泰Cool

營業中

休息中

上網search到諗住有得睇波，就打去book啦，電話實牙實齒講到「我地日日都播既」黎到落左單叫左野食都一直轉唔到台，都心知不妙，最後係無得睇既，用返電話睇算，如果唔係話志在出街睇場波，又何必黎你呢到食呢？烏頭魚無去鱗，用嗰啲酒精火燒住就算，條魚好腥加唔熱，講真剩低大半條都好正常喎？店員又拎唔實個盤，一野倒曬啲汁去我件外套度，我想問係咪想人即場發爛？講真，我打出黎唔係為左錢，而係今次體驗真係差到貼地頂實條氣😉

餐廳有室內同室外座位 餐廳設計幾獨特😯室外有人咁大既Antman同Robin既Figure🪆仲有啲位有露天酒吧既感覺🌅🌞室內用咗雀籠式既設計 空間闊落仲有個位係俾人睇波㗎添🏀🇹🇭🇹🇭🇹🇭🇹🇭海南雞飯🐣🍚🥢 ($58)雞 同油飯嘅份量足夠啊 🙋🏻‍♀️都食都好飽 食唔哂添啊🫃🏻🤰🏻油飯嘅香味唔太夠 同埋啲雞唔夠嫩但有三款醬可以點 3️⃣香茅蔥油飯(雞扒🐔) ($58)雞扒嘅皮好脆啊 但係啲肉就有啲老 唔夠嫩醬汁方面就用咗香茅 另外仲有碟蔥油可以點嚟食啊🥢🙋🏻‍♂️覺得香茅味啱啱好 唔太濃但如果撈埋 蔥油一齊食就冇咁吸引啦同埋🙋🏻‍♂️覺得比較普普通通班蘭椰子奶🍀🥛 (跟餐加$12)食泰國菜當然要試吓特色飲品啦🍵杯嘢飲好靚啊 下面個層係班蘭🍀 上面個層係椰子奶🥥🥛椰子味好香好好飲啊🤤🤤🙋🏻‍♂️🙋🏻‍♀️叫咗少甜 但都覺得有啲甜不過都值得一試啊🚶🏻🚶🏻‍♀️

泰cool呢間店有室外同室內，室外有蟻俠同羅賓Figure。室內好大，雀籠設計，幾特別。原來再有間埋裏面，內裏係一間雀會。本身無乜人，我食食下突然見人響內裏走出來，全部四人一枱，十幾枱，有餸有湯，食完又入去打過。同我響出面食泰國嘢，好似兩個空間的事。😲今次五點幾去食下午茶，都算抵食。泰式雞肉濕炒河河粉唔淋，雞肉大舊但肉質較鞋，味道略淡，整體一般。泰式炒金邊粉金邊粉唔乾身，有鑊氣，蝦肉彈牙，酸酸地少辣，不錯！泰式濃湯船麵湯底香濃，麵質滑，豬扒夠厚，推介。黃咖喱雞肉配白飯咖喱唔太辣，幾香，雞肉都係大舊但肉質較鞋，整體都ok.泰式拼盤正正常常，味道不俗，炸物都香脆可口。除拼盤另叫，所以食物配一杯飲品，總括抵食。

去完佐敦谷游泳池游水，望到對面霓虹光管下企了一個人影，走近一看，原來是餐廳擺放了Marvel超級英雄Antman 1:1立像，即時叫Daddy入去影吓相加食飯。餐廳主要食泰式菜，環境OK枱凳夠闊，坐落舒適唔會迫。第一次嚟，我哋叫咗泰式菠蘿炒飯、麵包咖喱牛腩。食物上枱賣相吸引，即時要影張相打卡先。賣相環境都OK，再嚟就要試味道！菠蘿炒飯，味道偏淡，中規中矩，都算合格之上；咖喱牛腩就相反比較重味，連埋麵包食啱啱好，我自己就非常鍾意啦食飽飽啦，去門口埋單，近門口位原來仲有一個羅賓🌝今次都算唔錯，下次我都會再嚟食埋其他菜式

有次搭車經過見到淘大商場旁邊開咗間露天餐廳好Chill咁，今次就去睇睇咩來原來係泰菜，位置相對淘大商場比較偏唔係係集中區，而餐廳都好個個寬躺舒適，好適合休班閑High Tea~🌟星期日六、公眾假期要加一啊 泰式蝦炒金邊粉 - 賣相精緻、第一眼係大碟食落發覺份量都幾多、有獲氣🌟生菜包🥬 - 套餐加$10，因為係小食加購，本身對份量無咩期望，但我絕對低估左🙈好多汁、豬肉亦好香口同淋，$10好抵，一家要加！可樂🥤 - $6連埋冰底唔洗加錢用餐環境好闊落，亦有斜枱比輪椅出入。建議餐廳可以播埋泰文音樂增添氣氛午市餐牌 - 小食加購真係要加，大件抵食!!加購嘅生菜包有2件題外話💕有愛的泰COOL~ 食飯途中有小朋友哭鬧，職員走來送棉花糖比佢地🥰去之前睇完Openeice都小擔心，但整體感覺都好好，值得大家親身一試。

