泰 (瓊華中心)

營業中

休息中

食泰國野除左去九龍城之外，旺角都有選擇，來到哩間Thaiology食泰國菜，店舖座位好闊落，一家人來食都好岩。值得一讚，員工服務態度好好，非常貼心！冬陰公海鮮湯｜$148叫左小辣岩晒啲食唔到太辣既人，酸酸辣辣好開胃，材料都好足料，隻隻蝦都勁大隻超肥美，食到lamlam脷。鮮蝦柚子沙律｜$118超多柚子，舊舊都好大舊！分量真係唔惹少，又係酸酸地有啲柚子都可以中和下陣間既油膩感。咖哩炒軟殼蟹 薄餅｜$208 $58咖哩不算辣，偏向甜甜地，入面有兩大隻軟殼蟹，好脆口好味，另外食咖哩緊係配埋薄餅沾咖哩汁食😋串燒牛肉｜$48粒粒都好大粒，配埋沙嗲汁，必食

餐廳座位寛敞，職員服務態度又好，可以舒舒服服地食餐飯。咖喱炒軟殼蟹 $208喺呢度食軟殼蟹唔使爭，因為一碟有成6大件(半隻) 蟹，仲要每隻都啖啖肉。蟹炸得夠亁身，唔會咬落成口油，連配菜亦非常好食，唔會有草青味，問侍應原來係用雞湯煮過，咖喱醬好濃郁，配白飯薄餅一流。（叫薄餅本身都會送一份咖喱醬）泰式生蝦刺身 $128生蝦夠鮮甜，肉質實淨，配埋蒜片辣椒同佢嘅醬汁，酸酸辣辣，開胃之選。泰式串燒雞 $48燒得唔錯，唔會過亁，而且算大串，配埋個花生醬，味道咸咸甜甜。椰子雪糕糯米飯 $88熱糯米配椰子雪糕，食落口冷熱交加，雪糕質地柔滑，糯米粘粘糯糯，配埋個椰肉實在不得了，椰子控必試。蜂蜜香茅水 $54非常多香茅，沉得越耐香矛咪越出，味道清新。

旺角瓊華中心食肆林立，每層都獨有特色，今次午餐食左間位於16樓既泰國菜，午市套餐超大份！泰式無骨海南雞(半隻) 配 油飯 $98Hainanese Chicken with Rice in Chicken Oil上枱嘩然見到勁足料同大份海南雞，仲要大大隻脾位翼位，無骨大大啖肉咬落去好有彈性。食泰式既海南雞當然唔少得個醬汁，有3款：甜豉油、泰式酸汁、薑蓉，仲有香甜黃油飯同雞湯跟配。泰式滷水豬手飯 $88Braised Pork Hock Rice醃汁滷水非常入味，每隻豬手豬皮同豬肉都夠厚夠實，好適宜送飯。午市套餐仲有餐飲選擇，環境太陽光射入黎好舒服。

Thaiology 係旺角市中心瓊華中心，地點相當方便，好容易約到朋友一齊食。今次因為得兩個人食，所以叫咗三款食物😋份量剛剛好小食併盤食泰國菜經常叫嘅係小食拼盤，因為小食拼盤裏面有炸春卷、串燒、魚餅、雞翼等等，總係滿足到大家嘅願望。呢份小食拼盤最出色，我覺得係串燒同埋炸春卷，串燒雞肉好嫩滑，唔會好乾。生菜包另外泰國菜必食嘅一定係生菜包，呢度嘅生菜包係豬肉嚟，佢嘅豬肉食得出係新鮮豬肉，而且調味都好足夠，最重點係佢係用極新鮮嘅生菜，啲樣嘢比較少泰國餐廳做得到。炒椰菜苗今次揀咗泰式炒椰菜苗，佢分椰菜苗嘅份量相當大，兩個人都食唔晒，而且佢嘅椰菜苗都比較特別，比較爽口，食起上嚟都係好食的。椰汁海鮮湯泰國餐廳通常有冬陰功飲，比較少有椰汁海鮮湯。呢個湯有好龍厚嘅椰汁味，配上一啲蝦、蘑菇等等嘅材料。總括嚟講呢間泰菜款式選擇好多，而且份量亦都比較多，建議比較多人嘅聚會可以嚟呢間，例如四個人左右就剛剛好。

