泰Cool

地點位於九龍灣淘大花園，交通便利，環境寬敞舒適。室內空間非常spacious，亦設有包廂，非常適合姊妹聚會聊天，還有室外吸煙區，照顧不同需要。坐得舒服，氣氛輕鬆，傾偈到夜晚九點半都唔趕人，超relax。  鮮蝦金柚伴沙律 $82  蝦份量十足，配搭酸辣汁，味道清新醒胃。蝦本身略為淡味，但整體配合酸甜醬汁，讓整道菜平衡不膩，好適合開胃。  軟殼蟹米紙卷 $88  是整餐的亮點！一碟四件，餡料豐富，有芒果、青瓜、牛油果等，層次感十足。軟殼蟹鮮嫩多汁，帶來爽脆口感，清新又滿足。  沙嗲串燒拼盤 $88  雞肉口感較正常，味道溫和；但牛肉和豬肉的味道較特別，份量偏少。整體來說，若想試可選雞肉部分。  冬蔭鮮蝦炒飯 $88  炒飯吸足濃郁冬蔭醬汁，米飯香滑入味。不過鮮蝦味道略淡，整體仍合格。  地道椰汁雞湯 $88  非常推薦，湯用火爐保溫，入口暖笠笠，非常舒服。湯料豐富，雞肉和菇類鮮美，滋味十足。  芒果糯米飯 $58  飯暖笠笠，口感彈牙，芒果甜度適中，椰奶偏甜但整體味道協調，作為甜品不錯的ending。  泰Cool環境舒適、氣氛輕鬆，食物多樣且有亮點，適合朋友聚會慢慢享用。兩人賣單541元，性價比高。值得再來試試其他菜式！👍😋🥢✨  …ดูเพิ่มเติม

朋友仔之前嚟打雀局介紹我呢間性比價高係淘大唔多起眼位置但勝在地方大***重點***係有露台位方便帶寵物👍🏻店內有隻貓店長註首🐱原來呢度有幾間房做雀局仲有泰菜套餐𠻹都幾抵玩又抵食店內設計酒吧加鳥籠卡位飲品👉🏻椰子沙冰 + 熱情果沙冰👍熱情果沙冰份量十足用真材實料見到啲黑色嘅籽碎。正😋椰子沙冰好香椰子味道又不會太甜夏天飲完不得了即刻降溫前菜👉🏻鮮蝦金柚子沙律有金柚子+洋蔥+鮮蝦+炸蔥酸酸甜甜帶點辣好開胃小食👉🏻泰式炸春卷😋似自家制有蔬菜+粉絲+木耳春卷炸得脆脆熱辣辣配埋酸甜香辣醬汁主食👉🏻巨型麵包釀咖哩牛腩😋麵包輕輕烘到外面脆內軟吸收濃濃椰汁味帶少少甜辣嘅咖哩牛腩煮到好腍好易咬配埋薯仔小菜👉🏻馬拉盞雜菜粉絲煲雜菜新鮮爽脆配粉絲吸收馬拉盞嘅鹹香味甜品👉🏻芒果黑白糯米飯紫米+白米飯口感軟糯熱辣辣芒果好新鮮又甜沾上椰奶**重點**竟然有脆脆綠豆😱真係好正宗👍真心必食推介雀局套餐手機落單機械人送餐…ดูเพิ่มเติม

係九龍灣睇完戲就係最多野食果條街搵下野食，咁岩女友話想食泰國菜，網上一搵就推介呢間，佢要轉出美食街行前少少轉角位，入到去發覺好寬敞，坐得好舒適，門口就會見到佢地既貓店長，好可愛呀打開餐牌食物種類好多，本身想試下個咖喱包但又怕太飽食唔到其他野先放棄，女友話個包打咭無得輸，我地又住得近，咁唯有下次先試啦！泰式炸蝦餅上枱先發現佢幾大份下，薄薄既炸粉，厚實既蝦肉搓埋一齊，當然唔少得一定要點既泰式辣醬無骨鳳爪沙律作為開胃既前菜一定要嗌返個沙律，無骨鳳爪岩哂，佢冇平時食開既咁辣，岩哂唔食得太辣既人士沙嗲串燒佢可以豬牛雞各兩串咁嗌，泰國野點可以唔食串燒WO，油份咇哂出黎，點點個醬，正！冬蔭海鮮炒飯入口係厚厚既冬蔭功味，不過唔辣既，所以適合任何人食，用料都足，大蝦為數唔少係個飯入面，飽肚首選馬拉盞炒通菜菜底新鮮，炒埋一齊唔會太油膩同水汪汪，我覺得呢個認真唔錯，推介芒果糯米飯我女友係食到好飽之後，再叫左佢，然後佢話係甜品黎架，但食落冇後悔，芒果鮮甜，梛汁糯米飯你鍾意既仲可以叫佢多梛汁，諗起我都想Encore一個!!!!*好特別地舖頭佢有個送菜機械人…ดูเพิ่มเติม

