚外層燒到微微焦香，咬落去都好彈牙，配埋酸辣醬汁，令人食唔停口飲品就揀左：三色冰好香嘅椰汁冰，平時飲嘅係粉條，呢度係正方形，一粒粒咬落去更有口感菠蘿冰好大杯，入邊仲有果肉，飲落去夠晒冰凍，好爽

喺淘大食晚飯，真係一試難忘！成餐飯唔單止好味，連賣相都夠晒吸睛，成件事開心又滿足。首先上枱係泰式原隻燒魷魚，個賣相已經好吸引，一條完整魷魚鋪喺藍色長碟上，旁邊擺咗大量新鮮蔬菜同酸辣醬。魷魚外層微焦，食落煙韌彈牙，咬落仲有淡淡炭香，配埋佢哋嘅秘製泰式醬汁，酸酸辣辣，超級惹味。第二道泰式風味沙律魚更加驚喜，整條魚用香料炸到金黃酥脆，外皮香脆，內裡魚肉仍然保持嫩滑，完全唔乾。重點係上面淋滿咗泰式沙律醬，裏面有洋蔥、香茅、花生碎同辣椒絲，香口又爽脆，味道層次超豐富。沙嗲串燒拼盤就啱晒三五知己share，一碟有唔同款式嘅串燒，包括雞肉、牛肉同蔬菜串。雞肉串最出色，肉質嫩滑入味，沙嗲醬香濃微甜，唔會蓋過原味。串燒燒得啱啱好，有火香但唔會乾。壓軸係咖哩牛腩釀巨大麵包，絕對係打卡級選擇。個麵包成個拳頭咁大，酥脆外皮入面釀滿咗香濃泰式黃咖哩。咖哩汁夠滑夠香，椰香味濃郁，牛腩腍到一咬就化，仲有薯仔、洋蔥做配料，食完好滿足。撕住麵包蘸汁食，真係一啖接一啖停唔到口！加上環境舒服，氣氛輕鬆，職員又有禮，整體體驗非常好。「泰Cool」唔只係好食，仲好玩又好影相，下次一定會再嚟，順便試埋佢哋甜品！

朋友係九龍灣返工，知道我鍾意食泰國野，帶左我去淘大有間性價比好高既餐廳「泰COOL」，餐廳門面好特別，好有泰式風格，裝飾都好特別，仲有室內同室外添👍而且呢度仲係PET friendly🐱，可以帶埋你嘅毛孩一齊嚟，餐廳入面仲見到貓貓添🐱講返食物先:咖哩牛腩巨型麵包: 有驚喜😍 麵包外殼焗到脆卜卜，入面係滿滿嘅濃香咖哩牛腩，啖啖肉夠晒入味，仲可以用麵包蘸咖哩汁，層次感十足，而且好大個，兩個人基本上食唔哂。泰式炸蝦餅: 都係必試之選，外脆內彈，仲要一份有8個，好大隻，建議多人食必點👍沙嗲串燒拼盤: 有6串，分別有雞肉、豬肉同牛揀，亦都可以各2串，燒得香噴噴，配埋沙嗲汁，味道升級左。鮮蝦炒金邊粉: 夠鑊氣，仲配埋好大隻蝦，金邊粉又唔會過油膩。甜品方面，芒果糯米飯我都好推介，糯米飯香軟，配埋芒果同椰漿，無得輸呀😍飲品我叫左咸檸七，酸酸鹹鹹，清新又解膩。呢度食物真係好抵食，性價比超高，環境又舒適，值得一試！

朋友係九龍灣返工，知道我鍾意食泰國野，帶左我去淘大有間性價比好高既餐廳「泰COOL」，餐廳門面好特別，好有泰式風格，裝飾都好特別，仲有室內同室外添👍而且呢度仲係PET friendly🐱，可以帶埋你嘅毛孩一齊嚟，餐廳入面仲見到貓貓添🐱講返食物先:咖哩牛腩巨型麵包: 有驚喜😍 麵包外殼焗到脆卜卜，入面係滿滿嘅濃香咖哩牛腩，啖啖肉夠晒入味，仲可以用麵包蘸咖哩汁，層次感十足，而且好大個，兩個人基本上食唔哂。泰式炸蝦餅: 都係必試之選，外脆內彈，仲要一份有8個，好大隻，建議多人食必點👍沙嗲串燒拼盤: 有6串，分別有雞肉、豬肉同牛揀，亦都可以各2串，燒得香噴噴，配埋沙嗲汁，味道升級左。鮮蝦炒金邊粉: 夠鑊氣，仲配埋好大隻蝦，金邊粉又唔會過油膩。甜品方面，芒果糯米飯我都好推介，糯米飯香軟，配埋芒果同椰漿，無得輸呀😍飲品我叫左咸檸七，酸酸鹹鹹，清新又解膩。呢度食物真係好抵食，性價比超高，環境又舒適，值得一試！