今晚叫左個晚市二人晚餐$498 ，個套餐包：🍲明爐冬陰功海鮮湯 +$12椰汁味重，有青口、墨魚仔等等，好有泰國風味，好地道😊😊唔會太辣易入口青木瓜沙律一條條青木瓜絲，超大碗😚😚🐟原條青檸明爐烏頭魚 +28呢個真係不得了，黎到一定要食👍🏼大大條新鮮烏頭魚，青檸湯底吊出魚既鮮甜味，一直火爐煲住暖笠笠❤️仲會有青口墨水仔等等，好惹味泰式沙嗲4串🍢🍢🍢🍢D肉勁大粒，又嫩滑泰式炒雜菜🥗炒得勁香口👍🏼滿滿泰國風味泰式鮮蝦炒金邊粉🔅 +$28 酸酸地食落好開胃，超大碗好足份量‼️另配2杯咖啡/茶/汽水，可額外加錢配其他特飲✨🍹，凡惠顧晚市套餐可加$28任選甜品一款：芒果糯米飯🥭糯米飯熱辣辣上菜，仲見到佢出哂煙，好有誠意，d飯食落好軟熟，芒果又鮮甜兩個人食真係食到好飽好滿足❤️❤️

今日同朋友旺角行街街，經過瓊華見到好多人排隊搭𨋢食飯，突然諗起有一間泰國菜好想試好耐，即刻上去睇下有冇位。好彩我哋六點半就入座，間餐廳七點打後滿曬人，下次呢都係book定位穩陣！呢間餐廳裝修得好華麗，仲有窗邊位望旺角鬧市景，埋邊仲有一排木系嘅卡位好有feel。泰式小食拼盤泰式拼盤可以一次過滿足曬我地(魚餅,春卷,蝦餅,串燒牛,串燒雞)，網紋春卷好香脆，蝦餅好大件勁彈牙，牛肉串同埋雞串都非常大件，加咗啲香茅落去燒，燒到有少少燶燶地脆邊好香，又唔會好乾，沾埋佢嘅花生粒沙嗲醬真係好正！椰汁海鮮湯椰汁味好濃郁幾creamy，香香甜甜好開胃，都好多海鮮料，兩隻蝦勁巨型仲要好爽口！有個爐暖住啲湯慢慢飲都唔怕凍咖喱炒軟殼蟹咖哩炒軟殼蟹好抵食，啲軟殼蟹入面有膏㗎！咖哩汁吾辣，甜甜地用嚟襯白飯/酥餅/蒜蓉包一流！香酥薄餅呢家薄餅係比較薄身，但都好酥脆，薄餅本身會跟一個咖哩醬，所以如果本身冇嗌咖哩菜式都可以珍多冰總結：呢間餐廳每樣菜色都分量好足夠，幾啱家庭聚會食飯，味道都好好，坐得好舒服，眼見隔離枱條明爐魚好似好好食，下次過嚟再試下先！

🇭🇰泰 Thaiology 🔥旺角泰菜餐廳裝潢有用心 帶點泰國風情整體感覺好潔淨開揚 坐得幾舒服😌同舖另一邊做燒肉 但唔會有油煙傳過黎Menu 有得揀單點或叫set 店員服務態度好好👍🏻👍🏻價錢合理 食物質素唔差🥥椰汁雞湯(💰$118)👍🏻推薦天氣轉涼就好想飲椰汁雞湯滋潤一下雞湯用熱火爐上 陣陣椰汁香味🥥😋湯底味道清甜好飲 份量都唔少入邊既雞 大大件 唔算鞋 不錯👍🏻🍖泰式沙嗲串燒(豬/牛/雞) (💰$128/6串)👍🏻推薦串燒半打可以mix and match👩🏻👦🏻揀左豬牛雞各二佢地既串燒非常大串😱😱仲要每串都有5件肉燒得岩岩好唔會太乾身 3款入邊最鐘意食雞😋沙嗲醬杰身 花生味好重 而且仲有花生粒🦐泰式生蝦刺身(💰$128)👍🏻推薦生蝦1份有10隻 大大隻好厚身每隻生蝦都上邊都放左蒜片同辣椒不過👩🏻鐘意就咁點酸辣汁肉質爽口彈牙新鮮 呢款都不錯🥢泰式鮮蝦炒金邊粉(💰$128)叫左個Classic 既金邊粉 大大碟😆有大約3-4鮮蝦 反味道適中 唔會太著重甜味🥭芒果糯米飯(💰$98)食泰國野芒果糯米飯收尾用左半個芒果連皮上 不過芒果唔算好重味糯米飯配左大量椰汁 煙煙韌韌🥥🍚🥥原個鮮椰青