午市套餐5/60蚊， 我點咗海鮮湯粉， D料都好新鮮， 湯底都好味。 服務員態度殷勤， 空間寬闊。 午市套餐仲要做到五點半。 可能位置問題， 人流唔多， 希望多啲人幫襯啦。 呢個位置都轉咗好多手。

自問對食嘅要求已經好低，但真係肚餓都食唔落。。。星期日中午買左兩個lunch set外賣自取，一個波蘿海鮮炒飯，一個海南雞飯。波蘿海鮮炒飯直情係一個比頹飯更難食的頹飯，難食得難以形容，蝦有陣怪味，三色豆古古怪怪，成個飯一啲獲氣都無，叮叮飯都好食好多。海南雞飯好少雞，而且啲雞有陣雪味，口感亦好差。無下次，建議大家肚餓可以去麥記，就算食杯面都好過佢。難怪星期日中午見佢都無乜人，應該係街坊都中過伏，所以無人食。完。

上次去過觀塘嘅泰cool 整體感覺都還好～今次去左九龍灣嘅泰cool試下 舖頭有分為indoor同outdoor位置不過天氣太熱所以都係室內好啲見午市套餐價錢都幾抵就諗住試下 點知有啲好失望嘅體驗(｡ ́︿ ̀｡)海鮮湯金邊粉 $58海鮮雖然冇話好新鮮 但係都可以接受 冇咩湯底味應該係白烚嘅～湯底方面係船麵嘅湯底 金邊粉份量好多而且蘿白都好淋好入味！我朋友好不幸地係碗麵入面發現左兩條頭髮 然後蘿白都有一條毛(應該係眼睫毛)係入面🥲同左職員講所以換左第二碗比我朋友香茅豬排金邊粉 $58湯底一樣係船麵嘅湯底 金邊粉份量好多 而且蘿白都好淋好入味！不過有樣唔係幾好就係豬排係直接放入湯粉入面 所以香茅豬排嘅皮會淋哂同埋油脂滲入湯入面 個人建議可以分碟上豬排～泰式奶茶(跟餐+$6)我同朋友叫左少甜少冰 味道不過不失令我地失望嘅事就發生左…我地舖頭嘅衛生出現左啲問題 我朋友果杯泰奶一開頭見到有隻蚊滋仔係入面咁職員就換左第二杯比我地咁換完第二杯諗住冇事 點知我朋友飲之前攪拌泰奶嘅時候發現又有隻蚊滋 同左職員講佢就道歉左同換左第二杯比我地到換左第三杯 我地驚又中伏 所以就即刻check多次 點知又見到隻蚊

*****************************呢間餐廳嘢食味道不錯而且幾抵食可惜環境有點差好多昆蟲🥹***********🥢巨型麵包咖哩牛腩 $58🥢加配生菜包 $10🥢加配油飯 $15麵包鬆脆 點咖喱好食點多左碗飯配咖哩食落滿足啲生菜肉碎偏鹹送飯一流 就咁食就太重口味了😂***********🥢芒果糯米飯 $58芒果好甜有普通白色糯米飯有藍色蝶豆花糯米飯糯米飯熱辣辣我好鐘意😍

第一次食泰Cool 係觀塘果間，當時覺得性價比高，亦試過鰂魚涌分店既Lunch 都係唔錯。見淘大分店都幾多負評，就黎試試佢係咪咁差。餐廳都幾大，設有半戶外座位，開揚坐得舒服，除左坐收銀帶眼鏡位姨姨好似唔太想應人，其他店員態度都幾好。食物方面係有進步空間，不過都唔係講到咁差既！⭐️泰式香茅炸蝦餅 $78Overcooked 乾身⭐️青木瓜大蝦沙律 $88蝦大大隻，可惜蝦肉唔新鮮，沙律個汁偏辣，我幾鍾意，木瓜清新爽口！⭐️黃咖哩(雞肉）$118咖哩不過不失，雞肉有少許雪味，配菜幾多，有幾舊薯仔，又有西蘭花、洋蔥。⭐️蒜蓉包好脆脆，牛油蒜味再突出啲會更好。⭐️馬拉盞炒雜菜 $78好野味，雜菜份量多。⭐️咸檸七 $28⭐️青檸薄荷梳打冰 $36手機落單，可以自選甜度或少冰