泰Cool內原來是金港雀會, 約三五知己打麻雀簡直一流, 而且分了兩層, 每層都有獨立房, 更誇張的事, 每張麻雀枱都是電動麻雀枱, 簡直啱晒懶人啦 😂雀局會包一套餐晚飯, 亦有三款ABC選擇, 分別在於價錢高與低, 及蒸魚的分別。但三個套餐中都是有四餸一湯, 每位都有一碗白飯, 而且套餐中必會有海南雞半隻, 及老火例湯, 海南雞肉質實在太嫩滑, 而且好入味, 而老火例湯真的好夠火喉, 蒸魚奕恰到好處, 魚的肉質很鮮滑。所以在一個雀局中的套餐已經是非常好食, 而且價錢亦很實惠, A餐價錢是最低, 大約為$568。

朋友收工帶路開餐，今次一於食下泰國菜，我地叫左炭燒雞翼(4隻)($48)、泰式蠔仔蛋($98)、馬拉盞炒通菜($68)、咖喱牛腩釀巨型麵包($88)、泰式地道豬手飯($78)、芒果沙冰($38)、班蘭椰子奶($36)環境空間相當闊落，唔會同其他食客坐得好逼😁炭燒雞翼：雞翼肉質嫩滑多汁，外皮燒到微焦，咬落去仲有陣燒烤味😉泰式蠔仔蛋：呢道菜絕對係邪惡又滿足，蠔仔數量都幾多而且夠鮮甜，D蛋又香滑，唔會太油膩，仲可以點埋醬汁食，味道一流😋馬拉盞炒通菜：有多款煮法可以選擇，我地揀左馬拉盞炒，呢度炒得非常惹味，通菜爽口唔會過軟，馬拉盞香氣十足，帶有微辣同海鮮嘅咸鮮味😎咖喱牛腩釀巨型麵包：呢道咖喱牛腩釀巨型麵包真係視覺效果滿分😍外層係酥脆嘅農夫包，裡面裝滿濃郁泰式咖喱牛腩，牛腩炆到超級軟腍，咖喱香濃但唔會太辣，麵包沾滿左咖喱食好滋味😋泰式地道豬手飯：豬手炆得夠晒入味，皮爽肉嫩，加埋泰式酸辣醬，味道升級，另外伴碟D酸菜一樣唔錯👍🏻班蘭椰子奶、芒果沙冰、：黎到當然要叫返D泰式飲品嘆下，芒果沙冰滿一滿勁抵飲，清甜解渴透心涼😋班蘭椰子奶香滑順口，帶有淡淡椰香，飲完超滿足🥰大合照🤩呢到嘅菜式選擇夠晒多，味道水

泰Cool位於九龍灣淘大商場，是一間人氣泰式餐廳，主打地道泰國風味，深受食客喜愛。店內環境舒適，裝潢充滿東南亞風情，令人彷彿置身泰國街頭。首先試試 *火車頭河粉* ，湯底濃郁而帶有香料的層次感，牛肉片嫩滑入味，配上彈牙的河粉，每一口都充滿泰式風味。接下來， *泰式咕嚕魚* 外酥內嫩，甜酸醬汁恰到好處，刺激味蕾卻不會過於膩口。至於 *海南雞* ，雞肉嫩滑，飯粒鬆軟飽滿，配上香濃的雞油飯和醬料，令人回味無窮。*雜菜惹菌炒金邊粉* 是一道均衡又惹味的選擇，金邊粉吸收醬汁精華，滑而不膩，配上多款鮮嫩蔬菜和惹味菇菌，口感豐富。 *豬頸肉沙律* 則帶有酸辣清爽感，豬頸肉燒得香口不乾柴，與泰式沙律的辛香完美搭配。最後以 *芒果糯米飯* 作結，芒果香甜多汁，配上椰香濃郁的糯米飯，為整餐劃上完美句號。泰Cool的菜式味道地道，食材新鮮，服務貼心，是一個讓人回味的泰式餐飲體驗。如果你想一嚐正宗泰國風味，絕對值得一試！🍛🇹🇭