推薦thaiology嘅勁豐富二人餐，多到三個人都未必食得落😂真係勁抵食，而且位置方便，環境同服務都唔錯☺️湯可以二揀一，我哋揀咗海鮮冬陰功湯，個湯係我覺得全晚最好味嘅，因為夠酸夠辣夠惹味🤩而且有蠟燭一直暖住，非常窩心。沙律係青木瓜沙律，阿爸嘅至愛，份量十足，不過我就覺得口味偏淡咗少少，唔夠酸唔夠醒胃，不過老人家食就啱啱好。小食三揀一，我哋揀咗串燒，有4大串，仲可以揀2款肉配搭，非常人性化，我就揀咗雞肉同牛肉，真係啖啖肉，勁大串🤩主菜選擇都唔少，有海南雞、咖喱或者加錢轉魚。我哋都好想食咖喱，於是乎揀咗紅咖喱雞，最鍾意食泰式咖喱，甜甜哋好開胃。套餐仲有個泰式炒雜菜，非常惹味，而且有瓜、菜、豆同菇，非常豐富☺️主食可以揀白飯、油飯，或者加$28轉鮮蝦炒金邊粉，咁抵，梗係轉啦，但冇諗到兩個人根本冇可能食得晒，雖然好味，最後都要打包走。套餐仲包飲品，我哋叫咗普通咖啡，唔需要額外加錢，不過我哋好邪惡咁加$28加咗甜品-椰汁西米糕，因為覺得芒果糯米飯一定食唔落😂最後打包咗2大盒返屋企，真係好夸張，下次要一家三口一齊去食先得😂

上星期日27/11 book 檯試下依間泰國餐廳，我係因為比佢地嘅二人餐吸引去食。平時我同屋企人都係去九龍城啲泰國舖多😆。入到餐廳環境闊落，又坐得舒服，最方便係用 code 落單，我同朋友就緊係第一時間叫個二人餐啦😁。嘢食好快就到，炒菜，串燒（我地叫🐂🐔串）同木瓜沙律！！串燒好入味，雞同牛肉都好淋，完全唔鞋口唔乾"曾曾" 👍🏻👍🏻👍🏻👍🏻👍🏻👍🏻👍🏻。炒雜菜好香🧄味，好自然你會不段追住食。木瓜沙律本人就覺得味道太淡，唔辣又唔酸，冇左平時食果種野味！！炒金邊粉算叫正常，不過不失，但冬陰功湯就差左的，又係唔辣，一啲酸味都冇，我只係飲到有啲苦澀味，因為湯面放左好多🍋葉令到個湯有啲苦，但佢地有放左2大隻蝦係湯入面感覺 豐富啲。加$38蚊就可以轉烏頭，我地緊係即轉啦😁。條魚好新鮮，食落的魚肉仲要有啲甜味，只係個人覺得個湯扁清淡，仲有少少泥味，但都算 ok啦！總括嚟講個餐4人食都得😆，每個餸份量都大大份😍。但有一點如果其他朋友仔食開九龍城嘅泰國鋪的話就會覺得依間嘅味道扁向港味，泰國本身煮嘢食會放好多香料，但依間本身就扁淡一啲，啲嘢食唔太酸辣，小左啲 惹味感覺。如果喜愛冇咁刺激嘅朋友依間非常適合你哋