服務態度極hea，食物質素簡直不知所謂，無論在質或者量都無一達標。首先，肉碎生菜包肉碎唔咸唔辣，上菜嘅時候生菜只有五片，然後我問佢嘅時候，佢先話有六片，本身就好少，仲要俾少咗，個態度仲要勁差，完全係不可理喻，個表情好似我哋做錯野咁，仲要一句唔好意思或者對唔住都無，唔知咩態度！？？其次，明爐烏頭魚上菜嘅時候係凍嘅，同埋條魚好似未起鱗咁，啲湯仲要勁少，又無多碗湯可以加，都未煮熱就要熄火，如果唔係條魚食唔到，燶埋！再者，馬拉盞炒芥蘭係無味嘅，得有調味料搭着嗰幾條有味，啲菜好似水煮完要上菜先加汁細啲撩兩下就當係咁雖然喺香港食泰國菜都明白可能有啲唔正宗，但係我認為香港嘅品質唔應該差到咁嘅地步奉勸見到呢個評論嘅人，千祈唔好嚟呢間舖頭‼️‼️‼️‼️‼️‼️

和少年相識的朋友難得相聚，講多過食，口水多過茶。這裏環境很好，夠寬敞。價格亦合理。食品方面，炒金邊粉可以，略嫌多油。炒飯亦不錯。兩樣吃過都沒有口渴的現象。可選擇手機落單。有機會會再去，淘大附近也可以行山。

之前係觀塘食過泰cool晚餐，估唔到係淘大都靜雞雞咁開左分店呢個鋪位原來好大喎真係好寬敞，位得好舒服呀👍🏻👍🏻👍🏻下次搵班朋友入雀龍坐先🤣Lunch 價錢好合理呀👏🏻👏🏻👏🏻岩晒有得自己點餐💡👍🏻Yeah泰式船面😋😋😋好正喎，份量足！最喜歡係多蔬菜呀👏🏻👏🏻！湯底都清味喎，唔會太濃👍🏻嘩，好吸引呀😋呢個咖哩唔辣架🤣岩我呀！係牛腩比較實，韌左啲小食：生菜包，仲辣過咖哩🤣但放好肉碎上碟又幾好喎。小食：春卷👍🏻👍🏻👍🏻好正呀。😍熱氣都要食呀！

聽屋企人講呢間餐廳好好食，但睇食評就好一般，一於同朋友試下先，而且佢有波睇，仲大電視，好吸引！入去坐低，職員即刻帶位，為左睇電視，見到有個客啱啱走，未執枱都坐埋去，職員即刻幫手執乾淨，仲好細心抹，加分。啲野食幾吸引，叫左椰青海鮮飯，小食拼盤，馬拉盞炒雜菜。椰青海鮮飯：本身以為同其他餐廳一樣，細細個得一兩碗飯。點知一上枱，OMG! 巨型椰青飯，我估有4碗飯左右，佢仲將開椰青既椰青水俾埋你，我從未見過有餐廳咁好，變相送左一杯飲品。椰青入面啲炒飯好好食，用椰青肉炒，所以有椰青味。如果海鮮一齊炒，會效果更好。小食拼盤：呢個都唔錯，蝦餅同魚餅都好食，唔會好粉。馬拉盞炒雜菜：朋友想食雜菜，我想阻止，因為通常出面餐廳既雜菜都唔好食同唔新鮮。但係呢間泰菜既雜菜都好新鮮，馬拉盞好夠味道，又有炒既獲氣，一改我對雜菜既感覺。整體成餐飯都好好味，環境好闊落，又靚，唔明點解咁多負評，佢既質素好過淘大另一間泰國菜。將來一定會再試下佢既其他菜式。

今次同同事去咗泰cool食午餐，呢度環境都算好闊落，坐得幾舒服～午餐全部都係$58 ，仲可以追加美食或者甜品😋我叫咗個泰式蝦金邊粉 ($58)😗講真金邊粉我就覺得一般般，佢嘅調味偏淡，如果可以濃味啲就比較好😉四隻蝦都算爽口嘅，份量幾足～另外追加咗肉碎生菜包兩件 ($10)，反而我幾鍾意佢個生菜包，啲肉碎滿瀉，而且調味好惹味，真係有泰式正宗嘅感覺😋另外我亦都叫咗一杯特飲，斑蘭椰子奶 (加$12)～雖然已經叫咗少甜，但係泰式飲品普遍都係比較甜，椰子味好重，整體嚟講都算一般～雖然佢嘅主食唔算特別出色，但係呢個價錢，又算坐得幾舒服，我覺得都算okay啦～