今日黎到淘大商場，試一試呢間泰國菜，入到黎見到地方好大，仲有得打麻雀！😳 真係比較少見🤩 熱情果沙冰 $38真係有用熱情果去整！成杯都有熱情果籽，真材實料👍🏻 甜味一d都唔假☺️ 好消暑解渴～椰青 $46價錢比我地想像中平，因為坊間其他餐廳嘅椰青都要六十幾蚊以上，所以呢度真係幾抵飲！😝薄餅 $38趁熱食！好酥脆，好好食😋 可配埋豬頸肉一齊食！😌馬拉盞蜜豆炒牛柳粒 $88好足料，勁多豆角🫛 牛柳粒都好巨大，份量夠4人Share！泰式炸蝦餅 $78巨型炸蝦餅配醬汁一流😋 蝦肉好食～ 大滿足！泰式蟹肉炒粉絲 $88估唔到有蟹籽😍 仲有好多其他配料，而且係炒幼粉絲，好食又健康😘 有好多一絲絲嘅蟹肉豬頸肉沙律 $78超多舊豬頸肉！😳 仲有好多瓜、菜，又係好夠4個人Share食，好抵食！呢間店地方大到要用機械人上菜，好得意！🤣食左咁多野埋單都只係500蚊，真係超值！😌…ดูเพิ่มเติม

九龍灣這間泰國菜專門店，絕對是視覺與味覺的雙重體驗，尤其一道招牌菜 「咖喱牛腩釀巨型麵包」，絕對是必點之選，亦係我極力推介嘅原因！上枱一刻已相當震撼，整個圓形麵包大如籃球，切開頂蓋，熱辣辣、香氣撲鼻嘅泰式咖喱洶湧而出，份量十足。咖喱汁調得相當出色，濃郁惹味，帶有椰香同香料層次，微辣開胃，非常地道。牛腩炆得軟腍入味，份量亦慷慨，吸滿咖喱精華，啖啖肉香。主角巨型麵包外皮微脆，內裡軟熟，蘸滿濃稠咖喱汁一齊食，口感同味道都一流，飽肚又滿足。單係為咗呢個「咖喱牛腩釀巨型麵包」，已經值得專程一試！然而，並非每道菜都同樣精彩。店內嘅 「炒粉絲」（相信指 Pad Thai 或類似菜式）就令人頗為失望。粉絲炒得過於乾身，欠缺應有嘅鑊氣同濕潤感，口感偏硬，似有啲「乾爭爭」。配料亦唔算豐富，味道偏淡，整體而言唔夠香口惹味，同預期中嘅泰式風味炒粉絲有落差，屬 不推介 之列。用餐環境方面，有一個明顯問題係 「冷氣唔太夠」。尤其當店內客人較多，或者食住熱辣辣嘅咖喱時，會感覺侷促同悶熱，影響用餐舒適度。另外，當日亦遇到 「有漏單情況」，點咗嘅小食遲遲未到，需要向店員查詢追單，稍為影響用餐節奏同心情，希望店家能注意出菜流程嘅管理。總結而言，此店嘅 「咖喱牛腩釀巨型麵包」 確實出色，係鎮店之寶，味道同份量都令人回味，誠意推介！但炒粉絲水準未如理想，加上冷氣不足同間中漏單嘅服務小瑕疵，扣咗啲分。建議專攻佢哋嘅咖喱同麵包類菜式，避開伏位，並預留多啲時間，或選擇非繁忙時段光顧，體驗會更佳。…ดูเพิ่มเติม