喜歡食泰菜的我睇到網上介紹Thaiology的泰菜幾吸引，再加上好鍾意佢個店名😂，決定去潮聖一下平日中午一行2️⃣人黎到，環境好大感覺蔟新，有大量沙發座位提供，寬敞舒適🫶🏻定價以呢度裝修風格同舒適度黎講唔算太貴☺️午市有提供lunch set, 價錢由$5️⃣8️⃣-9️⃣8️⃣不等，包埋飲品，仲可以優惠價加配小食QR Code 📱落單，點咗兩個Lunch Set==========🔹泰式蝦肉炒金邊粉 $78有4️⃣隻大蝦，金邊粉份量充足配料有豆腐乾，菜脯，芽菜，炒蛋絲，花生碎及韭菜，全都新鮮，配料令整個金邊粉味道層次提升蝦肉爽口彈牙帶微鮮金邊粉軟硬度適中，味道酸甜，炒得乾身不油膩推介指數：9/10==========🔹泰式無骨海南雞（半隻）配油飯配酸辣醬汁，薑蓉及黑醬油去骨海南雞外皮呈鮮黃，雞肉雪白雞皮食落似啫喱般口感，雞肉軟嫩爽彈帶微微雞味，個人最喜歡醮酸辣醬汁，夠醒胃油飯粒粒分明，帶黃薑及椰汁味道，油份不重推介指數：8/10==========🔹泰式沙嗲（2串）$28 (午餐加配價）牛：外層塗上蜜糖去燒，牛肉不會燒得過火，帶不錯牛味而有嚼勁雞：雞肉沒有雪藏味道，調味適中，肉質不粗實沙嗲醬帶香濃的花生香，更

寒流就嚟襲港，去唔到泰國避寒，就食定泰國嘢打定脂肪底禦寒旺角呢間樓上泰國餐廳，環境唔錯得嚟，嘢食超大份抵食嗌咗份二人餐，好多餸菜包，以為每樣餸都細細份，點知份份都係Full size，飽到攞命。泰式沙嗲有4串，揀咗兩牛兩豬，串串都好大嚿，肉質實淨足料泰式炒雜菜內有多種蔬菜，用香料炒至香口，啖啖惹味青木瓜沙律又係好大份，唔會太生，口感爽口明爐椰汁雞湯以為佢講吓，點知真係會用火keep warm，暖笠笠又香甜海南雞有成半隻咁多，雞肉好嫩滑配唔同醬料食都正泰式鮮蝦炒金邊粉亦都係大碟到令人興奮，雖然有啲懷疑自己究竟食唔食得晒，但咁香爽，蝦又大粒，確係唔錯另外加多份生蝦刺身，條條都好肥美爽身，蝦鮮十足，配醬食更係刺激開胃跟餐加錢可以嗌啲特飲，有啲組合都幾特別蜂蜜龍眼蘆薈飲落幾舒服，又唔會太甜

旺角瓊華中心成棟都係餐廳，今晚我同朋友夜晚過黎食最頂樓16樓既Thaiology。朋友介紹佢呢度有一個好抵食好豐富既泰式二人套餐。佢個泰式二人套餐係$468，有好多個course，而佢每個course都再加自選（某啲選項要加少少錢），彈性都幾大，基本上食呢個二人套餐係最抵既。我地最後叫左： 泰式二人套餐（$468）🔶️明爐冬蔭公海鮮湯（+$12, 9／10） 有熱爐熱住上，好濃好好食！入面有兩隻好大既蝦，兩隻青口同兩隻大魷魚。好豐富。 🔶️青木瓜沙律（8／10）好大碟既沙律做前菜，開胃。 🔶️泰式沙嗲4串（9.2／10）我地叫左兩豬兩雞。超級好味超級焾！蜜糖味再加沙嗲汁好好味！一啲都唔會燒到好乾！出色。 🔶️原條青檸明爐烏頭魚（+$38，8.5／10）最抵係個餐有得食一條原條明爐烏頭魚，出面單叫都二三百蚊。烏頭條好肉地，基本上啖啖肉。😁 🔶️泰式炒雜菜（8.5／10）好大碟，有菜食好健康，唔錯。 🔶️泰式鮮蝦炒金邊粉（+$28，7.5／10）都好大碟，有少少咸。 🔶️原個鮮椰青（+$34，8.5／10）清甜！超大個椰青，兩個人share都夠飲。 🔶️蜂蜜香茅茶（+$24，8.8／10）特別想讚下佢個蜂

好耐未食過泰國菜了，在瓊華中心睇下有咩好食，見到這間都OK，便入內晚餐。地方都頗大，座位都很寬敞，舒適。食物種類很多，本來諗住食晚市二人套餐，但友人與我不太肚餓，怕二人套餐太多食唔晒。剛巧見鄰座將D海鮮放人袋內shake shake 後，再放回碟上進食。經店員講解後，知道是將D海鮮煮熟後，再因個人喜好加調味料放入袋內 shake，這樣海鮮便入味，又是自己的味道，見這款咁特別，我們便點了這個 Shake shake 海鮮三款，以及點了「青木瓜沙律」及「泰式鮮蝦金邊粉」。青木瓜沙律，頗大碟，青木瓜絲再配醬汁，有少少辣。Shake shake 海鮮，有三款、五款及八款選擇。我們選了三款，有虎蝦4隻、扇貝4隻及加 $88 原隻波士頓龍蝦。我們見虎蝦及龍蝦都有殼，所以只有扇貝才加調味料 shake。海鮮都很新鮮，不加調味料 食都OK！泰式鮮蝦金邊粉，美味！友人點了泰式奶茶，不太甜，OK！而我就點了菠蘿梳打

想食泰國菜，旺角都有得食啦 瓊華出名美食多，今次就揀咗16樓嘅 泰Thaiology🇹🇭嗌野食落order scan QR code落單 方便快捷腌酸辣鳳爪🌶️💰98食泰國菜我最中意食無骨酸辣鳳爪酸酸辣辣作為開胃菜就最適合鳳爪剔骨乾淨 保留帶勁嘅脆骨QQ彈彈 旁邊嘅蕃茄，紫洋蔥，香茅都腌的入味脆炸軟殼蟹(2隻) 💰150估唔到喺泰國餐廳都搵到咁高質嘅炸軟殼蟹炸到金黃色嘅外殼 鮮嫩飽滿 一啖咬落去全部都係蟹肉唔使點醬料已經夠晒味一定要趁熱食泰式炒金邊粉💰128金邊粉有彈性, 金邊粉軟硬度適中，味道甜甜地份量好足有蛋碎 芽菜，大蝦都幾大隻， 爽口，食落有層次泰式小食拼盤💰$168呢個拼盤有魚餅x2 蝦餅 x2雞翼 x2春卷x2 沙嗲串燒 x4 (雞x2 &牛x2) 數量同種類都多，啱晒每一樣都想試嘅我😋魚餅彈牙，除咗有經典嘅九層塔香仲有檸檬葉味蝦餅，熱辣辣食最好，炸得金黃香脆 食得到有大大粒嘅蝦肉香茅雞翼2隻，雞翼炸到外皮香脆，但係其中一隻肉質有少少鞋春卷，原來係素食春卷，入邊包住木耳絲，紅蘿蔔絲，仲要炸得脆卜卜 呢個想encore沙嗲串燒牛肉，雞肉都用咗蜜糖香烤外層，肉質軟腍，

好耐冇食過泰國菜 呢間我之前食過覺得唔錯今次再嚟食 由於唔想諗食乜嘢 於是直接叫個二人餐啦原來二人餐有好多嘢食㗎 +$12 轉冬陰功湯 平時好怕辣嘅我叫咗小辣 飲落去都OK喎 青木瓜沙律 好fresh嘅感覺 泰式沙嗲 兩串兩串雞 好鍾意佢個沙嗲醬甜甜地 同埋超大舊肉 好抵食 +$38 原條青檸明爐烏頭魚 望住佢滾下滾下 有香味飄埋嚟 平時好少食呢隻魚 點少少汁嚟食都好正泰式炒雜菜 有d翠肉瓜 紅蘿蔔 菇 呢個就比較普通 仲有2個油飯 其實唔食飯都好飽了$28仲可以要個甜品 當然要叫芒果糯米飯 芒果唔知點解仲係連皮 有d難刮啲果肉出嚟 不過都好甜嘅 飲品我哋升級左做椰青同埋龍眼蘆薈特飲2人餐其實3人食都得 下次叫多個朋友嚟食先